李家 (麗灣大廈) (已結業)

因為依期好鐘意食韓野，所以就專登四圍搵韓國野食。知道西灣河李家係出名嘅第一代韓國炸雞啤酒，專程特登黎西灣河幫襯！一坐底已經感覺到個種韓國酒吧既風格設計，非常之有特色。鐘意韓式酒吧既人一定要嚟依到好好感受一下，就算唔出國，都可以感受到係韓國餐廳食野嘅感覺。咁嚟到韓式餐廳就一定要叫炸雞先知道有無真功夫，所以炸雞一定要叫。一落單之後，就有沙拉同蘿蔔，非常之貼心。辣BB豬骨比較辣，所以建議放係最尾先食，如果唔係好易食其他野既時侯無哂味。海鮮餅大份好食，加埋個醬幾夾。炸雞就係嚟到韓國餐廳必點嘅野，後悔叫得細份，炸雞脆卜卜，應該叫多全份先夠喉。餐廳食物質素都高，有韓國地道野食嘅風味，要挑釁既地方可能係價格唔夠親民。

李家 (太康街)地址: 西灣河太康街1號麗灣大廈地下L號舖電話: 23112555===================在多年前韓國勢力，包括音樂同食物殺入香港時，我已經好鐘意食呢度架炸雞，當年排尖沙咀店。佢唔係大型連鎖架炸雞，有小店感覺，有炸雞外仲少見架傳統韓國菜。炸雞必定是原味炸雞 (全隻） $158，咬開白煙飄出，肉嫩皮脆不油膩，油炸但一絲油膩感覺也沒有，唔厚粉。全鰒蔘雞湯$198 富貴版人參雞湯，我都好養生架，話曬都踏入中年，湯水甘甜好飲，仲有鮑魚架，雞肉煮到好腍身，輕輕一夾已骨肉分離。骨中架calcium 都在湯水中，補氣好飲。

作為第一代登陸香港嘅韓國炸雞店，李家老闆憑著獨門嘅炸雞秘方，喺香港愈開愈多分店！睇完韓劇想去爽嘆炸雞＋啤酒嘅時候，總會想起李家！無骨半半炸雞 $168可以每款半份嚟個雙拼，啱晒有選擇困難症嘅我！有骨同無骨都係劃一價錢，有骨就可以啜得滋味啲，無骨就可以食得有儀態啲！百零蚊仲要有好多舊，抵食！李家嘅原味炸雞夠經典，炸漿薄而脆仲極香口，雞肉嫩滑多汁！辣式甜辣係炸雞界嘅Signatue，甜而不膩又帶一點點刺激，超級惹味，真係多多都食得落！魷魚泡菜餅 $128大大塊煎餅，內含大量泡菜，爽口帶微辣，加埋魷魚嘅咬口同埋鮮甜味，唔錯！可樂Zero $18Corona $38

韓國菜永遠都食唔厭 今日去左西灣河呢間炸雞始祖放工六點幾去到唔係好多人上層環境寬敞 配上霓虹燈色彩 有種chill chill嘅感覺同男朋友兩個人叫咗半份炸雞 一個泡菜海鮮煎餅 同埋一碟炸醬麵聽落都唔係好多 但係野食嚟到真係嚇死我因為真係 好 大 份 呀個泡菜煎餅應該係平時出面韓國餐廳嘅一倍份量入面嘅海鮮好足料 配上酸辣嘅泡菜 十分開胃煎餅外面煎到燶燶哋 好香口海鮮炸醬麵嘅份量簡直係驚人 相信四個女仔都未必食得晒炸醬麵入面仲有好多魷魚蜆肉 加上煙韌嘅麵質好評好評最後炸雞就唔使多講啦我哋叫咗蒜香蜂蜜味 炸雞外面炸得好脆 但係咬落裏面仲係好多汁就算係雞胸 一啲都唔會乾身而蒜頭同埋蜂蜜嘅味道好夾 仲降低左油膩感配上附送嘅醃蘿蔔 完美呀

好耐都冇食過韓國炸雞，朋友建議食李家，今次係我第一次食李家，喺門口見到餐廳有少少韓國風格，入到餐廳見到位置唔係好多，侍應表示上樓上才知道原來有上下兩層，餐廳打造成酒吧風格，牆上面有好多唔同嘅牌同霓虹燈做裝飾，仲播住韓國嘅MV，餐廳主要分成三行，每一行都係卡位設計，好有獨立嘅空間，值得一讚餐廳用自助落單形式落單， 好方便餐廳會先上酸蘿蔔同埋沙律做前菜，侍應見到我哋沙律食晒仲問我哋需唔需要加，好貼心餐廳有午市套餐，我選咗一個韓式炒辣豬肉$68，套餐仲有好多配菜，賣相好吸引，而且韓式炒辣豬肉味道好好用來送飯一流，另外我仲加咗$12轉配檸檬梳打特飲，再加$35散叫一杯西柚梳打今日過嚟目的係要食炸雞，我哋選咗蜂蜜蒜蓉炸雞半份，炸雞剛剛炸起好香脆，呢到係用原粒蒜頭，而且超多蜂蜜汁，平時出去食炸雞我成日都覺得蜜糖唔夠，呢度夠之餘個碟仲有好多汁，岩哂我因為我又好想食炸年糕，所以又加咗一個芝士辣雞炒年糕，其實我哋兩個人根本食唔晒咁多，但係又好想食，一上菜見到超大碟，上面好多芝士，仲要拉絲，而且又好味道，除咗年糕同埋雞肉，入邊仲有好多蔬菜，推薦

新鮮炸雞係韓國老闆嘅家傳秘方，大大份原隻炸雞同無骨炸雞任你揀全店有10款醬揀西灣河太安樓旁邊都有好多唔同既餐廳今次去食韓國菜,叫李家,聽聞都歷史都好耐,亦都好出名,咁一於過黎試炸雞同韓國人蔘雞湯 平均$200一位就食到飽一飽先評炸雞,炸雞真係好食,有分無骨或帶骨炸雞,識食一定食連骨雞,食起黎更嫩更香口,個醬汁真係食到特別濃郁,蜜糖蒜辣炸雞,本身炸雞有調味係帶點辣炸得好香脆,皮薄肉嫩,加埋超甜既蒜蜜醬汁,加埋辣味,又辣又甜,幾滋味呢度既菜式都係偏大份,原隻人蔘雞湯,中間釀左糯米同唔同食材糯米同雞都煮到近乎溶化,骨都化掉,飲起黎好似食糯米雞粥,好綿好香味道自然既雞湯滋補味美,一定夠飽,因為有糯米,吸左雞既鮮味李家 (太康街) Chicken HOF & SOJU (Tai Hong Street) 西灣河太康街1號麗灣大廈地下L號舖#炸雞 #韓式 #韓國菜 #李家 #西灣河美食 #人蔘雞湯

工作一日，放工後當然要食自己鍾意的炸雞。以前食依家要去尖沙咀，而家喺西灣河都可以食得到，而且地點幾方便。餐廳有兩層，主要用餐喺2樓。有各款炸雞，好處係可以點半份炸雞。不得不讚呢度的醃蘿蔔和沙律都好好味。⭐️有骨咖喱炸雞$128炸雞表面有咖哩粉，入口咖哩味幾香脆，微辣。不會好濃味。如果覺得味道不夠濃可以再沾芥末醬。⭐️京蔥炸雞$108京蔥一絲絲十分香甜，微辣，入口勁香脆，就算淋上醬汁，也沒有影響香脆度，不錯。⭐️年糕餃子湯$98有餃子和年糕，加上紫菜，入口香淡，香淡又不會太單調。⭐️橙汁$20吃炸雞一定少不了喝飲品，椰粒橙汁夠清爽。

每次到訪食李家必點韓國炸雞，但今次想轉一轉新意思就點左炸雞外同樣吸引既韓國熟食。芝士拼辣BB豬骨以gas爐一邊烘熱一邊食，大鐵盤內分為三個部分，最左邊係好邪惡既芝士，中間放左炸薯角，而最石邊就放左主角BB豬骨。BB豬骨以甜辣韓國醬料醃製好，味道集鹹，甜，辣一身，帶有相當豐富層次感。經熱力下半溶既芝士特別香濃，以豬骨沾上芝士後輕輕拉起已經做到拉絲效果。入口既時間外在既芝士已經變行煙煙韌韌而內裏仍呈半溶化感，再咬入去已經感受到豬肉骨既香辣感，肉質唔會骨柴及韌，充易咬開，內裏充滿豚脂香。年糕餃子湯以片狀年糕落湯，年糕入口帶住Q韌感，入口帶米香。韓式餃子偏向較大而且餃子餡好足料，內裏帶粉絲豬肉及韭菜。啱啱食完少少辣既BB豬肋骨飲返啖湯剛好中和辣味。

約了上次同行韓國旅行的友人，在韓國🇰🇵最為難忘的食物就是炸雞炸雞炸雞🍗 今晚決定來個炸雞餐😂 來到西灣河的李家，單看店面已覺韓感十足。餐廳有兩層，第一層專做外賣，第二層dine In. 打著又藍又紅的燈光，細細一個位置已每面牆都有一個電視，播著一首首勁歌熱舞的韓文歌。•原味炸雞$98/半隻 未一枱已嗅到炸雞香味 雞件炸粉偏薄 酥脆不會一咬口就整片掉落😂 一讚 雞肉鮮嫩多汁 肉汁鮮甜清爽絲毫沒有肥膩感雞件大大件 啖啖肉！雞肉帶辣味，微辣 但不會辣得冒汗，惹味•蜂蜜蒜蓉炸雞🍗$128/半隻 這碟帶汁 目測有六件雞 濃郁的蜂蜜味 甜甜的 不只是外皮有味 難得肉汁都入味裡裡外外的蜂蜜蒜香味👍🏻 •除了炸雞我們還多點了一碟韓式炒粉絲 $158熱騰騰冒著煙上枱 份量十足 每啖都吃到肉塊 材料豐富，菠菜黑雲耳紅蘿蔔絲冬茹絲 一入口滿口驚喜 粉絲濕潤不乾 味道濃郁但不過咸 大有驚喜 推介！•今晚是平日依然全場坐滿食客 個個都手拿炸雞滋味地吃 下次炸雞癮起會再來encore~ •As usual, menu for ref:-

最近先知西灣河有韓國餐廳啦！原來李家係西灣河開左分店，作為第一代香港既炸雞店，李家既人氣仍然不減，而且已經有四間分店，相信餐廳食物有一定質素。今日準時放工，決定試一試李家既炸雞！餐廳充滿各款霓虹燈裝飾，不過樓底唔高，感覺有啲擁擠。一坐低會送上免費醃蘿蔔同菜絲沙律。- 海鮮炸醬麵上菜嗰一刻有啲驚訝，份量非常多。醬汁呈深啡色，顔色同係韓國食過既地道炸醬麵如出一轍，而且一樣甜甜地完全唔辣。另外麵條幾煙韌，加上大量海鮮包括魷魚同蝦，口感非常豐富。- 蜂蜜蒜蓉炸雞（半份）小辣半隻有齊雞槌同雞翼，整體非常出色，首先粉漿唔厚，另外外皮香脆肉質嫩滑多汁，加上淋上大量蜂蜜，稱得上邪惡既美味😈如果蒜味再強烈啲就無可挑剔！另外仲叫咗兩杯梳打，分別係西柚梳打同蘋果梳打，價錢同樣$35。個人認為李家較適合多人聚餐，菜式份量好大，兩個人既話可能試唔到太多菜式。以我地為例，一個海鮮炸醬麵已經令我地超級飽。而炸雞的確出色，難怪李家可以屹立多年。

掙扎左好耐先決定寫評語，我覺得有責任話比其他人知。出街食飯真係好少可以用「好難食」去形容，最多係「唔好食」。今次父親節呢餐真係好難食。今日叫左原味同甜辣炸雞各半隻真係好難食。好鞋、干、硬，無一塊係有汁嘅。麥炸雞好食好多。海鮮芝士焗年糕，真係好難食。好難用三言兩語去形容。牛肉炒粉絲，未算難食，只可以話唔好食。平時食飯真係唔嘴刁，但真係無諗過有咁難食嘅野。至於環境，真係麻麻地，因為係閣樓，樓底唔高，唔係好舒服，又好大煙。

今日趁住放假一定要同朋友一齊出下街放下電周圍去飲飲食食.久違地同朋友都好耐無去過西灣河一帶就一於約埋去掃下街直落食晚飯.魷魚泡菜煎餅泡菜餅唔會過厚重麵粉過多,入口帶住一陣泡菜辣香及爽脆既口感,泡菜多過麵粉但咬落又唔會過散及水汪汪咁.再加上魷魚令煎餅多左一份海鮮既鹹香感.唯一煎餅外層可以再煎得更香脆會更好.無骨蜂蜜蒜蓉炸雞係炸雞上淋上特調蜂蜜蒜蓉醬汁令炸雞外層增添風味.炸雞外層炸粉漿唔會過厚而且炸香金黃香脆又唔會過油膩.內裏炸雞肉仍然能夠鎖住肉汁而且肉質唔會柴.入口再沾上蜂蜜蒜蓉令味道更豐富.

次次去西灣河都係喺太安樓掃街，今次就去佢對面嘅李家食久違嘅韓國菜。本身以為得地下一層，原來佢仲有樓上所以等位唔駛等太耐。一坐低就放低咗醃蘿蔔同椰菜沙律我地4個人嗌左4樣，都好夠食因為份量幾足半隻蜂蜜蒜蓉炸雞都有差唔多10件，外皮炸得幾香脆，就算成舊雞沾滿晒醬汁都無損佢嘅脆口😂入面嘅肉質幾嫩滑而且幾Juicy，配埋少少辣又甜甜地都幾好！魷魚泡菜煎餅有成個碟咁大。驚喜嘅係魷魚份量幾足，泡菜同洋蔥增加左個餅嘅口感，但我認為個煎餅可以再煎得脆啲😆芝士拼辣BB豬骨上菜嘅時候會連gas爐一齊上。芝士超多， 見住佢慢慢融好治療，重點係佢有得拉絲😆食嘅時候將芝士包住ribs食！甜辣嘅rib相當惹味，亦都可以中和芝士嘅膩。仲有唔少薯角，俾鐵板烘住keep住脆。仲有個年糕餃子湯，年糕煙韌，餃子都有4,5粒。

之前同朋友試過李家幾正我自己一個人去食嗌咗一個餐燒五花腩加白飯😆😆之前食過佢炸雞簡直試過返唔到轉頭估唔到五花腩都咁正🤩🤩首先佢份量勁多，好吸引呀！我未食嘅時候已經聞到好香燒到每一片五花腩都有少少脆但依然保留咗佢既肉質鮮嫩 另外仲有肉汁用香蔥同埋洋蔥爆香左五花腩😙😙呢個韓式嘅五花腩，真係韓國餐廳先會有嘅味道🤩🤩極度推介鍾意食韓式味道嘅一定要試吓再夾住啲白飯一齊食 好正😍😍估唔到李家唔止淨係炸雞好食喎🙀👍🏻

李家是吃韓式炸雞必去之處，它的韓式料理都很有水準，想念韓國旅行的時候只好來吃一頓韓國餐止癮了前菜有酸蘿蔔和椰菜絲沙律，爽口又開胃海鮮湯 $188海鮮料很豐富，有原隻蟹、蝦、青口、蜆、魷魚，還加入了一些糯米，這個湯辣度很夠，香辣味濃，送飯一流芝士辣雞炒年糕 $168 上面鋪滿一層濃厚的芝士，芝士拉絲超邪惡，年糕煙韌Q彈，醬汁濃郁甜甜的帶一點點辣，捲著年糕和雞肉一起吃超滿足，芝士控必試甜辣炸雞 $108 (半隻)這裡有多款口味的炸雞可以選擇，但我始終鐘情甜辣醬口味，上桌還是熱騰騰的，炸雞外層香脆，入口酥脆，雞肉亦能保持嫩滑，裡面都很juicy，淋上甜甜辣辣的醬，香口又惹味