東寶小館 (已搬遷) 新店位置

今晚臨時臨急打電話叫朋友出黎食飯，但係佢要成9點幾先係測魚涌放工，咁就不如去北角既知名街市食肆東寶小館啦。唔知係盛名關係定真係咁好味，9點幾都成村人等緊位，仲見到奀星海俊傑同關寶慧等人，位位食客都豪氣非常，人聲鼎沸，氣氛好不熱鬧。等左15分鐘終於有位，咁就叫左四個餸--蝦醬炸雞件，鹹魚茸炒芥蘭，薑蔥焗蠔煲及豉油皇梅菜心蒸豆腐，以上既都唔係菜牌上既老闆推介，因為我地都無心嚐試炸榴槤或者墨汁魷魚等特色菜，都係平常小炒o岩我地多d。蝦醬炸雞件味道不俗，但嫌佢把刀唔得鋒利，斬到d雞骨碎晒，整到個口損咁滯。鹹魚茸炒芥蘭太鹹，芥蘭亦老及多渣。焗蠔煲入面既主角只係小朋友size，而且唔見得入味。至於寄予厚望既蒸豆腐，整到梅菜還梅菜既味，豆腐還豆腐既味，同想像中豆腐吸晒梅菜既味道差好遠，可能係兩者分開蒸既後果。我諗如非必要，都係無下次喇!!

I had a gathering with friends, total 8 of us.We made reserve in advance days ago. When we arrived, the waiter asked us to wait for a few minutes for him to clear up the table, that's fine. Table's clear, we sat down, then the waiter yelled 'Oh no no not this one, this is not for you, step aside and we'll call you when table's ready!' Is there anyway to rephrase the sentence so it sounds less rude?!As you know, the place is so 'spacious', and 8 of us standing in the corridor for nearly 20mins!

星期六(10/12)，分別有我同我honey、IVY同佢honey去食晚飯，我地4個人叫左5個晚餸，2支啤酒，果5個餸分別係豆苗、黃金蝦，沙拉骨，風砂雞，小炒皇，總括黎講都ok既，但番到屋企先發覺D餸應該有好多味精，因為成晚都好口渴。

星期日夜晚去食飯..等0左around 15mins,有位,一坐低,有個麻甩侍應就問..你地幾位呀...6位?其他0個兩個呢?就到?唔得喎...我地答佢:上緊黎啦..去0左襟錢..3分鐘就到..點知個麻甩過0左30秒又番黎問..齊人未呀? 如是者黎0左3.4次...好喇..齊人...想叫野食..叫極都冇人應...d麻甩走黎走去...就係點都唔會停低...想我地食完快d走..又唔見佢快d黎寫單...都唔知係咪路...around 5 分鐘之後先有人黎寫單...okok..寫完又等一輪先有野食...荷葉飯:本身d料幾好,又夠熱..but d 飯太淋...搞到唔好味..風沙鷄: 走風沙..得隻鷄...沙拉骨: 等0左成半粒鐘先有得食...點知...唔好味..因為太"un"conclusion:下次會去番銖記...

見到星期五晚都坐滿人, 就知這裡的食物有幾好味, 比起隔離檔只有幾台客, 真係好大對比. 今次只有兩個人, 只可試三樣餸, 包括田氏白肉, 醉鴿, 墨汁墨魚. 前兩樣都很出色, 白肉好香加上脆蒜蓉, 好正. 醉鴿好重酒味, 好'淋'. 反而墨魚比較普通. 真的有太多好嘢未試, 下次會叫多幾個人, 試多幾樣餸.

有一排成日都會帶唔同朋友試下佢d 正菜, 但可能最尾兩次咁係weekdays, 唔知大廚係咪放假, d菜突然失哂準, 從此之後就冇再去啦. 推介菜式括: 黃金蝦, 墨魚麵, 沙拉骨, 炸榴槤, 風砂雞, 羊腩煲, 鴨汁荷葉飯....特別推介係啤酒, 用冰碗飲好爽!

整體上唔錯!上星期六和朋友們, 一行七人到此晚飯, 有些朋友已不只一次來過這裡. 我們叫了八個菜式: 大肚婆炒飯, 芝士墨魚仔加墨魚汁意粉, 風砂雞, 荳苗, 沙拉骨, 黃金蝦, 豉汁炒蟶子和炸榴槤. 風砂雞是跑馬地的"嫦記"較好吃. 其中以"大肚婆炒飯"最好味, 另外, "炸榴槤"最特別, 連一向不吃榴槤的我也敢於嘗試, 榴槤味不太濃, 不妨一試! 隔離坐了一班外國人, 可見這間食肆的知名度了! 但也可能是本地人帶他們來呢? 聽我朋友說, 只有日本旅遊書籍曾介紹這間店舖. 最後送上的蕃薯糖水也不錯, 薑味很濃, 不吃得辣的朋友只能淺嚐.

我公司就嚮東寶對面, 但都唔係時時去, 一來好難搵位, 二來嘈到頭暈, 頂唔順! 以菜論菜, 佢地有啲新意, 味道一般唔錯, 但大排檔嚟講就算貴. 今日星期六人多要搭檯, 一圍檯坐三四邦人! 食咗羊腩煲、瑤柱豆苗同黃金蝦. 羊腩ok, 但成舊水連菜都無得跟, 貴咗啲; 瑤柱好多渣, 豆苗上檯無乜點但唔知係唔係我地食得慢, 後來啲菜黃晒就睇見都唔開胃; 黃金蝦就真係無得彈, 但過百蚊先得八隻蝦, 好似太富貴囉.(佢地既風沙雞係好嘢, 而且長期保持水準穩定, 可以推薦. 只係今日我地無食啫.)飯後送辣辣蕃薯糖水(因為好多薑), 鍾意既就very good, 怕辣就...

東寶係我和一班好兄弟飯敘的地方, 由中學開始直到現在, 久不久就會來這裏一敘.最難得就係咁多年來水平一直能保持實在難得.環境亦比一般大排擋乾淨, 所以亦不失為一家大小飯敘既好地方.食物有以下推介:-沙拉骨: 朱肉炸/炒得很香, 又有小小肥膏, 沙拉醬佈滿每一個骨好醒胃.必吃.吊桶春炒蛋: 蛋炒得很滑很香, 吊桶春本身無什麼味, 咸咸哋增加口感, 但用來送飯卻一流, 亦可一試, 但切記不是日日有.八寶蒸蛋白: 蛋白滑到你唔信, 送飯一流, 值得一試.大肚婆炒飯: 飯炒得好好, 一粒粒分開, 有的薑粒(個人不喜歡吃薑)但亦覺個飯好好味!風沙雞: 炸得皮脆肉滑, 好香, 不能不叫.南乳炸朱手: 朱手炸得很香, 一點也不油膩. 但就熱氣咗一點, 送酒一流.其他野都好好食,仲有冷氣, 能夠食到大排擋既鑊氣, 又唔使滴汗仲想點!!

琴日生日, 朋友建議試下東寶,我都想試下所以就去lu,但係好多人等左over 30分鐘...叫左風沙雞---ok的,但冇咩特別.黃金蝦---正喊中帶香.生蠔煲---都係ok好食.麵醬唐生菜---好味,清爽!!椒鹽9肚魚---整得唔太熱氣好多食唔晒.豉油王炒麵---好得好好味!!!

今晚阿SIR請食飯, "隨便坐".去0左渣華道0既東寶小廚, 等0左大約半個鐘到,成班人就坐低食飯, 有人係0尼度9既常客, 就發板叫0左幾個小菜.炒聖子, 唔錯, 幾新鮮, 幾好味, 但係和富好食小小椒鹽瀨尿蝦, 一般, 同出面差唔多, 無咩驚喜風沙雞, 一流, 一定要試, 皮脆肉嫩其他野都幾新鮮, 水準中上, 全場仲有冷氣添, 值得一讚

今晚"老表聚會"一行7人book左7點半黎試試,久仰此店大名,今晚終於一嘗,但似乎確實系名過其實!我地點左風沙雞半隻$90,奶油蟹(跟豬仔包),黃金蝦,西芹腰果雞丁,南乳炸豬手,蒜泥白肉,炸榴槤,鴨汁荷葉飯,墨汁墨魚麵全晚最好食系個南乳炸豬手.過得去既:奶油蟹(跟豬仔包),黃金蝦,西芹腰果雞丁,蒜泥白肉,墨汁墨魚麵.吾得既:風沙雞--未熟透!味道偏淡. 炸榴槤--外皮偏韌,吾夠新鮮. 鴨汁荷葉飯---飯粒吾夠彈牙,而且食吾到有荷葉 味.埋單$900,每人$125,咁既價錢,吾洗食佢啦!一次夠晒.

尋曰同同事送行,新舊同事仔仔一堂,真係好難得.東寶小弟食過唔少次,質素一直都Keep到,不過每次同不同人食完飯,都有一個共通點都係唔夠飽!今次9男女,加埋都食唔少野:金蕬風沙雞-- 新鮮雞,皮脆肉嫩,正!豉淑炒聖子-- 好正!雖然細隻,但冇沙吾un兼入味.南乳燒豬手-- 幾好墨汁煮魷魚-- 賣相奇差,但用芝士汁煮過既魷魚真係幾好味.金銀蛋茸菜-- 幾好穌炸榴連包-- 幾年冇食榴連都忍唔住食番件,幾香架~清香荷葉飯-- 多料入味,但Size略細~汁煮豬天梯-- 幾脆口,幾得意,幾入味.當然唔少得叫番幾支藍妹,用雪凍左既粥碗啤一啤佢...~飯後甜品(免費) -- 冰凍薑汁涼粉.涼粉既涼被驅寒既薑汁所中和,完全拾到好處.埋單位位八十幾,都算抵食.味道亦唔錯,不過下次真係要叫多d窄肚野先得!!但係去其他地方食都一直冇呢個問題架喎?? 真係奇怪~~

未試過，諗住叫外賣試下，可能攞走關係，隻炸子雞好難食，豬手好咸，我諗下次試堂食會好ｄ（希望）！

近日, 光良的”童話”唱至街知巷聞, 在香港, 童話沒有了, 在士尼樂園也找不到, 找到的, 是政府街市熟食檔的”神話”- 北角東寶小館.致電訂座, 要計算好時間, 某些時段是不接聽電話的. 訂了位, 要守時, 遲到超過十五分鐘, 訂好的桌子, 會被飛走, 那股飛桌的狠勁, 比浦遍油尖旺那位“姑爺華”的飛女手段來得更“狠”, “準”及“快”. 當然, 守時是美德及責任, “東寶”令浚佩服的, 是她那份自信/ 自負.渣華道市政大廈2樓內有數間食肆, 每晚“東寶”都是人聲鼎沸, 其餘的那幾間則門碪籮雀, 這樣的強烈對比, 在香港那裡能找到???“東寶”的美食, 已經有很多食家品題了, 浚不再重覆. 如果三五麻甩知己, 今夜要大碗酒, 大塊肉, 興高彩烈地浮一大白, 又或你今晚作東, 請十位從舊金山回港探親的親戚吃飯, 如果是去年或今年才開始到“東寶”吃飯而沒有抱任何期望的話, 應該很滿足的.如果是初約會的小戀人, 不要來“東寶”了, 小女友會拿你今夜的安排和表現, 去跟往淺水灣浦國寶的公子哥兒相比, 由於你沒有霆鋒的眼神, 帶小女友到“東寶”, 是沒有他的那份吊兒郎當及洪興.如果你是如浚