李家 (麗灣大廈) (已結業)

今日放工一行幾人👩🏻‍💻👨🏻‍💼👨🏻‍💼👨🏻‍💼浩浩蕩蕩咁去食李家，好可惜今次女同事一係要陪男朋友，一係要返屋企湊小朋友，全男班，所以唔好意思影低其他同事食左d咩🙈唯有講講自己食既主菜😋😋😋今次嗌咗一個芝士🧀配辣辣地嘅豬手🐽，另外有啲薯角🥔係中間，有啲澱粉質可以食飽啲🙈🙈🤣🤣第一舊試咗辣豬手加芝士，溝淡咗少少辣味，多咗芝士嘅咸香味，都okay wo🥳令我好驚喜嘅係，啲薯角加芝士，好食到不得了，好開心食到好食既野❤️❤️❤️

屋企人聚會，今次冇簡中餐，冇簡西餐，簡左平時極小簡既韓餐，試下新野👨‍👩‍👧🇰🇷我地3個人，去到都唔洗等位😚😚仲有好靜既卡位坐，好開心😝😝拼盤腸（HKD$188）：超級足料，有7條腸，每條腸都有小小唔同既味道同質地，好特別，仲要有薯條底，一家人都好夠食👏🏻👏🏻👏🏻芝士辣海鮮拼年糕（HKD$158）：有芝士中和左小小辣味，食一種食得好過癮既辣味，好野味👍🏼👍🏼除左海鮮以外，仲有年糕係入面，所以雖然只有兩個餸，但係我地3個人食都夠晒飽👨‍👩‍👧👍🏼意外驚喜，全單7折👍🏼👍🏼👍🏼👍🏼

食炸雞不嬲食開李家，因為貪佢平靚正，大件夾抵食，今日喺屋企諗唔到食咩，又同男朋友去咗食李家炸雞🍗因為我同男朋友都好大食，所以我哋一人嗌左一款味道嘅炸雞，睇吓睇食評嘅你哋會唔會估到邊一款係我嗌嘅邊一款係男朋友嗌㗎啦🤪🤩芝士🧀炸雞🍗，對於一個冇諗過減肥嘅人來講，呢個芝士炸雞真係冇得輸，佢面上面嘅芝士粉冇食錯嘅話應該係Parmesan cheese，十分香濃❤️炸雞好趣卜卜，入面嘅肉好Juicy😋😋😋甜辣🍭炸雞🍗，呢個炸雞冇脆卜卜嘅口感，但係有令人食完一舊又一舊衝動嘅甜辣香味，一啲都唔會油膩👍🏼👍🏼👍🏼

同朋友去西灣河買嘢, 雖然經過太安樓, 不過無心情掃街, 於是行去對面街幫襯李家, 好想食韓國菜呀。我地第一次幫襯, 原來餐廳有兩層高, 職員安排我地坐上層, 全部都係卡位。我地點咗: 半隻蜂蜜蒜蓉炸雞, 炸魷魚鬚拼辣年糕, 辛辣麵先要讚讚店員為我地送上醃白蘿蔔, 菜絲沙律, 簡直可以引起食慾。蜂蜜蒜蓉炸雞: 炸得好香脆, 蜂蜜好香甜, 好濃郁, 我覺得好正, 停唔到口‧炸魷魚鬚拼辣年糕: 辣年糕的湯比較辣，比起辛辣麵更辣，配上年糕簡直一絕，份量頗多。炸魷魚鬚炸得太脆，略嫌過火。辛辣麵：不過不失我叫咗杯桃汁，好清甜，可以解辣，正呀

連續返工輪左幾日更,終於連放兩日假係屋企hea一hea,到左下午茶時間口痕,自己一個去左屋企樓下是但搵啲野咬下.....🤣🤣冇話特別想食啲咩,就隨便入左呢間李家,本身想嗌炸雞食下,不過最後比咗呢個鐵板牛仔骨吸引咗～～～上菜係用鐵板上菜,所以慢慢食都唔會好快就凍晒,再加上用鐵板,香味仲突出^.^因為係牛肉部分,所以肉都好嫩口,唔會話咬唔開,仲有啲洋蔥係底,甜甜地,辣辣地,好開胃好好食～～～～❤️❤️

餐廳有兩層，主要用餐在二樓，二樓裝潢簡單，以卡位為主，有大電視播放kpop，有身在韓國用餐的感覺。這裡的炸雞可以選擇半份，可以試多幾款炸雞口味。前菜是醃蘿蔔，入口酸甜，很解膩。另外沙律菜也很清新清爽。⭐️醬油炸雞$108醬油炸雞有些許辣，但可以接受。入口乾爽香脆，裡面肉嫩多汁，很好吃。⭐️蜂蜜蒜蓉炸雞$128我最喜歡是蜂蜜蒜蓉炸雞，外面加上蜂蜜和蒜蓉，入口卜卜脆，又脆又香，很可口。⭐️海鮮蔥餅$158蔥餅有一定厚度，味道較清淡，不會油膩。配料有蝦、蜆肉、洋蔥、香蔥等，整體以香淡為主，雞蛋香熟配上海鮮真是幾飽肚。▫️炸雞能保持水準，原來其他口味的炸雞都很好吃，推薦蜂蜜蒜蓉炸雞。

李家炸雞，聽就聽過好多次，但食就真係第一次😂😂😂，咁岩去開西灣河嗰邊探親戚，就同表妹一齊去食下午茶🫖我地兩個都係超級食肉獸，所以分別嗌左兩個唔同既肉share🐷🐔一個醬油炸雞，一個辣BBQ豬骨😋本身炸雞諗咗好耐究竟要簡咩味，最後結論簡咗個冇咁熱氣既醬油口味🥰好香醬油既味，甜甜地，好開胃❤️辣BBQ豬骨，佢既辣係有感覺既辣🤤，係令人忍唔住食完一啖又一啖會上癮既辣，好爽，豬骨🐷既肉十分嫩，好容易咬，正！😋😋😋😋

身為一個芝士🧀極級愛好者，當然係周圍搵芝士的菜式來試試喇🐮👧🏻🥰唔知點解個腦就彈左炸雞出來，馬上睇睇邊度會有芝士炸雞🧀🐔食，見到男友屋企附近有李家炸雞，立馬出發gogogo🦵🏻🦵🏻餐廳外牆係黑色的，無諗到過入面會係咁橙🤣🤣🤣🤣餐廳場內keep住播放K POP的歌，幾有氣氛💃🏻💃🏻💃🏻芝士炸雞上枱既時候已經聞到淡淡既芝士香味，炸雞面上有芝士粉，有d似係我地平時係韓國芝士杯面甜甜的芝士味，另外還有係旁邊的芝士醬，十分濃郁🧀🧀🧀🧀🧀雞肉一個字「嫩」！兩個字「多汁」！三個字「再回來」！

今日食韓國嘢，喺OpenRice搵到依間餐廳，就同朋友一齊嚟晚餐。環境都算幾乾淨整潔，而且每張枱上面都有紙巾同埋消毒搓手液👍🏼👍🏼坐低咗之後，店員就會拎兩碟小配菜出嚟，可以一路食一路點菜。點菜都算幾方便，用電話Scan個QR code就OK。我發現原來我係第一次食韓國炸醬麵見到隔離枱嗰碟炸醬麵，好似好好食咁，所以就跟住嗌咗一個。依間餐廳嘅海鮮炸醬麵，超級好食！首先佢係非常足料，有好多肥美嘅魷魚，口感超正，而且有啲好大隻嘅蝦，同埋一粒粒嘅八爪魚腳、青口仔等等🔥🔥🔥每一啖都有唔同嘅配料，真係好好食😋 而且佢哋嘅面軟硬適中，唔會太易斷，唔錯👍🏼👍🏼仲點左半份芝士炸雞，外面嘅芝士粉係有少少甜味，炸雞外表非常香脆☺️☺️☺️炸魷魚鬚又係超級正，最好用鉸剪剪開，就會方便啲食。一上碟嘅時候，覺得佢哋嘅認咗好得意，因為佢係幾隻腳一束束咁樣炸。 炸粉唔會太厚，味道剛好，不會太鹹👍🏼 點沙律醬一齊食，都唔錯😁😁整體來講成餐飯都食得幾開心，雖然唔係成日嚟西灣河，不過都book mark定李家，有機會再嚟過😆😆

成年有多無得去旅行, 好掛住韓國食物.之前響灣仔食過, 見近近哋新開間分店, 當然要去食下.成間餐廳裝潢都韓式, 好新好闊落, 電視就不斷播住韓國MV.一坐低就有前菜, 免費之餘仲係無限添食, 似足響韓國咁.酸蘿蔔, 可以減低食炸雞嘅油膩感, 爽兼脆. 好開胃!!椰菜沙律, 夠新鮮, 唔好齋食肉呀麻!!可以用app自己落單.蜂蜜蒜蓉炸雞全隻, $198.炸雞夠熱夠脆, 大大舊啖啖肉.食落有少少甜, 好香蜂蜜味, 中和咗少少辣味.係我最鍾意食嘅口味!!韓式炒粉絲, $158.大大碟, 上枱時仲出緊煙.配料足, 口感似足響首爾食過咁!藍色多瑙河梳打, $35.兩個人, 睇住mv食炸雞,食粉絲, 當自己去咗轉韓國架啦!!

星期日既下午茶，去咗一間韓國餐廳食，一入到去成間鋪都擺滿哂韓國風既擺設，電視又播緊女團既歌，好有韓國feel。炸雞兩個人嗌左半份甜辣炸雞，雖然嗌左半份，但份量都好多，兩個人食都咁咁好，炸雞係新鮮炸好，啲雞一咬入去就feel 到好juice，甜辣醬好開胃，唔覺唔覺就清哂成碟。椒鹽魷魚同韓國年糕食完炸雞仲係有啲唔飽，就嗌多左個椒鹽魷魚同韓國年糕送酒，魷魚係原隻咁炸，炸得好酥脆，年糕成鍋咁上，唔算好辣，兩樣都咁哂送酒。同埋成間餐廳個氣氛都好chill，坐得都舒服，我同男朋友都好鐘意！

因為我嘅best friend係一個好鍾意韓國🇰🇷文化嘅人，所以佢成日都會介紹唔同嘅韓國🇰🇷餐廳俾我去嘗試，今次佢就介紹咗一間叫做「李家」嘅韓國餐廳叫我去踩踩點👧🏻😊因為自己一個人去試，所以都唔嗌得多嘢食🙈🙈🙈，呢一間餐廳嘅好處就係佢啲炸雞🐤可以半份半份✅咁樣嗌👍🏼今次就嗌咗佢一份原味炸雞🐤去試吓最原始嘅味道🥰🥰（$98）佢嘅半份炸雞🐤係真係半隻雞嘅份量，有雞鎚雞翼雞髀等等，唔單止雞髀，佢每一部份嘅雞都炸得好外脆內嫩👍🏼👍🏼👍🏼味道來講，係略帶胡椒味，好香。下次有機會一定會試埋佢其他嘅味道😍😍🥰🥰❤️❤️

已經有一段日子無食韓國菜，今日放工後約朋友去李家食炸雞蜂蜜蒜蓉炸雞炸雞有少少辣，雞皮炸得金香薄脆不厚粉，肉質嫩滑多汁。蜂蜜蒜蓉好惹味，每件雞都沾到蜜糖醬又不會蓋過本身的肉味，份量夠3-4人分享醬油炸雞這款炸雞比較特別，因為沒有裹粉，睇落去相對細份D，但其實啖啖肉，醬油很入味，鹹香十足辛辣麵韓國麵就是要用韓國泡麵鍋先夠風味😛，湯底濃郁，泡菜加雞蛋，簡單好味全鰒蔘雞湯熱辣辣滾住上枱，全鰒是鮮鮑魚，湯頭非常清甜，糯米軟綿，蔘味不錯，令我想起在弘大食過的人蔘雞湯

李家是炸雞是第一代引入香港的韓國炸雞過江龍，想當年韓流剛襲港，韓式炸雞店的選擇不多，尖沙咀的店鋪經常門庭若市，店外更常常排滿朝聖的食客。時至今天，韓風熱潮仍未減，但韓國餐廳的選擇多了，餐廳路線更趨向年輕化及多元化。而筆者這天想吃點樸素務實的韓國菜，所以到西灣河李家和朋友閒聊吃炸雞。李家的裝潢樸素，淡藍的店面並不太起眼。餐廳設午市套餐經濟實惠。每桌均附送前菜，有泡蘿蔔和椰菜，吃炸雞前先吃一點，十分開胃。凡點午市套餐，可加$12轉特飲，所以和朋友點選了薰衣草梳打，微甜解渴。📍辣拌冷麵 $78冷麵套餐附有泡菜，店家更提供剪刀，方便客人把麵剪短來吃。冷麵有青瓜絲、漬蘿蔔絲、辣醬、蛋和車厘茄。冷麵十份煙靭，而秘制的辣醬沾上冰凍的冷麵，十分美味，是夏天必點的一款美食。📍原味炸雞隻（半隻-午市套餐）$79炸得金黃可口的原味炸雞，仍保留肉汁，隨原味炸雞附上一碟甜酸醬，蘸一點來吃更覺惹味。📍半蜂蜜蒜臺炸雞隻（半隻-午市套餐）$99炸雞裹上香甜的的蜜蒜汁，感覺不易上火。炸雞就算裹上甜蜜的醬汁仍十分香脆，值得一讚。📍BBQ牛仔骨LA便當 $98便當盒主菜配料齊全，有湯及飯，非常豐富。便當中配菜包括： 玉子、

疫情繼續唯有繼續嗌外賣今日試咗牌喺屋企屋企附近嘅一間韓式炸雞呢間炸雞店其實喺香港已經開咗好耐同埋有好多分店西灣河呢間分店就係近排先開嘅我已經係第二次幫襯不過上一次就冇寫到食評今次叫咗一隻冇骨嘅蔥雞價錢一隻$150份量都幾多仲送咗一罐汽水同埋一份菜多到兩個人都食唔晒上次食咗嗰個蒜香炸雞比較多汁啲今次呢個炸雞就比較少汁同埋乾身不過整體來講都算好食同抵食買另一邊睇電視一邊食炸雞就啱晒仲送埋汽水唔使自己去買