李家 (麗灣大廈) (已結業)

李家 - 抵食午市炸雞🍗李家最近喺西灣河都開咗分店，之前喺灣仔食過幾次，覺得都幾好食，分量又大，今次一於試下佢嘅新分店先😋鋪頭入面嘅風格同灣仔嘅一樣，都係燈光偏暗，個人唔太鍾意，因為睇得唔係好清楚啲野食🤣之前食都係夜晚，今日lunch食先發現原來佢lunch優優都幾大下，而且係假日都有，我嗌咗半隻原味炸雞都係$78🤣今次係嗌外賣，佢嘅外賣包裝都幾有誠意，啲雞用錫紙包得好實，拎到番屋企食都仲熱辣辣👍🏻啲雞都炸得好香好脆，肉質都ok，但無咩汁，灣仔果間好食啲🙈味道😋：6.5/10價錢💰：7/10服務💁🏻‍♂️：7/10環境🪑：5.5/10

餃子湯： 餃子和年糕太淋,一堆粉頭, 湯太鹹,同張相,相差太遠.炸醬麵冇春醬味又是太淋,一 pet 嘢好難食.海鮮煎餅,煎餅厚到似煎糕,煎餅粉冇開好未拌好,炸雞半隻冇雞脾冇下次

諗住行山前去食少少野先，見到新開左一間韓國菜小店，印象中以前都喺尖沙咀韓國街食過，估唔到開到港島區都有分店。🧡甜辣炸雞（半份）半份大約有五至六件，每件雞件都好完整而且好厚肉，有雞翼同雞脾位，唔會話淨喺比啲頭頭尾尾或者雞胸呢啲無肉既部位比你。味道方面，甜辣醬唔太辣，甜甜地幾開胃，唔會愈食愈溜。炸雞是即炸的，上碟個陣熱辣辣有點燙口，要放涼一陣先食得。外層炸粉好脆口，雞肉好滑同埋夠juicy 。🧡水冷麵除左炸雞外，水冷麵喺第二樣我最愛的韓國菜色。冷麵汁酸酸甜甜的，加埋冰凍的湯底非常透心涼。上菜時店員會幫你剪開冷麵條，麵質煙韌有咬口。見到午市飯類定食都幾豐富，有機會會再來試試。

有日行過西灣河冇啦啦見到間炸雞好似好好味咁，就入去試下😋入到去見到個環境已經覺得好好好舒服，啲服務員亦都好有禮貌，對我地嘅態度都好好，落單嗰陣我地有問服務員有乜嘢好推介同邊款最好食，佢哋亦都好有禮貌咁樣回答我哋。最後，我同朋友入去試咗兩款炸雞，京蔥炸雞同埋芝士炸雞，一嚟到個賣相已經好靚好吸引😋食落口仲正😋啲肉好香好多汁嫰滑，個雞皮亦都好脆口😋超級正，係我食過人生之中最好食嘅炸雞😋下次一定會再試吓其他款㗎！！！！！

咁啱同朋友經過西灣河諗住快快手搵間嘢食，行過呢間韓國餐廳聞到好香炸雞味好似幾唔錯就入咗去食。一去到可能過咗lunch hour所以唔使點等位，餐廳入面空間幾大，感覺好乾淨整齊。同朋友兩個人嗌咗兩個午餐嘅set，個烤去骨豬肉好入味，豬肉夠juicy，唔會好似其他餐廳嘅豬咁乾身，份量亦都夠一個人食！😋朋友食泡菜豬肉湯好濃好足料，唔會係泡菜開水嘅感覺，嘢食做得好好食，上菜又快。見到隔離枱啲炸雞好吸引，好似好脆，下次經過一定會再嚟幫襯試食其他新菜式！👍🏻👍🏻😋

話說有日就口痕想食炸雞，自己本人黎講係炸雞狂魔，食過唔少間炸雞店。間店係主打韓式食品，d炸雞真係好好味，我一直覺得係街吃到嘅永遠比不上餐廳賣嘅，禁唸著試下d新店，禁岩係open rice 見到尼間新開嘅店，又近我，所以就去咗食。d雞鮮嫩多汁，外酥內嫩，外面酥脆。尤其係蜂蜜蒜炸雞，香氣好似狂風巨浪般撲向我個鼻，味蕾和口腹之欲係經不起禁樣嘅誘惑，忍唔住食咗好多好多🤫炸雞唔會炸得好柴，d雞肉好juicy，簡直正到爆😍最緊要d雞上到枱唔會話凍晒，仲係有d熱🥳價錢會有d小貴但係如果你真心鍾意食炸雞，尼個價錢我真心覺得好抵食。

前排朋友介紹李家嘅下午茶同炸雞好味又抵食，今日咁岩經過西灣河就走去試下。坐低見到餐牌佢地嘅午餐同下午茶嘅set有好多選擇，我就揀左下午茶BBQ牛仔骨套餐$68，成個餐嘅份量非常多，又有一碗滿嘅白飯同湯，前菜沙律同幾種唔同配菜。主食嘅牛仔骨肉質好容易咬開，整到岩岩好唔會韌，而且食落好有牛味唔會比醬汁搶曬啲味，呢個價錢唔會貴係值得嘅。而且，餐廳員工嘅服務態度好又有禮貌，朋友無介紹錯，下次一定會再嚟幫襯，仲會帶埋其他朋友過嚟試埋其他野食！

自從有疫情之後，就無左去過韓國旅行，有少少掛住果邊d炸雞同春川辣雞！春川炒辣雞喺尖沙嘴就搵到間同喺韓國食嘅幾似，而炸雞又一直搵唔到間似，某k字頭快餐店d炸雞又唔好食，得個平字。咁岩上個星期喺西灣河行街果時見到有間韓國野，又係食炸雞，咁就入去試下d炸雞啦，我就同朋友一齊叫左半隻半甜酸炸雞隻同半隻芝士調味炸雞（蜂蜜奶油味)，個半甜辣炸雞隻d 汁好juicy ，但d汁又無蓋過隻炸雞嘅雞味，而且啲炸雞炸得好脆，脆過某k字頭快餐店，而芝士調味炸雞d芝士味好濃，啱晒我呢啲鍾意食芝士嘅人，下次想試埋芝士味嘅芝士調味炸雞，我諗啲芝士味應該會濃兩倍！

之前聽其他人講話li間李家炸雞好好食，所以今日特登去try try！😆😆一入到去啲店員好快就留意到我地，好快就安排好位坐🥳依家2人限聚令，啲位都好闊落，坐得好舒服∠( ᐛ 」∠)＿😗！今次揀左個無骨炸雞同埋芝士炒年糕，真係超級好食😋😋😋li度ge drink都好好飲🥤，有超多款o(^▽^)o，有機會一定要再黎過li間或者其他分店試多啲！(⁎⁍̴̛ᴗ⁍̴̛⁎)仲有超多其他味嘅炸雞🍗但無奈太飽食唔曬🥲btw係好好ge體驗！

前日同我班朋友去行街想食炸雞🍗，跟住就見到呢間舖頭。最重要係見到個芝士味炸雞好似幾好味就入咗去。入到去坐低之後，個侍應都好Nice咁介紹D 炸雞有咩特別。最後我哋就決定咗叫半隻蔥味炸雞同半隻芝士味炸雞。等嘅時間唔算太耐，佢拎出嚟已經聞到陣炸雞嘅香味，放低之後見到佢嘅賣相好好已經急不及待想食，炸雞嘅溫度仲幾熱，咬落去完全feel到佢嘅外脆內軟，嗰啲芝士唔太多唔太少啱啱好。重點嗰炸雞係真係好好味，完全啱我嘅胃口。價錢適中都幾合理。😋😋😋😋

上個禮拜日中午同屋企人行街搵野食，見到間舖新開，一於就入去試吓啦！😆反正大家都好耐冇食過炸雞。我同屋企人都特別鍾意食炸雞，等緊野食嘅時候特別期待。侍應都好有禮貌，斟茶遞水，又好有誠意咁推介我哋食乜。👍🏻我哋叫咗半半炸雞，有原味同埋甜辣炸雞。我嘅母親大人唔食得辣，雙拼炸雞就啱晒我哋喇！炸雞一嚟度就聞到香噴噴，好有食慾。😍炸雞外脆內軟，雞肉嫩滑，非常多汁，色香味俱全。👍🏻炸雞做得好好！下次一定會再幫襯。😋

正式西灣河第一炸雞店就係李家! 👊👊入到去服務態度非常好🙆‍♂️ 店員姐姐非常之親切🥰🥰🥰非常之nice。炸雞上到嚟熱辣辣😋😋非常之入味! 特別推薦京蔥炸雞 ， 蔥味出得嚟嘅同時又唔會擋住雞本身嘅鮮味💦💦💦閒到我流哂口水😂 咬落去嘅時候feel 到個炸雞非常之juicy! It is so delicious ! 如果得閒的話我下次都會帶埋我啲friend 一齊食😋😋整體而言survive 同味道都很好!一個字，掂!

I went to the Sai Wan Ho store to try their Fried Chicken but was disappointed at the way they took my request. I ordered the Sweet and Sour fried chicken and asked them to make it spicy but instead they gave me normal fried chicken with sauce separately and told me this is what they have.Bad bad bad..you cannot change the customers order based on your own conscience.In the end I did enjoy it but still had to pay for it along with another rice dish I ordered.Not good service is a big negative fo

其實我覺得佢一般般，唔係話特別好食亦唔係特別難食，有一住附近既朋友問我試左未，我話未，佢就叫我留quota俾黃店算，因為佢覺得唔好食，但我覺得點都要試過先，而我既comment係，冇特別囉...唔記得影張單，我地係去食下午茶既，男人叫左牛肉，比預想中juicy,唔柴，味道就係typical既韓式醬汁味，而我個石頭飯就正常，可能我比較鍾意食個醬，佢開頭俾個一碟真係唔夠撈XD 要再攞... 又係個句，正正常常咁囉...不過我想講既係我杯藍色多腦河，其實我個人好抗拒藍紫色既食物，但有一次試過就愛上左，但呢間呢... 好甜，有尐難飲...

經過西灣河太安樓發現對面開咗間店面全黑嘅店舖，抬頭望望原來係李家🤓當日下層坐滿，店員帶我去上層，店舖位置都好大，但牆身座椅都係橙色同淺木色，而燈光都偏黃偏橙，坐係到個感覺有啲唔太舒服咁，壓迫感有啲重。當日大概3點到，已經係下午茶時間，但同樣都有午市套餐選擇。大概四十幾至六十幾蚊一個餐，價錢唔貴選擇都好多。🥢烤去骨豬肉餐 $48睇圖見到套餐包好多配菜，以為係細細份，點知嚟到俾佢個份量嚇親😂 四格配菜一份沙律一碗湯再加一份主食同飯，$48有咁多野食真係好抵👍🏻配菜有四格但食物種類有七樣咁多，味道正常發揮，最好食係個薯仔，而魚糕就覺得有啲怪味。主食烤豬肉味道偏甜，幾好食而份量都多。整體唔錯，以後午餐又多個選擇🤓