東寶小館 (已搬遷) 新店位置

Today we have 7 ppl. 椒鹽九肚魚($55) - good椒絲腐魚通菜($38) - ok大肚婆炒飯($55) - 無特別之處風沙雞半只($90) 皮夠脆, 但無雞味, 鳳城好食好多沙拉骨($55) - D 汁有少少怪, 出面其他地方好食d椒鹽鮮魷($65) - good, 值得推介炒蟶子($88例)- good, 但太辣炸豬手($68)-good, 不太肥膩黃金蝦($140) - very good 高度推介, d 殼脆到食埋都得豉油王炒麵($45) - ok 有少少油, 但唔係所講咁好食送涼粉條, 但重薑味,辣辣地Total $699總括來說,可以一試, 另外補充, 服務不錯, 有阿姐經常幫你清理碟, 特別係光頭四眼哥哥, 好好人, 跟得好足. ^o^

東寶味道的確唔錯，又有新菜式，但每次都要等一大餐\，真是不好！

終於有機會一試東寶，真是山長水遠走這一趟。為的是帶比我更山長水遠從美國回來的朋友一試，果然不負所望，大家都滿足地捧腹而回。鴨沖荷葉飯----份量大，充滿荷葉香，飯夠濕潤味濃~~椒鹽九肚魚----夠肥大厚肉~~京都骨--------厚肉，汁亦調較得不錯~~椒絲腐魚通菜--過咸~~廚師功力實在不錯，全部菜式實在煮得不太多油，下次一定要試大肚婆炒飯~~

星期六出開黎北角買野~當然要試下好多人讚的東寶,我同三個人晚上7:00到左,幸好唔需要等位、但需要搭抬,我們三個人叫左"豬肚湯"、"沙拉骨"、"風沙雞"及"大肚婆炒飯""豬肚湯"-->有D辣,不過,都幾好味,D豬肚都好好味！"風沙雞"-->有D似炸紫雞,都幾好味,同埋點佢的汁食更好味及惹味！"沙拉骨"-->D肉整得幾好味,但唔知係唔係因為太多肉,攪到有D唔想食！"大肚婆炒飯"-->個名幾得意,以為會有好多料炒埋一齊,點知原來都係得好少料(有咸魚粒、蝦仁、菜),都OK啦~整體來說D野食都好味！食完之後,仲有蕃薯糖水送,不過,佢放左好多薑、薑味超重..都OK啦~雖然食物都幾好味,但價錢方面真係唔平嫁~下次有機會來~一定要試下佢地D海鮮~試下正唔正！我食先之後,出面超多人等位~若果需要係出面等位,都係一件幾煩惱的事~因為始終係街市上面都有少少DIRTY！

某星期五晚，由朋友帶路，一行九人到此著名排檔開餐。因為「人才濟濟」，所以點了很多小炒，包括風沙雞、椒鹽鮮魷、肥牛粉絲煲、啫啫雞煲、沙拉骨、生炒骨、XO醬炒通菜、荷葉飯、炸榴槤...真正大快朵頤。這裡環境比較嘈，但總算乾淨企理，值得一試。

有成13個人一齊食....叫左12個"送"有荷葉飯, 炒通菜, 大蝦炒西,金銀蛋菠菜, XO醬爆田雞,西芹黃鱔,金姑炒肥牛,沙拉骨,呢d都幾好食啦...仲有個唔知咩黎既....係d好薄既肉片炸蝦球同芝士大頭蝦.....有d貴...又得好少我地等左好耐先有位呀.....仲有叫左10支大嘉士佰....

第一次黎好彩有位唔洗等!得我同男友食, 唔食得太多野, 只係叫左"XO醬炒通菜", "者者雞煲"碟通菜HKD45, 幾大碟下, 味道普通; 者者雞煲HKD60, SIZE正常, 好多豬潤, D雞好嫩不過可惜冇調味過, 即係冇"葉"過, 冇味! 唔好食! (仲漏左單, 等左好X耐)加碗白飯HKD5, 埋單HKD110.00, 好貴, 不過有2碗好有誠意既"蕃薯糖水" 送, 都OK既!

由東寶開業多年~差唔多每一年既團年都會去事關我阿叔係東寶老闆既舊同學..菜或特別, 係東寶既金柒招牌, 將中西菜合一試問邊到大排檔有天使麵,有cheese cake 做甜品丫講開cheese cake, 大家可能唔知cheese cake 出自東寶老闆娘, 業餘既作品真係唔好睇少飲啤酒o係東寶係用打冷粥d 碗, 因為老闆露比哥話咁先夠豪氣(其實係因為破璃杯易爛)講真~唔嘈,無油煙, 乾乾淨淨既就唔係大排檔啦, 我就係鐘意呢種平民食府既氣氛, 去東寶想寧靜又乾淨, 我諗你可能去錯地方..其實老闆露比哥曾經憑陳果既"細路祥"中既惡霸角逐香港金象獎最佳男配角, 因一次選角時見露比o係大排檔忠氣十足,於是搵佢拍戲..因此認識左唔少娛樂圈人士, 好似數年前楊千樺都去過東寶擺慶功宴..如果好彩都會撞到d明星架推介菜式: 墨汁魷魚, 花雕醉雞, 炒蟶子, 成尺長既賴尿蝦, 炸榴槤雲吞, 沙拉骨, 炸豬手

先講風沙雞，我覺得好味過銖記，冇咁「鞋」！我對大肚婆炒飯向來情有獨鍾，夠乾身，夠薑，仲好抵食添。沙拉骨好惹味，係有ｄ太多骨！椒鹽九肚魚個炸醬好薄，好正，不過ｄ椒鹽唔知點解有「香蕉」味．．．入口有點怪，就咁食好過！環境當然係一般啦，去得就預左嘈！

坐得又迫...又嘈....又烏煙脹氣.....服務又唔好....問多兩句都唔得~~食物質素好一般~得個cheese cake係覺得有驚喜....不過好味還好味...唔駛4份一個蛋糕要$70囉...大酒店都係咁既價錢咋喎~~講真...跑馬地好好多囉........

只想與家人試試此餐廳,點知令我被駡一個星期好貴!好嘈!態度差!炒飯好咸!在街市內,沒有足夠通風,所以幾個人說話就可以好嘈,何況成幾十人!食左幾個菜,都幾有特色,但個個都食唔哂....因為個個菜都有佢難食的地方.炒飯太咸, 7層塔太多我唔食o既青椒, 沙拉骨比較正常

好好味架，雖然環境唔係咁好，但係冇人話過要環境好先至有好野食嘛～～～招牌廣東菜，我覺得最好味就係油墨菜炒豆豉鮻魚

Good. But environment is so good.I love their seafood and chicken!!!Difficult to reserve table

去0左4次..食過好多5 同0野食~有莎拉pork..芝士依麵..特大聖子..芝士西蘭花..賴X蝦..象拔蚌..墨汁魷魚..奶油蝦..雞... etc最好味係奶油蝦&特大聖子..but 特大聖子5系成日有..真系好得!墨汁魷魚都好好味...最後當然cheese cake爆正~去親都要食^^...服務談度..i m not sure..因為我識人0系樹做=P.. but 其他waiter都好nice..~ very very good!!^^$$都OK...平均around $100-$120 / person~幾低..最緊要食到飽飽&happy~!!heee

今次係第二次去啦. 先講服務: 都幾好, 可能SERVE我地係話事人(佢話有咩投訴可以搵佢) 佢都幾風趣幽默, 又介紹好多菜式比我地. 我同佢講話個蕃薯糖水好味佢立即叫人比多兩碗我地! 好好人!到食物: 佢個風沙雞的確係無風沙的, 但皮脆肉香. 值得一試.其他小炒都好出色.芝士餅- 我無食, 但我老公話真係幾好食(仲要係打包隔左一日先食), 同COVA有得比. 但35元則貴了一點點!今次食得幾開心, 我地都會再去食.