村爺爺龍蝦湯.泡飯.燉湯專家

營業中

休息中

上星期睇到連秋生都介紹嘅雞煲翅，咁就同朋友C小姐一齊黎睇下係咪咁正～收工等埋一齊過黎，行到門口已經見到人龍啦，咁都要排隊，差唔多到我地果陣老闆俾左個menu我地睇。我地2個都揀好左架啦，緊係食雞啦～今期流行食雞呀嘛排左20分鐘左右就可以入去坐，坐低就即刻落單！黎到影張相就即刻開動！試左個湯先，係好濃香，仲有d漿漿地嘅感覺，好正囉～我覺得女孩子一定要試，因為仲有花膠一齊煲，應該無落味精，飲完都唔會口渴。入面d料都好足，唔係hea你！如果有個小火座住就更GOOD啦!講埋隻雞，係嫩滑有雞味，d肉仲好厚身(會附上手套俾你撕雞)！絕對可以encore提外話: 鋪頭係有小小迫(地少人多)，不過話哂係香港嘅小店，cp值十分高，希望鋪頭老闆繼續保持呢個食物質素！

早排係facebook 見到有朋友食好吸引，一問之下原來喺油麻地啫,即刻plan 去食呀！去到村爺爺門口，嘩!平日嘅lunch 都要排長龍，咁多人食姐係無去錯啦! 好彩都唔算耐, 因為D 野食都好快上枱所以都係快食。見到有好多龍蝦湯嘅配搭，仲有花膠雞湯都好正，有半隻雞仲有花膠tim。見個個都食龍蝦湯, 咁一埸呢到緊係試下個龍蝦湯泡飯啦,我都揀龍蝦湯底就無得輸喇掛。果然勁鮮甜又好香龍蝦湯味，係酒樓上湯龍蝦嘅感覺。本身見普通龍蝦泡飯只係$68, 諗住已經好抵, 點知落單時，staff 介紹話"真。盛龍蝦湯泡飯" $128，話有好多海鮮，我就貪心想試哂咁多樣野，所以叫佐啦。佢無呃我,真係有好多海鮮呀，有龍蝦,鮑魚,扇貝,八爪魚,尤魚,蜆,青口,豚肉。。。。個龍蝦湯用咁多海鮮熬製而成，味道一定鮮甜啦。雖然海鮮係湯煮，但唔會煮到過時，d 海鮮真係多到淨係食海鮮都夠飽呀。龍蝦有橙色嘅膏, 爽口, 仲反吸收曬D 湯味, 正!如果2個人同朋友share食都好足夠呀！$128 有呢咁多嘅海鮮 ,仲要好味, 除左個抵字 都唔知用咩形容佢。

殿級海鮮龍蝦湯泡飯龍蝦煮過頭又乾又靭，雖然用鑊仔爐上但根本沒有點火，只放下一會已經被冷氣吹涼了，海鮮只有少量魷魚青口和蜆，比秋生那碗當然少很多料，湯雖清甜但不致於濃郁可口。期望越大失望越大，不值為它排45分鐘不會再encore了。花膠螺頭雞煲翅這個是比較好的選擇，只為那半隻雞和湯底。花膠螺頭和翅也只是噱頭而已，份量不變螺頭變小螺片。食店空間不大地方狹窄而且也留意到廚房擺放廚餘和吃過做碗筷和煮好的雞放的位置非常相近，污水彈到食物的機會很大，希望店家多留意。名氣大卻不重視口碑質量，熱潮過後必會被人遺忘。

幾年前已經慕名光顧了同區的村爺爺車仔麵，點了龍蝦湯底的車仔麵，食後感到過譽了而有點失望…而今次因為有“連秋生都推介”的新聞而抱著期望去試下。幸好放工後即刻搭地鐵趕在人龍潮前，只等了15分鐘便有位~點了以下兩款食物：花膠響螺雞煲翅~$68~有半隻雞份量，雞脾部位滑！~花膠有兩大塊，螺頭都有幾粒~~湯底好味，唔會太鹹，又唔會太淡，用作泡飯一流！"真”村爺爺龍蝦湯~$128~“真”同“殿”既分別是“真”會有更多海鮮餸，但兩者同樣都會有半隻龍蝦~~龍蝦有膏，有蝦蚶，淡淡肉，正！~配餸有帶子、青口、蜆、墨魚仔、魷魚圈、牛肉、生菜，全部都好味爽口，而牛肉係最好味~~湯底清甜，好有龍蝦味，為村爺爺招牌成功爭回一口氣~總括：以這個價錢去享用此豐富食物，CP值超高，絕對會再去光顧~PS: 一入到店內，會有一陣動物的異味，不過好快就會適應，希望店主能將抽氣系統提升~

今次真係想講講呢間野真係唔OK，可以話係失望。每星期一個廣告post既一間「人氣」店，講食物既味道之前好想講下佢既老細 (係後生仔黎) 既態度真係好差下。我同朋友一行4個人都已經等左 40 分鐘左右，到我地既時候佢問我地可唔可以 2 個 2 個分台坐，我朋友話唔得，佢就話4個人要一齊坐要等耐D，而家得2人座有人埋單。但係朋友明明見到有一台 4 人埋緊單…… 最後真係5分鐘就入得去…… 都算啦，我地揀好有咩食，個老細又黎落單，但係佢唔肯行埋黎，係一張台既距離大叫，我地嗌足三次佢都收唔晒，仲問我地可唔可以講清楚 D，咩料 -,- 佢係根本無用心聽我地講野，我覺得呢種態度比客人既觀感真係好差，我都係年輕人，年輕不是罪，但係咁輕佻既態度真係不可行。最後到食物，平心而論，一般。見到隔離台有叫 $9x 既龍蝦泡飯，但係聽到對話都係話個蝦無肉。我既朋友叫既都係點配料加飯，湯既優點係不算肥，飯會主動分開上呢件事亦係好既，缺點就係配料應該多返D。鮮雞鮑片雜菌龍蝦湯泡飯 ($58)你會估到佢係咩味，湯底有種鮮味，飯有點硬但係可以接受。總括而言，唔會再幫襯，亦係我第一次想咁樣負評一間店，希望佢可以改善下，係

星期日想去果欄行下掃生果，上網睇下附近有咩好野食先，嘩，見有間唔使$100蚊有龍蝦歎，仲要秋生哥都推介，就試呢個。12點前去到，見到有成20幾人既長龍,睇黎明星效應真係好勁。想試唯有乖乖排隊啦。殿、海鮮龍蝦湯泡飯$98加$7有響鈴或魚皮加熱飲，凍飲加$3。加$10有咁多野，梗係加啦。泡飯入面有半隻龍蝦，兩款青口，蜆，元貝同生菜墊底。龍蝦湯有好重龍蝦味，都鮮甜。最好味係隻龍蝦，食到新鮮龍蝦鮮甜味，同埋彈牙。其他海鮮就相對遜色。同埋如果碗飯可以飯粒分明d就更好。但以$98蚊黎講，絕對交足功課 。另加既魚皮同響鈴都超脆。花膠螺頭雞煲翅 $68加$10有菜，飯同冷熱飲品。飯可以轉其他粉麵。我地簡左幪粉，同雞湯一齊食吸曬d精華，正。雞湯好濃味，鮮甜，仲足足俾左半隻雞，食肉獸必叫。川芎白芷魚頭湯$68個湯又係好鮮甜，同埋有藥材味，大大個魚頭，足料。另外有一段小插曲，當我地係排隊落單時，幾個朋友決定唔到加錢轉3個定4個套餐時(因為驚太多主糧食唔曬)，老闆勁慷慨話轉3個，我送杯野飲俾你地啦。勁好人，加分。係門口仲見到老闆會派發愛心午膳俾有需要人士，咁有善心，都值得支持下啦。

見到飲食男女有秋生介紹 -花膠螺頭雞煲翅飯同極盛龍蝦海鮮溫泡飯❤️講到夠哂足料，都估到應該好多人去食，立刻今日早放工去左排隊，足足排左兩個鐘先有得食，夠哂誠意啦掛，無計，衰為食😂😂位係唔多既，所以排候時間長，野食出得快，可惜可能太多人，個湯真係唔夠熱，唔係會再好食d呢個雞湯係最好食既，自己煲都煲唔到呢個味，以呢個價錢，呢個味道，呢個份量，係好合格既，抵食，加多十蚊 有飯有大杯既野飲，有油菜。有良心食店反而相比下呢個龍蝦海鮮又真係失色左，無我想像中咁濃，同埋龍蝦有沙。呢個係我地另外加左大盛，會多d料同埋多左d豚肉，但我覺得唔加都得，因為加左無咁抵都要30$但值得可讚賞 係老闆見我地等咁耐都免費送多杯野飲俾我地飲，多謝❤️👍🏻

已經係第二次黎食喇。食物水準保持到！講番今次先，夜晚8點10分到，排到8:40就可以入座....食物5-10分鐘到啦，就上枱喇。今次同男人一人一個殿海鮮龍蟹湯泡飯，材料有大約10粒蜆肉、3粒青口、1粒扇貝、幾條生菜.......仲有半隻龍蝦呷一啖湯頭...唔....係一陣陣好香嘅甲殼素嘅味道...我見到男人隻龍蝦係有膏嘅，仲同佢交換左隻龍蝦席間仲見到有好多人食新出嘅花膠雞湯飯....唔...下次一於要試試佢...不過唔駛排咁耐就好喇

見佢喺網上面宣傳得咁勁今日終於可以一試！下晝去人流唔算多排咗5分鐘左右，🦐🦀🍲＂殿．海鮮龍蝦湯泡飯＂一上枱wa一聲個龍蝦勁多膏😍湯底味道濃郁，啲龍蝦膏好甘香，海鮮款式好多，有蜆肉、魷魚、青口、帆立貝同墨魚仔，但配料未算最新鮮，青口仲有少少梅，龍蝦大大隻但d肉有少少過熟！個泡飯就值得一讚，有好濃嘅海鮮味再加上有冬瓜，係湯底帶動下啲飯可以食晒成碗！總括嚟講咁多材料都係$98一試無妨😎👍🏻

這家的龍蝦湯海鮮湯泡飯很火熱，就算平日訂了位，也要排隊等位，門外等位的人很多。平民的餐廳也可以食到高檔的海鮮。來到這裡當然要吃龍蝦湯泡飯啦，但這裡的龍蝦泡飯有很多種搭配，我就點了個「殿。海鮮龍蝦湯泡飯」$98泡飯上桌了，看到真的很興奮。😍😍料真的很足。有半邊龍蝦，龍蝦都挺大隻，蝦肉很鮮很彈，還有扇貝都很大，很鮮甜彈牙。還有其他海鮮，青口、蜆、魷魚。最正的精華所在就是個湯底，非常鮮味所以一定要跟泡飯吃。另外再散點了黑毛豬片和魷魚圈。這家的龍蝦泡飯真的值得推薦！會再光顧的！👍🏻👍🏻👍🏻

朋友知我鍾意食海鮮, 於是介紹我去試村爺爺, 終於的起心肝走去ㄧ試。人多就預咗, 好彩都唔使等好耐。 叫了個殿.海鮮龍蝦湯泡飯。海鮮食材豐富, 有墨魚圈, 梘肉, 青口, 帆立貝, 生菜等, 當然唔少得主角一龍蝦啦, 有半隻份量, 而且係限量發售, 不設外賣, 你話巴唔巴閉。嚟嚟嚟, 食物架到, 嘩, 好大碗。睇落個湯底肥膩左少少, 出街食嘢, 多油就預左, 幸好個湯都好濃, 好有海鮮味, 加埋 d 飯同飲品, 要食晒一個餐都幾難, 所以最好同人開心 share.

食左幾次村爺爺，今次真係要寫番個食評讚下d姐姐，真係唔止d野好食，仲好有愛啊！（呢篇係第一篇食評(*´꒳`*)）話說前兩日落機出左黎油麻地食飯，順便俾野朋友，去左食泡飯，雖然一次比一次多人，但好彩唔駛排好耐，照舊落左order好快就有得食。就喺上菜一刻我唔小心將枝筆整跌左落煲湯到，自己心諗唔係咁唔好彩要食番，跟住有個姐姐見到我呢個狀況好好心話幫我換左佢，驚食左個肚會唔舒服，omg!!! 呢刻覺得人間係有溫暖，我個fd仲話我麻煩到人仲浪費食物，但呢個小意外並唔係我想發生架重點我想講係小店細細間係充滿人情味同埋好細心，加分加分(比著其他鋪頭都未必會換俾你)呢間村爺爺以前唔駛點排都食到，依家咁多人黎食依然保持到水準係要俾個叻叻佢！是日餐點叫左花膠雞煲。

金子在那都會發光牛牽到那都只是牛優質既食物就算唔開係彌敦道一樣大巴人就算排隊都要去食香港人出名挑剔 食個飯又要好食 料又要鲜 又要平 味精又5要多最好可以打卡呃下like黎間野真係可以一次滿足曬所有要求之前睇好多好評 又驚中伏不過諗諗下……反正68蚊呃得幾多 ？ 好D茶餐廳食個晚飯+飲野都60蚊啦點知食物出乎意料地好OpenRice點關注重送小食老闆好熱情同有禮貌 重好有愛心 逢星期一長者車仔麵都係一律10蚊不過D位……真係麻麻地可能係我躉太大……對自己身材有把握可以去坐下一句到尾 香港人撐香港人咪俾D大型連鎖食店玩曬！PS………冇耐性……排隊既人……就不建議晚上黎

同朋友係油麻地附近玩完Yoga,係指附近搵野食，見到翠華隔離有勁長人龍，就走去八掛下！都係湯飯之類，不過特別在於好似好足料，又跟人排隊！其實好快安排入座，同朋友先後點了殿·海鮮龍蝦湯泡飯（$98）同花膠螺頭雞煲翅（$68）！見台台都點，我地又唔輸蝕！龍蝦都有大半只，再配蜆，青口，扇貝同魷魚等份量都好夠，個湯好清甜，好夠龍蝦味！海鮮配飯最鐘意！而朋友食左雞煲翅，話啖啖肉，雞湯鮮甜，花膠好有咬口，送飯一流！呢個價錢，呢個質素去邊度揾！無得頂！而侍應都好好人，手腳快！食個有營養的Lunch,覺得整天都充滿活力，大滿足！下次一定再來！

聽到好多朋友強烈推介，想食呢間村爺爺泡飯好耐，咁啱過來油麻地做野，就一定要來試試! 舖面唔大，大概可以坐四五十人。第一次來就一定試下佢嘅招牌菜！ 花膠螺頭雞煲翅: 聽過名已經覺得好大堆頭，有半隻雞，見到有花膠同螺頭，唔係得個名，個湯好濃，飲得出煲左好耐。個餐有一大碗飯，一大碟油菜，性價比極高。唯一覺得可以改善一下係裝住雞湯個器皿其實係可以點火，但唔知係咪安全原因所以冇點到，如果可以一路熱住過雞湯，一路慢慢食就perfect啦。殿 • 海鮮龍蝦泡飯(連半隻龍蝦): 一見到已幾覺得好大驚喜，除左龍蝦，仲有青口、魷魚、蜆、扇貝、生菜，個湯超級鮮甜，完全停唔到口。P.S. 店員手腳勁快，好快就有得食。食完一出來就見到有二十幾人係到排隊，好彩今日星期六12點就過左來，唔係就有排排。