影片
港鐵旺角站 E1 出口, 步行約1分鐘
繼續閱讀
電話號碼
35650743
開飯介紹
來自台灣的單人燒肉之王，主打冷藏熟成肉和高品質海鮮，套餐包括肉、主食、湯品、飲品及甜點，更可無限享用韓式小菜及沙律自助吧。
繼續閱讀
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關餐廳
餐廳告示
29/04全新套餐模式，雙拼肉品$68起
2025-04-21
來吃燒肉smile🥩跟著點就對了👇
Step1👉🏻#日式個人套餐 ✨小資價$𝟔𝟖起
獨門醬料𝒳冷藏現切肉～日式鹹香隨肉汁噴發🤤
首推 #smile特盛套餐，𝟔品海陸雙饗$𝟭𝟮𝟴起
Step2👉🏻#滿額升級 蔥花『蘭王』玉子飯
日本人氣貴族雞蛋，食過返唔到轉頭.ᐟ.ᐟ
蛋滑味濃，與燒肉搭配堪稱人間美味🫶
套餐附韓式泡菜、椒鹽鹽蔥、越光米飯和牛骨湯
滿額可選擇免費升級牛筋飯或蔥花蘭王玉子飯
Step3👉🏻#來份霜淇淋 完美句點🩷
精選甜點與濃郁霜淇淋$𝟭𝟱
多款台灣正宗奶茶也只要$𝟭𝟴
跟餐再折$𝟱，實惠又高質
可點擊網址查看高清版本menu https://jhujian.com/VYuhJ
詳情
有關獎賞計劃
海陸牛特盛套餐套餐有板腱牛排、牛五花、現流冷藏雞腿、鮮蝦、鮮魷魚、鮮味鱸魚，肉質好嫩，色澤均勻新鮮，燒嘅時候爆晒啲油出嚟好吸引，再配埋蔥花蘭王玉子飯一齊食味道好夾，牛肉好多肉汁，另外仲有濟州海帶豆腐湯，成個套餐好豐富。SMILE盛合套餐牛五花、牛橫膈膜、豚五花、鮮蝦、鮮魷魚、鮮味鱸魚，肉類我最鍾意食牛橫膈膜，燒到外脆內軟，好香濃，牛筋飯啲牛筋好軟淋淋，而且個醬汁好濃郁，令到個飯好入味，另外仲有雪濃牛骨湯。我哋再散嗌咗呢幾款野食，蔥鹽牛舌肉質爽口彈牙，唔洗燒太耐好快就熟，同蔥鹽味道好夾，好濃嘅牛味。雞松板肉質嫩滑，就算燒耐咗少少都唔會好乾好韌。伊比利黑豚同松坂豚，肉質鬆軟，唔會有豬腥味。海鮮方面揀咗鮮蝦同鮮魷魚，魷魚麻油椒鹽味好好食，口感彈牙新鮮，味道啱啱好，唔洗再點其他醬汁都好夠味。每日精選甜品有兩款黑糖布丁刨冰好濃郁黑糖醬味，配埋果肉同布丁一齊食好解渴。士多啤梨布丁刨冰，士多啤梨味好突出，食落比較甜啲，好適合夏天食好消暑。
繼續閱讀
食完之後好有衝動即刻寫食評記低，因為環境氣氛服務都唔錯，值得推薦。最近去咗這間台灣過江龍燒肉店，真係好正！🔥 平日午市有好多雙套餐，最平價錢由$58到$118 性價比超高，食得好滿足！晚餐98-158嘅（拉到最低有Menu）朋友揀咗三款唔同的肉類，真係超級豐富。我點咗美國板腱牛同自然豚梅花，燒到外脆內嫩，肉汁爆棚，香味撲鼻，一啖落去真係好滿足！🤤鱸魚都好容易燒韓式雪蟹膏拌飯，重點推薦！蟹膏香濃，而且一啲都唔貴，高質之選！仲試咗佢哋嘅「日和極上盛合」肉質非常奢華套餐$298，入面有日本A5和牛、西班牙伊比利黑豚、無骨牛小排、龍躉石斑同鮮蝦。啲肉用咗「冷藏肉」，比普通急凍肉嫩好多！A5和牛嘅雪花紋好靚，油脂分布好均勻，入口即溶，牛小排肉味好濃，石斑魚燒完魚油香直接飄出嚟，正！套餐仲有味噌湯同白飯，份量好足。我仲升級咗雪濃牛骨湯，湯底濃郁到不得了，飲一啖就覺得成個人被肉香包圍！另外加咗個日本蔥花玉子飯，醬油同蛋汁撈飯，香到停唔到口！-如果麻麻哋鍾意食牛 非常推薦這款黑豚味道肉質都係非常好 份量又多可以單點自助吧都好正，有各種沙律同韓式小菜，泡菜、豆芽、醃蘿蔔、醬油鵪鶉蛋乜都有，生菜任攞，醃蘿蔔酸酸甜甜，超級開胃，好鍾意！🥗最後加$15食咗個焦糖歐蕾，焦糖脆脆哋，布丁滑滑哋，食完燒肉再食呢個，真係好滿足！🍮。總之，呢間店真係好正，食材新鮮💯已經book定下個星期再嚟食
繼續閱讀
台灣過江龍築間餐飲集團旗下嘅人氣一人燒肉店「燒肉Smile」係香港都開左一段時間。除左每人一份燒肉，仲可以任食自助吧沙律同韓式小菜，性價比更高！▪️日和極上盛合$298極上盛合包括日本極上A5和牛、西班牙伊比利黑豚、無骨牛小排、龍躉石斑同鮮蝦。呢到嘅肉都係用冷藏肉，比出面用嘅冷凍肉質素更高，肉質更嫩‼️A5和牛帶雪花紋，油脂平均，入口嫩滑。牛小排肉味相對較濃。石斑切得幾厚肉，燒完充滿魚油香。套餐包括麵豉湯同白飯，豐富☺️▪️SMILE盛合 $258SMILE盛合價錢再平啲，有無骨牛小排、松阪豚、牛橫隔膜、雞腿肉、北寄貝、鮮蝦同鱸魚菲力。松阪豚入口幾爽彈，牛橫隔膜肉質結實帶點嚼勁。北寄貝、蝦同鱸魚都幾新鮮，調味唔錯▪️蔥鹽牛舌$88估唔到牛舌係咁大份！有成接近20塊，每片都好薄，加上爐火幾猛，輕輕燒數十秒就可以食，推薦搭配昆布椒鹽粉，好惹味😋▪️日本雞松阪$38松阪亦即係雞後頸肉口感同豬頸肉有啲似，都係偏爽口同有彈性，必試💖▪️焦糖布蕾//黑糖白玉奶酪+$15甜品同喺築間火鍋食嘅一樣，布蕾蛋味幾香，白玉奶酪奶味幾濃，兩款口感都好滑溜，味道偏甜▪️蜂蜜檸檬水+$15//鳳梨冰茶 +19食燒肉緊係要配台式飲品😆以上兩款都唔會太甜，味道清甜，解渴解膩➰野菜放題出面嘅自助吧就有沙律菜同韓式小菜可以揀，有泡菜、大豆芽菜、醃蘿蔔、鵪鶉蛋等等，款式幾多，仲有大大塊生菜任拎包肉食🤗醃蘿蔔甜甜酸酸好開胃，大愛💓平日午餐$58就可以食到一款肉類，晚餐都係$98，有八款可以揀，抵食😍
繼續閱讀
今日我哋下晝去咗食燒肉，揀咗呢間性價比之選，$199一位 90mins真係要推介呢間嚟自台灣嘅燒肉 Smile！話說佢係台灣年銷120萬份嘅超人氣店，仲要喺2022年攞咗網路人氣第一名添。今次試咗$199嘅嚴選套餐，講真呢個價位喺而家嚟講真係抵食。未食肉之前，一定要讚下佢嘅沙律自助吧！特別係柚子蘿蔔，爽口開胃，柚子香清新提神，配搭得啱啱好。自助吧仲有唔少肉類可以自己揀，方便又快捷。講到重頭戲嘅肉類，真係諗起都流口水！😋 美國板腱牛排有三個味出選擇：薄鹽蒜香、醬燒同韓辣。個人最鍾意薄鹽蒜香，蒜香夠香但唔會蓋過牛肉本身嘅味道，肉質嫩滑多汁，唔會死韌。薄切嘅牛肉就更加入味，特別係配埋麻油嗰款，香噴噴！韓辣味嘅牛角切都值得一讚，辣味夠曬韓式風味，又唔會辣到上頭，啱晒香港人口味。手切松坂豚就肥瘦適中，燒到啱啱好嘅話，肥肉位會化喺口裡面，香而唔漏，正！海鮮類嘅極鮮鱸魚同白蝦都新鮮。鱸魚肉質結實，白蝦夠爽彈，配埋特製醬汁就啱啱好食。總結嚟講，燒肉 Smile 絕對值得一試！食物質素有水準，價錢又夠抵食，最重要係肉類選擇夠多元化，$199啲肉都咁靚🥰
繼續閱讀
今日與朋友踏入台灣網絡人氣爆棚的燒肉名店——焼肉スマイル（燒肉Smile），彷彿進入了一座燒肉天堂！店內環境簡約時尚，空氣中瀰漫著爐火燒烤的香氣，每一次深呼吸都是對美食的極致期待。衛生條件無可挑剔，桌面潔淨，烤盤一塵不染，讓人感受到店家對品質的極致要求。而最讓人驚喜的是，服務員個個笑容滿面、熱情洋溢，不僅細心介紹菜單，還貼心指導燒烤技巧，讓我們的燒肉體驗更加完美！ 我們毫不猶豫地點了「日和極尚盛合套餐」，內容豐富得讓人眼花繚亂！先來看看這一盤 極尚A5和牛，粉嫩細緻的肉質閃耀著迷人的油花，輕輕放上烤網，滋滋作響的瞬間，肉汁與脂香交織成一場味覺爆炸！入口即化，宛如在嘴裡上演一場極致的和牛舞蹈，搭配日式蔥花玉子飯，蛋香、蔥香、牛肉香，三者交融，層次豐富，令人陶醉！ 接下來登場的是無骨牛小排、西班牙伊比利黑豚、石斑與精選白蝦，每款食材都彷彿經過千挑萬選，色澤鮮亮，油脂分布均勻。伊比利黑豚肉質細嫩，烤至微焦後，香氣瞬間炸裂，讓人忍不住一口接一口。而石斑的肉質彈牙紮實，搭配微焦的魚皮，口感更上一層樓！ 然而，真正讓我驚艷到屏住呼吸的，竟然是Smile盛合中的松阪豚！這塊豬肉簡直是燒肉界的奇蹟，肥瘦比例完美，燒烤後外層微微焦脆，內裡卻仍保有彈性，每一口都讓人驚呼連連！而鱸魚也是一大亮點，魚肉細緻鮮甜，燒烤後帶有迷人的火香，讓人欲罷不能！ 還不過癮？我們當然要追加！魷魚與北寄貝上場，新鮮度爆表！魷魚彈牙Q嫩，帶有濃厚的海洋風味，而北寄貝則鮮甜多汁，每一口都像是在大海中遨遊，享受最原始的鮮美滋味！ 最後，來杯鳳梨冰茶，酸甜清爽，完美解膩，讓味蕾在燒肉的狂歡後得到最溫柔的撫慰。而甜點焦糖布蕾*更是驚喜收尾，焦糖薄脆香濃，布蕾滑順細膩，甜而不膩，為這場極致燒肉宴畫下最完美的句點！ 焼肉スマイル，真不愧是燒肉界的巔峰之作！無論是食材品質、環境氛圍，還是貼心的服務，都讓人感受到極致的用心，這絕對是值得一訪再訪的燒肉聖地！台灣燒肉控們，還不趕快衝一波？！🔥🔥🔥
繼續閱讀