晴空日本料理

營業中

休息中

今日行行下街， 好想食日本野， 行下行下就嚟到呢間晴空日本料理見到佢個舖頭咁靚，忍唔住入去，坐低咗之後叫咗一個燒鮮鰻魚。一上碟，WA,條魚真係啱啱燒好，啲皮脆咯咯,的肉熱辣辣 ，佢個燒汁唔會太濃太多， 條魚比出面食嘅薄少少，變相食落冇甘漏，一個字perfect條魚用碟上，個汁另外碟上， 佢仲有少少淮鹽。可以畀我哋任選揀邊樣點黎食， 真係好似以前去咗日本嗰隻感覺另外我哋再叫咗個照燒免治雞肉串佢唔係林patpat嘅肉，佢夾咗啲類似雞軟骨嘅質地， 外層嘅皮燒得好脆， 再配埋佢個蛋漿汁真係1流呀我哋仲叫左鰻魚炒飯。啱啱好，好滿足！以甜品作結啦， 佢係一個自製蕨餅配黑糖漿， 同埋一片日本哈密瓜， 上碟勁靚超級適合打卡！！ 個蕨餅煙韌度係超正呀！個甜度又啱啱好！仲有好多set同埋魚生都好正㗎 下次要再嚟食多啲嘢

今日係尖沙咀一間日本餐廳食飯，佢係好出名嘅韓國街個邊，餐廳叫做晴空，俾人一種晴空万里嘅感覺! 前菜有一個三文魚沙律～ 配埋蟹子同醋醬清甜又健康仲有炸豆腐，豆腐外脆內滑，好好味呀炸芝士卷都唔錯！真係一流一啖啖咬落去都有芝士刺身有兩款，有鮮甜既三文魚，鮮美嘅帶子，肥美既拖羅，鮮香既海蝦等 刺身真係非常高質呢一個二人餐仲有煎滑蛋，個滑蛋嘅外面好脆香，入面超嫰滑超正嘅4款壽司入面有超鮮美既海膽壽司！仲有吞拿魚等超級美味食完少少生冷野之後就上一個煮滑魚同埋蜆湯比我地暖下個胃，非常貼心跟住熱食仲有炒滑蝦！滑蝦真係超級好味😋佢個蝦頭仲炸埋，變成左個二食～飯後果係甜密密日本哈密瓜！超級爽口！

頭盤😋😋汁煮鮑魚加鮑魚肝醬呢個超級好食❤️❤️再嚟就係出刺身有象拔蚌，間白魚，活帶子仲有煙燻鯖魚，同埋原隻海膽😋😋有大拖羅，全部都好好味勁鍾意食🤌🏻🤌🏻之後仲有壽司有海膽壽司，左口魚裙邊壽司， 仲有個唔知咩壽司大拖羅壽司，中拖羅壽司本人10分喜歡個燒蝦膏❤️❤️❤️❤️牡丹蝦壽司超正食到中段已經飽飽地師傅好細心咁幫我啲壽司全部小飯👍🏻👍🏻之後仲有熟食，和食有個燒銀雪魚又係好鬼好食😋如果再大舊啲就好啦😂😂😂😂最後仲有個香蔥櫻花蝦拖羅蓉手卷呢個可以食兩件，又係正到不得之了最後仲有個甜品非常之圓滿👍🏻。 價錢都十分之抵

“無收錢，真金白銀俾錢食”呢間餐廳新開架，係韓國街入面喺芸芸韓國餐廳入面，有一間日本餐廳成件事好有趣～ 咁大膽梗係要試下佢啦～食dinner就試下佢地嘅Omakase有分”晴”同”空”兩款，”空”係貴少少嘅訂位果陣仲追加左隻毛蟹所以我地個餐會有蟹嘅料理（大家有野中意食都可以訂位時order定）一入去餐廳雖然唔太大間，但感覺好舒服，唔會好有壓迫感，坐定定就等食～ 等食之前叫左支清酒呢到連飲酒位都好細心～ 會俾大家自己揀酒杯我都揀左一陣先揀到因為隻隻酒杯都好靚😍（有選擇困難症人士小心😂）第一道菜係鮑魚，個汁好正，鮑魚都整得好林然後到刺身，刺身係…右口魚無打錯，真係右口魚～食完就上1號蟹料理，蟹肉蒸蛋～（有限制相數量所以刺身同蒸蛋無相）之後上嘅呢款好正，黑松露白象拔蚌勁鮮甜呀，夾埋個黑松露味，心心眼😍跟住又到最愛，2號蟹料理成碗都係蟹肉呀，先試原味，好好味呀蟹怪表示好滿意～～ 再試下點下柚子醋好有”蟹道樂”感覺～ 喂呀又思鄉～好。好。食～食完蟹，之後食最重點嘅item講真係為左呢個先嚟試～就係新鮮北海道海膽伴蝦肉三文魚子一見到好開心囉，好少咁樣present忍唔住要自拍，拍完拿拿聲食，唔好嘥

喺韓國街見到有間好吸睛的晴空🏔🗻日本餐廳，同朋友一於食好西🤤～餐廳新淨，日式風格🏯，有吧枱位可以同師傅交流😊。餐牌選擇唔少，除左omakase set，仲有好多菜式e.g. 刺身，手卷等等👍🏻同朋友決定一同分享☀️晴嘅omakase，仲另加兩個小食～🔆Omakase-前菜水母刺身🤗少有的日式前菜，醬汁酸甜開胃，水母爽口，加上蟹子，口感提升⬆️!!!🔆Omakase-刺身3点🐟鰈魚刺身鰈魚薄切，帶點晶瑩剔透，不用點醬油，配🍋柚子醋已足夠～鰈魚肉質柔軟😋，帶酸的柚子醋有提鮮效果!!!🔆Omakase-刺身3点煙燻鯖魚🔥表面微微炙燒過，魚肉半生熟，入口柔軟😍，煙燻味香，🆕️新食感體驗!!!🔆Omakase-刺身3点🦈大拖羅炙燒 拖羅魚油味濃郁，入口即溶🤤~~上面的青葵漬少少辣，令拖羅有另一番風味💗!!🌟單點的燒三文魚腩賣相精美，帶有三文魚魚油香，醬油調味剛好，少少甜，🍶送酒小菜一流呀～🌟單點的脆炸原條鰈魚店員推介🎉~🤩藝術品般的賣相!!! 外脆內軟😋，魚肉細緻，無腥味! 🔆Omakase-和食汁煮深海池魚🍲池魚肉厚肥美，醬汁咸甜適中，配角蘿蔔超好味🤗，吸受醬汁同魚嘅鮮味～🔆Omakase-握壽司6

平時去韓國街梗係食韓國嘢，今日喺韓國突然見到有間新開嘅日本料理，環境都好開陽，有吧枱廚師係你面前整野比你食，感覺應該唔錯！我地叫左：燒三文魚沙律幸福刺身拼盤汁煮獅魚豆腐魚餅七味魚鰭炸白蝦🤩個燒三文魚沙律用柚子醋汁調味，佢同一般三文魚沙律唔同嘅地方係佢燒埋三文魚皮俾你，食落去脆卜卜，成塊食落去好鮮甜！🤩七味魚鰭同炸白蝦做佐酒小食一流，真係會食唔停食上癮！🤩呢個魚好濃味，佢用咗味淋醬油煮個魚，而且魚部份脂肪油份好多，食落去好滑！🤩🤩極推豆腐魚餅，佢入邊豆腐味好重，完全唔係出面街市D魚腐質素，反而係裏面好軟，食到豆腐質感！🤩🤩個刺身拼盤好出色，特別想睇係講中拖羅，非常肥美，入口即溶！第一次食鱈魚嘅刺身，平時都係食西京燒，魚肉帶豐富油分但完全唔膩口，好爽好嫩滑！🌟整體評分：4.546/5

嚟到星期日夜晚，又睇到令人勁熱血嘅東奧，想念日本了，特別想食omakase同小食。呢晚食〈晴〉omakase，880元前菜係水母，唔容易處理，淡黃色，咬落非常爽口，韌性都有。偏海苔，三文魚子加強口感。刺身三點鰈魚，薄切，唔需要點任何醬汁，新鮮小爽。煙燻鯖魚，基本底係生，面係稍稍煎香皮，肉用煙燻處理，魚肉味香濃，呢一口魚好豐富。夕燒大拖羅，用上紫菜包上，撈咗小小wasabi 醬點綴，提升油味，好好味！和食深海池魚，用汁煮，汁係清甜，魚肉剛好，蘿蔔夠入味。跟住輪到壽司6件由淡味食上，深海池魚、大拖羅、北海貝、櫻花蝦、銀鱈魚同海膽，好足料又好鮮，點小小醬油就夠，呢6件係再令成個omakase提升咗。再嚟係手卷拖羅櫻花蝦，一小口，但好夠料，係爆出嚟。再嚟係蜆湯，有小小魚底，清酒係熱時頭啖勁出，後來就係鮮味。甜品，蜜瓜，好甜，好juicy；黑糖蕨餅，將甜度推到最高。另外再點咗小食，醬燒三文魚，90元，好精緻而且去清哂啲骨，夠滑，醬汁唔會太搶。另一道小食，脆炸原條鰈魚，起魚肉起得好靚，擺盤好靚，粉剛剛好，小小鹽吊起魚肉味。

忙碌完一輪，與日本旅行認識的香港朋友再在晴空聚舊。思鄉情所致？食物入口都有故鄉滋味。當中我覺得好食嘅有：刺身類：～中拖羅：肉質軟冧冧，有豐富嘅肉味😝 真心拍得住和牛～鰈魚：賣點係清甜爽口～響螺 / 螺片：彈牙爽口～銀鱈魚🐟：西京燒銀雪魚就食得多，刺身第一次食，肉質少少韌，但都有鮮甜嘅感覺。小菜類～七味魚旗：味道好好食，拎嚟送酒就一流流。周星冇走，就咁點沙律醬都好夠味～三文魚沙律🥗：原本以為會係煙三文魚沙律，但係出人意外嘅，係真係薄三文魚連皮燒灸完嘅嘢！😍 燒魚皮香脆可口，夾埋啲omega3 oil就好正。～豆腐魚餅：都係幾值得叫嘅小食，應該係豆腐同魚肉混合左之後嘅內餡熟食：～海膽炒飯：用蟹殼裝，睇賣相上就一流。你就覺都唔錯嘅，但係海膽炒熟咗，感覺就同平時食開始真嘅海膽唔同，最突出嘅唔係鮮甜。～味醂煮魚頭：雖然上倉嘅時候就好有啲似去飲會食到嘅東星斑，但係入口感覺有幾得意，因為甜甜地，所以我估計佢加咗日本味醂。雖然係源頭，但其實肉嘅份量都足夠不過，食到最尾，可能最後嘅一兩啖會感覺甜膩嘅。

最近完成咗一個大project，去食我最鍾意嘅日本菜慶祝一番。老公帶我來到呢間位於金巴利街嘅晴空日本料理，雖然只係新開無耐，但晚上都幾full booking，吧檯位置亦一早坐滿，人氣十足。晚市有兩款Omakase，點咗較便宜嘅晴Hare Set($800)試試水準，廚師發辦包括：前菜、刺身3點、和食、壽司6貫、手卷、吸物及甜品。前菜：雜錦海鮮前菜亦誠意十足，用上多款魚刺身角切，配上脆口晶瑩嘅蟹子，口感十足！刺身：鰈魚薄切鰈魚咬下去帶清甜，蘸酸汁吃，鮮味更鮮明。煙燻鯖魚全晚其中一道好難忘嘅料理。鯖魚肉質細緻，入口滿滿煙燻香，個魚味亦更加突出！拖羅配山葵漬拖羅魚油豐腴，肥美無筋，巧妙地配搭wasabi及紫蘇葉，食落唔會覺膩。汁煮鰤魚骹鰤魚口感嫩滑，同時煮得入味香甜。不過老公嘅鰤魚骹大小同我嘅爭好遠，哈哈。壽司6貫一次過上，分別有：中拖羅、右口魚邊、馬糞海膽、銀鱈魚、北寄貝及金目鯛。魚料新鮮，特別鍾意銀鱈魚，輕輕火炙過更加逼出油香，非常肥美。馬糞海膽都好鮮甜。壽司唔會握得鬆散，如果舍利酸度調高一點，口感濕潤少少會更好。吞拿魚蓉手卷用上赤身吞拿魚蓉，魚味比較濃郁。帶子蟹肉湯帶子粒分量慷慨，湯

同事試過晴空嘅午市套餐話質素唔錯，所以呢晚就帶老婆過嚟試下晚市。原來晚市有omakase供應，見價錢唔貴就試下晴Hare Set($800)。晴Hare Set包括：前菜、刺身3點、和食、壽司6貫、手卷、吸物及甜品，好豐富。前菜有雜錦海鮮刺身。有幾款淡身魚刺身角切，口感略帶嚼勁，面頭鋪滿蟹子，增添爽脆嘅口感，配上酸汁，開胃清新。第一道刺身係鰈魚薄切。鰈魚肉質細嫩柔軟，食到魚本身嘅清甜味，酸汁係經典配搭，可以襯托出鰈魚嘅鮮味。第二道刺身係煙燻鯖魚。好鍾意呢個處理手法，唔單止上枱時聞到香味，連入口都食到好濃嘅煙燻香，正！最後一道刺身係拖羅。拖羅好肥美，嫩滑無筋，面頭嘅wasabi唔會攻鼻，反而令到拖羅唔會太膩，底下墊著紫蘇葉，食落更加香。是晚和食有汁煮鰤魚骹。醬汁甜甜地，魚骹盡吸醬汁嘅香甜。壽司一次過上，6貫有：右口魚邊、銀鱈魚、馬糞海膽、北寄貝、中拖羅、馬糞海膽同埋金目鯛，都係比較常見嘅魚料，如果喺魚料上加點變化或者配搭，會更加impressive。整體師傅握工不錯，不過始終一次過上，飯嘅溫度同口感都有所影響。吞拿魚蓉手卷用上赤身吞拿魚蓉，魚味比較濃郁。是日係帶子蟹肉湯，湯頭好清，入面原

又來新店速遞🇯🇵 這天來了睛空，是尖沙咀新開張的日本料理餐廳，店內天花頂著一片片雲朵☁️☁️ 環境令人放鬆。除了單點菜式外，也有廚師發辦可以選擇燒三文魚沙律很清爽開胃，上面的燒三文魚皮脆肉嫩，超香口好吃呢，推薦！選了兩款小食，分別是唐揚東京灣小池魚和炸豆腐魚餅。唐揚池魚吃到啖啖魚肉，口感酥脆香軟。炸豆腐魚餅口感較濕軟，好吃之餘毫無負擔雲·六種刺身盛合分別有赤身、帆立貝、油甘魚、三文魚、甜蝦和真鯛，刺身鮮甜美味，而且很厚切呢～ 肥厚的帆立貝口感滑嫩，真鯛帶淡雅的魚香，甜蝦則細緻鮮爽。另點了開運·十二貫壽司，有大拖羅、中拖羅、深海池魚、油甘魚、銀鱈魚、牡丹蝦、北海道海膽、三文魚子、右口魚邊、鯛魚、章紅魚和帆立貝，一整盤很豐盛很有誠意大拖羅油脂十分豐腴，北海道海膽入口甘香濃郁，右口魚邊炙燒之後將脂香迫岀，吃起來很肥美，讓人食慾大開。天婦羅稻庭烏冬，天婦羅有蝦、魚、帆立貝、南瓜和冬菇等，食材不錯，炸蝦和魚都夠甜。湯頭韻味十足，稻庭烏冬帶點嚼勁非常順口，伴鬆脆的天婦羅來吃很搭～

呢間餐廳超級吸引，首先佢嘅logo係富士山，而入邊好多裝飾都用咗富士山🗻！好似去咗日本旅行Lunch Set 都好抵食，百零蚊有個餐，有麵豉湯，有沙律，仲有個茶碗蒸，茶碗蒸味道啱啱好❤️ 唔會過鹹，入口非常滑溜 入邊材料有好豐富。😎今日叫咗個汁煮時令魚定食$120，，魚肉好滑溜，而且個汁煮得好好味😋然後問咗廚房係咩品種嘅魚，魚汁甜甜地，撈飯食一流。成碗飯比我食晒！ 落雨天☔️飲返碗熱辣辣嘅麵豉湯，真係給我無比安慰🥰 而且隨餐附送嘅配菜，好開胃 。食完飯侍應好體貼咁幫我哋換咗杯熱茶👍🏼然後仲提醒我哋仲有甜品聽到有甜品簡直係心情開朗，佢話係自家製嘅日本日式蕨餅，加埋黃豆粉,in in銀銀好好味! 最重要係唔會好甜👍🏼

日本, 邊個唔想去。 睇埋奧運就更恨去啦。 所以就係尖沙咀搵左間係韓國街新開既晴空日本料理。 聽講係有omakas, 就去試下。黎得早, 所以唔洗等。 坐底待應都好有禮貌。 仲見到枱上既筷子託擺設都好有心思。 因為係omakas, 佢每道菜都係續一上, 然後會介紹一下食材同食法。首先就係好開胃既前菜, 海帶沙律。 酸酸甜甜, 真係幾解暑。鯛魚刺身。 切得靚, 睇落唔係太薄身, 但可以透光。 刀功好好, 亦唔會有筋。燒鯖魚非常嫩滑, 同一般既鯖魚真係好大分別。 一口食到。 好味到呢鹽燒拖羅, 望落有d似牛扒。 又係好嫩滑, 半熟狀態, 好juice。燒魚較, 好清甜, 而且配埋好多前菜, 都係先家製既漬物, 所以食落好特別, 而且配搭得好好。主角仲有壽司拼盤。 真係應有盡有, 拖羅, 池魚, 鯛魚, 海膽, 等等, 真係好新鮮, 好鮮美。 好有水準。拖羅手卷。 新鮮既魚生真係唔會食厭。 魚魚多過飯既手卷真係第一次食。超鮮甜既蜆肉湯。 隻蜆成隻匙羹咁大。最後係自製甜品: 蕨餅。 好精緻, 甜味剛好的甜品。 今餐真係好豐富。

Omakase，近年好hit嘅日本用餐體驗。我覺得呢種用餐體驗好正，由師傅去決定我哋食啲咩，既有驚喜，又可以利用師傅嘅專業幫我哋揀當日時令嘅食材，係好高級嘅體驗。以前喺尖沙咀食過一次，嗰間千幾蚊，呢間平啲8百蚊到，性價比正常。套餐包括前菜，刺身3點，和食，壽司6貫，手卷，湯同甜品。最令我回味嘅係佢嘅壽司。壽司好名貴，有北海道馬糞海膽，牡丹蝦，深海池魚，大拖羅。面頭嘅配料都好特別，有蝦膏，魚子醬，切碎嘅鯊魚骨。海膽好creamy, creamy得嚟有啲甜， 牡丹蝦同大拖羅好新鮮好肥美，磯燒嘅深海池魚有入口即溶嘅感覺。配料亦都好加分，整體令到壽司嘅味道更加豐富。餐廳侍應都有禮，會細心留意住你有咩需要, 定時幫你加水同換碟。

今日小弟同女友人去左尖沙咀諗住行下，去左韓國街等d兩個鍾既錶位... 點知一等就等左成個鍾先有位.. 我地係車坐到好肚餓, 仲諗仲係韓國街買d外賣上車食算.. 但一落車就發現則邊有間日本小店.. 女友話想試下.. 咁我地就入左去食晚飯啦. 呢間小店就日系簡潔既風格， 感覺都幾寬躺..野食方面我地叫左個(晴Hare)傲媽家姐。。 佢有水母刺身做前菜，油金魚刺身,粟米天婦羅，一個半火炙拖羅，一個紙菜包火炙中拖,牛油燒大蝦，火炙壽司6味，魚生壽司6味， 拖羅蓉小手卷同埋一換大蜆清湯.. 味道方面個水母刺身好爽脆， 味度都好fresh.. 個油金魚刺身卷埋點d柚子汁食好鮮好開胃.. 個粟米天婦羅炸得係香口， 有鮮嫩既粟米粒..個紙菜包火炙中拖就有極膩既感覺, 一食就知係貨真價實既靚拖羅, 個牛油燒大蝦好惹味,蝦肉又爽口.. d火炙壽司我最欣賞個帶子，真係好厚肉鮮甜....個壽司就我最鍾意個海膽同右口魚， 海膽就好高質鮮甜， 而右口魚就好特別同爽口.. 最後飲埋碗大蜆清湯就已經滿足..點知原來仲有甜品木瓜同闕餅. 闕餅整得幾好唔太甜易入口.. 好正！