有口福

營業中

休息中

外出工作完畢，無須回公司，收早少少當福利🤭🤭🤭，順便跟同事在宋皇臺附近一帶揾食。 去到邊，食到邊，真係區區有美食！ 食個雞煲後再加水變火鍋，快人一步烚吓烚吓🥢🥢，暢快無比，✌✌✌！ 香辣雞煲(半隻)香味濃郁的小辣雞煲，配料有芹菜，青瓜，洋蔥及大蒜，精心製作的雞煲，雞件非常入味，香辣外還帶些微麻辣味道，食落更有層次！ 頂級手切肥牛肥牛在煲內拖拖，入口肉質嫩滑，牛味香，一食即知高質食材！👍 讚岐冰烏冬 有肥牛定必有配烏冬，呢款冰烏冬彈牙好食😋😋😋篙菜店長介紹，我未試過篙菜，即管一試，烚的時間要多一些，原因莖部分比較粗，食落幾特別，都幾適合打邊爐食！食菜又多一個好選擇，真好呀！ 烚吓烚吓點少得飲罐可樂呢，爽！

因為很喜歡吃川菜，朋友就帶我來到這九龍城小店餐廳內只有數張檯，感覺很隨性食物質素高，份量大很推薦大家去一試◭脆椒雞軟骨 $88 🅙🅙🅙🅙🅙/5本來沒有很喜歡吃雞軟骨但是這道菜有驚喜，香脆香辣的，很惹味吃完一粒，會繼續想吃下去，停不了口◭水煮魚 $188 🅙🅙🅙🅙/5一大盤水煮魚，魚肉頗多，肉質嫩滑麻麻辣辣的，配飯最好不過配料如寬粉和芽菜也很入味◭干鍋肥腸 $108 🅙🅙🅙🅙/5⚎⚎⚎Recommendation 🅙🅙🅙🅙🅙/5⚍⚍⚍

九龍城見到一間食川菜嘅店即刻心思思晚餐就食佢店其實雞魚鴨呀乜都有得食我同朋友見到眼花撩亂決定最後選擇左香辣口味嘅小辣烤鉗魚再嗌左半隻口水雞同干煸四季豆烤魚一上到黎成個紅色已經食慾大增跟住一面煮香味更加慢慢走出黎魚只係中間有條大骨唔使驚有其他細骨可以放心食魚又香又辣惹味之選本身已經有配菜仲大豆芽同埋豆皮吸晒啲精華口水雞唔似出面只係一對紅油包住店就自己調約咗好特別蒜蓉豆豉辣加埋大粒嘅花生一邊食軟滑嘅雞加埋個醬成個感覺好有口感雞嘅份量比一般嘅例牌來講叫做多干扁四季豆唔會太油加咗少少嘅肉粒加埋辣椒粒但係個辣度容易接受有唔同層次兩個人食埋烤魚，雞同埋菜又係好滿足烤魚之夜

今日有口福，因為三兄妹去九龍城食川菜，阿哥請客，仲唔食盡佢😂😂😂而家去九龍城食野好方便。我地行三分鐘就揾到呢間《有口福》，好在阿哥一早定左位，個場都幾爆，walk-in要講運氣。我地坐樓下，地方都乾淨，啲碗碟仲好靚添。叫定三罐可樂解辣先今日黎既目標，係佢地既酸菜魚。佢地係用鉗魚，加大量酸菜，豆芽，酸荀，水晶粉，份量驚人。仲話可以加其他配菜，不過我地冇加，要留肚試其他美食。如果冇估錯，佢地係成條魚，拆肉起骨比客人。因為除了有大塊魚肉片，還有魚頭，魚尾。可以啖啖肉，又可以食下魚骨，唔錯。魚肉大大塊，冇骨清得很乾淨。孜然寸骨阿哥對佢讚不絕口，因為佢唔好太辣但勁重孜然味道。因為佢地係用左大量既孜然芹作調味，而唔係用孜然粉，所以味道更濃更香。而且啲肉一煮得很嫩滑，加埋重口味既孜然香料，很惹味。干煸四季豆，加上紅椒和肉碎一齊炒，乾香爽辣，很惹味。清炒萵笋清甜爽口，解辣一流。蔥爆羊肉羊肉大大片，新鮮無氈味。同埋啲大蔥一齊炒，鑊氣十足。海蜇絲爽口彈牙，可以作前菜吃。呢度價錢大眾化，食物有質素，下次再去過👍👍

近舊機場，本來食肆多， 昔日淨係照顧班機場嘅員工，每天三幾萬人，就流量每人每日食一餐兩餐，真係養活這區好多食肆。泰國食肆最主要，近日有收變，唐洋日韓西餐乜都有，今次走嚟搵雲桂川菜，話說呢間水煮魚非常出名， 當然唔會錯過啦!坐低兩個人食唔多，知道份量唔係少!叫咗個矮瓜跟個水煮魚，飲支天地一號，簡單晚餐好易過。水煮魚 分量真係唔細呀嚟到幾乎嚇一跳，成個鍋咁大，仲驚住食唔曬，魚片一片，厚厚薄薄都有，全部啖啖肉，骨唔食到，廚師手勢好，不過我哋叫個唔好咁辣，都依然係咁多辣椒 ，減減下，蒐集下，都一小碟幾多㗎，仲有啲紅薯粉打底，味道煙韌入口爽滑，不過我就冇入口，我怕食咁咁透明嘅嘢，真係冇叫錯，冇試過，亦都冇試錯，呢味水煮魚，食得嚟試，仲有啲芽菜配菜等，真係抵食。仲有個紅燒，矮瓜好正好好有味道，唔算多油，無油燒唔開，燒得開又唔算油膩，再讚師傅好手勢，所以食得好開心，識得天地一號減減啲油膩啱啱好呀! 酸酸味味入口清涼，晚餐一餐又飽飽喇。

去九龍城邊個話一定要食泰國嘢，其實好多好好食嘅餐廳都係九龍城架！依家有地鐵隨時過嚟食好嘢今日就去食烤魚啦，我哋兩個人食所以嗌咗半條魚同埋其他配菜見到佢一大盤已經急不及待想夾，職員同我哋講條魚未熟晒要等一陣，佢話因為如果煮熟晒先出嚟，客人食得慢嘅話條魚一路煮住就會老。真係好細心。食落去條魚真係好滑，又入哂香辣既味。我地嗌左香辣，所以就無麻辣咁辣同埋無一粒粒既籽係湯度。配菜我哋嗌左萵筍，鴨血，肥牛，豬脆喉骨，樣樣都好好食。萵筍夠甜，鴨血我哋煮耐啲先食等佢入味肥牛半肥瘦所以唔會鞋口，最極力推薦就係豬脆喉骨好爽脆。兩個人我哋基本上都食唔晒因為本身佢會有芽菜同腐皮做配菜 。太好食嘅關係我哋都盡量食晒佢食得好回味下次一定要再試下麻辣同埋酸辣

好耐冇去九龍城食飯，最近開通了地鐵，朋友話想去行吓順便帶我去一間川菜館食飯，咁就坐言起行。餐廳面積唔算大，有D家庭feel，我哋想食魚，又怕辣又怕多骨，老闆建議我哋食酸菜魚，佢話加埋鴨血仲好味，朋友最鍾意食鴨血，緊係冇意見啦！一大盤魚上枱，裡面有好多魚片，魚肉爽口彈牙又新鮮，鴨血唔會太淋，滑溜得來有口感，水晶粉吸收晒酸菜魚的精華，簡直係我至愛。再來碟口水雞，少少辣雞肉鮮嫩香滑有雞味，唔錯。最後叫埋碟酸辣腰花，廚師用咗洋蔥，青辣和咸菜炒，非常惹味，本想叫埋碟炒米粉，但已非常飽，留番下次來時再吃。整餐飯都非常滿意，結賬唔駛五百蚊！

發現九龍城一間重量級豪放川菜餐廳，食物樣樣色香味俱全😍 相當有份量～ 好抵食！唔好睇佢細細間原來都有兩層，做街坊生意，平日生意都好好，老闆親民店員勤快抵讚👍🏻 諸葛烤鯇魚 $178 半條叫咗麻辣口味嘅小辣，諗住兩個人食半條先食得晒啦，點知半條原來都好大份！調味配菜好足料，煙韌厚魚皮包住嫩滑魚肉，又香又惹味😋 不過條魚中間位置比較多骨，要小心啲食～辣炒土豆絲 $58中辣嘅土豆絲令人欲罷不能😌 滿滿嘅一碟，香辣爽脆土豆絲，越食越辣，越辣越上癮～手帕青瓜 $43青瓜切得好大塊，加上秘製嘅酸辣油醬汁，開胃又爽口～口水雞$98 半隻半隻口水雞份量十足，醬料豐富，味道麻油辣味突出。雞肉嫩滑，雞皮有彈性，口感味道啱啱好，送飯絕配呀😍

之前睇YouTube 有KOL介紹此店，上OpenRice 見到很多好評，經OpenRice 訂咗今晚八點，到達後店員話已滿座，叫我去附近嘅新店。本人非常喜歡酸菜魚，而此店標榜酸菜魚做得出色，所以點咗酸菜魚。之後經店員介紹後點了椰子鴿、辣子鷄軟骨，點菜後想叫枝啤酒，但店員話未有酒牌，由於所點都是送酒菜式，所以我要求自己去買，但店員拒絕，可惡的是隔離一個客人就可以自己帶啤酒。本人點酸菜魚加萵筍，餐牌寫加$35，賬單寫廚部加單$40，問店員話是加$40，不爭拗。等了半小時才上菜，酸菜魚片有泥味，湯不夠熱。其如兩碟小菜只係一般，沒有什麼出色，店員只提供外賣木筷子及碗，匙羹也要要求才有。本人實在非常之失望！

今日同屋企人一齊去試搭新開嘅屯馬線，之後就一齊嚟到朋友推薦嘅呢間餐廳食晚飯。呢度無論裝修定餐牌都好古色古香，一開頭擔心會唔好食😂😂但朋友強烈推介，我哋都打算試吓。我哋首先叫咗一個烤活魚，因為我哋都好怕骨，所以老闆推薦我哋揀鉗魚。老闆一捧上來嘅時候，我哋都忍唔住「哇」一聲，因為好大盆！魚嘅肉質好嫩滑，好似老闆咁講，真係無咩骨👍🏻加上配埋酸酸辣辣嘅酸菜同辣椒，食到停唔到口，所以掛住食唔記得咗影相。😂我地仲叫左炒田螺肉，天螺肉好有咬口，但我個人略嫌有少少油膩。另一個主角上場啦，就係雞煲啦！為咗遷就部份唔食辣嘅朋友，我哋雞煲就選擇左原味！我哋掛住傾偈，開頭唔記得咗食雞煲，都擔心啲雞肉會變到好「鞋」，但係冇諗過食嘅時候，雞肉仍然好嫩滑，而且好入味！我哋仲叫咗豬腸同豬肚加埋落去，兩樣都好新鮮同埋好有咬口，非常之野味，推薦！食完雞煲之後，老闆就幫我哋加啲湯落去，之後我哋就叫咗幾樣打邊爐嘅食物。食物不過不失。最後我哋叫咗一個家鄉炒米粉，其實當時我已經食到好飽，但係都夾咗少少嚟試吓，估唔到咁好味，最後忍唔住自己都食咗一碗！米粉炒得乾身又入味，配合埋蛋香同埋其他蔬菜嘅味道，非常之好味！雖然簡單，但卻令人回

最近特別想食酸菜魚，記得之前在九龍城等巴士時看到附近有間頗有川菜風味的小店叫有口福，就決定去解決一下我的食辣癮～原來餐廳除了川菜外，還有胡椒豬肚雞煲，不過心繫酸菜魚的我忠心地點了酸菜魚，加幾款小菜。【脆椒雞軟骨$88】不得了～一上菜就有好香的辣味攻入鼻。雞軟骨炸得好香脆，就算食到尾段都沒有變軟，可見師傅的火候控制得好好！加上麻麻辣辣的味道，好惹味！必食之選～【生炒菜心$58】想食點菜平衡一下罪惡感，但想不到餐廳炒菜亦有放豬肉爆炒，令菜心更香更好味。【酸菜魚$188】不知道酸菜魚入面有水晶粉，所以加配了紅薯粉$30😂不過各有各出色，水晶粉好吸味，紅薯粉非常煙韌，跟酸菜魚湯底非常配合，不會太辣，酸酸辣辣好開胃，而主角魚塊果然少骨，而且份量極多，每口都鮮嫩軟滑，好好味。【家鄉炒米粉$68】純粹見好多客人都有點，就忍不住試試。幾有驚喜！炒得非常乾身又有鑊氣，配搭一些蔬菜和午餐肉，有蛋香又惹味！難怪人人都有點！

好耐無黎過九龍城食飯，係openrice search到呢間好高評價，所以決定黎試下先...呢到最出名食酸菜魚同雞煲仲有一d小炒，種類都幾豐富下先黎一個香辣雞煲，好香...我地點左個小辣，雖然唔太辣但又有d麻辣味道，岩我口味，雞件都幾滑，份量多，同埋最正係好多洋蔥，食雞煲多洋蔥真係好正當然要試下呢到最出名既魚...酸菜魚配料好豐富，入面最正係有百葉結，吸晒d酸菜魚湯味，一流魚好新鮮，好鮮甜，同埋唔算多骨食完雞煲例牌都要用埋黎打邊爐，所以叫左幾樣唔同既火鍋配料黑豚腩片肥瘦都幾均勻，入口淋魚皮餃不錯，夠大隻白菜餃就普普通通仲有叫左一個小炒試下，炒田螺肉田螺肉夠爽口又惹味，而且田螺肉份量好多，食極都仲有最後，因為睇到人推介，所以叫左呢碟好似平平無奇既家鄉炒米粉試下一食落口，真係不得了，超好食呀！夠晒火喉我仲試下加d酸菜魚湯落去，撈埋一齊食，原來好夾

朋友已經嚟過好多次食酸菜魚，今次有幾個朋友生日就決定嚟呢間酸菜魚都出名好食嘅餐廳試一試叫咗好多嘢食，有啲掛住食唔記得咗影相呢碟係青辣椒炒豬爽肉，係幾惹味嘅，辣椒唔會太辣呢碟炒四季豆都係好惹味，食得出四季豆係走過油，但係又唔會太油，煮得唔錯炸大腸，食到大腸入邊仲有啲肥膏，炸係炸得幾乾爽，係中間肥膏肥咗啲胡椒豬肚雞加咗蟲草花，有好濃嘅藥材味，淡湯幾好飲炒䈑筍絲ok,正正常常炒薯絲，略嫌仲係有啲粉，浸唔夠時間，未係最爽呢個蟶子皇係超正☺️新鮮鮮甜彈牙👍🏻👍🏻👍🏻傳說中既酸菜魚，期待左好耐，成日見人地食個賣相好吸引，但原來食落口同想像既完全唔係一回事，唔夠酸唔夠辣，總之就唔知差啲咩😞好失望白皮蛋，都好食既，同埋白皮蛋都幾特別涼拌魚皮，魚皮切得太幼細，唔夠爽口，但個味道係可以既雞軟骨，炸得好鬆脆，連辣椒都係，食落卜卜脆，送酒啱晒但唔知係咪油得滯，食完嗰晚痾左四次😵‍💫

自從屯馬線開通後，真係方便咗好多。可以嘗試發掘不同地方。今次我們去了九龍城嘗試泰國以外的美味「有口福」食諸葛烤活魚。「有口福」的位置其實已經十分方便，對出就已經是巴士站，而宋皇臺地鐵站在B3 出口行過去也十分方便，唔使塞車時間容易掌握。脆椒雞軟骨脆椒雞軟骨，分量十足。雞軟骨炸得酥脆香口，微微辣配上炸花生一齊食，一口接一口，啱晒飲啤酒和汽水的人。諸葛活烤魚（鯇魚半條）諸葛活烤魚，鯇魚炸到三成熟，之後放落特製的湯汁內，加上大量配料酸菜，百葉，芽菜，香蒜，上枱後放在鍋架上繼續烹煮，鯇魚入口嫩滑香口，之後可以放上火鍋配料吸盡魚汁精華。手打三寶丸手打三寶丸，有蝦丸，豬肉丸和鯪魚肉丸，材料新鮮粒粒爽口彈牙。菜肉餃菜肉餃，餃子味濃郁而且煮了一段時間餃子皮也沒有煮爛，大細剛好一口一粒十分滿足。讚岐冰烏冬讚岐冰烏冬，喜歡烏冬的這個絕對要試，完完全全把湯汁的精華吸收，味道濃郁加上煙煙韌韌，再飽都想食多一點。窩笋菜萵笋菜，原來用萵笋菜來打邊爐是這麼好食的，煮的時間不需要太耐，入口爽甜加上萵笋葉吸收了湯的精華，這個配搭實在令人難忘。

河蝦比韭菜多炸得十分爽脆簡單炒飯並不是像名字那麼簡單份量很大辣子雞雖然很辣但是它的辣越來越想吃❤️海蜇配上麻油十分好吃😋洗手間十分乾淨老闆十分友善和好客👍🏻正😄