有口福

營業中

休息中

好耐冇食川菜，想食下辣過下癮，放工後就黎左撐枱腳！（有個都鍾意食辣嘅另一半真係好）酸菜魚煮到僅僅熟，好滑，仲啖啖肉！（超大碟！）雞軟骨同辣椒都炸到脆卜卜，好香口，平時唔食辣椒嘅我哋，今次連辣椒都唔放過，仲食到停唔到口，唔覺唔覺成碟好快食哂！肥腸夠晒肥，上碟時點着火，繼續干鍋煎肥腸，有蒜頭同埋蔥釀住，香噴噴好惹味！食辣野緊係要飲凍嘢啦，我哋一人叫左一支天地一號蘋果醋，平時返大陸一定會飲，估唔到原來九龍城都有得飲！

上星期帶啊媽食烤魚（有辣有唔辣）呢間有口福之前食過一次覺得唔錯😍依家搬左鋪新舖大左同埋d野食比之前好食左🐟👍👍👍👍聽講話改良左怪唔知得好食左上年年尾想帶啊媽來不過見話裝修裝裝下間舖無埋以為執左覺得好可惜好彩只係搬舖依家開返🐟大家有口福啦！😋好野👏🏻ps.啊媽表示第一次食烤魚（四川）話好正😁👍食物選擇好多諸葛烤活魚 $178（半條）條魚叫左半條但好大條個湯底好多料魚可揀麻辣/香辣/酸菜/醬香我地叫左醬香烤活魚因為唔係好食得辣同埋啊媽唔食酸菜醬香烤魚最適合我哋條魚超香魚上面d香料超香魚肉實凈唔會散開配料方面有好多芽菜同鮮腐皮鮮蝦雲吞有六粒因為我地主力食魚所以盡量唔叫肉叫左唔少蔬菜呢度d蔬菜好新鮮超鐘意食蟹柳好味估唔到鮮腐皮份量咁多本身個烤魚湯底都有唔少鮮腐皮好好食個薯粉好正吸收左d湯嘅香味食落超美味口感超煙靱唔食烤魚都好多特色野食有口福鎮店招牌菜係食烤魚烤魚除左鯇魚，仲有鉗魚丶泰鰂魚同沙巴龍躉選擇都唔少不過龍躉要早d電話預訂整體我地都好滿意食物同服務都好好下次再來過

以前黎九龍城淨係諗到食泰菜，但自從食過呢間有口褔既胡椒豬肚雞煲後，已經將泰菜忘記了～好彩黎之前上openrice睇睇，先知原來已經搬左舖位，新舖位置都唔難搵好方便，好近酒店果個巴士站！因為我地6點鬆就到，所以未有太多人，7點後就開始人多了！有上下兩層，樓上係大枱～除左雞煲、重有烤魚同小菜！後來觀察，烤魚原來都好受歡迎，好多枱都有點！蘋果醋$36、藍妹$33超夠凍，配邊爐一流胡椒豬肚煲半隻$198超多料，一煲滿滿，除左雞同豬肚主角外，重有杞子、紅棗、黨蔘等，湯底非常濃郁好結實既雞肉唔洗點任何醬料都好夠味雲吞$50雖然佢係急凍雪吞（其實睇價錢都預左），但食落無雪味，雪呑好爽口特級肥牛$118唔會過肥，新鮮啖啖肉除左食材新鮮，呢道地方同碗碟都好乾淨，令人食得放心油麥菜$30響鈴$48即炸，上枱仍然充滿香味，浸一浸湯吸一吸湯底味一流薯粉$30

最近發現有呢間餐廳出現, 平時收工好似唔太覺, 唔知係未新開呢, 今晚一於同老公食呢間價錢好親民, 唔貴, 而且算多野食我地叫左個酸菜生肉, 開頭以為份量好少. 但原來勁大盤, 唔止芽菜酸菜份量多, 就連生魚片份量係好多味道有D酸麻, 好好食!!!!!!!!!!好大片生魚, 而且好滑, 食落去無骨樟茶鴨食落去有小小硬, 不過味道就整得好香, 好入味而且唔肥夫妻肺片份量都係好多, 而且個紅油好夠味, 又麻又辣, 辣度絕對可以接受, 好正!!!孜然寸骨呢個就有點辣, 但辣得好過癮, 孜然味好香!寸骨整得好入味, 好食!價錢真係OK, 一定會再幫襯!因為真係好食!