有口福

營業中

休息中

每次經過太子道九龍城天橋都見到個好搶眼黃色川菜招牌，上星期日即刻同老公食一食先！入到去環境都乾淨企理，原來有火鍋雞煲，酸菜魚，仲有小菜都幾多種類！老公話食小菜，我諗緊食咩涼拌，樓面介紹食涼拌魚皮，我從來未食過，但老公話試下！膽粗粗試下估唔到勁有驚喜！麻油好香，魚皮又爽脆，估唔到係咁好食，老公話佢仲好食過d舊店，從不食辣既老公話小小辣好惹味，流住汗都食🤣🤣🤣之後黎左個招牌雞煲，上枱仲有gas 爐熱住，熱辣辣香噴噴，雞份量好足，仲有好多配料，不過今次無加料做火鍋，雞煮得滑唔鞋不過可以再份味d！要多份炒水晶粉，之前都未試過，索左汁水晶粉好惹味，仲煙煙unum,好有口感！小菜叫咗碟川味炒臘牛肉，係其他鋪未試過，質感似牛肉乾🤣🤣，咸咸地送飯一流店有特色小菜，唔錯唔錯！