有口福

營業中

休息中

之前在九龍城巴士站附近的一條打鼓嶺道吃過四川菜「有口福」的鎮店之寶酸菜魚後，心裡念念不忘；趁疫情緩和之下，約好友再次到來嚐過痛快。用黃色搶眼做底的logo設計獨特。店內貼了林瑯滿目的meua ，頓然更覺肚餓！「有口福」川菜餐廳出品多款驅寒去濕的主打川菜，有酸菜魚、諸葛烤活魚、香辣雞煲和胡椒豬肚煲等等...也有火鍋和小菜。我至愛的一款酸菜魚必吃，依然份量和配料十足，魚肉肉質鮮美,酸菜爽囗醒胃，配料之一水晶粉吸收了魚湯的精華，更是美味可口！香辣雞煲一端上檯面，香氣撲鼻，除了嫩滑惹味的雞肉，還有很多殺菌的爽甜洋蔥。與別不同的燒蟶子皇，鋪上很多蒜茸在面，燒得恰到好處，肉質鮮嫩無比！配上冰凍解喝的啤酒，確是感到無比的滿足！

今日同朋友去九龍城逛逛，早期香港已經有不少泰國人於九龍城聚居，現時不同類型食肆林立，除了泰國菜、越南菜、火鍋等，這次畀我哋搵到一間川菜館~有口福。店內桌椅排得整整齊齊，有熟客想坐得鬆動啲，原來仲有樓上一層。我哋打算點酸菜魚，朋友又想吃田雞，店員聽到，建議加田雞入酸菜魚，另外再加萵笋片及炸豆腐，全部加入酸菜魚，這樣就可以盡享酸菜魚湯的美味。魚鍋上菜時，賣相吸引，且聞到香噴噴，食慾立時大增。朋友經常吃酸菜魚，可算是酸菜魚專家，她讚不絕口，說這個可以媲美深圳著名的食店，廚師的做法很正宗。魚片肉質鮮嫩，件件厚切，夾得起唔鬆散，田雞肥美可口，用酸菜魚食法不錯呢！炸豆腐(豆卜朋友)索滿酸菜魚汁，特別美味，萵笋片大大塊又爽口。酸菜魚其他配料包括大豆芽菜及一些玻璃粉。大家食到飽飽，好滿足啊！今次真係有口福，正！朋友不斷嚷著，下次要叫多些朋友試雞煲及水煮菜式。

行過九龍城，又唔係好想食泰國菜，咁啱又經過呢間食烤魚，就諗住去試伏，點知又幾驚喜。佢地方唔算大，但係都有兩層可以坐，仲有電視睇，啱曬一邊烤魚一邊睇電視。服務員都好熱情，一黎就問我地係咪想食烤魚，同我地介紹下有邊款魚同埋少骨啲。不過餐牌上都已經好細心咁寫埋邊啲多骨少骨。第一印象對呢間餐廳已經很不錯。我地就嗌左鉗魚（$288），見好少見到呢條魚，又冇食過，店員又話少骨，所以就想試下。食落去，果然好少骨，而且仲好滑。就算係怕麻煩嘅朋友，都唔洗怕，一夾就食到啖啖魚肉。廚師都好貼心幫我地將條魚嘅背面切開，反上黎，我地就唔洗麻煩，反條魚再食另一面。我地嗌左香辣湯底，一擺上枱就已經聞到勁香，食落好濃郁，所有配料都吸曬湯嘅味道。特別一提嘅係豆皮份量好足，淨係嗌條魚都好夠兩個人食。我地另外仲嗌左一個小食- 涼拌海蜇絲（$48）。味道酸辣可口，係一個開胃小菜嘅好選擇。總括黎講，如果大家黎到九龍城又唔想食泰國菜嘅話，不妨黎下呢間食烤魚，包你食餐好嘅！

帶朋友去配眼鏡，之後一齊吃晚餐。九龍城食肆林立，這家餐廳特別多客人光顧。餐廳環境整潔，店員服務有禮。清炒萵笋68元，平時很少機會吃到，口感爽脆，味道清新。胡椒豬肚雞半隻198 ，配有黨參、杞子和當歸片，湯底有香濃胡椒味和少許中藥味，豬肚易咀嚼，雞肉嫩滑，材料豐富，滋補有益。手打三寶丸88元，蝦丸彈牙，墨魚丸爽口，鯪魚球鮮甜。樟茶鴨半隻98元，有煙薰味，鴨肉味濃。另有服務費每位10元。總結：食物美味，價格合理。

繁忙日子，放工後最好有一餐不錯的晚飯提提神，這間【有口福】朋友不只是第一次光顧，不過真是值得介紹的一間烤魚雞煲店，此店不隱世，說於九龍城正門，巴士站附近便是了，附近的交通都好方便。餐廳內部裝修簡約，但分隔做得好好，令食客都食得放心。餐牌上種類都有好多，同埋又有圖片，見到好多都吸引。最後得兩個人所以就重點Order吧！💟諸葛烤魚 烤魚，可以選擇麻辣、香辣、酸菜或者醬香，我煤就揀左麻辣小辣啦，因為辣到可以一層一層咁慢慢加上去。唔夠辣既再後加都未遲！魚種我哋揀咗烤「鉗魚」一條$288麻辣. 如電擊般的麻痺觸感，入口既麻且辣，對我檬說，辣多1-2度都冇問題的。鉗魚應當屬於鲶魚的一種，因其肉厚無刺，皮滑肉嫩，肥美味濃，諸葛烤魚慢慢烤，吃時鉗魚鮮美嫩滑，別有一番風味。看圖都知道，鉗魚係比較厚身一點既肉質而且麻辣小辣令到魚肉細嫩爽滑無腥味，比燒魚煎魚都還要好吃，重點是無刺，大人小朋友老人家相信都會食得開胃爽口，覺得特別的好吃。慢慢吃便會發現層次變化較多。配菜都有唔少，食完呢個諸葛烤魚叫多樣野食，二人份量就非常剛剛好了。越食越過癮。加多寶的崛起「怕上火，就喝王老吉」💟冇王老吉就飲可以清下熱咁既加多寶

黎親九龍城，個個都會諗起泰菜，但因為原來朋友早兩日先食完，所以就尋求一下泰菜以外既選擇即時上Openrice搜尋，最後揀左大家都一樣鐘意既川菜-有口福雖然地方唔大，但坐位舒適唔逼夾，重有大大部電視送飯除左雞煲，亦有烤魚、酸菜魚、水煮魚；每款食完都可以加火鍋配料打邊爐唔打邊爐，亦有多款川味小菜我地點左個酸菜魚（小骨）$188一上枱已經聞到湯底好香，魚肉份量夠多，肉質鮮味且結實嫩滑；重點係魚骨真係好少好少，係邊位有極少，非常岩唔識食骨既我碗底有酸菜芽菜同寬粉，個湯底真係無得輸，夠酸帶少許麻辣，超正半隻口水雞$98份量比想像大，隻雞夠厚肉，好開心，因為我最怕骨摻摻肉質好嫩滑，啖啖肉花生超香脆，少麻少辣好惹味辣炒土豆絲$58本身辣炒係酸辣，我地想要麻辣，一樣可以土豆絲好爽口，味道夠曬麻辣，非常過癮美極秋葵$68呢碟好有驚喜，可以將咁健康既秋葵煮得咁好味整體成餐既水準我地都好滿意惹味又好味

通常來到九龍城都是吃泰菜的多, 而最近恰巧遇上疫情在一部分泰國人之間傳播, 就避忌一下, 選擇了門口招牌超吸睛的有口福烤魚。先來個開胃的涼拌菜 -- 涼拌魚皮。這菜式其實是老闆的推薦, 說這還沒出現在菜單上, 是最新的力作。冰冰涼涼的魚皮入口爽脆, 配上清爽的青瓜絲和提味的芫茜, 用黑醋和辣椒調味, 那酸辣的口味讓人忍不住一口接一口。再來了個本來以為是青菜類的 -- 韭菜河蝦。原以為河蝦只是用來提鮮的, 韭菜花會是主角, 哪知道這韭菜花才是點綴, 滿滿一碟都是小河蝦啊。過過油的小河蝦香脆惹味而且份量十足, 香辣的滋味讓人回味無窮, 絕對要給十個讚。然後就是今晚的重頭戲 -- 烤魚了。老闆在點餐的時候就溫馨提示了今晚只有鯇魚, 會比較多骨, 但我實在是有段時間沒吃烤魚了, 記掛得很, 很爽快地點了半條麻辣烤魚, 還另加了薯粉娃娃菜和豆腐串。結果證明我還是衝動了, 這半條魚比想像中的大很多呀, 而且還附有一大堆的豆皮, 完全是烤魚界少見。麻辣的口味越煮越有, 越吃越停不下, 但同時份量也是真的大, 絕對能吃到過癮。值得一提的是, 這裡的飲品竟然有天地一號蘋果醋, 多麼讓人驚喜! 酸酸甜甜的

封關之前我都成日同朋友上深圳食好嘢深圳嘅酸菜魚係我其中比較鍾意食嘅菜式，而家冇得返深圳，今日我同朋友去九龍城食一間我覺得非常好食嘅酸菜魚這個酸菜魚無論是湯底、魚肉都做得非常出色👍首先湯底，當中酸味唔會蓋過辣味，配搭剛剛好，加上湯底飲得出有鮮魚湯嘅味道；重點係魚片全部都係『厚切』嘅魚片，肉質彈牙唔鬆散，而且有魚味，推薦爽口彈牙，唔會太黏，炒到好乾身👍初頭以為係一碟普普通通嘅炒菜，估唔到比想像中好食蔬菜新鮮爽口、鑊氣好夠，炒到好香，再加上略帶少少香辣，非常野味👍這款麻辣牛肉，略嫌肉質比較硬，但麻辣汁味道幾好，有辣味之餘仲有一點點麻這間店舖整體水準不錯，普遍菜式都好有鑊氣，特別係酸菜魚，非常值得一試

九龍城成日都令人諗起泰國🇹🇭菜! 今日我就去左試呢間川菜—有口福！餐廳既裝修好平實，就係一般街坊小店甘既樣！餐廳坐位唔多，今日係平日夜晚，七點鐘已經坐滿人，認真誇張！好彩我哋有訂位😍 所以黎呢度食，記得預早訂位!.📌夫妻肺片 $50有牛肉、牛肚片、牛舌、花生、芝麻同青瓜，有麻辣味，好開胃，令食慾大增。個酸菜魚未黎個陣，已經掃哂落肚🤭.📌酸菜魚 $188黎呢度就係為左呢個酸菜魚，諗都唔洗諗呀，即刻嗌🤤 一大窩酸菜魚，配以酸菜、大豆芽菜、辣椒、花椒、水晶粉、筍片，面層撒上白芝麻，仲有黃菊花瓣同蔥花點綴！我哋仲另加左配料: 海帶條！爽脆的有口感！酸辣度適中，微辣，因為微辣先食到魚本身既味！問左老細呢個酸菜魚係用咩魚做，佢話係用兩斤重左右既鉗魚做，出面好少店舖會用魽魚，啖啖肉，肉質唔易散開，有魚既鮮味，一啲都唔腥！老細仲話下次可以試吓轉沙巴龍躉！水晶粉晶瑩剔透，好Q有咬口，但個人更中意食薯粉！個湯夠哂熱，又可以飲到湯底原本既味道，濃郁又開胃，飲到一啖接一啖😂.另外，叫左兩罐Coke Zero同炒窩筍，但窩筍最後漏左單無黎到！.總結來說，性價比高，色香味俱全！係我係香港食過最好食既酸菜魚！以後可

九龍城都好嘢食就係人都知嫁啦，今日就試咗一間出名食酸菜魚嘅有口福。涼菜叫咗一個尖椒皮蛋，本身見份量咁多以為三個人會食唔晒，但係少少辣辣味原來同配皮蛋出奇地夾，結果係其他餸未黎之前，我哋已經將佢一掃而空。佢哋嘅酸菜魚每日新鮮製造，絕對唔會留過夜，而且限量供應，好彩嗰日去得早，唔係分分鐘冇得食。酸菜魚非常之惹味，酸辣適中，只係微辣，魚片非常入味，配菜有酸菜、芽菜等，同埋酸菜魚唔少得嘅水晶粉。食川菜點可以唔試一試水煮，所以一見到個水煮田雞，成枱即刻話想試，水煮魚就食得多，水煮田雞真係唔係成日都有機會食到。可能因為自己都食得辣（三哥可以食到中辣），水煮田雞冇想像中咁辣，田雞通常會喺煲仔飯度見到，水煮又係另一個新嘅玩法，聞到香味已經流晒口水，比平時食到嘅田雞更加juicy最欣賞嘅地方就係佢哋嘅鍋可以自選菜色，師傅會幫你整完一齊煲之後先上菜，比自己火鍋整嘅更加入味。我哋就係水煮田雞加咗鴨血，又係酸菜魚加咗豆腐串，兩種配料個味道都好夾。另外叫咗個辣炒萵筍絲，大鄉里表示其實冇咩食過萵筍，但係見佢吵到出嚟晶瑩剔透，口感清爽，加少少辣吊味之後越食越上癮，之後成晚都停唔到口。成晚都係辣野梗係要有啲凍嘢飲ba

這晚趁疫情緩和,去咗九龍城有口福食晚飯,來到呢間川菜館,當然叫本店的名菜辣子雞煲,配菜有洋蔥,乾蔥頭,青瓜,可選香辣味或麻辣味,最后選咗麻辣味雞煲,雞煲用電磁爐燒著熱辣辣上枱,雞肉惹味可口,洋蔥青瓜非常入味,爽口清甜無比。廚师极力推介炒豬腳皮,配上青椒,芹菜爆炒,爽口入味,較多骨膠原。孜然寸骨,係用大量孜然粒,配上干辣椒烹調,一碟有5件,喜歡食香辣的朋友配上兩罐啤酒下菜一流。最後叫上一碟炒米粉作主食,真心說米粉炒的很好食,材料豐富,有火腿,蝦仁,紅蘿蔔絲,同椰菜,米粉炒得非常乾身,且份量十足。

今日去左九龍城做野，中午同同事係附近食LUNCH，見到呢間有口福主打川菜，今日一於唔食泰國菜，試試川菜~午市套餐都幾抵食!另有酸菜魚/水煮魚套餐。酸菜魚配水晶粉湯帶點酸香，魚肉細嫩爽滑，味道層次豐富，鮮香味美，水晶粉晶瑩剔透，Q中帶軟，好有口感。萵筍絲炒肉色澤艷麗好吸晴，好有家常菜味道，萵筍絲爽脆有咬口，肉片滑嫩多汁。樟茶鴨外酥內嫩，獨特香氣好誘人，肉味濃郁，帶點咸香，風味十足。口水雞佐料豐富，麻辣又鮮香，香氣四溢，啖啖肉絲滑細膩，味道層次豐富。

今日特登過九龍城買海味，仲買咗啲參茶，所以就順便呢頭食埋晚飯，未夠晚上六點的時間人流唔多，好在呢度唔使訂位，一坐低冇幾耐就落大雨。見到這裏有難得一吃的開胃涼拌魚皮$58，超鍾意食魚皮嘅我立刻叫咗一碟😍估唔到呢個價錢有咁大碟魚皮，真係好抵食！配以青瓜黃辣椒等，食落完全唔會覺得腥，半生熟的切條魚片口感非常之爽口彈牙，辣辣的又好惹味，同炸魚皮嘅感覺好唔同，我自己覺得好味好多添！我們還叫左干鍋田雞$158同干鍋肥腸$108，呢兩款又係出邊好少見，算係較有特色嘅食物。干鍋田雞偏向麻辣味，愛吃麻辣的人必定鍾意！麻辣剛剛好，夠味又不會太誇張， 正好將本身冇乜肉味嘅田雞點綴一番。田雞腿夠晒肥美可口，切細件亦都好容易食，而且掛滿晒麻辣汁，食得夠晒過癮！干鍋肥腸個人心水推介👍我見其他食客都有嗌就試吓，原來真係會一試愛上！大大碟用嚟送啤酒真係一流！大腸小腸都切到個size剛好一口食到，炸到到個外皮趣卜卜，肥腸火候控制剛剛力，一路炒仲一路聽到拋鑊聲，夠晒火氣，食起嚟仲好Q彈，唔怪得知枱枱都有佢，應該係招牌菜🧐主食方面叫咗半隻樟茶鴨$98，第一次食樟茶鴨，看見那粉紅色的鴨肉就非常之心動，嫩嫩的口感令人一試難忘，

今日唻到有口福先唻叫左酸菜魚，我哋唔算好食得辣，但依個辣度非常適中，岩哂我地口味，朋友都讚不絕口，話非常之好食，湯底有白芝麻又有菊花，總之個湯底都好一流，浸左既粉絲索哂d湯味 超級正！另外我地仲叫左個炒土豆絲，唔會太油，炒得岩岩好仲好爽口！推介！總括吋戈講餐廳都每道菜都好足料，老闆娘都好好招呼又有禮貌，冷氣都好勁，要知道依種天氣好重要架，再order一杯啤酒簡直一流，希望疫情快快過去，依種有心經營既小店好值得再幫襯呀！

之前食過呢度嘅水煮魚好好食今日嚟到九龍城諗唔到食咩就決定去返呢間😆本來好想食水煮魚但係朋友想試吓烤魚所以烤魚今日成為咗我哋嘅主食.諸葛烤活魚 一條雖然我哋得兩個人但係都嗌左成條魚入面仲有多種不同嘅配菜豆皮同埋芽菜係最出色嘅烤魚嘅湯底偏麻偏香唔會得個咸字 魚肉質嫩滑 而且唔多骨食起上嚟好方便👍🏻👍🏻👍🏻👍🏻.香辣蝦十分之惹味肉質結實 送酒一流.青炒篙笋絲食咗咁多重口味嘅嘢點返個清啲既菜中和返為呢餐晚餐畫上完美嘅句號