有口福

營業中

休息中

今晚相公帶我去一間很地道的四川菜晚膳，門面很搶眼，以黃色為主，遠遠也把我的眼球吸住了。我倆撰了酸菜魚再加萵筍片, 窩內的魚塊砌的厚度適中，很新鮮彈牙又嫩滑，湯的味道不鹹，窩內的牙菜和筍片咬落很爽脆，酸菜不鹹亦不甜，放了少許菊花瓣，很美，砌成厚厚的萵筍片，很有咬感，亦顯得清甜，不錯的選擇。相公撰了帶皮牛肉，當放在眼前時，牛肉看似很肥，其實牛肉連牛皮砌片炒，很特別，好煙韌，，咬落不肥反有嚼感值得一試，加上用了洋蔥作配菜，很清爽又不肥膩。再來了半隻口水雞，用青瓜作配菜，很爽脆，很滑。邊喝啤酒邊吃這此惹味食物，確實是一種享受。

偶爾就會想吃一下川菜這天剛好約了男朋友一起吃晚餐想起了這一間位於九龍城的 — 有口福上次吃過的幾道菜也不錯 便再來吃一次菜式選擇也不少 款款都好吸引酸菜魚（少骨）這款酸菜魚的味道和外邊的不一樣湯底加上辣椒、胡椒和芝麻等吃下去帶芝麻香 酸菜入口酸甜魚肉大大片 新鮮肉質入口啖啖肉一片魚肉加上酸菜配上一口飯就最夾而且這裏的魚肉有標明少骨 吃起來很方便還加入了芽菜和薯粉等配料 正胡椒豬肚雞不同種類的藥材在鍋入面慢慢熬出濃香的藥膳味 感覺很養生 湯底喝下去除了藥膳味外還帶有陣陣的胡椒香喜歡吃胡椒豬肚湯的朋友一定會喜歡而且這裏還加入了半隻雞讓整體更豐富 味道更鮮甜最後當然要點支藍妹來配一配

今晚訂了枱一試朋友介绍以川式烤活魚做招牌的小店，門前招牌頗別緻畫中人面相與老板極似😀😀牆壁上貼滿招牌菜相片👍👍今晚試酸菜魚(加萵筍片)，上桌時驚見份量頗大-(足四人用)👍，湯中材料足，酸菜，豆芽，粉絲加上萵筍片，主角魽魚片拆肉起骨，魚塊鮮嫩彈牙，又有魚頭骨咬咬，甚有口感，䈑筍片爽脆入味伴酸菜湯绝配😋😋👍👍口水雞嫩滑而不膩，麻辣度恰到好處，爽口青瓜絲墊底， 灑上脆卜卜花生粒，極佳嚼感效果😋😋😋👍👍👍干鍋帶皮牛肉肥瘦肉連皮，干脆而不韌，頗有口感，混上洋蔥椒粒干牛肉味道更昇華😋😋👍👍吃麻辣菜式啤酒是上佳配合👏👏

有開車的人, 應該會跟我一樣很喜歡去九龍城吃飯, 泊車在附近已找到滿街質量很高的餐廳其中一間性價比極高一定係哩間有大排檔風味的川菜餐廳3 人食了5 道菜, 飲了2 支青島啤酒, $500 有找, 真的是吹水一流的好地方! 而且他們的川菜真的好出色, 大愛了!脆椒雞軟骨 $88 如果在其他餐廳叫, 想必份量只有此碟的三分一 上菜時, 我也給份量之大嚇親, 最大為驚喜的是幹辣椒不辣也不油, 咬下去似吃脆薯片!! 跟花生一起炒香, 第一次這樣吃!! 一食愛上! 而這個邪惡的椒鹽雞軟骨, 鹹香酥脆惹味, 骨軟肉嫩不會太多粉, 很適合佐酒小炒攸縣香乾 $78這間小店真的充滿驚喜, 豆腐很鮮嫩軟滑, 韌性足而且帶有蛋香, 十分難忘! 忍不住 google 下哩款豆腐是什麼來頭, 才得知攸縣香乾發源於湖南省攸縣境內，當地水質好，含多種礦物質和微量元素，製作出來的香乾具有獨特的柴火煙熏味! 加上五花肉去炒香, 成為當地很出色有名既湘菜! 炒豬腳皮 $98充滿 collagen, 十分彈牙豬腳皮食法很特別, 再加上有點辣味的杭椒，豬腳炒出來更有味道, 色香味俱全, 佐酒之選! 酸辣腰花 $88酸蘿蔔及野

今天到樂富購物，順道到九龍城晚膳。九龍城除了一眾泰國餐廳之外，還有一些川菜館。我曾到過一間叫「有口福」的川菜館，它的味道不錯，所以今次再來幫襯。看過餐牌後，都是點了個招牌菜“酸菜魚”和一些小菜。“酸菜魚”，這裏的魚肉特別爽滑彈牙，厚身兼有口感，不是一般的鯇魚片，是鉗魚。魚湯味特別濃，加上酸菜、大豆芽、粉皮等配菜，辣椒和其他香料的味道，便成了一窩非常美味可口的魚湯。“韭菜河蝦”，爽口的韭菜，新鮮的河蝦，紅紅的辣椒，炒得椒香四溢。“炒田螺肉”, 很多年沒有吃田螺了，這裏的田螺是起了肉的，真是啖啖肉，一樣是炒得香噴噴，配上青紅椒，香而不辣。“孜然寸骨”，腍軟的豬肋條，蓋上孜然香草，烤得非常入味，令人口感一新。「有口福」的菜式用上各種不同的香料，能夠讓人體會辣椒的香味而非辣味，原來品嚐川菜並不一定需要辣得滿頭大汗的。

自從加入咗酸菜魚關注組， 四周圍搵好食嘅酸菜魚🤗 。唔可以話好專業， 不過揀到合自己口味嘅 先係重點， 佳因間間酸菜店都有其獨特口味。今晚來到『有口福』， 烤魚之前試過，今晚一於吃酸菜魚！酸菜魚 $188這個價錢相對論份量是大， 如果要KO所有配菜， 三，四個人都未必得。賣相有睇頭， 聞到好香嘅芝麻味， 湯底有魚香，唔算好麻，辣度，酸度適中， 唔需要一路食一路流鼻水嗰種。條魚就啱啱熟， 肉好滑， 不過已標明少骨， 即係成條魚連頭，尾上， 好啱鍾意識食魚嘅人～有大量配菜，夾極都仲有～ 比較特別佢有酸筍，增添香氣。 也喜歡使用粗粉絲而非水晶粉或薯粉這類較難消化。 酸菜，芽菜也夠爽！👍😋美極秋葵秋葵炒得乾爽，有鑊氣， 唔辣，散發出美極香氣， 又唔會好鹹～ 送飯，佐酒也不錯。涼拌海蜇非常入味，青瓜絲又爽又脆， 帶辣嘅麻油令海蜇更惹味。木耳肉片也是很有鑊氣，熱辣辣， 而且分量好足好大碟。豬腩片炒得香口～蕃茄炒蛋唔好睇少這些家常菜， 夠鑊氣先煑得好食， 食咗咁多辣嘢， 甜甜酸酸中和番～今晚好肯定係有口福，每款小菜都啱心水， 川味十足！ 難怪未到7點已經坐無虛席～ 大部分都係識食嘅熟客仔～

九龍城出名多泰菜館係人都知，但其實這間烤魚川菜係九龍城一樣出名，這間屹立九龍城已經超過十年，搬了新舖亦不減人流，記得要訂位！門面和內裡裝修比較傳統簡單，除了地舖，亦設有樓上座位，有大枱可容納多人菜單選擇夠多，除了出名烤魚，亦有水煮/酸菜魚，火鍋配料，小炒等等很多選擇食辣，當然要配啤酒涼拌木耳 $43喜歡麻辣拌木耳既配搭，木耳爽口，夠入味，正酸菜魚 $188大大鍋足夠4人份量，亦可以添加火鍋配料魚很新鮮嫩滑，連酸菜湯都差點飲完全部大盤花菜 $58用上豬油炒特別香口，加上五花豬肉，令花菜吸收了豬肉香味，食不停口，太好味九龍城食悶了泰菜，川菜亦是多一種好選擇

第一次黎呢間店食聽朋友講係出名的實在太孤陋寡聞了點左~酸菜魚黎到個魚係超大盤好狀觀我地四個人食都怕食唔晒飲左啖湯好香我地加左萵苣萵苣索晒D湯好好味魚既質感都幾好雖然有D位有細骨不過唔算嚴重可以接受~炒水晶粉呢個都好惹味食左一啖就想繼續食果隻份量OK唔算細碟~炒包心菜(忘記個菜名係咪咁)呢個出奇地好食可能比較少食呢個菜爽得黎又唔會太硬未試過既朋友可以試下呀~仲有個類似涼拌鳳爪咁(朋友點的,完全唔記得個名)無骨鳳爪個賣相好特別黑黑的但真係好好味唔似平時食開涼拌個汁少少辣好開胃

每次經過太子道九龍城天橋都見到個好搶眼黃色川菜招牌，上星期日即刻同老公食一食先！入到去環境都乾淨企理，原來有火鍋雞煲，酸菜魚，仲有小菜都幾多種類！老公話食小菜，我諗緊食咩涼拌，樓面介紹食涼拌魚皮，我從來未食過，但老公話試下！膽粗粗試下估唔到勁有驚喜！麻油好香，魚皮又爽脆，估唔到係咁好食，老公話佢仲好食過d舊店，從不食辣既老公話小小辣好惹味，流住汗都食🤣🤣🤣之後黎左個招牌雞煲，上枱仲有gas 爐熱住，熱辣辣香噴噴，雞份量好足，仲有好多配料，不過今次無加料做火鍋，雞煮得滑唔鞋不過可以再份味d！要多份炒水晶粉，之前都未試過，索左汁水晶粉好惹味，仲煙煙unum,好有口感！小菜叫咗碟川味炒臘牛肉，係其他鋪未試過，質感似牛肉乾🤣🤣，咸咸地送飯一流店有特色小菜，唔錯唔錯！

去九龍城食飯除咗食泰菜外，今日試咗川菜有口福，有過開九龍城食飯嘅都一定有見過有口福，係九龍城已經開咗一段日子，每次經過都滿座，今日終於試到。呢度出名食酸菜魚，見到每枱都差唔多有點，不過因為朋友上星期先食完，所以我哋今次就試咗麻辣烤魚。烤魚可以揀鯇魚，鉗魚或鰂魚。我哋就揀左鉗魚，因為鍾意佢少骨。味道方面就可以揀麻辣，香辣，酸菜，或醬香。麻辣烤鉗魚$288我哋點左一整條嘅烤魚，原來條魚勁大條，連我哋咁大食，都覺得兩個人食其實真係有啲多，真係三至四個人食都夠食。烤魚用火爐上，上面鋪滿左好多新鮮嘅芫荽，熱辣辣，滾下滾下，加埋啲麻辣味，啲香味擁晒出嚟，點左小辣，麻辣味夠，味道夠正宗，個汁好好味，真係好惹味。第一次食鉗魚，魚肉質地原來都好滑，而且啲魚骨夠大條，好容易食。個staff 姐姐真係冇介紹錯。魚肉鮮味，有少少爽口彈牙，就算滾得耐，肉質都唔會變鞋，口感非常好。配料方面我哋加咗鴨血（$58），同麻辣又真係絕配，鴨血夠實淨，唔會好易散。烤魚裡仲有有豆皮，吸晒啲麻辣汁好好食，下次要叫多啲火鍋配料打邊爐，唔好浪費咗咁好味嘅汁。尖椒皮蛋$43皮蛋係金黃色嘅皮蛋，味道唔錯，而且蛋黃有我最愛嘅溏心，有大量

去九龍城食泰菜食到有啲悶，今次食酸菜魚，店名叫有口福，是朋友介紹，即管試試。今次目標食酸菜魚，一坐下便order，侍應問我們有冇其他食物想添加在酸菜魚裏面，我問他有什麼推介他，講了幾種，最後我哋選擇咗豬肉釀豆卜。另外朋友想食泡椒鳳爪，而我還想食口水雞。當然食啲咁濃味嘅嘢，梗係唔少得啤酒啦！最先上枱的是泡椒鳳爪，沒有想像中那麼辣，爽口帶微酸，作為前菜十分合適。跟着的口水雞，份量十足，上面灑滿炒香的花生碎及芝麻，而雞肉方面應該是把雞煮熟後先過冷河，令雞肉緊致爽口，皮與肉之間還帶有一些啫喱狀。醬汁方面，因為香料下得夠，令香味撲鼻，而辣度不算高，麻的程度則啱啱好，送啤酒一流！最後上枱當然是主角酸菜魚，一上枱就聞到濃濃的酸辣味，魚肉份量很多，桂花魚起骨，用頭及骨的部份作熬湯，魚肉起片後厚切，生熟程度剛剛好。每片都滑溜，吸收了酸菜及魚湯的汁，加上微辣小麻，令人食完一啖又一啖。另外附加的豬肉豆卜是將豆卜挖空釀入豬肉，吸汁的作用非常勁。而豬肉應該是加了菇粉之類，有淡淡貢丸的味道，但就較貢丸更加鬆軟，而份量亦十分多，食得超滿足。下次去九龍城又多了一個泰菜以外的好選擇👍

放工約了朋友去食飯朋友說想食川菜想起了這一間位於九龍城的 — 有口福於是便一起來了推出左一些新的菜式酸菜魚 少骨湯底加上辣椒、胡椒和芝麻等吃下去多種滋味 好過癮魚肉肉片大大片 質地嫩滑 份量十足最重要是少骨 吃起來很方便 啖啖魚肉配上酸菜 酸酸辣辣 開胃又好味還加入了芽菜和粉條等 十分豐富胡椒豬肚雞加入了藥材 連煲上慢慢熬出藥膳味加上濃濃的胡椒香 湯底很好喝半隻雞份量也不少 加上彈牙的豬肚 十分滿足手撕包菜椰菜爽口 以辣椒乾炒香 吃起來挺惹味 還加了醋 帶點點酸味好開胃 不錯不錯

身邊朋友同事強烈介紹下, 和同事來吃川菜, 酸菜魚是高質的!!!但其他小吃就真的比較一般老板娘服務很好, 會主動推介野食, 有食小店親切感小插曲: 被安排坐地下層, 廚房油煙很大, 胡椒味攻出來, 有家人坐正廚房對出頂吾住,一家大細趕緊離場先叫了酸菜魚加蠔, 魚質超軟超滑,超易入口少骨, 食得好方便, 留意叫菜時無講要咩辣, 會當叫小辣如果中意食蠔, 加蠔也是夾的, 始終魚才是主角XD蠔就只是陪襯品因為吾夠食再叫多一碟酸菜魚中辣, 對比之下, 中辣味道更勝一籌高度推介中辣雞軟骨好香口, 不辣, 但就偏鹹樟茶鴨肉質一般,但 不會很硬, 味道偏鹹同行有朋友不吃辣, 叫了不辣的炒水晶粉, 可當中途解辣, 味道就無咩特別肥腸食過更好食的就會覺得肉質一般, 好難咬, 不推介可以不用試XD最後口水雞是中途退回的, 因為太生了, 太多血實在吃不下去

之前在九龍城巴士站附近的一條打鼓嶺道吃過四川菜「有口福」的鎮店之寶酸菜魚後，心裡念念不忘；趁疫情緩和之下，約好友再次到來嚐過痛快。用黃色搶眼做底的logo設計獨特。店內貼了林瑯滿目的meua ，頓然更覺肚餓！「有口福」川菜餐廳出品多款驅寒去濕的主打川菜，有酸菜魚、諸葛烤活魚、香辣雞煲和胡椒豬肚煲等等...也有火鍋和小菜。我至愛的一款酸菜魚必吃，依然份量和配料十足，魚肉肉質鮮美,酸菜爽囗醒胃，配料之一水晶粉吸收了魚湯的精華，更是美味可口！香辣雞煲一端上檯面，香氣撲鼻，除了嫩滑惹味的雞肉，還有很多殺菌的爽甜洋蔥。與別不同的燒蟶子皇，鋪上很多蒜茸在面，燒得恰到好處，肉質鮮嫩無比！配上冰凍解喝的啤酒，確是感到無比的滿足！

今日同朋友去九龍城逛逛，早期香港已經有不少泰國人於九龍城聚居，現時不同類型食肆林立，除了泰國菜、越南菜、火鍋等，這次畀我哋搵到一間川菜館~有口福。店內桌椅排得整整齊齊，有熟客想坐得鬆動啲，原來仲有樓上一層。我哋打算點酸菜魚，朋友又想吃田雞，店員聽到，建議加田雞入酸菜魚，另外再加萵笋片及炸豆腐，全部加入酸菜魚，這樣就可以盡享酸菜魚湯的美味。魚鍋上菜時，賣相吸引，且聞到香噴噴，食慾立時大增。朋友經常吃酸菜魚，可算是酸菜魚專家，她讚不絕口，說這個可以媲美深圳著名的食店，廚師的做法很正宗。魚片肉質鮮嫩，件件厚切，夾得起唔鬆散，田雞肥美可口，用酸菜魚食法不錯呢！炸豆腐(豆卜朋友)索滿酸菜魚汁，特別美味，萵笋片大大塊又爽口。酸菜魚其他配料包括大豆芽菜及一些玻璃粉。大家食到飽飽，好滿足啊！今次真係有口福，正！朋友不斷嚷著，下次要叫多些朋友試雞煲及水煮菜式。