李家 (麗灣大廈) (已結業)

每次去太安樓都話要試李家上星期放大假終於有時間試試~入到去舖頭好細等外賣嘅人都企左三份一間舖依個時候店主叫我地上樓上坐原來一樓先係堂食area充滿住霓虹燈裝飾再加埋強勁節拍嘅kpop好有韓國feel!除左regular menu仲有午餐精選~價錢都好reasonable不過最深刻居然有蟲蟲食🤭落單後先上開胃小食每枱都會有沙律同酸蘿蔔午餐精選只需加$7就有飲品我地叫左蘋果同西柚梳打水冷麵 $78夏日熱辣辣一定要食返碗水冷麵食兩啖即刻降溫🌬蕎麥麵份量好大又彈牙兩個人一齊食先岩岩好食晒~泡菜 $18朋友係泡菜迷😆食完伴碟嘅泡菜唔夠喉額外再encore大大碟泡菜蜂蜜蒜蓉炸雞(半隻) $128今日嘅主角好出色~好彩只係order左半隻無骨雞每件雞件冇呃人全部都係肉好大件炸皮又薄又脆~蜂蜜同蒜蓉嘅balance做得好好唔會過甜或者食完成口蒜味😋炸魷魚鬚拼辣年糕 $158今次就真係比餐廳呃左…又話係小食上到枱完全覺得會食唔晒😂首先會有一鍋辣年糕個鍋好似冇底咁食極都仲有年糕同魚糕🤣依個偏辣小小~不過自己就係中意又辣又甜個個感覺食韓國菜唔可以缺少嘅辣年糕！炸魷魚鬚真係嚇親我地3大隻原隻炸🦑第一次見依種p

朋友話李家係香港韓國炸雞的始早之一，我食過好多間韓式炸雞、但卻從未試過李家，一於跟朋友一齊試試。我哋三個人叫左兩種唔同味道嘅炸雞試吓，酸辣同蜜糖兩款各半份，我哋下午6:30左右落單，但七點鐘都未見雞，其他食物都被我地食哂都未見，忍不住同服務員反映，服務員解釋話外賣單多，所以未得，要我哋等等。再等到7:30，又再等左半個鐘，仍然未見，又想再問服務員嘅時候，係這個時候，佢地先上兩碟炸雞，雖然炸雞係熱辣辣，但真係咩都補唔返。

尋日襯放假周圍行下，去到西灣河本身諗住去太安樓掃街，不過見到李家呢間韓式炸雞店就抽起條筋行入去試。呢間李家位於太康街，在太安樓隔離，好易搵。內裹嘅裝飾都好特別，用上霓虹燈配啤酒圖案，飲啤酒食炸雞嘅意慾即刻大增。蜂蜜蒜蓉炸雞 ($109)由於啤酒炸雞實在太吸引，所以即刻叫左呢款炸雞試下，蜂蜜味好濃，配上蒜蓉超香，炸粉又唔會太厚，好掂﹗﹗京蔥炸雞 ($104)呢款京蔥炸雞面頭有超多京蔥絲，感覺上有些少太重口味，所以我放埋左一邊。之後個底仲有啲鹹鹹地嘅醬，同蜂蜜炸雞完全兩種唔同口味，幾得意。水冷麵 ($86)反而呢款水冷麵就唔算太特別，同埋好似唔太夠凍，上枱果陣都沒咩冰，鋪頭果然最出名是炸雞。Hoegaarden (500ml) ($86)食炸雞當然唔少得啤酒啦，呢間鋪有Hoegaarden飲，即刻就叫左杯500ml黎配炸雞，好飲﹗

好少過嚟依頭食飯，今日專登嚟搵人食食韓國嘢！間餐廳都幾易搵，地下應該係主要收錢同出外賣，等入去個陣見兩個車手等緊外賣。樓上望落都唔係好多位，但係張枱好大都坐得舒服😌 朋友想食炸雞，咁就揀咗兩款炸雞同一份主食。先上韓式炒粉絲，麻油味幾重，但係食落啲粉絲滑得嚟竟然唔覺得好油。肉嘅份量都算多，唔會剩係得粉同菜咁寡。等咗陣終於上第一款炸雞，熱辣辣應該新鮮炸起！芝士炸雞面頭嘅芝士粉同另上嘅芝士醬個味唔同，食落幾有層次。依款個皮好脆好香口！蜂蜜蒜蓉炸雞就因沾滿醬汁所以個皮唔脆，但勝在粉漿唔厚同埋個汁甜甜地都好開胃！本身諗住唔夠食之後要再加嘢，點知食晒都幾飽！

之前叫過外賣 覺得味道唔差。第一次黎食堂食，頭兩樣係粉絲同海鮮薄餅，味道都正常。黎左半份芝士炸雞[$128],一上台就見到有條不知名毛髮倒插係件雞到想嘔出黎，店員有取消番碟野，但呢間野永不再來，連基本衛生情況都處理唔好，幾好食都無用。店員行過黎都係喜皮笑臉，同話無試過咁既情況，同埋淨話取消咗碟雞一句唔好意思都冇 食完即係嗱嗱臨去太安樓再買其他嘢食btw,入面行上去條樓梯都好污糟同間餐廳價錢地位完全不相符

今日去咗西灣河搵嘢食🤩周圍都有好多好嘢食但係我最鍾意就係呢間李家 最出名嘅韓國嘢好多人呢度呢度都係食佢嘅炸雞如果我有一大班朋友我都會架真係好好食 完全同韓國做到一樣嘅味道不過我自己一個人所以就叫咗一份燒五花腩好正㗎佢燒到每一片五花腩都有少少脆但係絕對唔乾仲有肉汁而且份量好多！同埋呢個豬肉真係做得好香，好友韓國嘅風味！好似真係韓國野先會做到豬肉嘅呢個味道🤩真係好好味五花腩勁有彈性絕對唔會覺得好難咬真係做得一百分👍🏻👍🏻👍🏻

今日約咗去「西灣河體育館」打針，既然出開嚟，就一於喺附近食埋晏先走。本來想去「太安樓」搵食，不過又好似無乜新意。有人突然心思思，話想食炸雞，上網  Search 到太康街有間「李家」，門面好養眼，以粉嫩的淡藍色為主調。原來餐廳開咗只係大半年，加上喺橫街，所以一直留意唔到。店面地方不大，原來餐廳還設有樓上座位，每張檯都有高身圍板分隔，私隱度高，加上我們被安排坐在最盡頭嘅一張靠牆方桌，頗有自成一角的感覺。先研究一下餐牌，食物選項都幾多，除了主打嘅炸雞之外，仲有芝士系列、肉類、沙律/湯類、餅/麵類、小食、飲料、精選午餐、下午茶餐等。我哋點咗下午茶餐：石鍋拌飯 ($58)、韓式牛肉炒粉絲 ($158) 同 午市炸雞：半蜂蜜蒜蓉炸雞 ($99)。點完餐後，店員隨即送上醃蘿蔔及椰菜沙律各一份，椰菜沙律新鮮爽口，醃蘿蔔酸酸哋、很開胃，用嚟解膩一流。石鍋拌飯附有蛋花湯、泡菜和辣醬。趁熱將石鍋內嘅牛肉、大豆芽、紅蘿蔔、菠菜、紫菜絲、雞蛋、冬菇絲和米飯加辣醬拌均，味道非常香濃，飯又有少少焦香，微辣惹味。韓式牛肉炒粉絲以白色長碟盛上，嘩！非常大碟，分量十足。配料有紅蘿蔔絲，菠菜、洋蔥、冬菇絲和牛肉等，粉絲炒

疫情期間，出街食嘅次數真係寥寥可數。通常都係放工太攰又唔想煮先出街食。呢幾日成日都想食香口嘢，特別係炸雞。上openrice發現公司附近有間李家。之前食過尖沙咀本店，覺得唔錯，咁今次就食西灣河分店！我哋被安排坐喺上層卡位，都幾闊落，有齊消毒用品，而且係自己用app落單，都幾方便。嚟到李家當然要食炸雞。今次我哋食咗同醬油炸雞各半份。蜜糖蒜蓉炸雞係必食！香脆嘅炸雞配埋甜甜嘅蜂蜜醬同蒜頭，極之香口，真係食完一件又一件，好滿足！老公就比較喜歡醬油炸雞。比起蜜糖蒜蓉炸雞，醬油炸雞鹹少少亦辣少少，都幾惹味。如果無咁鍾意食甜嘅人可能會鍾意呢款多啲。兩款炸雞即使裹上醬汁，外層依然脆卜卜，口感十足。食住炸雞，配埋前菜—椰菜沙律同醃白蘿蔔，絕對唔會覺得好肥膩。除咗炸雞，我哋仲食咗魷魚泡菜餅。呢個泡菜餅係偏多蛋嘅，比較軟熟，而且好足料，有好多魷魚，唔錯唔錯。我哋另外仲叫咗杯濟州橙汁，甜甜酸酸，都幾夾炸雞。總括嚟講，十分推薦李家嘅炸雞，特別係蜂蜜蒜蓉炸雞，李家絕對稱得上係元祖炸雞店！

係依頭多數都係食茶記 係太安樓隔離見到有間韓國野就試下 鋪頭細細上到樓上每張枱空間感都幾大同有好高既隔板私隱度都幾高 而且枱上有個QR Code scan黎落單 見menu頭幾版都係炸雞 又唔同味又可以半份就揀左兩份 等左兩三個字度兩份雞一齊上 每份真系足半隻雞 雞胸啖啖肉得黎都唔鞋口 炸粉好脆口同唔油 清晒兩碟都唔膩芝士炸雞半隻 ($128)依個味d雞鋪滿芝士粉 仲有少少辣味 就咁食都夠咸香味 啖啖肉雞胸位點埋個芝士醬就岩晒 個醬無芝士粉咁咸香不過就幾濃蜂蜜蒜蓉炸雞半隻 ($128)依個味沾滿蜜糖 但個皮都仲好脆 而且雞皮有蒜味幾重中和番甜味 韓式炒粉絲 ($158)Menu寫牛/豬 想揀牛 不過用佢個webpage自己落單又無得揀要邊樣 就隨緣俾左豬 份量都夠兩個人食 肉同菠菜同菇都多 麻油味幾香而且食到尾唔油 炒得幾好聽到後面枱係韓國人 即刻多食正宗韓國菜既氣氛😆

西灣河間李家，聽講好好食😍😍😍😍，梗係約埋男朋友🧑🏻‍🦱即刻去食啦，其實一直以來都同男朋友周圍去食唔同嘅韓國炸雞店，但係都係最鍾意食呢間，因為佢款式多價錢又相宜仲可以半隻半隻咁嗌，所以可以試多啲唔同嘅味道😋😋😋😋今次呢就嗌咗兩款唔同嘅味道，兩款都係嗌咗半隻，分別係原味炸雞，同埋醬油炸雞。原味炸雞來講最重要都係睇吓佢個皮會唔會好厚身啦，雞肉夠唔夠嫩滑，咁李家係原味炸雞來講係做得好好嘅，因為佢個皮薄身，仲炸到脆嘅。而入面嘅雞肉呢就係啱啱好熟晒，仲係好嫩👍🏼👍🏼而醬油炸雞嘅味道就會濃少少，多咗啲醬油嘅香味，都好惹味😋😋😋😋

我之前喺尖沙咀李家食過一次覺得好好食！今次嚟到西灣河估唔到呢邊都有分店😊😊所以即刻入咗去食返個炸雞先🍗🤣自己一個下晝食咗半份炸雞🍗李家炸雞有好多唔同口味嘅炸雞可以選擇，今次我就叫咗呢個醬油炸雞😊半份炸雞有齊晒半隻雞，有雞髀雞翼唔同部位😊😋本來最驚食雞係啲雞胸肉好鞋，但係呢度嘅炸雞絕對唔會，就算雞胸肉位置都仲係好嫩滑👍🏻👍🏻👍🏻超讚❤️❤️❤️❤️中意食炸雞嘅朋友一定要試吓！

今日跟住男朋友去做野🤣去到西灣河佢話要帶我去食好野🤣🤣原來係去左李家炸雞❤️❤️幾醒目啦！知我中意食韓國野🤣🤣今次叫咗呢個芝士辣海鮮炒年糕😆仲記得之前去親韓國都好鍾意食街邊嘅年糕，所以喺香港有韓國餐廳都會想試吓😊呢個辣炒年糕好滋味好過癮，係韓式既辣味！再加埋邪惡嘅芝士係面，簡直冇得彈！另外仲叫咗半份嘅醬油炸雞，雞肉好滑而且好多汁！同埋非常入味，係出色嘅炸雞🍗自己一個都食得晒半隻嘅炸雞🤣🤣

韓國除咗泡菜你又會唔會諗到炸雞哩。諗到炸雞你又會唔會諗到「李家」呢。西灣河分店樓高分兩層，下層主要為廚房及小量座位可招呼食客。落地玻璃，街景望太安樓。然後行樓梯上樓上，私隱度較高，空間感更大，一排排座位整齊排列，卡位式有私人空間感，井井有條。牆壁顏色鮮艷奪目，燈光昏暗，有氣氛，牆上裝飾帶有工業風。每枱都會提供前菜兩碟，分別係韓式沙律菜和酸羅白。羅白酸酸甜甜，好開胃。沙律菜新鮮爽口清甜。甜辣炸雞(半只）＄108今晚主角當然必食炸雞，炸雞新鮮炸出黎，重點係甜辣醬令味道即時出眾起來。甜甜辣辣的很惹味很開胃。泡菜豆腐湯$158材料夠曬豐富，有青口、花甲，蝦、蝦米，豆腐，冬菇，魷魚，翠玉瓜，蜆肉，雞蛋，泡菜、金針菇、大蔥調味。鮮得黎又辣度剛好，非常惹味。比一般泡菜湯更加層次豐富。魷魚泡菜餅$128主要係利用泡菜、雞蛋、魷魚伴勻煎至金黃，帶點脆香，又可以做到不油膩，也算不錯，建議趁熱食更香口。濟州橙汁$35薰衣草梳打$35冰涼的感覺既讓人解渴同時又消滯解暑，最啱熱辣辣的天氣飲。即時讓人涼快起來。餐廳有提供紙巾和消毒手液。讓人多一份放心和安心，並且自動點餐二維碼係非常方便的。

今日去左太古shopping, 突然心血來潮想搵韓國炸雞食，上openrice話搵到呢間李家，見到佢有分店，應該都有保證，就一於坐叮叮去試下。去到職員好快帶我哋上左2樓，原來上面都有出多枱，都有晒隔版同有足夠距離。職員好快就上左兩碟前菜，食落都好開胃。呢度有得自助落單，咁我哋就叫左半隻無骨甜辣炸雞，魷魚泡菜餅同炸魷魚鬚拼辣年糕。炸雞上枱半隻都好大碟，夠晒汁，小小辣，啲雞肉好嫩，皮好食。個泡菜餅主要用蛋漿整嘅，入面好足料，勁大份，夠晒味。最後個炸魷魚有三大隻，仲有較剪俾我哋方便食，炸得好脆，而個年糕就好有咬口，同埋有魚糕片，好有置身係韓國嘅感覺。呢度上菜速度好啱我哋，一道道上就唔會放涼左，職員都好nice。有機會可以嚟試下！

小編👧🏻身為芝士🧀熱粉，當然唔會錯過任何一個可以食到芝士嘅機會啦🙈🙈，嚟到李家炸雞🐥，自自然然梗係嗌芝士炸雞🧀🐥黎食啦🙈🙈因為今次只有自己一個人，所以只有嗌咗半隻炸雞🐥，好得意嘅呢個炸雞上面呢本身就有啲芝士粉🧀，另外仲會配一兜芝士醬喺隔離，雙重芝士享受🧀炸雞脆卜卜，雞肉一啲都唔蟹，最後咪成碟都食晒，一個女仔竟然可以食得晒半隻炸雞，證明呢個炸雞幾好食😋😋😋😋😋😋😋😋😋