村爺爺龍蝦湯.泡飯.燉湯專家

營業中

休息中

中午同阿媽落去呢排最火爆的村爺爺飲返碗燉湯。滾湯全部都係四十多元起，還配飯粉麵，大件夾抵食。花膠螺頭雞煲翅原煲雞鍋上枱，有足半隻雞，螺頭片、花膠及翅邊，十分足料，雞肉嫩滑不鞋口，雞湯鮮甜有膠質，飲完個湯成個嘴黏住，而且完全無味精。牛筋牛肋條撈油麵一碟等於平時既碟半，無論係油麵還是牛筋牛肋條都大大份，牛筋有些炆得又腍又入味，有些則比較十有咬口，但都偏向腍，牛肋骨軟腍有肉味，油麵爽口，有腩汁及蠔油撈埋一齊食，咸度適中。

見到網上面咁多人吹捧呢個村爺爺雞包翅泡飯 咁到咁抵食咁正 作為為食妹既我當然想去試下啦 利用左有兩個鐘食飯時間就即刻仆過去食啦 12:10已經有人係到排隊喇！ 但本住一定要食到既心情所以都排左一陣隊 入到去被安排左係一個放貨既地方到坐（有塵飛來飛去） 同事嘴角都開始向下揚 但係有雞煲翅喎 忍一忍啦 等左五六分鐘之後終於可以點餐啦 ， 雞。煲。翅。竟。然。賣。哂。 咁冇計架 都排左咁耐隊喇唔同走咩 所以就是但點左個龍蝦湯飯 同事就點左個芷芎魚頭湯配飯啦 。。 之後再等多左十五分鐘鐘 問左幾次之後終於都上菜喇 但奈於實在太肚餓所以相都冇影張就開左餐了 。。 龍蝦湯味比較淺 得個咸味 而我同事就中哂伏了 。 個魚頭湯腥架😭😭😭 好腥個隻 😭😭😭 所以我地食完d白飯就非常失望而回了

之前同好友行街既時候，佢同我講好想食依間泡飯，咁就約左佢星期六黎食，睇食評話要排好耐隊，咁岩見到openrice原來有得訂位，咁就卜左星期六晚上六點半。我地準時六點半到已經見到有好多人排緊隊，比左訂位cap圖老闆睇，等左大約10分鐘就安排到我地入去喇～真係好快。一坐低就發覺餐廳冷氣好足，我地仲以為會好熱食到出哂汗，點知原來餐廳冷氣係好夠凍👍🏻👍🏻同朋友一人叫左一個「花膠螺頭雞煲翅」另外叫左一個「生灼墨魚圈」我地個餐一個跟拉麵，一個跟公仔麵。我地諗住個麵係一個熟麵冇湯～點知黎到個麵有個清湯跟，我同朋友都話早知叫飯就冇食得咁狼狽。「花膠螺頭雞煲翅」一飲個湯好濃，好香，螺頭同花膠都煲到好冧，容易咬開，隻雞有半隻，一撕開入邊仲有雞汁流出黎，雞肉唔鞋，入味😝「生灼墨魚圈」好細碟😂不過好好食，灼得岩岩好，唔會韌。個豉油加左啲辣椒，用黎點墨魚提味，如果碟墨魚可以多兩舊就好喇😛😛

經常排長龍的湯飯店...之前食過龍蝦湯麵果間，今次試下呢間湯飯。呢碗殿．海鮮龍蝦泡飯（$98,連半隻龍蝦）。個湯都甜，龍蝦肉都係實。不過唔算好大驚喜，覺得超好食。都係一般。個餐連埋碗飯，份量就好夠！除左龍蝦仲有大量海鮮，有幾款青口、有十幾隻蜆、扇貝、魷魚...呢d海鮮都係一般，冇話特別好食。而餐牌上面，仲有好多其他選擇，不過呢到長期都要排隊。如果要排隊仲要俾咁嘅價錢，我個人覺得唔係太抵食。可能名氣過大...

今日(星期日)打算去果欄買野，去血拼之前seach 下附近有咩好食，就發現呢間食肆好多好評，而且每人$100樓下有交易，就同老公兩個去試下先。大约一點去到，前面有7位排緊隊，大概等左約十分鐘就入座喇。被安排坐到最入既4人座位，不會有擠迫的感覺。由於之前睇左食評，所以唔洗多諗就叫左1個殿。龍蝦湯泡飯($98)同1個花膠嚮螺鷄煲翅($68)再加左$10轉套餐就有1杯野飲(凍飲都唔洗再加$)同1碟菜。等左約十分鐘，我的殿。龍蝦泡飯到了。濕紙巾同鉗亦隨之附上。食品 賣相討好。海鮮好豐富，有蚬(2隻), 扇贝(1隻)，龍蝦(半隻), 青口(2隻), 尤圈(2舊)，小墨鱼仔(1隻)，生菜。海鲜食得出系新鲜既，而且生熟程序恰到好處，冇覺得韌。湯底亦有好濃既龍蝦味。但係，店家既冷氣實在太凍喇，當我拆好曬d殼，食個湯飯既時候，個湯已經唔再熱。好多時我地選擇食湯飯，就係想食熱呼呼既野。。所以不禁有d失望。呢個時候，老公既花膠響螺雞煲翅套餐亦都嚟咗喇。 膠手套亦隨之附上。湯底呈奶白色好鮮甜，有3嚿花膠, 半隻雞。雞胸都唔會太鞋。用嚟裝住雞湯嘅器皿其實下面可以點火嘅，如果真係可以點火，熱住個湯就好啦。rema

油麻地有一間食生滾龍蝦湯泡飯的專門店，今天去咗試吓。門口有個大電視介紹創辦人嘅背景和製龍蝦湯嘅方法。介紹話佢哋啲龍蝦湯底係用澳洲龍蝦和雞腳....等材料煲了幾十個鐘頭而成嘅，而且標磅冇加味精。食肆牆身貼了很多媒體訪問嘅相片。鋪頭地方不大，座位頗為擠迫。除了有生滾龍蝦湯泡飯外，還有各式燉湯和麵食。極上海鮮龍蝦湯泡飯（$68）龍蝦湯擺放了不同的海鮮（有帶子、青囗、尢魚仔、蜆等），還有一個龍蝦頭（頭內是空心的）作點綴，賣相吸睛，很多食客都係相機食先才到自己食。一上枱已經聞到陣陣嘅龍蝦味，湯底都幾好味，好似真係冇落味精，但可惜唔夠熱！飯是碗上，要自己加入湯中才食！（和我想像中有D出入）！如果把飯放在湯中再煲一陣才上serve 應該會比較好味D!花膠螺頭雞煲翅（$68）由於今次我選了龍蝦湯泡飯，所以這個雞煲翅只輕嚐了一口，覺得吾錯，下次要試真D。不過雖然有個爐架托住，但冇火，認為用火熱住嚟食會更好！

今日啱啱好同小鮮肉老公一齊出咗旺角拍拖拖 所以決定喺附近食埋晚飯先返屋企 人妻一度懷疑自己上一世係飯桶托世 今世真係超鍾意食飯～～ 所以就走咗去食泡飯專門店啦！！！ 講真我同老公仔行街去到嘅時候先至五點九～ 已經見到下面咁嘅陣容當堂我哋兩夫妻嘅反應！！梗係排隊啦！！咁多人一定冇死錯人舖頭大約六點鐘就會陸陸續續俾人入場！ 我哋大約等咗三四個字已經可以入到去其實餐牌裏面除咗泡飯之外，仲有非泡飯版本嘅咖哩飯或者自選配料的泡飯～ 有撈麵添㗎！ 不過呢啲都唔係我今次嘅目標排咗咁耐~ 梗係食最受歡迎嘅皇牌花膠螺頭雞煲翅啦 原價成128蚊㗎～ 而家68蚊就食到啦～ 如果加多10蚊仲可以轉做套餐會有多碟菜+白飯+杯嘢飲！！首先嚟到嘅就係人妻挑選嘅黑毛豬鮮雞雜菌龍蝦湯泡飯 唔好以為好似好少咁！所謂好物沉歸底～用匙羹撈起的時候滿滿都係材料～ 一上枱首先梗係要試一啖龍蝦湯～ 龍蝦湯鮮味十足，鹹淡適宜，湯色並不是走西湯路線，而是透著濃郁深棕色的清湯。之後我建議可以先試一下配菜，黑毛豬食得出是用龍蝦湯拖熟的，令豬肉片吸滿了龍蝦湯汁，雞件在湯內已經去骨，雞肉亦十分嫩滑。最後當然要將成碗飯浸落湯度食~ 令飯粒充分吸

食左個花膠螺頭雞煲翅餐，花膠有，螺頭有，翅有，雞有，菜有，飯有。足料，賣相夠吸引。講味道既話就味精味太勁。另外我食個份唔夠熱，個爐沒火既。餐廳除左有比筷子同湯匙之外，仲貼心咁附帶左對手套同叉方便你吃隻雞。

位於油麻地的村爺爺龍蝦湯.泡飯.燉湯專家，是一間超出名的香港道地餐廳。今天下班後不知吃什麼好，又要趕著陪人去看醫生，和趕著辨點事，所以要找點速食又美味的食物。來到村爺爺，竟然要排隊，類似茶記的餐廳要排隊，難得好好吃嗎？花膠螺頭雞煲翅$68+$10七十多塊便有花膠食，係茶記也有補品食啦。雞煲用高架上台，煲內有半隻大雞，兩片花膠，兩件螺頭，獨自很補哦。湯頭非常鮮甜，一喝愛上，喝個不停。花膠算厚片，女孩子必吃，螺頭富嚼頭，大雞的雞脾肉很嫩滑，其他部份較為結實，調味不太足，沾醬油較好啦。

今曰同女朋友食幾好味我哋兩個食到好飽都唔洗兩百蚊/$$就可落樓！又有雞煲翅$68又有龍蝦反$98！不過要排好耐同要搭台囉！「雞煲翅 9/10分」係正嘅有半隻雞夠哂睇頭有螺頭有花膠仲有好似係翅仔個湯系好味有雞味又青甜！最重要飲完唔使飲水！但飲飲下唔夠熱，又唔比反熱但以68蚊就叫正價比高《Ps，可以加火係煱底，仲好>>相反雞煲翅，略為遜色!雖然半隻龍有蜆肉帶子青口尢魚等······海鮮個湯夠鮮味，個餐都夠睇頭！但龍蝦泡飯相比半隻雞嘅雞煲翅我都係鍾意雞煲翅啖啖肉真係好抵食又夠睇頭{{ps個龍蝦鉗有幫我地博一博就好啦}}最好有得定位就好啦唔使喺條街度排咁耐或者有得攞可以去下街先返嚟

前排經過見到有間食店多人到要排隊，於是search下店名，咁o岩openrice又有優惠，於是就約埋媽咪去試了！個優惠要一日前whatsapp預約，平日指定時間黎。黎到3pm，店內都9成滿ga。可能太忙企晌門口完全冇人埋我，初時以為店員好cool，點知原來都幾nice，好快就嘟code落單，等5-10mins就有得食了。叫左極上海鮮龍蝦湯泡飯 同 花膠螺頭雞煲翅，份量十足到媽咪都忍唔住要相機食先2款湯都好鮮甜，仲好均衡咁有成顆份量嘅唐生菜!! 雞煲翅好貼心咁附上手套，半隻雞2個人食都啖啖肉！龍蝦湯不是西餐那種濃湯，有點似平日車仔麵那種濃度，但你會清楚嚐到龍蝦的香味。雖然好似搵唔到龍蝦肉?，但有扇貝、青口、墨魚、同食極都仲有嘅蜆肉(起碼10隻!!) 其實2款都好味，但我最後一啖留左俾龍蝦湯Xd第一次食夾o岩有優惠平左成半真係幾開心，不過就算用原價我都覺值得黎試試。由棵菜、手套、食物的味道就知道店家其實都幾細心同有heart! 不過份量雖然食得晒但會好飽，如果分量少d(同時定價平少少)我應該會密d黎食～

之前一直遠距離見到呢間店，但一直無試，但經朋友介紹，今日就一於試下，我食左68元既極上龍蝦湯泡飯，好足料，海鮮都鮮甜，湯頭唔覺好味精，我竟然飲晒成個湯，見到每枱都飲晒，飲完唔覺口干。見到對面座位叫左一客南乳雞翼，個樣都好正，下次再encore.

出門同左呀媽去左旺角辦年貨，買左好多戰利品XD行到累緊係要搵野醫肚啦，咁咪搵下有d好食，見到呢間村爺爺都好似幾唔錯，再加上又凍凍地，食泡飯都係一個暖暖的選擇，加上行過去又唔遠就行過去搵食啦。去到差d入錯左，皆因街頭有間係食車仔麵，好彩媽咪醒目見到，去到泡飯門口已經有人排緊隊，人龍唔算長，排左10分鐘就入得去。我係見到人地食雞煲翅而引左我地過黎，咁無理由唔叫呢個！煲仔湯有好多選擇，咁緊係哎招牌野啦！落左單等左陣就有得食啦, wo! 都幾大煲，我同媽咪一人一煲就等於食左一隻雞XD 好誇張呀！除左半隻雞仲有幾舊花膠、螺肉同翅，都幾足料同好落本～先至68蚊咋喎。個湯都好正，上到黎熱辣辣，飲左一啖好鮮甜，好有雞湯味，媽咪都話好正仲話自己都煲唔到呀全部材料都幾好食，啖啖肉，配埋飯食無得頂呀！2個人加埋套餐都唔駛一人一舊，超抵，下次再黎試其他湯食飽我地又繼續去作戰啦～

準備去林村許願樹祈福之前就嚟到油麻地街坊推薦嘅村爺爺食lunch👐🏻👐🏻 等左大概10分鐘就入得，舖頭細細，坐得比較逼😌 我地先要個殿龍蝦湯泡飯($98)🦐🦐 好大隻龍蝦係面！仲有海量級海鮮添呀！湯底飲落鮮甜，龍蝦肉質夠彈牙😻 配上泡飯更加食到龍蝦湯嘅精華😽 另一個要左雞煲翅跟餐($78)😌🐓 足足有半隻雞，好抵食！湯底飲落雞味濃，唔會咸過頭，而且有花膠同響螺一齊食，十分足料👻揀左拉麵一齊食，連湯飲大滿足呀✌🏻食完都冇口渴，難怪咁多人嚟食！

好耐之前有bookmark過呢間鋪，不過遲遲都無去食，今晚終於有機會去食。8點幾都仲有好多人排隊，估唔到咁多人排心諗咁多人排一定唔會差!!!!等左15分鐘左右，佢地menu都好多選擇，原來依家唔止有泡飯仲有埋煲仔湯，見到好多枱都有叫煲仔湯，咁就決定一個叫雞煲湯，一個叫龍蝦湯，咁就可以試哂2樣招牌野！2樣野黎到“嘩”左聲，好大碗好大份雞煲翅勁足料，有半隻雞，又真係有翅有花膠，好多料，個湯都好正，好甜好味道，不得鳥呀～一啖湯一啖飯好味道！再黎就係龍蝦湯泡飯，揀左有半隻龍蝦果款，又係好多料，龍蝦有幾大隻，肉質實正同鮮甜，同埋好多膏架，湯入面仲有好幾款海鮮，大大隻帶子，一d都唔吝嗇，蜆肉仲好多粒，非常正呀! 龍蝦湯又係好好飲，入口鮮甜味美，食得出真係熬左好耐，龍蝦味道好出，仲唔會好咸，出色之作！我地2個人都將2個湯都清哂XD好誇張，但係飯就食唔哂啦走果陣見到隔離係車仔麵，下次黎開呢到再試埋先得！