李家 (太康街)

Chicken HOF & SOJU (Tai Hong Street)
72
8
5
港鐵西灣河站 A 出口, 步行約3分鐘 繼續閱讀
所有分店 (3)
電話號碼
23112555
23112588
開飯介紹
新派韓國菜餐廳,餐廳設計簡約,提供根據香港人口味改良過的韓國菜,價錢親民,性價比值高。 繼續閱讀
營業時間
今日營業
09:00 - 05:00
星期一至日
09:00 - 05:00
付款方式
Visa Master AlipayHK 支付寶 現金 AE 銀聯 Apple Pay 微信支付
其他資料
網上訂座
賞訂座積分
當面支付
有關餐廳
【人氣長龍店重開】第一代韓國炸雞啤酒!
香港第一代韓國炸雞+啤酒人氣長龍店!超脆炸雞係韓國老闆嘅家傳秘方,有原隻炸雞同無骨炸雞揀,份量超大,兩個人食碟炸雞+1款主菜+啤酒夠晒盡興!全店有10款醬揀,必試招牌青陽辣椒沙律醬同Cheese Supreme醬。想試晒咁多款醬,可揀All-IN-ONE 無骨雞拼盤,有齊10款醬配炸雞、米糕、薯格等。同場仲有燒五花腩肉、韓式炸醬麵、魚子湯等,辣王可挑戰埋香辣鳳爪米水湯,老闆坦言辣度真係好勁!

有關獎賞計劃
食評 (90)
等級4 2021-05-26
954 瀏覽
今日約咗去「西灣河體育館」打針,既然出開嚟,就一於喺附近食埋晏先走。本來想去「太安樓」搵食,不過又好似無乜新意。有人突然心思思,話想食炸雞,上網  Search 到太康街有間「李家」,門面好養眼,以粉嫩的淡藍色為主調。原來餐廳開咗只係大半年,加上喺橫街,所以一直留意唔到。店面地方不大,原來餐廳還設有樓上座位,每張檯都有高身圍板分隔,私隱度高,加上我們被安排坐在最盡頭嘅一張靠牆方桌,頗有自成一角的感覺。先研究一下餐牌,食物選項都幾多,除了主打嘅炸雞之外,仲有芝士系列、肉類、沙律/湯類、餅/麵類、小食、飲料、精選午餐、下午茶餐等。我哋點咗下午茶餐:石鍋拌飯 ($58)、韓式牛肉炒粉絲 ($158) 同 午市炸雞:半蜂蜜蒜蓉炸雞 ($99)。點完餐後,店員隨即送上醃蘿蔔及椰菜沙律各一份,椰菜沙律新鮮爽口,醃蘿蔔酸酸哋、很開胃,用嚟解膩一流。石鍋拌飯附有蛋花湯、泡菜和辣醬。趁熱將石鍋內嘅牛肉、大豆芽、紅蘿蔔、菠菜、紫菜絲、雞蛋、冬菇絲和米飯加辣醬拌均,味道非常香濃,飯又有少少焦香,微辣惹味。韓式牛肉炒粉絲以白色長碟盛上,嘩!非常大碟,分量十足。配料有紅蘿蔔絲,菠菜、洋蔥、冬菇絲和牛肉等,粉絲炒得很香滑,灑上芝麻更加香口,愛看韓劇的粉絲一定喜歡。蜂蜜蒜蓉炸雞接著送上,睇下賣相幾靚,唔單止色澤金黃,而且外皮咬落超脆,甚至連雞槌雞胸都非常嫩滑,入口蒜味香濃,既有肉汁又帶蜜糖甜香,美味程度遠遠拋離坊間連鎖美式炸雞店的出品,真係令人忍唔住一件接一件。飲品點咗乳酸桃桃 (跟餐+$7)、乳酸蘋果 ($20),兩罐飲品都好 fresh,入面有好多椰果粒粒,夠晒冰凍。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-16
894 瀏覽
韓國除咗泡菜你又會唔會諗到炸雞哩。諗到炸雞你又會唔會諗到「李家」呢。西灣河分店樓高分兩層,下層主要為廚房及小量座位可招呼食客。落地玻璃,街景望太安樓。然後行樓梯上樓上,私隱度較高,空間感更大,一排排座位整齊排列,卡位式有私人空間感,井井有條。牆壁顏色鮮艷奪目,燈光昏暗,有氣氛,牆上裝飾帶有工業風。每枱都會提供前菜兩碟,分別係韓式沙律菜和酸羅白。羅白酸酸甜甜,好開胃。沙律菜新鮮爽口清甜。甜辣炸雞(半只)$108今晚主角當然必食炸雞,炸雞新鮮炸出黎,重點係甜辣醬令味道即時出眾起來。甜甜辣辣的很惹味很開胃。泡菜豆腐湯$158材料夠曬豐富,有青口、花甲,蝦、蝦米,豆腐,冬菇,魷魚,翠玉瓜,蜆肉,雞蛋,泡菜、金針菇、大蔥調味。鮮得黎又辣度剛好,非常惹味。比一般泡菜湯更加層次豐富。魷魚泡菜餅$128主要係利用泡菜、雞蛋、魷魚伴勻煎至金黃,帶點脆香,又可以做到不油膩,也算不錯,建議趁熱食更香口。濟州橙汁$35薰衣草梳打$35冰涼的感覺既讓人解渴同時又消滯解暑,最啱熱辣辣的天氣飲。即時讓人涼快起來。餐廳有提供紙巾和消毒手液。讓人多一份放心和安心,並且自動點餐二維碼係非常方便的。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-20
1213 瀏覽
李家是炸雞是第一代引入香港的韓國炸雞過江龍,想當年韓流剛襲港,韓式炸雞店的選擇不多,尖沙咀的店鋪經常門庭若市,店外更常常排滿朝聖的食客。時至今天,韓風熱潮仍未減,但韓國餐廳的選擇多了,餐廳路線更趨向年輕化及多元化。而筆者這天想吃點樸素務實的韓國菜,所以到西灣河李家和朋友閒聊吃炸雞。李家的裝潢樸素,淡藍的店面並不太起眼。餐廳設午市套餐經濟實惠。每桌均附送前菜,有泡蘿蔔和椰菜,吃炸雞前先吃一點,十分開胃。凡點午市套餐,可加$12轉特飲,所以和朋友點選了薰衣草梳打,微甜解渴。📍辣拌冷麵 $78冷麵套餐附有泡菜,店家更提供剪刀,方便客人把麵剪短來吃。冷麵有青瓜絲、漬蘿蔔絲、辣醬、蛋和車厘茄。冷麵十份煙靭,而秘制的辣醬沾上冰凍的冷麵,十分美味,是夏天必點的一款美食。📍原味炸雞隻(半隻-午市套餐)$79炸得金黃可口的原味炸雞,仍保留肉汁,隨原味炸雞附上一碟甜酸醬,蘸一點來吃更覺惹味。📍半蜂蜜蒜臺炸雞隻(半隻-午市套餐)$99炸雞裹上香甜的的蜜蒜汁,感覺不易上火。炸雞就算裹上甜蜜的醬汁仍十分香脆,值得一讚。📍BBQ牛仔骨LA便當 $98便當盒主菜配料齊全,有湯及飯,非常豐富。便當中配菜包括: 玉子、魚糕、漬煮蘿蔔、泡菜和芝士腸。便當中的主角牛仔骨份量大概有4-5塊,肉味香濃,不太肥膩。感覺這便當的份量量足,味道不錯,實抵吃之選。餐廳食物質素高,大件夾抵食,假日和朋友閒聊吃炸雞,這裡會是不錯的選擇。👅 味道:4.5/5💰CP值:5/5🕴🏻服務:5/5🔰餐廳環境:4/5👀回頭率:4.5/5🍽 餐廳:李家(太康街)🌐地址: 西灣河太康街1號麗灣大廈地下L號舖 繼續閱讀
(以上食評乃用戶個人意見 , 並不代表OpenRice之觀點。)
其實呢間我以前食過一次,我仲記得嗰時佢係香港第一間韓式炸雞店,食正第一水,但印象中佢哋嘅炸雞味道都幾正宗!今次經過李家門口,又勾起咗我想食韓國炸雞嘅癮,就果斷入咗去食🤣一入到去嚇咗嚇,竟然無人,記得以前去尖沙嘴分店係要排隊入去,全盛時期係要排4-5個鐘😳 店員指示我哋去樓上坐,一上到去就見到有唔少人🙊樓上座位比下層多,冷氣開得都比較大!店員話可以Scan qr code自己落單,炸雞係即叫即炸,等咗差唔多廿幾分鐘先等到碟炸雞,店員都有講聲唔好意思👀❤️前菜棷菜絲淋咗少量沙律醬,醃蘿蔔酸酸甜甜,幾開胃。好食度:⭐️⭐️(2/5)❤️ 半半炸雞 $168呢個係一半原味一半甜辣味!係有連埋骨嘅💁🏻‍♀️官方話佢哋係堅持每件雞都要醃製24小時先可以去炸,食得出係醃得幾入味😋炸雞炸到好香脆,炸漿唔算特別厚,肉質都算juicy,就算雞胸位置都唔算嚡口👀甜辣味炸雞都幾惹味,一入口首先食到甜味,後期辣味慢慢湧出,唔算太辣!原味就有濃濃胡椒味。每件雞大小不一,某啲部位無乜肉,無啲部位就啖啖肉😋 兩個人食好快就清哂成碟!好食度:⭐️⭐️⭐️✨ (3.5/5)餐廳推薦度:⭐️⭐️⭐️ (3/5)餐廳水準比我以前喺尖沙咀食嘅水準好咗,但唔係我食過最好食嘅韓國炸雞!未食過或者口痕嘅話都可以食吓,呢間唔會令你失望而回! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-09
26 瀏覽
好耐都冇食過韓國炸雞,朋友建議食李家,今次係我第一次食李家,喺門口見到餐廳有少少韓國風格,入到餐廳見到位置唔係好多,侍應表示上樓上才知道原來有上下兩層,餐廳打造成酒吧風格,牆上面有好多唔同嘅牌同霓虹燈做裝飾,仲播住韓國嘅MV,餐廳主要分成三行,每一行都係卡位設計,好有獨立嘅空間,值得一讚餐廳用自助落單形式落單, 好方便餐廳會先上酸蘿蔔同埋沙律做前菜,侍應見到我哋沙律食晒仲問我哋需唔需要加,好貼心餐廳有午市套餐,我選咗一個韓式炒辣豬肉$68,套餐仲有好多配菜,賣相好吸引,而且韓式炒辣豬肉味道好好用來送飯一流,另外我仲加咗$12轉配檸檬梳打特飲,再加$35散叫一杯西柚梳打今日過嚟目的係要食炸雞,我哋選咗蜂蜜蒜蓉炸雞半份,炸雞剛剛炸起好香脆,呢到係用原粒蒜頭,而且超多蜂蜜汁,平時出去食炸雞我成日都覺得蜜糖唔夠,呢度夠之餘個碟仲有好多汁,岩哂我因為我又好想食炸年糕,所以又加咗一個芝士辣雞炒年糕,其實我哋兩個人根本食唔晒咁多,但係又好想食,一上菜見到超大碟,上面好多芝士,仲要拉絲,而且又好味道,除咗年糕同埋雞肉,入邊仲有好多蔬菜,推薦 繼續閱讀
(以上食評乃用戶個人意見 , 並不代表OpenRice之觀點。)