村爺爺龍蝦湯.泡飯.燉湯專家

營業中

休息中

8點黎到，見到門口好多人排隊，我諗大概有40幾人，心諗應該好好食，即刻上openrice 睇評語，見到評分都幾好! 於是好有耐心咁等左個半鐘，終於9點半入座。滿心期待，點知失望而回。其實味道係ok,但要等一個半鐘，我就覺得唔太值。同傳統泡飯唔一樣，湯同飯分開上的，龍蝦湯的確有啲龍蝦味，龍蝦正常，但其他食材一般。尤其魚片豬潤湯飯，豬潤一般，魚片切得比較厚，勁多骨。海鮮款海鮮味會較龍蝦味重。 另外湯唔夠熱。

6個人等左接近1個鐘45分鐘,仲要分枱坐先入得,值唔值得,見人見智啦!睇下條人龍,排到轉角位都未見龍尾,lee條龍尾唔講得笑,直至我用餐完畢,佢都要排到街口一入去,二話不說,就點左一款皇牌靚湯套餐套餐只加$10,有白飯,油菜,飲品雞湯鮮甜,有媽咪級數,真材實料,螺頭有咬口,有鮮味翅就只有軟骨,雞都算嫰滑,花膠沒腥味海鮮豐富,多蜆肉,有3款青口,味道不同,一款有鐵銹味,一款清甜,一款爽口,扇貝,魷魚,龍蝦半隻湯鮮甜但不夠濃,龍蝦實,蜆肉鮮甜,但唔係湯飯形式上,係另外俾碗飯你,咁個泡飯去左邊呢???朋友點左係因為每人最少要點一樣食物

之前係fb 見到黃秋生廣告，對村爺爺既花膠湯讚不絕口，一心諗住一試。4月23號中午經過附近，於是走去排隊，大約排左1個鐘。入到去，地方都幾細，特別張臺。我點左花膠螺頭雞煲翅再加$10轉套餐。野食一黎到，成張臺已經比食物霸佔，座位又窄，好有壓逼感。一開始試左個湯，湯完全無墨花膠味，整體味道好淡。正常落足料應該飲完痰湯，嘴唇會有d痴既感覺。到嘗試半支雞，完全無雞味，味道又淡，似係用滾開水煮煮雞。另外，果碟生菜，又無一分為二，食起上黎好呢hea。 而米粉就完完全全係用滾熱水煮，完全無味。感覺覺得似中伏。如果對食物無要求，呢個價錢，有呢個份量絕對係抵食既。

早2個星期book枱，否則今日星期日walk in都好多人。入座前會先幫你order定，所以坐低五夠10分鐘就已經上菜啦同朋友一人叫左一個花膠雞鍋，味道幾鮮甜足料，而且有半邊雞兩個細食女仔真係可以share一個再叫下其他小食老闆教我地先飲湯再將隻雞攤凍小小撕泥食（有晒刀叉手套），但最後老闆好好人咁幫我地撕埋服務一流下次試埋個龍蝦泡飯先

第一次因朋友介紹而光顧，晚市排隊排了接近一小時。幾個服務生的態度很好！有微笑招呼我們，十分溫暖。至於食物方面，覺得味道很普通！坐位不太舒適，但喜歡龍蝦的朋友不妨一試呢！

今日放工約埋朋友去試下呢間湯飯😎本人好鐘意食魚所以叫左個川芎白芷魚頭湯+$10套餐（米粉、一杯凍飲同埋碟菜）吾知系咪因為個個都叫雞湯，等得最耐個個系我🤣第一時間當然要飲啖湯，好濃郁嘅川芎味呀😝😋呢個價錢真系幾底🤩好味道不過講真環境真係麻麻地，坐得吾舒服，又咁啱對正洗碗個門口☹️，所以自己吾會再刻意去食~(因為環境對我來講太重要好影響食慾)不過整體來講都會推介比未試過嘅朋友仔去食的👍🏻👍🏻👍🏻

1)不同資訊見到話11点開，有D話12。特登facebook 再問清楚你地，你地話開11。点知去到開12点，搞咩呢？想多D人排隊做勢？2)再加上，一些要加$10才有飯，drink...但冇同人講清楚，自己和好多周邊枱D人見到張單加$10才知。3)落order要企門口排隊落(內有多位)，原來等你入左去坐冇得轉枱，因為張單已mark了table numbers. 我坐toilet門口，真心聞到好臭！4)見到有客人要求要多對手套食海鮮，waitress話吾可以，手套只跟雞歺，食海鮮只有濕紙巾！"O"嘴。。。花膠雞翅：雞夠大，多肉，夠滑。湯好香濃雞味。花膠和魚翅也吾細。注意，這雞歺不包飯、麵、飲品、菜。可加$10包drink、飯和菜。再注意，你order完佢會問你飲咩，吾理你個歺包不包！殿.龍蝦海鮮：湯好有龍蝦膏味。飲完全日也不覺特別口渴。龍蝦吾un。蜆多，青口三隻，菜多。包麵/飯，我改吃粉，粉份量也多。2款也好吃好喝。服務：需多改進環境：細，舊，dirty,臭

睇左蘋果日報黃秋生個篇報導，所以一直想試食村爺爺。 尋晚十點左右由朗豪坊行去村爺爺， 見排隊人數不多， 所以決定食。等了約三十分鐘， 到我們了， 然後點了一個花膠雞湯 及 雞肉魚腩勝瓜湯套餐。 首先來的雞肉魚腩勝瓜湯， 待應一放下， 一陣異味撲面， 再搞搞個湯，得兩舊好細嘅雞 加兩片魚腩及幾舊勝瓜， 咬一下個魚， d肉有小小梅， 食下個雞， 冇乜味，只有勝瓜正常。 主菜 花膠雞湯 送上來，一不夠熱， 二雞湯味不夠濃， 花膠也不夠味， 可能一分錢 一分貨吧結果： 雞肉魚腩勝瓜湯冇乜點食， 花膠雞湯還可以， 但如果要排長龍就不建議食了

恨吃龍蝦又嫌煩，未有想到來到濃蝦爺爺有意想不到的收穫。又嫲嫲又嬸嬸，開始令人煩厭不已，原來爺爺的龍蝦確實非凡！一味龍蝦湯泡飯已跑嬴幾個馬位，遠勝其他餐廳的龍蝦湯。真材實料的龍蝦，蝦香確是非凡；龍蝦不會烚了之後只得柴肉，還有滿滿的鮮味，超勁好食！湯是充斥著濃濃的蝦香，泡飯是叫做有些澱粉質趁著湯的精華，完全匹配的配搭。吃完這碗湯飯一定夠飽，皆因美味又濕潤；在乍暖還寒的日子食應錯不了。超好味的龍蝦湯泡飯。

今日再次黎到油麻地幫襯呢間首屈一指既龍蝦湯泡飯專家「村爺爺」，大約下午 6 點幾已經黎到，見門外已經排左好長既人龍，差不多有成 30 幾人，不過無辨法食好野要等是常識吧。店員好友善而且會好詳細介紹每樣食品，十分抵讚 👍🏻👍🏻👍🏻👍🏻👍🏻，叫左「殿。海鮮龍蝦湯泡飯」、花膠螺頭雞煲翅、墨魚手指拼魚腐、黑毛豚片拼墨魚圈。殿。海鮮龍蝦湯泡飯 : 飯同海鮮係分開上的，除咗半隻龍蝦外重有好多配菜、有元貝、青口、生菜、蜆肉、墨魚仔。龍蝦湯底用左 22 個鐘頭淆成，所以真係好鮮甜，而且飲完都無口乾既情況出現，餐廳為咗保持原汁原味，所以冇落味精去加強湯底味道，對食客黎講健康之剩更加證明自己真材實料。花膠螺頭雞煲翅：份量好大碟有成半隻雞，湯味很濃郁，而且雞肉十分嫩滑，跟餐有白飯同生菜。墨魚手指同魚腐呈現金黃色炸得唔錯，墨魚手指爽口彈牙 ; 黑毛豚片拼墨魚圈 : 豚片厚薄度適中，七分肉三分肥，而墨魚圈好爽口。

話說早2個月已經黎過呢到食，上次我都記得係好好食，突然心cc想去食就約P小姐去食。今次黎到竟然要排長龍，係排到去翠華雖然上次黎都要排一排，但今次有d誇張，由於本小姐真係好想食，排隊就排隊啦，好彩佢都肯陪我一齊排。等左30分鐘左右先有得入去坐，我剩係想食雞煲翅飲湯，P小姐都係同我一樣，叫左2個雞！因為上次已經食過，大概都知係點係咩味，問左P小姐覺得點，佢話個湯好正好甜，我飲落都係同我第一次飲嘅差不多，雞肉都係依然好實好多肉，其他料（螺肉同花膠仔）都好多，每樣都有2-3舊，無令人失望的通常同一間店食第二次都會有落差，幸好今次無失望非常好！我地加左$10轉套餐，有菜有野飲好抵食，呢個價錢好親民！

第一次來村爺爺吃飯聽同事話很出名有龍蝦泡飯充滿期待就來油麻地吃飯，點了雞煲和極品海鮮龍蝦泡飯.雞煲的湯很鮮甜濃濃的花雕酒味，還有半只雞量很多，加10塊錢還有套餐有飯油菜和一杯熱飲，整體還是不錯的比較推薦極品海鮮龍蝦泡飯一上菜的時候是比較驚艷到我的料也很足有青口小八爪魚墨魚鮮貝湯頭的龍蝦味很足但是不知為何其他台的食客點這個泡飯的龍蝦是肉我的卻是一只龍蝦頭那我花這68塊是買什麼吃的呢店內比較擁擠門外排隊排很久吃完飯的感覺就是可能會因為他出名而來一次不會有第二次

睇到個標題當然都知呢間店不簡單吧！之前行街經過見到都見到大大大排長龍！一開頭以為係食飯時間先係咁ja...點知用完餐之後都係咁多人！不過真係唔食過唔知⋯又真係幾值得排下隊嫁～咁排得隊！我就梗係唔執輸食番個最勁勁的「殿·龍蝦湯泡飯」同「花膠響螺雞煲翅」啦～另外仲見到有「南乳雞翼」食～梗係叫埋來試下啦～Omg,首先來到多數都係飲品先啦～呢杯凍飲超！大！杯！唔怕唔夠喉丫真係！南乳雞翼～炸得超脆丫！唔會好乾，內裹仲有肉汁！加上少少的南乳味～岩岩好，唔會太咸又唔會唔夠味～店仲預備左泰式辣醬～不過唔洗點～本身就已經好正！好好食～而且都唔算貴～22蚊就有4隻～wow~來到了！雞煲翅～～～真係超正！呢個煲有成半隻雞係到咁濟～雞湯香味係咁飄過來～🤩仲要有大大片花膠！重點係！唔腥！我其實係一個好怕食花膠的人⋯就係因為怕果種腥味，但呢個真係超級正，一dd的腥都沒有，仲要爽，肉厚！雞湯好濃郁，有那種少少的膠質口感，但又唔會黏喉，好順～加埋飯真係冇得彈！飯吸收晒湯的味道！每口飯都食緊湯的精華，口感更加豐富之餘，那種滿足感更大～雞肉好鬆軟，又好滑～連雞的皮都冇那種膩的感覺！仲要只係$68蚊，真係不得了😭呢個就係

之前行街有留意呢間店，但都好似無咁多人排隊，自從有電視台訪問過之後，就開始多咗排隊，今日我都同個friend黎試吓等咗都唔算好耐，終於都到我哋，排隊嗰陣已經同朋友決定叫佢最招牌嘅兩款湯飯我就點咗殿。龍蝦湯泡飯，聽講湯底煲足二十幾個鐘，當然第一啖就試吓湯先啦，果然不負所望，非常鮮味，絶無味精，而且龍蝦同其他海鮮都好新鮮我朋友就點咗呢個花膠響螺雞煲翅，雖然我覺得呢個比較傳統，但食落又幾好味喎，雞肉唔會煮得過火侯，好鮮嫩，亦都值得推介

之前幾次經過都心諗，車仔麵咩咁特別要排隊呢原來呢間係有龍蝦囉，咁係OpenRice度search 一下，咁就排隊試吓啦。排左一陣,入到去鋪仔細細,坐到滿滿的,見到枱枱唔係龍蝦就雞。我都唔執輸,首先黎個花膠螺頭雞煲翅$68, 我就加左10 蚊做套餐, 明明個心係食飯, 點知阿姐問起話係可以轉粉麵我又係叫碗米粉。黎到係有半隻雞嘅, 比埋兩隻手套你方便手撕黎食, 好貼心。雞都唔細隻, D 肉有好多, 唔算鞋口,啖湯就真係平時D 雞湯翅咁濃味, 有兩三件螺片同埋花膠。後悔唔係配飯, 因為米粉個湯冇味的, 我唯有夾D 粉過去個雞湯度食啦, 如果我堅持叫飯就美滿好多喇。仲有一杯野飲一個菜都只係$78. 都係良心食市...另外叫左個最貴嘅真村爺爺 龍蝦湯泡飯。一個大碗滿曬嘅海鮮,無用大量蔬菜放底墊高, 係真材實料嘅!帶子,蜆, 魷魚,青口, 蚝,螺片等等...仲有好幾片肉,海鮮都ok 吸收埋龍蝦湯嘅鮮味, 絕對食得過!其實女仔黎講我食呢碗都係強行食, 多料到我都食唔落個飯!呢兩個都係推介, 食過真係會想再encore, 唔怪得呢間咁多明星幫襯又影曬相咁啦