影片
港鐵旺角站 E2 出口, 港鐵旺角東站 B 出口
繼續閱讀
電話號碼
31089192
開飯介紹
主打日式燒肉放題套餐，包括不同肉類及海鮮，配料逾過百款選擇，價錢豐儉由人。裝修以木為主材，並以日式風格掛畫作裝飾，環境舒服，是聚餐的好選擇。
繼續閱讀
營業時間
今日營業
12:00 - 23:00
星期一至日
12:00 - 23:00
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
相關文章
前排我同另一半搵咗間氣氛唔錯嘅燒烤放題店好好享受。呢間係有朋友介紹，話呢度嘅燒肉幾好食，種類多樣，啱我哋喎。今次我哋order咗幾款唔同嘅牛肉，最印象深刻嘅係呢度嘅黑牛肉，肥瘦均勻，大概烤到五分熟時，滿滿係肉汁，入口即化。牛頸脊有嚼勁，幾重牛肉味。牛板腱係瘦肉部位，細細咀嚼可以感受到肉嘅層次，而牛舌係我覺得必試嘅一款，微微烤過後，口感爽脆。除咗牛肉，豚五花有住濃厚嘅油脂香氣，配合醬汁就超級美味。雞翼外皮烤到脆脆地。沙律爽脆解膩，搭配燒肉一齊食就唔會覺得膩。而我最鍾意嘅配菜係炸芝士年糕，咬落去有滿滿嘅芝士流心，配埋酥脆嘅外皮，簡直係我嘅最愛。整體嚟講，呢間餐廳嘅食材都幾新鮮，配菜製作都幾用心，用餐環境幾寬敞，係個適合約會或者同朋友聚餐嘅好去處。
繼續閱讀
一次同屋企人嚟到呢度用餐，因為要慶祝阿妹順利考上大學，所以我哋打算食一餐勁嘅，嚟呢度體驗咗呢度最豪華嘅頂級澳洲和牛海鮮放題，另外加咗特級海鮮食到飽。呢度嘅每一樣食材都係頂級嘅，就拿佢哋嘅和牛小排嚟講，我從來冇食過咁鮮嫩多汁，口感咁好嘅和牛，小排嘅油脂雪花好靚，肉感好有彈性。然後就係和牛胸腹同和牛板腱，喺口感上略有唔同，都係非常好食，非常美味嘅。講到海鮮唔得唔提到佢哋嘅特色牛油廣島蠔肉，牛油嘅香氣完美嘅融入咗蠔肉，味道唔單止鮮美，仲有牛油嘅奶香，令人慾罷不能。佢哋嘅鮑魚經過燒烤後口感都係非常彈牙嘅，肉質好扎實。青口好新鮮，唔會有海鮮嘅腥臭，肉同汁水非常鮮美。然後就係生蠔，冇諗到佢哋嘅生蠔可以咁鮮美，每一啖都能品嚐到生蠔嘅甜，入肚仲會喺口腔裏回甘。唔止肉，呢度嘅菌菇都係一流嘅，杏鮑菇新鮮之餘，味道好清新，食咗比較油膩嘅口味，嚟上一個杏鮑菇，可以解膩。一個晚餐體驗落嚟都係幾唔錯嘅，最緊要係抵食，價錢真係好公道！
繼續閱讀
今日同姐妹嚟食放題，我哋叫咗「上品牛肩胛放題」，食得好滿足😌最鍾意佢哋d牛肉件件都好新鮮～頂級肩脊肉：一睇就知好鮮美🤩啲肉質夠緊實，又有好多脂肪醉均分布，燒完之後外脆內嫩🤤牛胸腹：呢個部位嘅肉質就比較結實，連住筋膜同肉絲，但燒完之後肉味勁香😍骨付牛肋肉：燒完之後入面仲係勁多汁，但又唔覺得好油膩，正🤩雞肝&雞腎：用辛辣醬醃製完嘅雞肝同雞腎，辣度啱啱好，燒完之後雞肝食落仲係好嫩滑；雞腎就好有咬口，加埋啲辣味，正到爆！味增豬大腸：豬大腸外面燒得幾金黃，賣相唔錯，而且d味增味超香🤤豬大腸食落又唔覺乾身，勁惹味😍鮮冬菇：用料唔錯，燒完之後即使冇乜調味已經好鮮甜🥰
繼續閱讀
之前阿爸阿媽嚟咗旺角我屋企探望我同佢哋嘅寶貝孫，然後午餐時間就打算帶佢哋去食自助餐，佢哋都好鍾意食日式燒烤，所以我就揀咗呢間本場嘅日式燒烤放題。主要仲係呢度地方夠大，然後環境乾淨又安靜，食材都係一流嘅。叫咗美國SRF極黑牛放題我哋大家一齊食，任食嘅食物種類多，然後價錢又公道。主角美國SRF極黑牛我仲係第一次食，之前食嘅都係和牛，第一次食美國黑牛，發現喺口味同口感上都各有千秋，極黑牛嘅肉質都唔使和牛差，可以食得出高等嘅牛肉口感，然後油脂都好細膩，唔會令人覺得太過油膩，而且燒烤仲突出咗牛肉嘅香氣。而且佢哋仲配有其他牛肉嘅各種部位，例如牛板腱、牛舌同牛頸脊，我記得阿爸最鍾意食牛舌，阿媽就鍾意食牛板腱，我就即刻幫佢哋燒咗幾塊，佢哋食得都讚不絕口。除咗牛肉，雞腿肉用嚟燒烤，口感都係非常正嘅，尤其係喺刚好燒嘅刚刚好熟，口感係最佳嘅。我哋仲試到咗特色蒜香牛油蘆筍同特色薯餅，感覺都特別好味，蘆筍嘅香味非常濃郁，然後食咗好開胃，薯餅就好脆口，食咗仲想再食。最緊要嘅就係仲有吉列蝦，味道特別甜，而且肉質偏向軟糯，好好食。呢次佢哋老人家都食得非常開心，我哋呢次嘅體驗非常正！
繼續閱讀
聽朋友介紹旺角瓊華呢間和牛放題好正所以今次嚟試吓🙌🏻🌟頂級澳洲和牛海鮮放題M5澳洲和牛小排每一片都見到油花分佈均勻肉質軟滑入口即化M7和牛胸腹油花分佈好靚肉香撲鼻 食落好香口💯M7澳洲和牛牛板腱肉質特別有口感夠韌夠彈牙 仲要多肉汁牛肉香特別濃郁😋半殼青口新鮮夠厚肉 香甜可口味付墨魚仔新鮮彈牙食落好開胃! 海車老蝦肉爽彈 蝦香撲鼻!蝦肉爽口多汁又鮮甜真係食到停唔到口自助區熟食菜品、前菜、蔬菜、水果、飲品等超多選擇 味道好唔錯 性價比高👍🏻
繼續閱讀