村爺爺龍蝦湯.泡飯.燉湯專家

營業中

休息中

有人話排隊都要黎食!!!!咁一於趁放假就去陪佢食啦。嗯...餐廳環境有小小迫，一大班人黎食可能有d迫，但我地2公婆就無所謂啦。聽到花膠螺頭雞煲翅係限量發售，而且只係$68，仲有加$10有野飲同一碟菜~緊係叫呢個啦！老公心大心細到最後都係同我一樣揀雞講下個雞煲翅先，湯係清甜一d都唔油立立，飲落真係覺得熬左好耐好好味，仲有個湯真係足料，有半隻嫩滑o既雞(無雪味仲幾香)、花膠、螺頭、翅，絕不欺場架！餐廳姐姐俾左手套我地去撕雞用(貼心)，可以豪氣咁食! 爽!（無哂儀態都無計XD） 今日我仲將成個飯食哂，突然覺得自己好大食呀食完超超超飽呀～老公都話好正，見到人地個龍蝦湯泡飯賣相好正，我同佢講下次我地要試呢個，佢即刻都話好!!! 今次排隊等食係值得架

冬天想暖又飽肚走左去間食湯飯既村爺爺😂見到68蚊有雞煲翅即刻試啦一上黎真係有大半隻雞喎🤣仲有d翅 花膠 同螺片每樣都有2 3舊好正d雞肉都好嫩滑聽講係用湯浸熟既正到不行雞絕對唔係瘦個d啖啖肉架最後我拆到成隻冇淨清曬😎湯就可能油d因為連雞皮煲就無可厚非加$10可以轉套餐有油菜 飯 同餐飲不過細食就唔好加啦會食到好滯😂佢係比埋刀叉同手套你撕雞既好方便唔怕整污糟下次黎都想試下龍蝦湯見周圍d人都食到好滋味店家都好細心拉曬櫈比你擺野繁忙時間都好好招呼唔錯

之前睇到網上介紹村爺爺嘅海鮮龍蝦湯泡飯，覺得好吸引，所以次次去油麻地都叫波子頭帶我去食，但佢次次到話唔試要食其他嘢。今日我哋又去油麻地果欄，我又話想去，佢今次終於肯陪我去喇。😍一去到門口，波子頭就話，村爺爺原來係呢個村，佢一直以為係四川嗰川，川爺爺食四川辣嘅嘢，所以次次都唔去。😂😂😂睇吓個餐牌，波子頭見到個花膠響螺鷄煲翅做緊特價由$128減價$68，就決定叫呢個再加$10轉套餐。我本來係想試極上海鮮龍蝦湯泡飯，但今晚又食海鮮，所以決定叫個自選龍蝦湯泡飯$48，可自選2款餸加時菜，我揀咗鮮魷魚鮑片菜心泡飯。嗰龍蝦湯泡飯一上枱，嗰賣相非常之唔吸引，餸又好少，得4件魷魚，4片鮑片同菜心，同我想像中差好遠。試吓嗰湯，味道同嗰賣相相反，出奇地好食。但其實呢個自選餐可以加$7有多1個餸及熱飲1杯。波子頭嗰花膠響螺鷄煲翅嗰賣相超吸引，有半隻鷄，花膠，翅。因為只係$68，所以花膠同翅嘅質素以呢個價錢都算ok。隻鷄都唔錯有幾多肉，但個湯底我就覺得龍蝦湯好食啲。差唔多食哂，見到隔離位叫咗個極上海鮮龍蝦湯飯，嗰賣相超吸引，波子頭話下次再嚟試吓。

村爺爺 specialized in lobster soup rice and I have fond memories of it. Today i was around that area and since it was lunch time, I decided to patronize them again. It was located at Portland Street, just 1 minute walk from Yau Ma Tei MTR.This time round, they added in a new menu, offering traditional way of boiling soup in pot.  There were several flavours for the soup and the price was very reasonable. Iced milk tea - The drink was silky smooth and has strong tea taste, slightly sweet as well.  C

放工即興約左朋友食個飯，我地已經話要黎村爺爺到食唔駛諗，因為我地喺fb見到佢有煲仔湯飲天寒地凍想飲湯是常識吧!!我地7點鐘就meet up, 上到去就見到一條小人龍啦，唯有排陣隊等食，等左20分鐘左右就有得入去坐低食啦。我地都係叫左雞煲翅$68，然後其中一份加左個飯同菜同飲品一杯，都只係加$10咋。等左10分鐘就有得食，真係有半隻雞有花膠有螺肉，好誇張，即刻飲啖湯暖下先，個湯好鮮甜好好飲，總之就係正👍👍👍d雞肉好嫩滑唔會又乾又鞋！呢個價錢真係好抵食😋建議大家如果唔想排隊就早d黎，應該無咁多人，因為食飽出黎果陣仲有人龍。

今日極度肚餓，叫咗個龍蝦海鮮湯飯。 當職員將碗湯泡飯放在我面前的時候，就明白為何這款湯飯那麼受歡迎。 除了半隻波士頓龍蝦之外，還有一隻大帶子幾隻青口和無數蜆肉。由於落單時太肚餓，還追加了嚮鈴 (饑餓時點餐確是危險動作)。可惜嚮鈴是淋的。海鮮可以當然是雪藏，但肉質可以，湯也不乏鮮甜。午餐全家福中都突顯海鮮之豐盛和飯的「實力」。總值$105。

話說呢間村爺爺已經係我晏晝飯堂之一，皆因真係好抵食又幾好味，選擇都幾多。呢幾日天氣好凍得果11-12度，收工就落左黎食埋飯先番去，本身都係諗住食龍蝦湯泡飯，但咁凍飲湯好似溫暖d, 望下menu佢d煲仔湯都有好多選擇喎！見佢雞煲翅係皇牌緊係叫呢個啦！仲寫住有花膠同螺頭，一於就試試佢等左10分鐘左右，上翅啦喂！嘩！真係有半隻雞架，好誇張！試左啖湯先，夠哂熱暖粒粒，味道好鮮甜喎，好飲，有d似呀媽靚湯唉～原來我好耐無飲過媽媽煲嘅湯..再講下隻雞，d雞肉好嫩滑唔會又乾又鞋，幾好食而且湯入面真係有螺頭花膠同翅，一d都唔吝嗇👍🏻👍🏻我仲加左$10變套餐，有飯有菜有野飲！埋單$78，呢個價錢真係超抵食

今日出開黎油麻地就search 下呢頭有咩食，村爺爺泡飯之前一路都好想試，記得好耐之前食過一次佢既車仔麵，果時咁啱龍蝦湯賣晒，今日一定要尋回失去既龍蝦湯底💪🏻。✨天寒地凍特別肚餓，收工兩點零黎到估唔到仲要排隊🙉好彩排左3,4個字就有位。✨餐廳環境細細，放埋野食張枱真係有d迫。✨啱啱排到兩點半原來係下午茶時間，送熱飲喎～好野😚。✨極上海鮮龍蝦湯泡飯（$68): 佢個龍蝦湯真係好正，龍蝦味雖然唔算好濃但都幾鮮甜。海鮮超足料，有青口，扇貝，蜆，魷魚，墨魚仔，生菜。除左個墨魚仔好硬無咩味，其他都ok起碼食到d 鮮甜味，不過以68蚊既質素黎講就不能要求太高了。 個飯仲好鬼大，浸埋d 湯真係食唔晒。 ✨花膠螺頭雞煲翅（$68): 排隊果時見人帶住手套，拆緊隻雞真係好吸引勁想食🤤，隻雞超大有成半隻，d 肉仲幾嫩。 個湯既雞味都幾濃郁，不過味道偏甜，感覺唔係好天然，但男友就好鍾意。✨螺頭幾厚身有鮮味，不過本身無咩牙力真係覺得好硬😵，魚翅厚身得黎食到d好似魚鱗咁既爽口質地，感覺好怪吞唔落吐左，花膠比男友食晒😭，不過佢話味道正常。✨68蚊黎講真係超抵食，份量夠大，都好難唔飽。餸方面我最鍾意個雞，啖啖肉算

聽講油麻地有間餐廳有龍蝦泡飯食，身為龍蝦控既我一直都想去試下，今日終於約到個朋友一齊去睇下咩料！油麻地a1出口轉個彎就到，地理位置相當方便。店鋪門面頗大，但內裡位置卻不多，廚房佔據了頗多位置，食飯時間難免要等位，我們七點鐘到，剛好霸佔了最後一張空枱。事前有上網看一看餐牌，我是衝著殿。龍蝦湯泡飯而來的，所以二話不說先點一客，另外再點多個魚腩鮮雞什菌龍蝦湯泡飯，打算和朋友分著吃，可以試晒兩種味道，跟餐加七蚊，仲有小食和飲品。殿。龍蝦湯泡飯萬眾期待既主角上場了，殿。龍蝦湯泡飯！看見已經流口水！滿滿的一碗都是海鮮，最醒目的莫過於鮮橙色的半邊龍蝦，下面還有好幾樣海鮮，當中包括八爪魚仔，魷魚、蜆肉、青口、帶子等，加上好幾條新鮮生菜，和以龍蝦淆製而成的招牌湯底。驟眼看會覺得湯底很多油花，但食落並不覺得油膩，湯底清甜，嘗不出龍蝦味，反而魚腩鮮雞什菌龍蝦湯泡飯多了鮮雞的味道。因為很少吃泡飯，看見其他人都整碗飯倒進湯底中，我們亦跟著做，不過我覺得續少續少飯加落湯底會更好，因為我喜歡熱辣辣既感覺，整碗飯加落湯底會令湯底快速降温。起初擔心不夠吃，但飯浸過湯後會發脹，相當飽肚。除了飯量多，海鮮亦十分足料，如果一

朋友之前睇網上有介紹加上有人請客近期真係興起龍蝦風,有龍蝦包,龍蝦自助餐..."村爺爺龍蝦湯.泡飯.燉湯專家"主打海鮮龍蝦泡飯！有濃郁龍蝦湯底, 聽講用了不少時間在熬湯底, 所以第一啖飲落去會有驚喜~有海鮮甜味, 加上一大碗可以兩個人SHARE碗中有好多海鮮配料，包括有扇貝, 青口, 墨魚仔, 蜆肉等等配料中蜆肉有數粒, 口感唔錯。可惜就是地方不夠，位置好窄。會坐得唔舒服 但按價格上。好抵食既。豬腸撈麵。有幾款面可以選擇個醬應該係秘製。辣得黎好惹味成個面全靠個醬大腸一般。不過不失龍蝦海鮮湯泡飯 ($68)升級殿。龍蝦海鮮湯泡飯 ($98)分別係配半隻波士頓龍蝦，肉質幾爽口不過都係68蚊最抵食

路過幾次都看到門口有人排隊等位，約晚上7時左右前面排著7,8個人，等了約20分終於有枱，店內裝修普通，位與位之間比較貼近，如身體比較大嘅朋友可能有點迫。我和友人分別點了極上海鮮龍蝦湯泡飯及鮮雞鮑片雜菌龍蝦湯泡飯，加響鈴及炸魚皮（請看清是加錢換而不是送喔）首先，這個賣相不錯，連座在旁的食客也跟著吃，可是他真的只有賣相吸引，龍蝦湯味不多，海鮮似是分開煮最後才放一起，所以沒什麼味道。反而不要少看這個賣相似淨菜，但味道不錯，有龍蝦湯味，雖然只有雜菌，但入味最後，看到店員對長者耐性有限，明顯態度不耐煩。另外，我覺得沒想像中好吃，但價格尚可，一試無防，應不會再來。

新手🙏🏼🙏🏼早前見Facebook 賣廣告，見有龍蝦。當然去試吓啦，係open rice Book 位都幾方面。但冇打電話同我確認book枱。打去顯示嘅電話又冇人聽，唯有早點去確認。28/1/2018 （星期日，我7:00去到已經排晒長龍，等候時間不耐）問店員book了位不用排隊但係人齊先可以入座🙂我book了7:30pm(5人），終於人齊可以入座。但可惜安排坐近門口4人枱，加多張（鄧）仔。不過坐位置還好，有空餘嘅位可以放下袋。我哋當然是左出名殿龍蝦泡飯同花膠雞湯飯🤩🤩重加$7叫了炸魚皮同響鈴😛我覺得個湯幾先甜其實每人消費＄100樓下係可以接受，仲要龍蝦有蝦膏🤩-正😊反而最驚喜個花膠燉雞湯，雞又唔老個湯有鮮甜，超超底食。我屋企人叫了凍鴛鴦，都值得推介🙂下一次會平日去試一試，食物服務質素OK。可惜環境就偏細，下次仲想試吓佢哋個車仔麵😛

同朋友出嚟旺角行街 聽朋友講村爺爺嘅泡飯好味 就決定去試下😋泡飯有唔同嘅選擇 有啲係套餐有啲係自選餸菜嘅 我同朋友今次就試咗自選餸菜嘅 佢包兩款餸同埋一份菜我地都揀咗龍蝦湯底 餸今次就食得齋啲 揀咗雞脾菇同埋響鈴 我朋友就加多三蚊要雞件佢嚟到嘅泡飯嘅特別之處係佢飯分開上 等啲飯唔會浸太𣺉不過我就覺得佢個龍蝦湯底唔太有龍蝦味 味道一般 有少少油 不過配上飯都不錯嘅試過朋友嘅雞件 都不錯 唔會煮得太老整體嚟講自選嘅龍蝦湯底就唔太突出啦如果叫唔係自選嘅龍蝦湯泡飯套餐可能會好食啲

今日去左村爺爺食，7點幾8點去都好多人排緊隊，大概等左半個鐘左右先入座，3個人食叫左2個泡飯2個小菜。泡飯交左極上龍蝦湯泡飯同鮑片鮮雞海鮮泡飯，小食交左薯角同蠔油生菜。首先講下極上龍蝦湯泡飯，呢個泡飯有好多海鮮，魷魚、墨魚仔、青口等等，仲有龍蝦頭，好足料，不過如果想食埋龍蝦肉就要叫殿海鮮龍蝦湯泡飯先有。泡飯足料不過味道冇太大驚喜，湯底應該用好多料煲所以味道較濃。另外一個鮑片鮮雞海鮮泡飯味道我fd食話似病人餐，同極上龍蝦湯泡飯比較起味道較清，雞肉都幾嫩，都有幾片鮑片同小小海鮮。兩碗泡飯都有菜同好多料，價錢也算得上划算。小食薯角就有小小乾同唔夠脆，生菜都系平時個味道。夜晚去要記住每人最少叫一份正食，老闆嘅服務態度非常好，很友善。

平靚正豪華版車仔麵,呢間村爺爺湯泡飯燉湯真係感覺好矜貴, 有半龍蝦, 呢$68嘅半隻龍蝦同湯, 我可以用"掛住"黎形容佢。今日又再突登行過黎村爺爺度食龍蝦喇,其實D龍蝦就好似食buffet 嗰啲咁大隻, 仲要有橙色膏.蟹鉗好大隻咖,啖啖肉,又鮮甜。我今次配左海鮮菇同油麥菜, 河粉底, 不過叫完先醒起我係想食泡飯, 好後悔🤣。另外叫左個豬潤,豬肉丸同蘿蔔。豬潤無異味,都好多件,蘿蔔唔夠淋。 最重要係豬骨湯唔夠龍蝦湯吸引,感覺唔夠震撼, 始終都係龍蝦湯吸引。不過$36蚊有三個餸都真心喺旺角呢頭唔得囉, d 茶餐廳最平都4-50個餐....而家呢個$38 仲有埋野飲, 去邊樹搵喎。