李家 (麗灣大廈) (已結業)

講起炸雞多數會去尖沙咀旺角既大型連鎖炸雞店，今次黎到西灣河食。外面茶色玻璃睇唔到入面。原來餐廳有兩層，有好多兜紅燈做裝飾，好韓風feel。餐牌都幾多選擇，除左7款唔同口味既炸雞之外，仲有唔同種類既煲，連蟲蛹煲魚春煲都有，夠膽食既朋友可以試完講番有咩感想。另外仲有蛋卷，年糕等等。仲附送小食。韓國野食出名大碟，呢間都唔例外，叫左人參雞煲同一隻甜辣雞。甜辣雞炸得非常蘇脆，唔太辣，岩岩好。人參雞煲夠晒熱，上枱個陣仲係Bob下bob下。仲有2隻大鮑魚保身人仕一流。叫炸雞又點可以唔配番枝啤酒呢！

同同事食晏，去邊都冇咩所謂，最梗要快😂😂因為lunch time 得1個鐘🙊最後就選擇左平時出餐快，又好食既李家炸雞🍗有別於平常，今日既我係超級肚餓，所以就選擇左一個大大份啖啖肉既拼盤腸😍全部都大大條，而且有兩個醬汁可以揀，不過我自己就比較鍾意點茄汁！份量好大份，3個人食完全冇問題！而且全部腸都係煎的非常香，仲有薯條底！鍾意食腸仔嘅一定會好開心🥳另外仲有芝士拼辣bb豬骨🤣哈哈太吸引啦！芝士份量好多，基本上每一啖都可以係鋪滿晒芝士咁食！而且BB豬骨啲肉有好多，同埋好容易離骨，就算唔係好識食骨嘅人都會啱食！👍🏻韓式嘅辣到再加埋芝士，食到大家條利到Si Si聲，但係都依然好想食🤣🤣

因為要見客，所以去咗一個自己好少去嘅地方，就係西灣河啦😂身為一個新界人，冇乜必要真係好少會去到咁遠！難得嚟到，就梗係要喺度食好嘢啦😋同朋友叫咗半份炸雞，炸雞選擇好多，有幾種唔同嘅味道！不過我比較想試吓平時少見啲嘅甜辣炸雞🍗呢度係半隻嘅炸雞，所以夠晒雞翼雞鎚同埋雞胸🤤呢個甜辣醬幾有特色，入口第一啖係貼之後慢慢有立美滲出嚟，但係呢隻辣會散得好快，幾過癮！炸雞嘅肉質依然保持嫩滑，而且非常多汁！做得幾好❤️😌另外仲有一份鐵板牛仔骨！份量十足👍🏻而且醬汁調製得非常之好，香得來唔會佢過咗牛肉本身嘅味道，而且牛肉好林，會好難咬！非常好食😋鍾意食牛仔骨嘅都可以一試！

約咗朋友食lunch，諗吓諗吓都諗唔到食乜好，突然朋友話呢度附近有”李家炸雞”😌所以就特登去試吓👍🏻餐廳裝修好有地道韓國風味，入面播住K-pop，好有氣氛💃🏻👯‍♀️👯其他裝修係好平民化嘅裝修，但係都坐得好舒服👍🏻一心諗住食下呢度嘅炸雞，但係朋友話試過呢度嘅豬手好好食，所以就信佢試吓啦🤤一上枱嗰下有啲嚇親，因為好大盆，仲有一個火爐笑着啲芝士，等佢慢慢溶🥳豬手好林好入味，辣辣地好開胃！而且再加埋芝士，邪惡級數爆燈！！！不過真係冇介紹錯，兩個人食啱啱好，而且仲有好多份量嘅脆薯王🤤正正❤️

其實呢間我以前食過一次，我仲記得嗰時佢係香港第一間韓式炸雞店，食正第一水，但印象中佢哋嘅炸雞味道都幾正宗！今次經過李家門口，又勾起咗我想食韓國炸雞嘅癮，就果斷入咗去食🤣一入到去嚇咗嚇，竟然無人，記得以前去尖沙嘴分店係要排隊入去，全盛時期係要排4-5個鐘😳 店員指示我哋去樓上坐，一上到去就見到有唔少人🙊樓上座位比下層多，冷氣開得都比較大！店員話可以Scan qr code自己落單，炸雞係即叫即炸，等咗差唔多廿幾分鐘先等到碟炸雞，店員都有講聲唔好意思👀❤️前菜棷菜絲淋咗少量沙律醬，醃蘿蔔酸酸甜甜，幾開胃。好食度：⭐️⭐️(2/5)❤️ 半半炸雞 $168呢個係一半原味一半甜辣味！係有連埋骨嘅💁🏻‍♀️官方話佢哋係堅持每件雞都要醃製24小時先可以去炸，食得出係醃得幾入味😋炸雞炸到好香脆，炸漿唔算特別厚，肉質都算juicy，就算雞胸位置都唔算嚡口👀甜辣味炸雞都幾惹味，一入口首先食到甜味，後期辣味慢慢湧出，唔算太辣！原味就有濃濃胡椒味。每件雞大小不一，某啲部位無乜肉，無啲部位就啖啖肉😋 兩個人食好快就清哂成碟！好食度：⭐️⭐️⭐️✨ (3.5/5)餐廳推薦度：⭐️⭐️⭐️ (3/5)餐廳水準比我以前喺尖沙咀食嘅水準好

最近煲梗韓劇，見到啲男女主角成日都食炸雞配啤酒，睇到我都好想食埋一份，今日放假終於可以同BB一齊去食🙈❤️🥰放假因為煲劇，懶得周圍去，就搵咗屋企附近嘅呢一間李家黎食🇰🇷平時炸雞就食得多原味🐔啦，甜辣🐔口味啦，或者芝士🐔口味，今日就嗌咗一個平時比較少見到嘅醬油炸雞嚟試試。🐔但因為我同BB都減緊肥，所以我哋就帶咗半份黎share，好在呢間餐廳冇最低消費🙊🙊🙊🙊醬油炸雞比起其他炸雞會冇咁油膩❗️，亦都冇咁脆，但就比起其他炸雞更加香👍🏼👍🏼👍🏼，濃濃嘅醬油香味，再加上嫩滑嘅雞肉，簡直好想再嗌多半份黎食，好可惜我哋都減緊肥，唯有下次再嚟食過啦🙊🙊🙊

李家 (太康街)地址: 西灣河太康街1號麗灣大廈地下L號舖電話: 23112555在未有韓劇帶起炸雞熱潮前，我已經是一個不折不扣的炸雞迷，一星去起碼去炸雞連鎖店食一次。李家炸雞有幾好食唔洗我多介紹，因為要搬了去港島區住了，去了西灣河的李家享受食雞的快慰有酸甜白蘿蔔同椰菜沙律$18 泡菜同$18涼伴菠菜作前菜，邊食邊等炸雞隆重登場半份原味雞雞$98 係最原始簡單，但亦都係我次次會點架，沾薄身麵粉層炸到香脆，水準每次食都係外脆肉嫩多汁。 轉口味半份燒烤雞$118，烤雞岩怕炸物太熱氣架人，甜辣醬味入曬肉，與炸雞是兩種與別不同口感和味道享受。食左一大堆炸雞落肚，飲熱辣辣架傅純韓國湯品$188 辣魚子湯是原整魚子，一開始還膽心會有腥味，添加了辣粉喝了一大碗，再篤散魚子在湯中，每飲一啖都有粒粒魚子架口感啦，好鮮甜。食完炸雞心情好

以前係尖沙咀附近讀書嘅時候，已經知道李家好出名但又冇食過，今日去咗試，點知真係好有韓國既味道！有兩碟配菜唔洗錢既。叫左個蜜糖炸雞冇骨炸皮好脆！個雞肉好嫩！我不斷掂個d蜜糖汁落雞到，融合埋一齊再食！正燒魷魚比較傳統的韓國小食，我冇食過，應該係送酒佳餚，但因為我今日唔想飲酒所以冇叫到，佢係煙韌，彈牙，有燒魷魚香韓式泡菜豬肉又係好傳統嘅菜式但就做得好好，佢既泡菜食落唔辣又唔會太咸，好味道！最後埋單仲有8折呀，依個價錢食到三樣送，係一間咁有傳統風味嘅韓國菜，算係唔錯，下次都想試吓佢既bbq ribs同埋其他炸雞！

在抗疫的日子，不能隨意外出旅行，到韓國餐廳開，還是一個不錯的選擇。這天就來到西灣河的「李家」吃下午茶，午餐和下午茶的套餐基本上是一模一樣，雖然不清楚下午茶餐的份量是否較午餐的細份，但單單看價錢，還是下午茶的吸引。BBQ牛仔骨牛仔骨份量適中，約有三塊，口感軟淋，脂香豐腴，入口帶有重重的油花以及BBQ的燒烤香味，用來佐飯絕對是一個不錯的選擇。而套餐內還有多款韓式前菜，如開胃沙律、香甜豆皮、麻油菠菜及爽口豆芽等，蔬菜元素極多，而且每款份量都預得剛好，就是平日不愛吃蔬菜的人，都能夠輕易把所有蔬菜配料ko，不會帶來任何心理負擔。海鮮軟豆腐湯豆腐湯內的材料挺多，除了有嫩豆腐，還有雞蛋、肉、蜆肉、金菇菜、大蒽、翠玉瓜等配料，口感豐富，湯底濃稠適中，味道帶點微辣，帶有泡菜香味，當然，套餐內還附有薯仔、香腸、甜豆皮及泡菜，想提升湯羹辣度，可於進食時將整個泡菜倒進湯內。芝士辣雞炒年糕雞炒年糕上淋上一層厚厚的芝士，用叉子輕輕挑起，就已經有拉絲效果，辣雞味辣度是有的，但不算很重，個人認為可以接受，而且捲上芝士後，辣度亦會減淡，所以即使不愛吃辣的，亦可以輕鬆接受，雖然雞肉煮得很入味，但雞肉長時間在鐵板內受熱，所

試新店點知中伏，係乜嘢都冇嘅情況下， 唯有點左以下幾樣嘢食， 醬油炸雞，烤去骨豬肉， 年糕餃子湯同埋蒸蛋湯。前菜冇誠意，得碟酸蘿蔔，唯一比較好食少少既炸雞，完全港式，失望，之後個去骨豬問佢有冇生菜包住食，一句冇播，又失望，跟住個年糕湯，人生第一次見到只有二十細薄片既年糕，好似尋寶淘金咁先撈到，再失望，最後，生平生一次食蒸蛋湯係未食已經 聞到一大陣嚨味，同經理講，佢話一直都係咁整比D客食，我話嚨到食唔到，佢最後退錢了事，冇再跟進，失望到爆。最後埋單亦受到些少眼色攻擊，多謝廢店熱情款待，對食物冇太大要求既，可以忽略以上分享。

星期日晚同男朋友嚟咗西灣河嘅韓國餐廳，呢間李家係香港已有幾間分店，我終於有機會試下喇。餐廳都幾大，有兩層高，我坐係上面嗰層，啲位都好寬。仲播住kpoop歌，好有氣氛。一坐底就送嚟前菜，分别係醃白蘿蔔同椰菜沙律。餐牌食物種類都好多，除咗有岀名嘅炸雞外，仲有湯、麵、飯、小食應有盡有。而仲係用QR code點餐，真係先進。全鰒蔘雞湯（$198）- 份量十足，仲有好多雞肉，啖啖肉好正。個湯唔會好鹹，清清哋返而更好飲，但欠缺咗啲蔘味，但有驚喜的是竟然有兩隻鮑魚喎！湯底裡仲有啲粥般嘅外，不過未算好多，所以我哋另外嗌咗白飯（$10）嚟餸湯，真係非常美味。半隻蜜糖蒜蓉炸雞（$128）- 飲完個湯個炸雞就啱啱來。可以問餐廳拎手套，吃得更方便。個炸雞係好香蒜蓉蜜糖味，但我覺得有啲過油，整體都好惹味。雞份量都唔少，每人食到3件㗎。雞肉juicy嫩滑，唔錯。

早排同朋友去開西灣河諗住喺附近食埋晚飯先走，網上見到很多人推介這間韓國菜，餐廳有提供多款食物選擇，環境都幾闊落，有播韓國KPop，可以舒舒服服同朋友食嘢傾吓計_🍗甜辣炸雞（半份）$108餐廳有提供多款炸雞口味選擇，今次就叫咗甜辣炸雞，外皮香脆雞肉帶肉汁，小編幾鍾意佢嘅甜辣醬汁十分惹味_🥩韓式五花腩肉 $198 五花腩肉用鐵板上，旁邊還有蘿蔔絲和泡菜，一齊食都幾夾，厚切五花腩肉食落去帶鹹香，餸飯一流_🍲辛辣麵 $58講到韓國嘢又點可以唔提拉麵呢，辛辣麵配上京蔥、泡菜一齊食十分香口，味道不會太辣，下次有機會再試埋其他菜式

同胃民傾開，住筲箕灣西灣河呢頭好唔好，佢以過來人身份表示想搬返嚟住，因為太多嘢食揀喇，其中有間韓國嘢都開嚟呢度一坐低就有兩大盤前菜奉上，邊食邊睇menu都好唔好咁快食晒啲大根，陣間解辣用㗎梳打嚟講，薰衣草味真係別樹一格韓式煎餅好少見係成塊都係用肉整，仲要係燒肉，好彈牙醬汁係炸雞嘅靈魂，佢落咗好多胡椒粉喺蜜糖蒜蓉醬度，閃閃生輝估唔到呢兜炸醬麵都幾大碟，仲有勁多海鮮其實大胃第一次食炸醬麵，原來味道唔錯㗎喎呢度環境工業風，韓國好興㗎

去完太安樓，想搵間餐廳坐下食晚飯，一出見到呢間，朋友話食過尖沙咀果間唔錯野食正常價，雞可以揀一份/半份，有骨/無骨野飲仲有啤酒全底就送上前菜，炸雞必備醃蘿蔔同埋沙律，兩樣都好清新之後送上飲品，$35，我地叫左一杯蘋果同一杯士多啤梨。 味道還可，不過呢個價錢咁大杯都抵飲叫左個辛辣麵，真係整到包裝袋上面咁樣，仲送左碟泡菜。麵煮得剛好，入面仲有隻生蛋，好少食辛辣麵既我，覺得呢個好出色🤣烤雞半份，大概有7件加少少年糕，調味好好味，係甜甜地既醬油，雞有唔部分，有啲都幾滑，年糕都煙煙unun好食最後食左個蛋卷，份量超多！我見隔離係4個人食！蛋入面有大量芝士，仲要拉絲，勁邪惡。 食落口唔會漏，個汁同蛋balance得好好。 同場有韓國人，我諗呢間餐廳都幾正宗，會再黎。

午市蜂蜜蒜蓉炸雞半隻$99，同平時韓式餐廳食嘅炸雞差好遠！雞肉好鞋同林，啲骨好易碎，炸雞皮都算幾脆嘅，但係個蜂蜜醬好稀，一啲蒜蓉味都冇，仲有啲辣嘅，唔建議叫！石頭窩拌飯$58都算幾抵嘅，份量多都算幾多料，但係個飯好林！冇乜飯焦，個窩唔夠熱，普通。辣豬肉便當最抵食，$48有好多前菜，有腸仔泡菜魚糕菠菜芽菜，炒辣豬肉唔係好辣嘅啫。總括嚟講試一次就夠，太唔正宗啦，似係大陸人或者香港人開嘅，似中式港式嘅韓國菜。