晴空日本料理

營業中

休息中

這晚和老公慶祝生日，當然為他安排他至愛的日本菜，這間餐廳在朋友圈一早己享負盛名，今晚終有機會一試。我們揀選了Omakase Course,即廚師發辦當天最新鮮的食材。第一個前菜是水母併海帶，兩者都非常清爽，很有口感，酸酸味道，先令我倆食指大開。跟著來的是三個刺身的第一個煙薰鯖魚，上面有炸葱絲，日本洋蔥，作用去腥味，本身廚師已加了小小豉油，已可即時吃了。第二個刺身是白身魚名叫右口，一般生存在深水位置，魚肉比較鮮甜，廚師將它薄切包紫菜配酸汁葱花，又是一開胃菜色。最後一個刺身是大拖羅，下墊紫蘇葉，上有山葵、海鹽，用紫菜捲起來吃，十分惹味。吃完刺身是和食時間，是一份用魚汁煮的比目魚，有東菇、蘿蔔、蓮藕，由於是用魚汁烹調，所以非常鮮甜。吃完了和食就到壽司時間，圖片從左至右分別是深海池魚、牡丹蝦連燒過的蝦膏、拖羅、鱈魚、姬鯛、海膽軍艦，件件份量十足，新鮮美味。吃完了壽司，還有拖羅樱花蝦手卷，內有黃瓜絲及葱花絲，主要作用中和滯漲感覺。原來日本人是吃完了正餐才飲湯的，這晚的大蜆湯，充滿了日本海邊風味。最後來的甜品是日本哈蜜瓜配自家製蒛餅，日本哈蜜瓜爽甜就不用多介紹，但這個自家製蒛餅就很特別，軟軟的，甜

尖沙咀依家想食日本嘢，可以食呢間。入面都好企理，侍應都好有禮貌。桌上擺設都好別致。有魚生丼都有紫嘅丼，價錢大約100-180。野似就要另外叫。不過有茶同湯，所以我同朋友都無特別叫野飲。因為係定食，所以當然唔少得沙律、同燉蛋。沙律同其他嘅都好似，唔特別多講啦。燉蛋方面，佢最想你會見到有一層博博嘅，其實係湯，呢個燉蛋特別嘅地方就係，佢同湯嘅比例係處於八比二嘅狀態，食落鮮滑。（1）灸燒魚生丼，$160，帆立貝/鰻魚/銀雪魚/三文魚/左口魚邊/鮪腹。完全對得住個價，每件魚生大大份，火灸嘅位疊半熟，魚嘅肥美入口即溶 ，中間另外有一條一條嘅調味，更加使到個魚生飯唔寡，豐富左個層次呀。（2）海之寶石丼，$140。如果食咗第一個再食呢一個，就會覺得呢一個冇咁肥美，少少遜色，但當然都對得住個價，粒粒魚生都好大，好有咬口，仲有海膽添，多魚少飯，fit。最後有甜品㗎，但實在太好味，芝麻不太甜，同魚生一樣嫩口，所以我食到一半先醒起影低佢。最後我地每人約200蚊有找，高階魚生，性價比高呀，會畀8.5/10。

餐廳地方寬敞，坐落去好舒服，仲可以睇到師傅手藝添！事不宜遲，肚仔餓啦，睇一睇個餐單先！有刺身，小食，卷物，壽司，同青酒等等～師傅推薦今日既晴空Omakase首先叫左一份磯煮鮑魚碗干醬，鮑魚好有鮮味，落落去煙韌適中，醬汁唔會搶左鮑魚既鮮味同時提升左陣香味！抵讚！之後上左一碟鰈魚刺身，裡面有包左紫菜，食落去有陣紫菜香，同時帶到鰈魚鮮味，加上師傅調制既醬汁，酸甜味道，整體配搭得好好！唔單止好食，賣相設計都好用心！抵讚！跟住炙燒厚切拖羅，師傅將拖羅磯燒，再係上面鋪左些少秋葵，再出面包層紫菜，夾黎食，好食到飛起，半生半熟，香濃軟林再配上脆香紫菜，口感一流！抵讚！燒鯖魚賣相靚不特止，仲濃濃香鮮魚味，厚肉多多肉質鮮嫩，一啲都唔會嚡熠熠，再拌上啲香蔥，fresh ！汁煮深海池魚師傅用心熬製，真係勁香魚鮮味，完全唔會嚡熠熠，香林香軟，好食到冇得彈！拖羅蝦花蝦手卷拖羅蓉既香軟，配埋蝦花蝦既香脆，加埋紫菜，咬落去好食到耳仔都郁埋！蜆清湯賣相勁得意，海帶做嘅蝴蝶形狀，蜆肉湯勁甜鮮，勁好飲！最後係一set 刺身壽司，樣樣勁新鮮，啖啖都係肉，拖羅肥美，蝦肉爽口彈牙！最後係甜品哈密瓜配蕨餅，師傅自己整既餅，好香軟，

今次嚟到尖沙咀嘅韓國街，不過食嘅係日本餐廳🤣一入到呢間日本餐廳，就俾佢嘅雲朵裝飾驚艷咗，非常配襯餐廳名：晴空☁️鍾情於omakase嘅我當然要試吓呢度嘅omakase course，今次嗌咗晴，有前菜、三款刺身、熱盤、六款壽司、手卷、湯同埋甜品，聽到都覺豐富😍前菜係水母刺身，第一次食水母刺身嘅我感覺好新奇，條狀嘅水母口感脆脆，配上酸酸地嘅醬汁，好開胃刺身分別有鰈魚、鯖魚、同埋紫蘇葉wasabi拖羅，屬於白身魚嘅鰈魚軟腍，肉質柔軟有彈性，卷住爽脆海草，兩種口感，外軟內脆前菜係熱盤嘅鰤魚伴蔬菜，鰤魚魚油芳香，蔬菜有翠玉瓜，蘿蔔絲、冬菇等，醬汁甜甜地壽司包括牡丹蝦、池魚、活北寄貝、右口魚邊、海膽，(次序由左至右)，最鍾意壽司嘅一點喺魚生好厚身，份量比壽司飯多，海膽壽司同埋牡丹蝦壽司好出色！海膽好新鮮，零腥味，牡丹蝦配上小量蟹膏作為點綴，鮮味加倍手卷喺三文魚手卷，湯喺蜆湯，鮮味十足最後一道嘅甜品喺抹茶奶凍，面層鋪滿濃郁抹茶醬，以金箔紅豆粒作點綴，最吸睛嘅莫過於係放喺隔嚟嘅甜蜜哈密瓜我哋仲嗌咗以下其他菜式：脆脆辣油冷豆腐：第一次食甜甜地嘅炸豆腐粒，內脆內軟，配上xo醬，好惹味；唐揚東京灣小池魚酥炸

約咗friend去韓國街食lunch，無啦啦落起雨，見到呢間新開嘅日本餐廳個lunch menu幾吸引，對日本🇯🇵嘢毫無抵抗力嘅我哋決定試一試🤤！驚。喜。驚。喜估唔到lunch set嘅食材都咁高質！叫左1️⃣海之幸丼同2️⃣炙燒魚生丼。1️⃣有三文魚、海膽、甜蝦、帆立貝靚膽一入口就溶，好香，三文魚同帆立貝都好厚切，物有所值。2️⃣炙燒魚生燒得啱啱好魚油必哂出嚟好香呀my god我地決定下次嚟試下佢個omakase,相信lunch d 食材都咁正，omakase應該唔會令人失望掛！試完再匯報🤤🇯🇵❣️

今天第一次来，午餐應該 2:30 last order, 午餐附送的沙律新鮮，蒸蛋也夠滑 ，服務員有禮貌，我點了 丼飯， 甜蝦 帶子 大大隻！ D蒸蛋是有蟹肉！！不是蟹柳！！ 杯和 消毒紙巾也印上 店名，可見老闆是有要求和細心的人

今晚下雨天，本來收工後約咗朋友到尖沙咀”韓國街‘’搵韓菜食下，行到昵條街既時候，發現開了一間新既日本菜餐廳，喜歡試新餐廳既我一於去試吓先！望上室內天花板，有一舊舊雲做裝飾，切合餐廳名‘’晴空’‘。Order左兩set晴HARE $880先上前菜，水母海帶配上酸汁，水母非常好爽口，加埋海帶一齊食，食到”爽爽‘’聲第一道刺身，煙燻鯖魚，配上炸大蔥絲及日本洋蔥，已有醬汁，配wasabi食便可第二道刺身白身魚（右口魚），薄切包上新鮮紫菜，配上酸汁及蔥第三道刺身大拖羅，下面有紫蘇葉，上面有山葵及海鹽, 用紫菜包住黎食和食汁煮比目魚，配上魚汁，冬菇，白蘿白，脆蓮藕壽司併盤深海池魚，牡丹蝦（上面有蝦膏），大拖羅，姬鯛，海膽軍艦，火炙雪魚蔥花吞拿魚手劵，內有蔥花，櫻花蝦及黃瓜絲，以減低吞拿魚油金魚膩既口感大蜆清湯甜品哈密瓜配自家製蒛餅所有食物配搭由廚師發板，食材都是時令食物，因此樣樣材料新鮮當造，好滿意既一餐😇

廚師推介2人套餐由沙律到甜品一共十二款食品既廚師發辦完全令你既胃部得到滿足。店內以木系小屋風作設計，有場供吧枱及普通桌子位。店員服務好紬心.7每樣食品都會作解説又唔會急住上菜可以慢慢品嚐。沙律:燒三文魚&炸雞沙律沙律用日式沙律汁比起芝麻醬無咁膩滯而且較沙爽開胃。燒過既三文魚甘香唔會有腥味，魚皮燒得乾脆香口。炸雞亦都炸得香脆而且唔會油淋淋。小食:魚生刺身以少少柚子醋拌過後更能夠突出刺身本身既鮮味。刺身有彈性而且甘甜，灑上粒粒芝麻令魚生更香及增添脆口感令整體更有層次。小食:炸天婦羅粟米天婦羅好香脆又好甜，經炸過既粟米好鬆脆，再配合本身已經爽脆既粟米帶出雙重香脆感。小食:炸豆腐配搭麻辣籽令豆腐更香，豆腐炸得香滑惹味。刺身5點共5款刺身:三文魚，吞拿魚，油甘魚，牡丹蝦配蝦膏，柚子皮帆立貝。刺身新鮮而且充滿光澤，入口相當爽彈。壽司8件共4款壽司每款2件:深海池魚配紫菜漬，拖羅配wasabi 漬，炙燒北寄貝及北海道馬糞海膽。池魚甘甜加上紫菜漬增加鮮味，拖羅飽滿唔會過肥膩。海膽配上脆身紫菜入口細滑鮮味。和食:天婦羅拼盤5款天婦羅有蝦，蕃薯仔，冬菇及瓜。天婦羅炸漿唔厚又唔會好油，入口夠脆配上白蘿蔔蓉同

又一間隱世尖沙咀魚生丼！最近係公司附近真係愈來愈多出色既日本菜，就來食到我唔知邊間打邊間😂但依間魚生丼既細節位真係做得好出色，令佢係同類新店中得以突圍而出！豪華海之寶石丼（$140) 其實即係角切魚生丼，但勝在魚生夠新鮮，而且粒粒都係厚切，三文魚、吞拿魚同油甘魚粒食落都充滿油脂感，配合同柚子醬撈勻既生姜一齊食又會有一股夏日既清新感，令人食唔停口。炙燒魚生丼（$160) 係另一款令人眼前一亮既作品，經輕輕炙燒過後既鰒腹，左口魚邊同銀鱈魚成功保持嫩滑得來又充滿油香，魚生本身既質素同師傅功力可見一斑，配合日式炸蔥絲同榨菜令成個飯既口感同層次再大提升左唔少！ 不得不提喺度嗌lunch set 係有包埋沙律、茶碗蒸、味噌湯同甜品！係依度又見到依間店有幾重視細節依樣野 - 本身用嚟蒸茶碗蒸嘅高湯異常清甜，係麵豉湯裡面又刻意加添色彩繽紛得來又有口感既麵糰，同嗰杯食落相當清雅細膩既芝麻雪糕，好難唔令人留下深刻既印象👍

上openrice 搵野食，見到晴空呢間新店，見評分都幾好，所以同女朋友去試吓。晚餐omakase價錢都好吸引，有晴$880及空$1180，我們每人揀選左一個。晴嘅前菜係水母，水母好脆口，個酸汁好好味，令人好開胃。空係鮑魚肝醬煮鮑魚，飽魚煮到好入味，襯埋個肝醬好好味。晴，空 都係有鰈魚薄切，鰈魚包住紫菜，襯上特別酸汁，開胃清新我最鍾意係個煙燻鯖魚。空多左2款刺身，一個係象拔蚌，另一個係新鮮開嘅北海道刺身紫海膽，呢個價位食到即開海膽，真係平，笑左出嚟😆最後就係拖羅，一塊脆到爆嘅紫菜，加上wasabi漬，搭配上紫蘇葉，拖羅入口即溶，紫蘇葉嘅清新減低了油膩感，好驚喜。壽司6貫,我覺得質素唔差，新鮮的。晴,和食一款,空和食2款，最後, 蔥櫻花蝦拖羅蓉手卷,魚味比較濃郁。 之後到湯和甜品,北海道蜜瓜. 整體來說, 呢個價錢, 性價比高, 可以再來, 見佢有個2人餐,都係$1480,下次試下先

今日去咗晴空食日本菜，刺身質素好新鮮，製作亦都比較高級精美，坐位寬闊唔會逼夾，侍應好有禮貌亦會介紹菜式和告訴我們特色菜。真係好好味，可以媲美五星級酒店，咁新鮮的食材CP值很高！推薦推薦！前菜係魚肉他他，半生熟嘅三文魚表面煎香左，中間睇落晶瑩剔透，食落都有三文魚油香，味道好鮮甜。仲有一個三文魚皮沙律有煎香個三文魚，沙律菜都比較新鮮。炸物有煎魚仔、炸豆腐同炸雞塊全部都金黃鬆脆好香口。刺身全部都好精緻好新鮮食落亦都好鮮甜。壽司有野生拖羅、活北寄貝、馬糞海膽、右口魚邊，食材上算係好有誠意啊！甜品奶味超香！！

今日途經尖海咀，於是喺到搵間餐廳食個lunch~見到呢間「晴空」好似幾得意，就嚟試下~入到去，天花板掛住白雲嘅燈，好可愛！環境都好雅致，令人可以舒舒服服咁食飯~坐低後，一如好多日本餐廳有熱茶供應~侍應仲好周到咁適時幫我添茶~側邊有潔手用品供應Lunch好抵食，雖然有加一，但一個set包沙律、茶碗蒸、麵豉湯同埋甜品。首先嚟飯前小食。和風沙律油配新鮮蔬菜，酸酸甜甜，又充滿口感，認真開胃！至於茶碗蒸，係日本嘅一款小食，其實就係蒸蛋，但用咗鰹魚高湯，因此味道好濃郁，質感超嫩滑，入面又加咗瑤柱、冬菇等配料，非常豐富。麵豉湯入面有啲可愛的彩色丸子。點咗海の幸丼~有三文魚、海膽、三文魚籽、帆立貝同甜蝦喺裏面，見到都極之幸福！！！三文魚超厚身，海膽鮮甜，三文魚籽好滋味，甜蝦入口即溶，帆立貝啖啖肉，食完更加幸福！手機都放低埋，淨係想好好咁咀嚼同享受呢個午餐！跟碟有醃漬物同配料。最尾就係店家自家制的黑糖蕨餅，煙煙韌韌，香甜可口。

韓國街多韓式餐廳相信無人不曉,但係韓國當道既街內竟然開左一間新既日式餐廳.見到佢推出左個2人套餐仲有新開張優惠！以呢個價錢有10品料理咁多就入去試一試！角切魚生刺身以白身魚為主既角切刺身作為頭盤清新甘香.魚生質感彈牙而且肉身富有光澤夠新鮮.刺身已經調過味,帶點和風醋香,酸酸甜甜十分開胃.粟米天婦羅天婦羅炸漿薄身唔油膩,粟米🌽香甜爽脆.燒三文魚沙律三文魚皮燒得好香脆,魚肉帶住魚油甘香,配上清爽沙律菜減低油膩感.炸豆腐豆腐炸得乾脆,內裏嫩滑帶豆香.炸豆腐上配上少少香麻辣椒令味道更惹味,微微辣香又重麻香.炸雞沙律雞肉外脆內多汁,內裏雞肉嫩香.刺身 (5点)共5款新鮮魚生刺身,每一款都相當厚身,入口質感豐富又富有彈性.三文魚雖然唔算好肥但入口同樣帶三文魚既鮮味油甘魚獨有既甘香,肉質彈牙脂肪比例適中唔會過膩.牡丹蝦牡丹蝦捲起再係蝦上放上蝦膏令味道更濃郁香醇.牡丹蝦香甜帶回甘香,新鮮彈牙.帆立貝帆立貝豐滿,配上柚子皮入口帶柚子香令帆立貝自身鮮味更突出.壽司拼盤 一共4款既壽司拼盤貴精不貴多,每件都係特上魚生刺身.深海池魚 同樣充滿光澤.雪白既肉身上加上紫菜漬,味道鹹香剛好平衡味道較清淡既白身魚.拖

今日同朋友去咗尖沙咀食日本嘢，行左一轉，最尾揀左食omakase😚😚叫左晴個一set。今次係我第一次食omakase, 因為本身唔係特別鐘意食生魚，但為左朋友，頂硬上。最驚喜嘅係我本身以為係d 大路我識嘅魚生，例如三文魚嗰啲，但係點知佢比嘅好多都係拖羅，或者一啲好特別嘅魚例如秋刀魚（熟就食得多 生嘅真係未試過😂）同埋一啲我未聽過嘅魚（魚生知識真係bb 級，勿怪🙏🏻）驚喜嘅係佢真係一啲都唔會腥，全部都好易入口，又新鮮又彈牙！有趣嘅係真係唔同魚係有唔同嘅口感，同埋佢哋個味道分別好大（我真係bb 級😂有興趣試魚生但個心又驚驚地嘅人可以試吓依個！）壽司來講，佢啲魚生/食材都好大舊，但係佢個飯嘅size又會細返一啲，令到你可以一啖食晒之餘你會覺得食材嗰個比例好豐富仲有一樣野欣賞既係佢哋啲熱食或者係漬物嗰啲醬汁好多都係自家調配（店員話），食落會幾獨特清新，又唔會搶左主角嘅味。而且佢哋啲Wasabi個種調味同市面上食嘅好唔同，一d 都唔嗆，但又食到wasabi 嘅味，提到鮮整體服務好好，店員又有禮貌。我哋食到冇停手，但係都要食足成粒鐘有多先食完。每張枱仲貼心咁供應左成支嘅搓手液同埋濕、乾紙巾（疫情下

第二次食了，今次揀左晴空寶石魚生丼，我叫左少飯，魚生粒粒大大粒，切到寶石般的刺生，鮮味好出，無雪味，我睇住師傅係雪櫃拎魚生片出嚟切粒粒，唔係比下欄位我食，有好多款式的魚生，拖羅油份很重，仲有好多海膽，入口即溶😋，加埋醋飯食，好滿足，飽飽啊❤️。午市有十幾款餐比我選擇，好多款都好吸引午市有沙律，茶碗蒸，甜品，呢個價錢係尖沙咀嚟講真係好抵食🍣朋友食左安格斯牛，好香牛味，個燒汁都好好味，唔食生野嘅朋友都有好多選擇。