有口福

營業中

休息中

我和家姐一入到餐廳坐下，侍應非常親切，向我們介紹酸菜魚和炒窩筍，聽到已經流口水，於是點了幾道菜。酸菜魚有洗面盤大，顏色豐富，有花瓣裝飾。少少辣，魚肉好多，好滑又不腥。酸菜爽口，大大粒很有口感。魚肉下還有芽菜和水晶粉，水晶粉很入味，煙韌又滑，食到停唔到口。湯的味道不算濃味，清清地可以當湯飲。清炒窩筍顏色鮮色，非常爽口，完全沒有渣，新鮮。辣油豬耳都不算太辣，蒜粒超多非常惹味，豬耳份量好多，煙韌有咬口，加上青瓜配搭可解膩。天地一號可以整支上，兩個人飲可以每人飲幾杯，好滿足。

Join 朋友一齊去九龍城食飯，上網見呢間酸菜魚好好食，就黎試下！😊坐底之後打開餐牌 除左主打酸菜魚之外，仲有好多推介小食 價錢仲好底 又大大碟 非常抵食 ！叫左碟店長都推介既酸菜魚 有得自選辣度 我自選左小小辣（微辣）上到黎都哇左一聲 ... 因為真係好大碟 起碼都夠3-4人份量 碟魚既辣度好岩我吾食得太辣既人 而且酸度恰好 又無魚腥味 食到停吾到口！😋😋 之後係拍青瓜 青瓜新鮮爽口 辣度一樣係微辣 無得頂 ！再黎一碟係口水雞，見到碟口水雞簡直垂涎三尺🤤口水都要滴下來了 又吸睛。需然只叫了半隻 但應該可以食得曬全隻 只怪調味料做得太好 雞肉很嫩滑！重口味既黎左幾碟！最後叫左碟清炒高筍絲、清爽口感原味多汁呢度可以約埋多d 朋友一齊黎食 ，飽肚又好味！👍🏻👍🏻

媽媽前幾天已經講過想食水煮魚，難得今日放假，就同媽咪細佬兩公婆一齊到九龍城有口福食水煮魚。店舖好近巴士站一落車行2分鐘已經到，好方便。餐牌上有幾款水煮魚，招牌菜式及特色小食，很多選擇。有差不多三四十款火鍋配料選擇👍海蜇絲撈得好入味，喜歡重口味嘅我，呢個係我至愛主角出場-酸菜魚 媽咪同我唔係好食得辣，店員就推介我哋食酸菜魚，真係冇介紹錯，魚的肉質好滑好鮮嫩，加埋配菜一齊食口感豐富，真心好味😋😋😋脆椒雞軟骨-炸得脆卜卜，鹹鹹地好惹味，配啤酒一流。辣椒睇落大大條但一啲都唔辣，只係炸辣椒味香噴噴👍干鍋肥腸-肥腸炸到金黃色，再加入洋蔥西芹炒埋，店員棒來的時候已經香噴噴，大腸不會太肥太多油，食落不會太un，味道適中😋

這天放工後，我約了朋友在九龍城吃晚餐，經過好友的介紹，我們便決定來到這間川菜餐廳試一試，店內環境清潔衛生，而店內的客人幾乎是坐滿的，證明這間餐廳有一定的吸引力胡椒豬肚雞($198)十分重胡椒粉的味道，十分刺激，十分特別，用中藥的藥材和新鮮的雞經過長時間熬成的湯，味道十分濃郁，十分多，對人們的身體十分有益處，尤其是在冬天飲用更有緩胃的作用，紅棗可以補血，杞子明目，北芪對脾胃虚弱的人十分有益處，當歸補中益氣，十分滋補，香稔軟嫩的雞肉，爽彈鮮美的豬肚，這炎炎的夏日會令人胃口欠佳，食用這道菜式令我非常開胃諸葛烤活魚半條($178)用大量的芫茜鋪面，細緻綿化的豆漿干條，彈牙的芽菜，魚非常清鮮甜美和非常香稔軟嫩，份量十分誇張，湯底味道酸酸辣辣，令人十分開胃，非常非常抵食夫妻肺片($50)夫妻肺片是以牛肉作為主料，軟彈煙韌的牛舌、爽彈鮮美的牛肚、香稔軟嫩的牛肉，味道十分辣，十分刺激，十分特別，牛肉片大而薄，麻辣鮮香，十分抵食尖椒皮蛋($43)細緻綿化和黏口的皮蛋，份量很多，味道少許酸，令人十分開胃泡椒凰爪($45)冰凍和味道酸的凰爪，非常消暑，十分新鮮，份量很多啤酒夠冰凍，啤酒和辣的配撘恰到好處整體

依排真係太多朋友都想撩我返大陸食辣野, 可惜時間就唔到, 為咗滿足我哋食辣烤魚癮, 就揀咗九龍城依間有口福了。雖然天氣咁熱食辣野真係有種自虐嘅感覺, 幸好餐廳冷氣夠大, 提供到較舒適嘅環境俾我哋進食。除咗辣野之外, 原來仲有好多好野食, 難怪我見大部份客人都跟店內職員很熟悉嘅感覺, 應該都係熟客多。最後我哋叫咗半條烤魚(麻辣 中辣)$178,  麻辣牛肉 $48, 重慶辣子雞$88, 炒水晶粉 $58, 炸嚮鈴 $48, 午餐肉 $45, 萵笋片 $45, 蓮藕片 $30, 薯仔片 $30, 仲有兩隻老闆介紹嘅燒聖子 $96。麻辣牛肉好惹味, 唔算好辣, 仲可以夾埋青瓜一齊食感覺無咁膩。重慶辣子雞就真係辣, 但係好香, 而且雞粒炸得好乾身, 就算放耐咗都有好爽脆嘅感覺。燒聖子雖然價錢唔平, 但係老闆真係無介紹錯, 鮮味十足嘅聖子上面有好多本人最喜歡嘅蒜蓉同小辣椒, 而且有少少帶甜嘅醬汁。真係好出色, 而且份量都好大隻嫁炒水晶粉好有鑊氣, 微辣, 令人食唔停口最後重口戲烤魚出場了,  魚上面放滿咗芽菜 、芫茜同蔥, 仲有好多腐皮, 真係好香。而且平時食其他店嘅烤魚都只有辣味, 而依間除咗

超好味，期待以上，價錢親民❤❤必食: 脆椒雞軟骨 超香脆，鑊氣十足，食左第一粒就會引起一發不可收拾的暴風式吸入，重點係“超大碟!!!”而且唔係配菜多而係雞軟骨超多會飲啤酒既朋友更加不可能錯過必試:平煸四季豆似拎左啲四季豆去BBQ禁，如果佢地有方法令啲四季豆再脆少少個口感相信一定仲正，但依家就已經好好味啦～好特別必點:佢主要食活魚/雞煲等等必點一煲，而我今次叫既係香辣雞煲（正常係會叫麻辣但當日太多辣野唔想再麻辣）好香味道好濃可以送飯食，加湯落暑粉仲正，咩雞唔會太鞋整體表現:味道超正，色香味俱全，價錢好親民，人少少一個煲都份量十足，環境坐得舒服，冷氣都十足畢竟食煲既野冷氣不可以不夠，一定會再食

同朋友約左見面，佢話一齊試下烤活魚又可以打邊爐，所以揀左有口福，因為係旺角火車站搭十五分鐘小巴就到，好方便。黃色招牌好易認～七點半入到去已經見到差唔多坐滿，所以建議提前訂枱，另外仲見到一枱日本客。湯底有好多選擇啊，有雞煲、有胡椒豬肚雞、當然仲有烤活魚，每種都可以選擇唔同嘅辣度同埋香料。因為未食過烤活魚，所以揀咗諸葛烤活魚，有四種調味可以揀，香辣、酸辣、麻辣同醬香，另外可以唔辣、大、中、小辣，今次揀左香辣既小辣。另外，餐廳仲有唔同既小炒、涼菜，揀左兩個涼菜：涼拌海蜇絲同麻辣牛肉。火鍋配料都有好多種。第一樣就上左烤活魚先，店員提我地煮十分鐘先食，可以入味啲。個鍋大過A4紙，半條鯇魚已經長過個鍋。裏面有好多大豆芽、豆腐干條、洋蔥同芫荽。小辣辣度剛好，一般人都食得到，香辣味既賣點係有濃濃既孜然味，即係北方羊肉串常用既香料。呢個味道我好鍾意。魚事先炸過，皮仲係脆，煮左一陣就已經好入味。麻辣牛肉好香口，薄薄一片好入味，又有青瓜去平衡番辣味。本身好鍾意食海蜇，呢個涼拌海蜇超級好食，非常香芝麻味，海蜇又夠爽、又夠脆，青瓜又入味。特級肥牛，有牛肉味、無筋，朋友好鍾意食。炸魚皮本身好脆，又夠味，加上香辣湯

父親節將至， 唔想食正日， 人多菜式冇得揀，價錢又貴。今晚約了老公食特式烤魚邊爐預早慶祝。入門口已經見到飲品雪櫃， 有各款啤酒汽水店舖唔算大， 普通裝潢，但用鮮紅色椅套非常奪目 爐頭上面放置一個鐵架， 可以把盛載魚的盤子牢牢穩固， 避免發生一個潛在的危機， 想得非常周到主菜上場，好大盤， 我們揀了魽魚， 其他魚怕多骨，原來魽魚要一條，無半條叫，所以唔敢叫太多配菜，怕食唔完，浪費！烤魚上面舖滿了大豆芽菜 、芫茜 、蔥、芹菜， 香氣四溢， 底層是腐皮，大堆頭，個 like 已經非常煞食，叫了小香辣味道，入口舌尖有微辣刺激感覺，wow 好勁，烤過的魚和秘製汁一齊滾，魚肉入哂味， 食個不停留意到食具設計清雅，店主眼光不俗加了娃娃菜 、 皮薄餡靚手做雲吞， 爽口魷魚鬚， 第一次食的豬蝴蝶腩，口感似牛腩，新嘗試兩個人連飲品， 合理價錢， 冬天要再嚟食過

天口慶,無乜胃口咁,想食d酸酸辣辣既野! 上星期有晚老公仔要開ot,唔得閒,決定放佢飛機,約媽媽去九龍城揾野食!媽媽話佢都想食d酸辣野野,所以大家都同意去揾d四川野食下!行到打鼓嶺道果頭,見到"有口福"搬左過來,又心絲絲走左入去食熱死辣辣,即時點左支冰凍既可樂飲下,爽啊! 媽媽話天氣太熱,就唔雞煲加打邊爐啦 (雖則見到menu好吸引),所以今次我地揀左d涼菜過下口癮!媽媽叫左個"泡椒豬手", 個豬手好有咬口,唔係話好淋,入口即溶果隻,係好緊緻果種!咬落去超爽口! 而且用泡椒黎整真係超開胃架…因為唔會話好辣,但好夠酸,果種好似酸豆角既味,係我最愛,連個骨都吮埋爽!至于另一度涼菜,我點左個麻辣豬肚絲! 始終食辣野又點可以無麻辣呢,所以叫左個好爽口既豬肚絲黎送下可樂! 豬肚絲切到好幼,一條條夾黎食好爽口,配埋d青瓜絲好青爽! 呢個涼菜既麻辣唔算話好辣,不過食落麻麻地又幾過癮喎食完涼菜,即係有返晒胃口! 媽媽話想食魚,所以我地叫左呢度招牌既"諸葛烤活魚",原來可以有4種味可以揀喎：麻辣/酸辣/香辣/醬香選擇,不過我都係prefer酸辣,因為好like食酸菜! 店員話2個人點半條好夠啦,話鉗魚d

今日放假去咗九龍城接表弟放學，行街行到6點半見到有間叫有口福既餐廳喺食雞煲限㗎，我無理到我表弟感受就沖咗入餐廳🤣原來無出去九龍城咁耐收埋咁多好野。我地兩個唔係好大食，叫咗半隻胡椒豬肚雞煲加蟲草花，尖椒皮蛋，麻辣牛肉同大盆花菜。首先嚟個雞煲，我急不及待飲咗個湯先，驅風健脾暖胃，飲咗感覺好舒服，而且啲雞喺個煲煲咗咁耐，啲肉仲keep住嫩滑。尖椒皮蛋原來啲皮蛋係透明，好新鮮同晶瑩剔透。個麻辣牛肉那香味撲鼻而來，我飲咗啖麻辣汁在舌尖卻不會難以下嚥，又可以嚐到如同麻辣鍋的味道！大盆花菜主要用咗椰菜花炒，椰菜花夠熟又夠熱同火喉, 而且也爽脆。我覺得我今餐真係有滿載而歸既感覺🤤

口味這家伙，真是與眾不同，在不久前新年，幫阿媽在九龍城辦年貨，已在這食個烤魚，最近行經附近，又想起了它，但今次我的口味，想食雞煲。知道它搬了新鋪，寬落又有二樓，餐具都改用別緻又清新的格調。我地坐下不久，人客都不少，已坐滿了二樓，還有客人在外等位呢！要等朋友來前，自己叫左兩款小食、都是自已愛食的，皮蛋、海蜇，都是酸酸辣辣，都是以川式味道醒醒個胃口。今次我點了個胡椒豬肚雞湯，湯是用藥材煲的，紅棗、黨參、杞子、北芪、雞肉、豬肚、胡椒等，藥味非常香濃，雞肉好多，又鮮甜，豬肚煲得稔滑，好易入口，湯底香辣又濃郁。炒水晶粉，小辣，非常有鑊氣的粉絲，條條粉絲都沒有黏著，條條分明，只有蛋絲、小量肉絲、蔥花、已好吸力了，入口彈彈、𠵱韌，食不停口。

去年，朋友搬左去九龍城居住了有一年多，初搬去時，我就約左她去食飯，順便上她新居，欣賞她的居室設計。話咁快，又一年了，我地都好少見面，平時多是電話聯絡或信息。難得，她今個星期有時間，我地又相約去返食烤魚，走到舊鋪，已改了，以為沒有得食，有點失望。上網查查，原來搬左在附近，而且還好近巴士站，在車上，望向公園位置，就見到個黃色招牌，好容易就找到了。雖然搬了新鋪，味道、價錢依舊不變。餐前小食，好惹味，豬腳肉質爽彈、酸甜辣在味蕾上發揮，開胃又可增加食慾。上次我地點左香辣烤魚，今次就改食酸菜辣魚，味道不錯，魚先用香炸、魚皮、魚肉炸得香脆後，再加上秘製湯底，大量配菜、麵條、酸菜、魚肉吸收了湯汁，嫩滑又清甜，配菜剛吸入了魚的鮮味。必食的菜式。茄子豆角之戀，茄子煮得好稔甜、豆角剛是炒得爽脆，兩種口感，在一碟小菜上，又美味，口感不同。

今晚收工同朋友約左去九龍城食個飯今日選擇左有口福入到去就點菜啦,好肚餓呀付後就點左以下菜酸菜魚,脆椒雞軟骨,辣炒土豆絲,樟茶鴨脆椒雞軟骨--香口得黎又脆,咬下咬下慢慢愈食愈停唔到口..仲有花生,飲埋啤酒一絕酸菜魚-好足料,好多魚,魚又滑又香,魚油魚香味出晒黎再配合埋竹筍,芽菜,酸菜令到成個味道係甜酸辣都有,5味人生咁,真係好好食辣炒土豆絲--辣辣地,慢慢食,代替飯...送菜佳品..少少辣都好開胃樟茶鴨--肉質幾得意,少少咸,脆口好食青島啤酒啤一啤先,食辣野飲啤酒就令到個人都爽晒

突然心血來潮想食烤魚，諗起朋友介紹過「有口福」係唔錯，所以就同男朋友走咗去試新野。門口，係正公園旁邊，大大塊黃色招牌都幾易搵餐廳入面就44方方，座位都多，六人枱都有，一家大細或者一堆朋友黎食都得，而且唔會好迫。食物方面好多選擇。我個人覺對於鍾意食辣嘅朋友，呢間野真係唔錯嘅選擇～「招牌野」有雞煲、胡椒豬肚雞、烤魚，而且雞煲同烤魚都有唔同口味揀。食完個煲/鍋又可以加湯打邊爐，餐牌右邊就係啲打邊爐配料，都幾多種類／款式下。如果唔揀「招牌野」想打邊爐就可以揀自選湯底（左上）仲有有海鮮、小炒、涼拌本來一心打算叫烤魚，但基於我個懶朋友唔想比骨「芹」親，所以店員就推介咗水煮魚($188)。因為我哋兩個都比較食得辣，所以揀咗麻辣中辣。如果唔太食得辣，店員就推介食酸辣魚。啲魚有好多，仲好嫩滑。因為面頭層油，鍋野睇落好平靜，但長期熱辣辣，好正。而且落咗好多配料同調味，例如係花椒、辣椒乾、芽菜等等，令到鍋野嘅味道又濃又香。金皮蛋($43)，佢個樣雖然普普通通，但食落真係驚喜。皮蛋加埋啲脆脆地嘅芝麻個口感不得了，個醬酸酸辣辣係金黃色嘅皮蛋，同平日黑炆炆嘅唔同青椒炒肉片($78)，辣辣地，啲肉片係五花腩，炒到好

黎到九龍城一定諗起食泰國野呢幾年開始多左唔同類型的食店之前試過深圳雞煲重慶雞煲到今日可以又想試下四川雞煲舊舖時未有機會食搬左新舖位置好易搵直頭在巴士大站側邊鎮店三寶：香辣麻辣雞煲 胡椒豬肚雞 諸葛烤活魚各有捧場客選擇困難又出現但潮流興「食雞」就揀個香辣雞煲老闆娘話上湯是用豬和雞高火不是一般用雞精調味加埋秘製調味料如果火煱材料揀豬類食材廚師可以一齊放入煲內烹調兩個人就先點半隻雞和加了豬蝴蝶腩 打開煲蓋香辣味即時湧出黎雞煲內湯汁濃郁雞肉嫩滑入味啖啖肉香辣口味恰到好處不似其他死鹹或死辣反而每款食物保留原來味道之餘多一層辣味帶來餘韻蝴蝶腩份量十足味道一樣出色但建議要快食避免煮過火時會太韌食得雞煲第二輪緊係加湯再食過本來真係想再叫碟頂級厚切肥牛加上湯時但真係怕食唔晒所以轉策略叫個手打三寶丸一次過滿足三個願望有墨魚丸，蝦丸，鯪魚丸全部都係手打食落彈牙個人強力推介墨魚三個字：無得輸！鮮炸響鈴卷最怕嗰種即炸完但擺左半日先拎出黎或未食就聞到油味呢度食就絕對無呢個問題新鮮即炸非常脆口沒有半點油溢味又係食到唔停得口個人習慣打邊爐一定叫返個午餐肉做結尾加埋鍋底的汁一齊大滿足食到要捧住個肚走因為個煲有D辣所以我