有蒸氣 海鮮石鍋專門店 (已結業)

今年經歷過人生最凍的冬天，應該要感恩吧？！因為全球暖化，將來或許再沒機會感受嚴寒了。氣溫只得幾度，最正的活動莫過於鑽入被窩，其次是成班朋友聚在一起打邊爐。可是女生們怕湯底太肥，又想吃盡食物的原汁原味，那麽，蒸氣石鍋便是不二之選。大夥兒來到尖沙咀「有蒸氣」，晚上七時許客人不多，我們幾個「早鬼」最鍾意速戰速決，一來餐廳人手較鬆招呼更好，二來環境不太嘈吵方便吹水，三來吃罷可以早點返歸「冬眠」。安頓後四周張望，店子裝修簡單平實，除了舒適的靠窗卡座，還設有三間貴賓房。最吸引莫過於放滿海鮮的攤位，看中那款直接落單，便可品嚐到即切剌身了。開動蒸氣石鍋之前，先試幾款招牌小菜。秘製花甲($68)大大隻，肉地飽滿。清潔工夫做得徹底，完全無沙。廚師以香辣醬汁烹製花甲，惹味濃香，引發食慾大增。剛剛炸起的避風塘茄子粒($48)，色澤金黃、賣相吸引，迅速被大家掃得乾乾淨淨。包在面層的粉漿不會太厚，外脆內軟，沒有出現油淋淋之劣態。此菜以避風塘方法處理，加入辣椒、蒜粒、乾蔥等，極之香噴噴。店員推介招牌咕嚕肉($128)，笑說非試不可。成品外層果然酥脆可口，內裏的豬肉則肥瘦適中，不會有硬磞硼之感。配合酸甜有致、味道自然

得一想二的快樂晚膳 蒸氣石鍋加超正小菜共治一爐上兩星期朋友帶我嚟到位於天文台道嘅有蒸氣，一聽個名都知道佢肯定係食蒸氣火鍋啦，原來佢哋唔單只海鮮新鮮好食，仲有好多撚手小菜！大家去到記得響Facebook度打卡，我一坐低就比個朋友係咁捉住我要打咭啦！原來打咗卡會有神秘優惠！遲到嘅我全部朋友啤住我~ 係！I am sorry ! 令到大家久等了！原來堂日打卡送神秘優惠係超甜美象拔蚌仔同甜蝦刺身，象拔蚌彈牙鮮甜！象拔蚌刺身送嘅都咁正就知道嚟緊嘅海鮮會係吸引死人啦！接着就嚟到佢嘅招牌私房菜，呢度嘅小菜價錢同小食價錢都好實惠，大概數十至百多元！而且份量都頗大！抵食之選！先泥個秘製花甲，花甲夠大隻，而且很入味，花甲唔會得d 殼，每隻殼都有肉呀！仲有呢個扺食避風塘茄子粒，新以為只係小息一啲吧點知黎到成個餸咁大！炸得香脆可口，帶點鹹辣嘅香味， 想點唔會太油，一啖一件，問吓幾錢呀先至＄50一碟！啱晒我呢啲茄子狂人！忍唔住口再叫多個避風塘鱔片，其實食咁多炸嘢真係好邪惡！但係我真係好欣賞佢哋嘅咋野唔會好油而且佢嘅避風塘做得十分出色！鱔片彈牙，而份量夠多，粉漿唔會太厚剛剛包住鱔片，外層脆口惹味，內層厚肉肉質鮮嫩

黎蒸氣火鍋店唔蒸很有趣的說。當枱枱煙霧瀰漫之際。我地煙都唔煙。但係又得勁為過癮。個蒸爐淪為我地放餸既平台。都咪話唔攪笑。 先黎兩味炸野。避風塘茄子同酥炸墨魚頭。開頭諗住墨魚頭會係墨魚咀連墨魚鬚。點知原來係魚片頭咁既樣。墨丸膠夠彈牙。一路咬一路會吱啲好鮮味既汁出黎。仲有粒粒墨魚同脆軟骨。無論口感食味都好好。而茄子又得喎。粉漿極薄。油溫控制得好唔會成口油配埋啲炸蒜真係呢。 跟住黎兩個凍海鮮。先黎既係秘製花甲。花甲夠肥美。輕焯之後用帶酒同鹹香既秘製汁提鮮。效果唔錯。凍花蟹就食得多。凍瀨尿蝦唔多見。第一要隻尿蝦夠大。又要夠實肉。來貨一定要有門路。同某家既冰醉瀨尿蝦唔同。呢到既凍尿蝦同凍蟹做法一樣。就係蒸同攤凍。淨係用瀨尿蝦本身體內既海水黎調味。最最最爆既係竟然係爆米既瀨尿蝦。中間條膏既比例仲多過肉。膽固醇萬歲！多人分食一隻唔過份啦XD 黎個湯暖下胃。係杏汁白肺湯。叫價五百仲要預訂咁巴閉。飲落夠濃夠厚身。豬肺冇異味又白雪雪食等放心。唯一不足係杏味對我黎講未夠喉。嗯。咁當然我係比較重口味既。 跟手黎個雞油蛋白花蟹。呢一味真係分唔清邊個係主角。花蟹頂殻肉滿又甜。蛋白吸

蒸海鮮的餐廳已經試過兩間，今次朋友介紹位於尖沙咀的有蒸氣海鮮石鍋專門店，他說不單有蒸氣海鮮吃，更有私房菜和刺身，一次過滿足到三個願望，放工就相約過去試。象拔蚌仔、甜蝦刺身而當晚打卡更送神秘食物，象拔蚌仔和甜蝦刺身。每人可享用兩隻甜蝦和幾片象拔蚌仔，味道蠻鮮甜的，沒想到贈送的都如此美味和夠份量。秘製花甲 $68 未齊人就來幾碟私房菜吧，秘製花甲肉質爽口，它的香辣醬汁更加刺激了我的胃口。避風塘茄子粒 $48 炸得乾身又夠香脆的茄子粒，細細件，正好一口一粒，外脆內軟又夠惹味。瀨尿蝦$368/隻以為蒸熟了的瀨尿蝦淡而無味，非也，瀨尿蝦肉厚而且肉質扎實，味道鮮甜，最重要是蝦膏很多，非常鮮味。黑松露粉絲蒸蟶子皇 $58/隻 有如手臂般長的蟶子王份量十足，蟶子王肉質鮮美，口感爽口，而粉絲更是精華所在，口感軟稔沒有結塊，配上黑松露更是惹味。花雕蛋白蒸蟹 $288蟹肉鮮味而已吸收了花雕，多了份酒香，花雕酒味濃郁，而蛋白吸收左海鮮精華及花雕後，亦帶少少酒香，口感滑溜。鑽石蜆 $138/斤鑽石蜆比普通的大蜆價格貴一點，不過蜆肉肥美，體積較大，帶有海水的鮮味。蕃薯排骨粥底 $68/小份最後當然是是日的重點粥底

好凍呀! 有乜好得過打邊爐呢! 有， 去食蒸氣石鍋， 同樣熱辣辣，但更加原汁原味!又一蒸氣石鍋選擇， 有蒸氣 海鮮石鍋專門店， 新鮮海鮮大隻鮮甜選擇多， 等食蒸海鮮時，先食私房菜， 不用餓著等食的感覺非常好!先來個Fb打卡， 今期送甜蝦象拔蚌。迅即被掃清後， 開始今晚海鮮私房夜囉!酒糟雞腳 $58，雞腳好爽脆， 呷一啖酒槽， 那酒醇味濃而不嗆喉， 正!咕嚕肉 $128， 平凡小菜中顯出不平凡， 無骨啖啖肉， 外層像有薄薄脆糖般脆口， 甜酸度適中。花雕蛋白蒸蟹 $288， 超讚的一道菜， 鮮甜蟹肉超多膏，蛋白像豆腐花般超滑溜， 滲出濃香花雕味， 像在吃薑汁豆花一樣。杏汁豬肺湯 $480， 用即磨杏仁，加上滑嫩豬肺，好清甜， 超滋潤。肚子填滿了一點， 那邊廂海鮮也蒸熟了! 斑馬瀨尿蝦 $368, 巨大得有點嚇人， 但爆膏的瀨尿蝦真的首次吃到，一層蝦膏夾在肉的中央， 蝦肉鮮爽膏香濃!海鮮蒸千葉豆腐 $98, 千葉豆腐好精美， 滑溜有豆味， 在其上放上珊瑚蚌及加拿大海膽， 太鮮甜香嫩了！雞油蒸鮑魚 $88/隻， 南非八頭鮑， 加上薑蔥雞油果皮齊蒸， 爽口又帶點柔軟， 自己一隻超滿足。蒜香蒸扇貝

對於打邊爐, 我沒多大興趣, 因為好多時把食材放入滾湯中焯得過時而浪費了, 但蒸氣火鍋我則幾喜歡, 因為有專人計時,確保不會蒸過龍. 早前去到位於尖沙咀天文台圍道的有蒸氣海鮮石鍋專門店, 除了靚料好味, 還是靚料好味. 雞骨草清肝, 差不多成壼給我喝光, 因是夠熱又不死甜. 點好菜後, 只要在面書打卡店方就送神秘優惠, 今期是象拔蚌仔和甜蝦刺身 不要以送既就質素差, 剛剛相反, 好過好多放題多多聲, 象拔蚌仔尤其好吃. 在這裏, 吃的不只是蒸海鮮, 還有前菜及小菜, 例如秘製花甲, 少少麻辣味, 肉夠實淨, 吃時一定要連汁, 好有避風糖風味. 而酒糟雞腳更是我最愛, 花雕酒香不濃, 雞腳是爽口的, 這碟是在等飯腳期間最好的食物, 慢慢啜消磨時間. 超有水準的咕嚕肉, 咬下去是少少脆口兼肉不韌, 好快被清碟哩. 一端上枱就令人嘩一聲的花雕蛋白蒸蟹, 大大隻蟹在嫩滑的蛋白上, 還有橙黃蟹膏, 今勻是視覺和嗅覺行先. 蟹肉依然嫩滑, 蛋白滲出花雕酒香, 滑入喉嚨再細味, 正~ ~ 明明就是去吃蒸氣石鍋, 為何以上全都沒關係的呢? 對! 以上都是店員推介勁好味的菜式, 唔食好可惜. 果然又

本身少來這頭搵食，要不是友人介紹，我們也未必會專程過來呢。這是新張期間Facebook打卡，免費送的甜蝦和象拔蚌刺身。份量都幾多，幾鮮甜，不錯的熱身菜。咕嚕肉$128，無骨，啖啖肉，肉質軟熟，配以咕嚕醬汁，食得好爽。酒糟雞腳$58，我自己本身不喜食雞腳鳳爪之類的，沒食，朋友就話味道偏鹹，感覺一般。酥炸墨魚頭$98，炸得非常香口，肉質彈牙。蒸氣火鍋主菜食品時間。先來鮮淮山紅棗雲耳蒸新鮮雞$148半隻雞肉軟腍又入味黑松露粉絲蒸蟶子皇$58隻，好新鮮惹味，蒸得也好夠火候這晚大家也食得好滿足， 好想快些下次再來。

與友人相聚的一個晚上，來到這間位於尖沙咀天文臺圍「寶軒酒店」內的「有蒸氣海鮮石鍋專門店」吃晚飯。這店子的特色，是既有現時仍然方興未艾的蒸氣火鍋可吃，又有私局小菜可嚐，兩者可以一次兼得，只吃蒸氣火鍋又得，只吃私房小菜亦可，這夜我們人多，兩者都可吃到，實在不錯。這兒的各款小菜，水準大多有意外驚喜。「秘製花甲」（$68）的花甲夠大隻，洗得乾淨沒有沙，酸辣的味道十分開胃。「酥炸墨魚頭」（$98）炸得剛好，非常香口，肉質彈牙好味，是送酒佳品。「南乳齋煲」（$98）絕對是意外驚奇。從不曾想過在這兒可以吃到味道恰可，南乳味既不過濃，亦不過淡的齋煲，這兒的，確是好。「蕎頭咕嚕肉」（$128）啖啖是肉，肉質軟熟，外層雖炸得未夠脆，配以均勻的咕嚕醬汁，還不錯。較遜色的是「酒糟雞腳」（$58），酒糟味太重，味道偏鹹，用來下酒可能還合適，但這夜並無酒客，看來就不多適合了。吃過前菜小食，來到第二部分，當然是各款蒸氣火鍋食品啦！這部分的重點無可置疑一定是吃原汁原味的海鮮。但在吃海鮮之前，我們首先吃的「鮮淮山紅棗雲耳蒸新鮮雞」（$148/半隻）。軟腍入味的雞肉，先為各款海鮮打頭陣。之後吃的其他海鮮，就有「金銀蒜粉絲

自從吃過一次蒸汽火鍋後真的深深愛上了它,尤其愛吃海鮮的明白到冇任何烹調方法比清蒸更能突出海鮮的美態~細雨綿綿的晚上獨自往天文臺圍的有蒸氣感覺有點棲涼但一到店內熱氣沸騰跟外出的世界截然不同即時令情緒不好的我開懷不少呢~店方玩神祕優惠如在店內打卡將有驚喜送上~原來係送象拔蚌仔和甜蝦剌身須說是送的但質素一點也不差呢~人未齊先叫點小食及小菜吃著等,避風塘茄子$48我話你哋知不吃是大家損失呀茄子炸得輕酥脆口小許炸蒜點綴已教人忘記外出的不佳天氣~咕嚕肉$128真的要讚賞師傅的炸功肉團炸得皮脆而不厚重肉質細嫩不肥膩,酸甜不搶喉而配菜棄用一般的菠蘿換上爽脆至極的蕎頭更令人傾心Oli睇到嘛妳一定要去試呀~避風塘脆鱔片$169/例牌,店方用鱔片來形容實在太客氣應該用鱔球較為貼切厚厚鱔球炸得皮脆酥香炸漿輕薄鱔肉香滑沒半點酸味令人吃完又想再吃啊^0^好係時候吃蒸氣火鍋了上次在東海滬吃粥底今次便試湯底吧!!龍脷葉蘋果雪梨雞腳排骨湯$128海鮮揀了蒜蓉粉絲蟶子皇$58/隻蒸數分鐘便可蟶子皇新鮮爽口粉絲吸收了它的香氣即時變成主角呢~竹笙釀墨魚膠蒸熟後墨魚膠彈牙鮮香跟竹笙的爽脆如出一轍整體美妙可口~蟲草花鮑魚$88/

天寒地凍最好緊係食火鍋啦蒸汽火鍋大行其道我呢D落後之人終可一嚐揀選有蒸汽去試我的第一次,鍋底要龍脷葉蘋果雪梨雞腳湯$128待蒸完美食後才嘆那精髓飲枝黑啤先呢隻Erdinger黑啤味道甘甜連不喜飲黑啤的老婆大人也偷偷喝了幾口呢祕製花甲此乃凍食帶點酒香花甲肥美肉厚頗特別鵝肝墨魚丸$88/6粒,黑松露蝦丸$$88/6粒蒸時已散發朕朕松露香氣兩丸也非常彈牙味道天然當初略嫌鵝肝墨魚丸內的鵝肝較少未能盡情享受那滋味但吃著又覺得這樣返而得到平衡鵝肝墨魚也能吃出味來黑松露扇貝$48/隻巨大扇貝輕蒸數分鐘軟滑香甜加上黑松露襯托超高貴又好味安格斯牛小排蒸分半鐘即可牛味不俗肉質又淋又滑不錯聽聞這兒私房菜做得頗出色就叫兩樣試下攪笑的東坡肉完全癲覆我心目中的東坡肉姑勿論造型如果這餸還是好吃肥瘦適中的腩肉帶鹹香味佐飯一流另外叫個功夫菜花雕蛋白蒸蟹$288用上紅花蟹已加分不少蛋白滑溜非常帶有淡淡花雕香沒半點苦澀味明顯非20蚊雞花雕,蟹肉鮮甜札實師傅確好手勢

✿╮❤╭✿✿雜感女生 好味日記✿˚*•✰。新鮮．滋補．好味道。✰•*˚✿✿有蒸氣海鮮石煱專門店✿✿❤餓底食錄❤❤天寒地凍約食飯，要揀一定係蒸氣火鍋最近，蒸氣火鍋開到成行成市，成為不少飯腳的選擇識食的朋友推介了一間隱藏於酒店中的蒸氣火鍋店：有蒸氣海鮮石鍋專門店 無他，因為新鮮滋補好味道一到就見座無虛席，店員親切，悄悄通知大家：打卡送神秘優惠原來係超好味的象拔蚌仔+甜蝦刺身象拔蚌仔一口一啖，鮮甜爽脆；朋友則最愛甜蝦刺身，說真的非常鮮甜打個卡就有刺身送，呢個卡認真「抵打」呀！XD 在考慮什麼湯底的時候，我發現最愛的藥材湯——黨參、北芪、雞腳排骨湯底 $128咁凍的天氣，最合適飲此款湯底，是行氣活血補身佳品！未蒸食物之前，先來幾個中式前菜咕嚕肉 $128——食完唔洗吐骨正！呢碟咕嚕肉實在要讚一百個！ 上台熱辣辣之外更是脆卜卜，外表香脆，內裡肉汁鎖緊，質地香軟酸甜可口，無骨好吃，女孩子最愛酸甜野，好開胃呀！酥炸墨魚頭 $98——黃金聖衣！香脆呀！椒鹽惹味香口，炸出來的肉質仍很彈牙大大件，幾個朋友好快分晒，小朋友同女孩子都中意的味道！湯底：真材實料的滋味黨參、北芪、雞腳排骨湯底 $128一倒進去就

近期蒸氣火鍋大行其道，人氣由 2015 直闖 2016，以蒸氣火鍋為賣店的酒家、飯店，甚或乎新開的「專門店」成行成市，令我想起曾幾何時深受男士歡迎、同是帶蒸氣的桑拿或芬蘭浴。不要以為兩者風馬牛不相及，其實在某個點子上有著相同之處。中國人習慣將食物煮熟才進食，在煎、炒、煮、炸、燜、燉、蒸等烹調方法中，專家指出蒸不僅將破壞食物分子的機會降至最低，從而將營養鎖住，保留食物的原汁原味，而且食油也會減少使用；而桑拿或芬蘭浴有助血液循環、促進新新代謝，更通過排汗而將體內廢物排走，所以蒸的烹調方法與桑拿都有著健康的共通點。當晚便跟友人們同到「有蒸氣」吃得健康。「有蒸氣」位於天文臺圍，還是第一次到訪這斜路上的小街。店內養有各式各樣的活海鮮，海鮮是蒸氣火鍋的必吃，怎會沒有呢！最喜歡「有蒸氣」靠窗的一排卡座，感覺舒適！第一趙來「有蒸氣」，店方設有各式如辣椒、炸蒜、芫荽、鮮蒜、蔥花等的醬油配料，恰似平常湯火鍋的做法，可自行調出心愛的醬油口味。尚未齊人，我們唯有先來點小食，一於邊嚐邊等！秘製花甲以惹味香辣的醬汁烹調，牙齒觸碰花甲肉，隨即感應到飽滿、彈性豐富和水盈的肉質，入味程度一流，頓時令我胃納大開！酥炸墨魚

蒸氣火鍋，如雨後春筍般，湧現港九新區，興起了一股「清蒸‧嚐鮮」的熱潮。是夜，應友人之約，攀上了天文台道那一條奪命斜坡，右轉入天文台圍道。嘩，若不是友人喜捐窿捐罅，誰會發現這一家極其隱蔽的「有蒸氣海鮮石鍋專門店」。吓，剛走過斜坡，又要拾級而上﹗看來，搵食真的一點也不容易。後來，始知可於隔離寶軒酒店搭電梯上來。每張枱中間，放有一個蒸鍋，以及五款調味醬料。翻閱枱上的餐牌，有餐前小食、粥底、湯底、海鮮、牛肉、豬肉、雞肉、手剁丸類、糯米飯類、蔬果菌類、糕點類和甜品類等，選擇多樣化。當然，也大套餐提供，啱晒d懶人。原以為又是吃蒸氣火鍋，誰知，餐廳除了蒸氣火鍋外，還有刺身和私房小菜提供。在友人的安排下，我們試了數款甚有水準的小菜。率先登場的是具有行氣活血、滋補強身和驅風去瘀等功效的酒糟雞腳$58，雞腳骨膠原豐富之餘，又甚具咬口和嚼勁，入口酒味馥郁香淳，味道濃郁清爽，滋味無窮。切成條狀的酥炸墨魚頭$98，炸得金黃香脆，卻毫不油膩，且撒上了香氣四溢的椒鹽添味。咬下去，墨魚頭外層酥香，內裏鮮嫩爽彈，且夾雜少量具咬口的墨魚粒，更顯嚼頭。新張期間，凡於其Facebook打卡，即免費獲送甜蝦和象拔蚌刺身。五人份