村爺爺龍蝦湯.泡飯.燉湯專家

營業中

休息中

真係食過返尋味，村爺爺龍蝦湯泡飯原來就係村爺爺車仔麵後兩三間鋪咖咋, 之前食過隔離車仔麵覺得好好食所以去encore 。呢間特別之處就係可以叫泡飯，龍蝦都係新鮮彈牙的,依然好香龍蝦湯味,呢度可以選河粉或飯，再選個餸，我就揀左 豆卜, 貪佢放入湯中可以吸收曬湯底精華,真係好好味。除左餸菜可以自由配搭, 仲可以揀唔同粉麵, 仲有一出前一丁㖭。不過我叫左米粉，因為米粉配呢湯底真係一絕咖。 $68 有龍蝦加飲品 ,仲要勁大碗，絕對抵到爛。另外唔食龍蝦仍然可以揀龍蝦湯其他餸，$48 啫， 朋友揀左雞件同魚腩，配湯飯，雞件都好滑身，不過雞件同魚腩配飯夾過麵呀。

上次因為訂錯時間而錯失機會去試今日終於訂到啦！果然名不虛傳勁多人排隊,由於地方細細排隊都在所難免。不過訂咗位就唔駛排啦！去到坐低一見到個價錢,嘩好好抵呀！話哂食龍蝦喎，見到佢可以揀自選普通嘢4× , 龍蝦湯 5× 另一個寫住真龍蝦湯睇住堅好笑,真龍蝦湯莫非以上就唔係真龍蝦係假嘅？雖然寫泡飯出名,但由於習慣晚上不吃飯所以就叫咗勝瓜+鯪魚球+雞肉嘅湯米粉而我朋友就叫咗肥牛+豬肉丸+白菜公仔麵等咗應該唔駛10分鐘就有點知咁多可能錯嘢！一碗有龍蝦另一碗竟然放漏,有點失策 !料係唔錯 ! 每碗有半隻龍蝦 , 湯底好濃好好味 , 隻龍蝦係波士頓龍蝦 ! 賣相唔錯不過惟一失敗嘅就係隻龍蝦啲肉除咗個拑外,肉質較強韌 ! 當然如果以唔駛80就食到就真係不能要求太高,而且店員服務都 ok 嘅！不過提一提如果你唔係太大食,其實如果叫飯正常一個女仔應該食唔哂！所以要留意唔好叫太多會浪費。

呢間係一間名過其實嘅食店！星期六中午上完堂係附近揾野食，行經呢間舖，見出面貼哂啲《x假期》介紹，又有好多食客嘅相，就諗住入去食下醫下肚。見佢好似出名同係咁sell龍蝦湯，我朋友就試左。個麵一嚟到，發現啲餸又錯左，仲要...！完全食唔出有龍蝦味，得個咸字，食到腎虧，仲要貴過普通豬骨湯$1x！！！我就叫左普通豬骨湯，等左廿幾分鐘... 當時間舖已經無咩人，見住個廚師係度打機都唔整野食！？真係火都嚟埋... 連街邊車仔麵都不如...

今天閑來無事到了油麻地覓食經過砵蘭街的時候 看見村爺爺店外有很多人排隊正好想起曾經有網上報道 村爺爺的龍蝦湯泡飯 鮮味一流 並且食材新鮮 於是我就馬上加入排隊隊伍等了大概20分鐘 終於輪到我我叫了一個極上海鮮龍蝦湯泡飯 加了7元有炸魚皮和熱飲首先炸魚皮和熱飲先到然後等了大概10分鐘大大碗湯飯到來店家十分貼心把湯和飯分開令客人能夠好好品嚐湯的味道湯飯到來時我當然馬上急不及待先嘗了一口湯湯底鮮甜 並且不算太油膩 首先不得不提每樣海鮮十分新鮮 並且甚少有沙加上海鮮亦十分足料 我粗略一數 大概有一個扇貝 六至七粒蜆肉 四個左右的青口 三至四個墨魚圈 還有一個龍蝦頭 並且龍蝦頭不是做做樣子的裝飾品內裏還有少量龍蝦膏 面對這樣子的陣容我只能說店家真是誠意十足蜆肉和墨魚圈都爽口彈牙 食得出明顯的鮮味青口不會煮過火 太硬 唯一美中不足是其中一個青口有少量沙扇貝亦新鮮鮮甜 可惜有點過火 有點硬不過這等小瑕疵 對於一碗那麼多海鮮的湯而言 不足為題畢竟他這碗充滿誠意的湯 我也是一滴不留送到肚內店員亦有禮貌向客人介紹 老闆也十分親切至於坐位方面 不會太小也不會太大 但是不會感到不舒適 作為小店而言已是不錯總括

之前試過呢間村爺爺個車仔麵覺得唔錯，今次來挑戰一下幾個鋪位之隔的泡飯店。同村爺爺車仔麵一樣，門口大大個menu,可以睇過岩食先入去。泡飯店的坐位都不算太多，幸好我去到時間尚早，唔使排隊。呢度的湯好像都幾出名，我見每2枱左右都有人點，份量好像一人火鍋甘多。下午茶餐好抵食！十幾廿蚊有交易不過我今次特登來試個龍蝦湯泡飯，下午茶時段送熱飲。呢個海鮮泡飯超多海鮮！有魷魚、墨魚仔、青口、帶子、蜆，個龍蝦湯好鮮味！飲完唔會好口渴，撈飯食一流！ 個湯仲有好多條菜，非常足料！凍檸茶 (+$3) 另外點左個小食，薯角同個南乳雞翼係新鮮炸起，熱辣辣！ 南乳雞翼之前起車仔麵店食過覺得好食今次再encore

第2次黎食村爺爺嚕～平日晚上7點幾黎到，前面大約有8/9個人排緊隊～但排左唔洗半個鐘就有得食上次食過極上海鮮龍蝦湯泡飯 $68 海鮮都好多 有隻龍蝦頭但無肉 今次決定食殿海鮮龍蝦湯泡飯有半隻龍蝦 好多肉個湯味道好鮮 配料十足 $98黎講食個飽既晚餐 性價比高加$7可以配埋魚皮或者兩件響玲，仲有熱飲 咁緊係加啦再叫左個牛根肥牛撈麵，嫌個沙嗲醬有d辣我本身唔太食到辣🙈值得一讚係，製作速度快老闆真係好用心經營呢間店，好親切好有笑容好上心

一直都知道呢間餐廳多人去，所以我特登9點先到，冇諗過都係要排隊😂，不過好彩排左15分鐘就到。鋪位唔大，環境就唔好抱咁多期望喇。講番野食，今次嗌左極上海鮮龍蝦湯泡飯 $68，絕對係平價版既極級享受！👍👍龍蝦湯底超級鮮甜，就咁當湯飲我都會鍾意。😍海鮮既份量難以想像地多，蜆肉、魷魚、青口，真心食到最後一啖都仲有，好誇張😲。如果想再食得豪華啲，加多$30嗌佢既殿。海鮮龍蝦湯泡飯，就可以有埋半隻龍蝦比你，超級抵食！唯一挑剔位就係飯唔夠熱，迫住一定要浸湯食，不過 既然佢嗌得做泡飯，我自己就唔係好介意喇💤

近來見到有socila media 介紹村爺爺泡飯，係咁凍嘅冬天梗係去試下熱辣辣嘅湯泡飯！😋很巧我地去到嘅時候唔使等位，有得直接坐低。 我地一睇menu ，哇，價錢相當實惠。我同朋友都叫左極上海鮮龍蝦湯泡飯，海鮮份量算多，有帶子、青口、蜆、墨魚。龍蝦頭只係擺設，可以揀配飯或者烏冬。湯頭鮮甜，忍唔住一口接一口。基本上海鮮份量可以每一口飯都有。值得一提係帶子非常有誠意，肉厚鮮甜。雖然價錢不高，但係食到呢個水準真係好驚喜，一定會有下一次光臨。

「龍蝦湯」通常係西餐先至有，仲要係高級果隻，價錢一啲都唔平。不過，係油麻地就有一位「村爺爺」，佢巧妙咁將龍蝦湯放到泡飯之上，再以親民價錢，炮製出別樹一家嘅風味。所謂「村爺爺」，其實唔係真係一位老爺爺，而係一系列餐廳黎，佢地有仲有「車仔麵」分店架。咁岩今日黎到油麻地，一於試下呢度嘅龍蝦湯先！呢度除左泡飯之外，仲有好多小食選擇，我地點左「魚腩鮮雞什菌龍蝦湯泡飯」($62)、「黑毛豬鮮雞什菌龍蝦湯泡飯」($68)做主菜，再加小食「墨魚手指拼魚腐」($32)一份。泡飯份量足充，用料新鮮，而最重點係個龍蝦湯嘅味道十分香濃，加左落泡飯之後非常開胃，食完晒之後好夠飽。小食「墨魚手指拼魚腐」亦非常香口，不過就比較熱氣喇，但點落啲甜酸醬度好好味。兩飯一小食埋單$162，但以「龍蝦湯」同呢個質素黎講，算係好抵食呢！

之前係Facebook見到有人推介村爺爺泡飯 就一直都好想去試 今次就同好中意食海鮮既男朋友一齊去試吓我哋六點幾到 唔使排隊 店員安排左我哋坐係最入邊嘅位 牆上見到貼左好多相 同埋小店既報章訪問殿。海鮮龍蝦湯泡飯 ($98)個半隻龍蝦有成半個碗咁大 仲有大扇貝 青口 墨魚仔 蜆等等滿滿一碗 飲左一啖個湯係好鮮甜既海鮮湯 無腥味 未食就已經覺得好滿足喇反番轉 就見到隻龍蝦都幾肥美有肉地 男朋友就即刻開動 因為我地係特登黎試泡飯 所以都係揀左配飯 原來係會分上 自己中意泡幾多都得個蝦鉗打開左之後又係滿滿既龍蝦肉 值得一提既係d海鮮用料都好新鮮 而且蜆殼類都無沙 個湯底鮮甜唔咸 唔係果種飲完之後要係咁飲水既味精湯底小店仲好貼心咁係餐盤度跟上蟹鉗夾同濕紙巾鮮雞鮑片雜菌泡飯 ($42)個湯底係比較清甜既豬骨湯 同龍蝦湯底其實差不多 不過明顯地係少左份海鮮味我將成個飯倒左落碗湯度撈埋一齊食 鮑片鮮甜有咬口 雞肉就好嫩滑 平時我都中意走青 但今次d蔥花落得好好 好夾我地仲叫左碟生菜 唔記得十幾蚊跟餐既凍檸茶 茶味幾濃今餐既性價比好高

之前食過村爺爺車仔麵，食過番尋味。今次去食村爺爺湯飯，一嚐之前望見口水流的大大隻又鮮甜多肉的龍蝦。朋友早到，打電話來說不到7點竟然要排隊！還好她排得很前，我來到時人龍已經增長了。環境是有點擠迫，但不用$100就吃到半隻龍𧎚，迫少少又如何！朋友見花膠螺頭雞煲翅限量發售，而且大特價只要$68，轉套餐加$10有菜有飯有飲品。就決定要這個。這個湯有濃厚的味道，一嚐就知足料熬製。朋友平時吃不完一碗飯。但不想浪費這湯，竟然可以泡湯吃完。而那半隻雞肉質嫩滑新鮮，她説要是有薑蓉醮著吃就更美味。花膠大大塊很腍，吸晒湯汁真是鮮味得無可比疑。我當然食我一直想吃的龍蝦了。殿·海鮮龍蝦湯泡飯，$98。再要多杯熱檸水加$5。你看龍蝦幾大隻！真是啖啖肉的，而且很鮮甜，肉質一吃便知是鮮話的貨色。用鉗剪開蝦殼時還有龍蝦汁射出來,所以要小心！不過實在太好味，我顧不了儀態，連一絲殘留在蝦殼裏的蝦肉也要啜出來。朋友看不過眼叫我放棄我也不肯。除了龍蝦，還有很多不同種類的海鮮。也是吃得出是很新鮮的貨色。有蜆、青口、扇貝、魷魚。還有少量的菜。菜吸晒龍蝦湯超好味，不過要小心有碎殼。湯很鮮甜感覺沒有味精，我全程都沒有飲那杯檸水就知道，

黎到排緊隊就知冇黎錯地方！同啤先生等左大約15分鐘就入座。呢度唔係sell環境。冇錯～同大部分餐廳一樣，位貼位的。 但食物絕對可以搭救！ 叫左2碗龍蝦湯飯，半隻龍蝦配2個餸再加一份菜。 湯好有龍蝦味，飯可以吸盡湯的精華，每一口都充滿香味。啤小姐夜晚不太食飯，但都成碗食晒，超有吸引力的說！不過要提提大家，食龍蝦會比較論盡，因為枱同枱空間有限，記得斯文啲😜一碗龍蝦湯飯連2個餸及時菜$68，仲有半隻龍蝦， CP值爆燈！

油麻地果欄附近砵蘭街一帶有不少餐廳，每次行完果欄都會去這條街午餐，今日經過村爺爺的門口，見它貼滿雜誌報導和相片，於是入去試一試。老闆合照和雜誌相關報導。和牛油鹵水牛肋骨飯的牛肋骨份量頗多，看似乾乾的沒什麼醬汁，但肉質卻是非常鬆化，一點也不韌，如果嫌不夠味，餐廳還附上一碟醬汁蘸。魚腩鮮雞什菌龍蝦泡飯的魚腩大件厚肉，鮮雞則鮮嫩滑口，泡飯湯底濃郁，散發著陣陣龍蝦鮮香，喝一口濃而不鹹，不會涸喉，最後一滴不留。

圖片不用上載了，我們吃的和你們的一樣。價錢反應了你應該有的要求。員工勤快，上餐速度比預期合理。味道不太特別 但絕對 對得住你張單。四人同行最好，二人世間不要太期待「浪漫」。合家歡，凍檸茶不需要多過兩杯，腰痛者請有心理準備。店舖五台天花冷氣機 足夠正常需要。

奶茶好淡味難飲，米飯是冷飯散粒沒米味，龍蝦湯品質好小小，，叫的魚腩節瓜湯＋飯，湯 味精重，只是見新价假推荐先來試試，点知非常失望，，，，，，。，，，只想快快买單走