晴空日本料理

營業中

休息中

陪了老婆去複診，一切安好，想食餐好😊今日3號風球，一直都落好大雨，成條街都比較冷清，見到呢間裝修優雅嘅日本餐廳。出邊有泊車位，等咗一陣，好彩遇到有車位，$8 1小時真係平。 12點返我哋即刻入到呢間餐廳避雨，店員有禮貌招呼我哋 壽司師傅亦都穿着他好整齊喺吧枱度預備食物 成個感覺真係好似去咗日本咁🍣😆我哋被安排窗口位置，非常好方便我哋睇車。 餐廳嘅午餐set價錢好實惠$100～$170不等，而且仲有omakasa ，四百幾蚊一位價錢唔算貴。咁我哋今日呢就試咗佢嘅lunch set $140 炙燒魚生丼 ，佢仲有好多其他配料，例如係帶子，燒三文魚🍣，成個飯好豐富，魚生同飯嘅比例啱啱好👍🏻 下邊仲有啲蛋🥳 每個餐佢都有沙律同埋蒸蛋，茶碗蒸好滑，味道啱啱好 食完之後仲有飯後自家製甜品🍮 今次真係大滿足

今日開始放大假，難得有人湊住個女，立即同好姊妹shopping喪食喪買，最後一站去韓國街Banchen(又抵又好味)買泡菜都買咗五舊水，女人燒錢能力唔簡單，行到兩隻腳不是自己，又餓又累，看到對面有間新開的日本店「晴空」，一睇Omakasa $800/$1000（有冇咁抵？）跟住有個姐姐出來話新店優惠有9折，心大心細加超累下，博一博入咗去。入到去環境清雅，一貫日色餐廳feel，見6點開場我們第一枱客，原本想坐Bar枱睇下師傅整野食，但姐姐看到我們的戰利品，細心地安排了其他枱俾我地坐得舒服一點。因為太餓選了$1000的一款前菜-磯煮鮑魚伴肝醬睇menu 以為前菜時普通料，如漬物或蒸蛋等小食，但頭盤一來便是鮑魚，鮑魚完全唔un，好入味，加埋個看落唔靚的醬，但食落卻好好味。刺身五點-北海道鮫鰈魚、北海道白象拔蚌、原隻日本海膽、煙燻青魚、紫蘇葉拖羅我開頭以為五點是五件刺身但原來每點都係一碟，最誇的是原隻日本海膽平時唔食海膽（怕腥）的我，竟然食到lamlam脷，碟碟都好好味，但我唔識嘢唔識分咩魚，最後由師傅逐樣介紹。熱食二款-汁煮喜之次寶石魚、大蝦牛油燒兩樣都好好食，汁煮好入味，大蝦全個蝦頭都食得

十二貫壽司🍣食材新鮮😋😋真係好好食👍🏻👍🏻又食哂咁多唔同味道既壽司，個人認為好抵食😝😝賣相整得好靚，壽司好有心機整抵讚，唔馬虎打卡影相📸️一流另外晴空寶石卷都好正💗💗材料有拖羅魚蓉海膽同埋三文魚子😍超like,,推介一向鍾意食壽司嘅我我覺得呢間價錢合理抵食如果喺尖沙咀來講呢間真係好抵食一定會再返食試埋其他壽司同刺身見到佢有原隻海膽食😍😍下次過嚟試埋佢個omakase😍😍

成日聽人講食omakase,從來未食過，今次到我試，特意精心挑選左尖沙咀既「晴空」。初嘗omakase,試左佢地晴既menu。一開始係appetizer, 令人眼前一亮既海鮮他他，擺碟擺得靚真係會令人食慾大增，味道亦都好新鮮。做到開胃既效果。之後仲有鮫蝶魚，魚質感爽滑，口感好特別，一啲腥味都無。跟住就到熱食，有我中意既燒鯖魚，魚肉林身，有陣陣魚香味。另外仲有道燒魚，大大舊魚肉好yummy，下面既蘿蔔亦都煮到入晒味。燒大拖羅，火喉控制得好，唔會因為太over而蓋左拖羅本身既鮮味。重頭戲當然係壽司，款式包括中拖羅，油左口魚，帶子，金目鯛，北海道馬糞海膽，銀鱈魚壽司。個人讚好帶子，大粒又爽口唔痴牙，表面有少少柚子皮，好夾好香，食得出好新鮮。同埋金目鯛壽司，唔係成日食到，加埋面層既黑魚子，令味道又提升左，讚中拖羅手卷都好得，啖啖是滋味！總括來說，除左呢度既service好好之外，食材好新鮮，會再黎光顧，試埋「空」menu! 十分推介～

食日本菜，當然要到正宗嘅日本餐廳，尖沙咀tsim sha tsui新開一間高質日料，🇯🇵佢地嘅dinner setomakase非常唔錯，廚師根據當日新鮮運到嘅食材訂製專屬menu,無論係菜品定係環境，都非常高質。.因為有吧臺，坐住睇住廚師係面前製作真係特別有feel，🥢整好之後放係你面前，更有同廚師之間互動。.最回味係紫菜拖羅，用火槍將表皮燒得甘香，脆口嘅紫菜包住拖羅，🔥更加可少咗油脂嘅肥膩感。

好耐冇黎過尖沙咀食飯，本身諗住hea食就算la，不過同行既想食好野，就帶左佢黎la。炸富山灣小白蝦，將啲蝦仔炸熟，又幾盞鬼wo，咬落脆脆地。炸小池魚，條條都肥，又係好得意ga，同樣係細細條。晴空寶石卷，好靚haha，有多款刺身塞曬入個卷物度，又幾正wo。原隻龍蝦炒飯，龍蝦都算有肉ge，加埋炒飯份量勁多，好夠飽。飯粒間仲有菇同紅蘿蔔粒。蕨餅，甜甜地涼涼地。雖然埋單唔算平，又行好遠搵左好耐路先到，不過食得開心。

Lunch Time嚟到，估唔到呢個位置有一間新日本料理店！店內頂部好多舊白雲，好有晴空感覺！☁️☁️☁️空間感十足～每個午市套餐付有沙律、茶碗蒸、味噌湯, 甜品, 另收加一服務費🥗前菜先上粟米車厘茄沙律🍣壽司10件，我哋有幸坐喺師傅前面，師傅會介紹每一種壽司名稱，仲話有咩唔明可以問佢丫由左至右分別為真鯛鱲魚、油甘魚、赤身醬油潰、小池魚、帆立貝、拖羅、牡丹蝦、左口魚邊、白海膽、鰈魚、香蔥拖羅蓉卷🍣💁🏻‍♀️當中印象比較深：油甘魚，魚味味香赤身醬油潰，味道較濃帆立貝，鮮甜！😝拖羅，入口即融，太幸福了🥰牡丹蝦，啖啖甜蝦肉！左口魚邊，超爽口！白海膽，超甜吖！一啲腥味都無香蔥拖羅蓉卷，3小卷同同事 Share食～🍗汁煮豚軟骨定食 $120豚軟骨超軟腍，夠入味軟骨好容易咬開，個汁仲好日式添啊！配上大大碗白珍珠米🍳茶碗蒸裡面有蟹柳同菇，剛剛燉起超級熱吖！如果食完沙律即上茶碗蒸同味湯就好啦～🍬甜品為黑糖蕨餅，煙煙韌韌～無諗過同事第一次食蕨餅😂搞到我仲喺咁解釋比佢聽

Today, I went to a newly opened Japanese restaurant near my office during lunchtime. As I haven’t been to Japan for a while due to the global pandemic, therefore, so I needed some “home comfort” to solve my “home sick” by eating sashimi for lunch. I ordered Grilled Sashimi bowl lunch set, as it contains a variety of different sashimi. The lunch set also included salad, steamed egg, miso soup and dessert. The steamed egg was hot and tasted good. When the Don arrives, I didn’t expect to have six d

同女朋友去尖沙咀食飯，每一次每一次都要諗食乜，真係頭都痛。見到網上面話有間新嘅日本菜，叫晴空日本料理，主打Omakase，又唔算好貴，於是就膽粗粗試下。女朋友胃口細，我地叫左一份晴Hare Omakase Set. 同另外加左少少野食。前菜:鮫鰈魚同酸汁水母，應該係我第一次食水母，感覺幾特別，好爽口。配上酸汁都幾開胃。鮫鰈魚切到好薄，卷起後微微一咬就化開，肉質細嫩鮮美，不錯。蟹籽蟹肉沙律，另外再加既，營養師話食肉之前最好食多啲菜，所以就叫呢個🤣蟹肉好好味煙燻鯖魚，呢個處理手法好好，一入口已經有好濃既煙燻香，因為鯖魚有好香油脂，特別適合用煙燻。配上洋蔥，又會令到個口感有啲清新。燒拖羅配山葵漬及紫蘇葉，燒左既拖羅簡直係油脂分布著整個口腔，山葵漬液體狀順着油脂，每一啖都感受到魚香同山葵香。搭配埋紫蘇葉中和返油膩感，正呀！汁煮鰤魚鮫，用左日本醬油煮，好入味，肉質結實，每一絲魚肉都充滿左醬油味，甜而不膩，連舊豆腐都咁好食差唔多到尾聲，有6件壽司中拖羅，級數接近大拖羅，油脂好足油甘魚，新鮮有魚味，最愛食了！牡丹蝦，好有膠質，新鮮彈牙，正！活北寄貝，不過不失馬糞海膽，睇相都知正，無須評價！銀鱈魚，燒

今日同同事預祝生日，捉埋佢做白老鼠，試下依間係韓國街 (金巴利街)既晴空。午市都幾多選擇，生熟都各有差唔多10款，價錢由$100丼飯定食，到$488既Omakase。既然食生日飯，一於試吓個Omakase 先！ 先上個薄切鯛魚，入面卷左昆布，連埋個酸汁食好開胃。之後就係新鮮象拔蚌，爽彈！其中一件輕輕燒過，加埋少少既松露醬汁，好想食多幾舊壽司包括唔少得既拖羅同海膽，仲有右口魚，牡丹蝦，同啲白身魚，全部都新鮮肥美，好正！其中一件係煙薰鯖魚，好多時都怕食鯖魚因為覺得好腥，但依件煙薰過既鯖魚一啲都唔腥，微微煙薰味仲好特別！食完壽司仲有一件拖羅小手卷添，大滿足！想請除咗主要食材，佢哋連配菜都好用心。壽司既薑配左柚子，連平時唔食薑既我都食咗唔少！另外，漬物既蒜醃到無生蒜既辣味，但保留咗爽脆感！而甜品瘚餅亦係自家製，唔會死實實！成餐飯都好滿意，加埋落雨天有9折，以咁新鮮既食材同師傅既用心製作，其實都真係幾抵，下次要再嚟試吓晚餐！PS 新張期間，每人會送一客炙燒拖羅。雖然係免費，但份量同質素絕對無將貨就價。另外 ，落雨天黎晴空有9折優惠，依個Gimmick 又幾有意思

今日黎左間新開日本料理，入黎其中一個原因係因為老闆娘好熱情係舖門招呼客人，入到黎見到全新裝修，坐落都好舒服！同朋友二人最愛食魚，於是叫左幾個特別的刺身同壽司拼盤，首先係薄切間八魚，間八魚係日本極高級魚材料，所以價錢係睇落比較貴！呢個魚特別之處唔似大拖羅果種好油感的魚，而係賣好清香的魚味，甚至店員唔建議我哋點任何醬油芥辣食，非常鮮味！然後就食左三文魚沙律同天婦羅，兩個都非常有水準！三文魚沙律入面的煎三文魚好香口，與沙律非常平衡；天婦羅賣點就係入面有少見的帶子天婦羅！之後就到最期待既主菜！有六樣魚生拼盤（三文魚 甜蝦 帶子 油甘魚 大拖羅 真鯛）以及火灸壽司拼盤，出奇地兩個都非常高質！魚生拼盤賣點係厚切及質素，特別三文魚同大拖羅都非常肥美可口！甜蝦上仲有加料的魚子醬！至於火灸壽司拼盤的賣點係肥美，師傅特登介紹之所以要火灸，係因為呢幾種魚都有一定油份，基本上趁熱食三文魚、左口魚同大拖羅都係入口即融！但唔喜歡蒜既朋友可以係大拖羅上走蒜絲

喺韓國街嗰邊，原來開咗間新嘅日本餐廳🤣好舒服個環境，裝修令人想chill下🤣佢有幾個雲係天花，而且掛咗啲日本嘅風景畫係牆上。成個氣氛令人超relax👍🏼👍🏼👍🏼章紅魚薄切原來佢唔洗點豉油，本身已經有啲酸酸地嘅汁喺入面。食落唔會腥，而且好鮮，我比較喜歡加少少蔥一齊食🤣👍🏼賣相極好，有海苔蝴蝶，真係第一次見！！燒三文魚沙律開頭以為係三文魚扒咁樣，原來係三文魚皮加魚肉！口感完全唔同！脆卜卜之餘，仲有少少魚肉咬！沙律菜份量多，啱唒2個人分享❤️天婦羅盛合有蝦，南瓜，秋葵，冬菇，帆立貝！新鮮炸起👍🏼好食！！唔會個粉好厚！雲•六種刺身 $315有油甘魚，三文魚，甜蝦黑松露，吞拿魚，章紅魚，帆立貝! 雖然又係章紅魚，但味道完全唔同，因為佢係厚切㗎！好好食！另外，我覺得佢甜蝦同一般嘅都有分別，真係好新鮮！！我好怕食甜蝦腥，但佢好彈牙！！！招福6貫灸燒 $250好正！壽司飯入面充滿晒魚油！！皆因佢6件都係火炙嘅！有銀雪魚，大拖羅，三文魚，鰻魚，右口魚邊，帆立貝！我個人最鍾意銀雪魚，佢超滑入口自己溶！好好食呀！！！！而且我覺得佢嘅性價比最高！！highly recommended ahhh🥰🥰

夜晚係尖沙咀搵食，記得食家朋友仔話試過呢間日本菜嘅lunch 唔錯，咁我同男友就一於試下食晚餐睇menu 覺得款式唔算好多，間嘢應該係行高質素，貴精不貴多嘅路線好！就試下佢得唔得先！我地叫咗個燒三文魚頭，份糧唔太細，即燒好甘香，外脆內嫩，火候掌握得唔錯。壽司方面，令人有食omakase 嘅感覺，每件壽司都好似一件藝術品咁精緻，用料上乘，拖羅入口即溶，而且溫度適中，令拖羅（保持最佳嘅狀態，因為壽司嘅溫度好緊要，太凍或唔夠凍都會影響成個口感同味道。右口魚入口細膩，大量油份融入飯裡面，成件事就唔會太油膩，食後嘅余韻清淡而持久，其餘嘅壽司同熟食.。一都有返咁上下水凖。我同男友都滿意，係有一定程度嘅質素，對得起個價錢

好姐妹聚餐，聽朋友介紹韓國街開咗間日本料理，我哋一行四人，行完街，洗完錢，就去食餐好。佢新推出左個二人餐$1480，我哋先叫呢個餐食住先，2人餐包括：野菜沙律小食3種 廚師推介刺身5點 油甘魚 帆立貝精選和食2種 壽司8件 大蜆清湯甜品估唔到日本料理，熟食都OK，炸物都好好味，魚生刺身，壽司，食得出好新鮮，冇雪味。廚師推介我哋食即開北海道海膽，超級驚喜，勁新鮮，未試過即開即食。原來去新店開張，未有酒牌，好彩我哋行街嗰陣時買咗酒😆😆。老闆話下次就會收開瓶費woo，我地決定再約下次再帶小朋友食午餐，因為午餐menu都吸引

尖沙咀韓國街的隱世日本餐廳一入到餐廳見到餐廳設計簡潔，門口仲有朱古力同啫喱等小食比客人食望到餐廳有一啲文清打卡雲，坐低見到晴空塔嘅地圖，令人諗起喺日本旅行去既晴空塔望住晴空呢兩個字心情會變好♥️三文魚粟米沙律作為一個清新前菜既開始炸豆腐配蒜香醬 豆腐粒粒炸都好香仲以為係辣醬原來唔辣芝士炸春卷 細細條食落口感清新 唔會食到油膩感刺身有三文魚（鮮味大件）鮮帶子（超新鮮超好味）鮮蝦配蝦醬（蝦醬入口好爽甜呀）吞拿魚（超好味無筋架）金木魚鯛煎滑蛋餅，滑蛋煎餅真係第一次食，外脆內或入口立即溶左😆壽司set有金木鯛配蟹子（新鮮好味）有口魚鯛 （配埋柚子汁）海膽（入口超新鮮美味）金箔吞拿魚（新鮮又滑）燒汁煮魚魚肉煮到淋好滑 完全唔會老 配埋日式燒汁，新鮮又特別嘅煮法清鮮蜆湯個湯入面有少少海帶清清地暖下胃又健康，蜆肉新鮮甜炸蝦頭配蝦肉蝦肉煮到好滑好香，蝦頭炸完好香脆飯後生果係日本哈密瓜🍈又甜又好味個套餐有成9樣野 真係食到好飽😻