晴空日本料理

營業中

休息中

好耐無食廚師發板係時候又要去食下🤤今次呢間唔算太貴lunch set ,大家都可以試下套餐有齊沙律、茶碗蒸、麵豉湯。茶碗蒸-配上蟹肉同元貝，鮮甜又夠滑。刺身3點碟魚紫菜卷-配上酸汁開胃，刺身爽口。海螺配松露醬油-呢個讚👍🏻海螺新鮮爽脆火灸拖羅拼大拖羅配自製芥末醬-👍🏻脂肪比例好平均，大拖羅配魚子醬帶少少魚籽咸香，拖羅有咬口。壽司六款海膽牡丹蝦👍🏻👍🏻爽口鮮甜甜，漿口感，正👍🏻大拖羅-拖羅油脂比例岩岩口，食落無筋有口感帶魚味👍🏻秋刀魚-最當造👍🏻配薑蓉，魚味極濃赤貝-爽脆口感金目鯛加鯊魚軟骨👍🏻呢個必食，平時都係食刺身多，火灸過更香魚味手卷手卷係悤拖羅手卷，入面有少少芝麻同黃瓜，配紫菜🤤好好食烏冬傳統稻庭烏冬-烏冬有咬口配昆布湯，唔錯👍🏻甜品甜品係蜜瓜配蛋糕

無得去旅行就係香港搵好野食啦，之前話想食廚師發板，朋友帶左我去話依間新開，不算太貴日式餐廳食。位置係TEH ONE商場附近，餐廳環境舒服，午市選擇都多，有定食、丼飯，Omakase 。我被生鰻魚飯吸引左，所以叫左鰻魚飯朋友就食Omakase。午市套餐有齊沙律、日式蒸蛋、麵豉湯。沙律有番茄仔、沙律菜夠新鮮。蒸蛋夠滑，另外面鋪上蟹肉帶鮮甜。重點鰻魚飯，上台首先係大大碗份量十足。鰻魚上淋滿醬汁，醬汁杰稠，醬汁帶甜，我地另叫左醬汁拌飯🤤店員介紹佢地用新鮮鰻魚自己到店再處理，所以鰻魚沒什麼碎骨，而且食落鰻魚係脆口，第一次食到咁脆香既燒鰻魚。午餐百令蚊價錢值得一食。

老細請食飯，我介紹佢嚟晴空啦，上次2家人帶小朋友嚟食過午市定食，都有質素，所以今次同老細試吓晚餐omakase, 我哋三個人，叫一個晴兩個空，咩都試下嘛🍣晴 前菜 係水母，空 前菜 係鮑魚肝醬煮鮑魚。水母真係未食過，好爽又脆卜卜，加埋酸汁好開胃。鮑魚煮都好入味，加埋肝醬襯到絕。剌身新鮮 ，1）鰈魚薄切，卷起包住紫菜，是手工食材啊，襯上個汁，又是開胃之選。2）北海道紫海膽配三文魚子拖羅蓉，一定要相機食先啦，勁勁勁新鮮，可以媲美上次去北海道旅行食果隻呀😋。3）象拔蚌刺身，師傅加咗柚子皮，提升左成件事，覺得好清新。4）煙燻青魚，師傅話係用心製作，用櫻花木來煙燻自家製的，勁香燻木味，加埋秘製醬油，加少少Wasabi就好夠味。5）拖羅，係大大片厚切Toro，炙燒左咸咸地，加咗塊紫蘇葉，自家製Wasabi漬，用一塊又脆又厚紫菜包住食，脆到好似薯片咁，唔係講笑！和食1）牛油大蝦及2）汁煮吞拿魚面豬燈，原來塊面果舊肉又大又淋吸哂d汁，又幾好味woo😂😂最後來個香蔥吞拿魚腩卷😋，男人老狗都叫飽了。甜品係密瓜、甜到入心。唔洗又有得食餐好，十分滿意！

生日就食好嘢㗎啦🥳嚟到韓國街居然唔係食韓國菜，而係食Omakase😱なに⁉️由於比預定時間早咗到，7pm居然冇乜人，心諗⋯死啦⋯⋯會唔會有伏呢！啲Omakase通常都full house，勁嘢嗰啲起碼一個月前要book啦⋯哩間嘢都係新開冇幾耐，唔諗咁多😖今晚一定要食Omakase😠所以就點咗2份Omakase！（Omakake內容：前菜、時令刺身-5點、壽司🍣-6貫、和食-2味、吸物、漬物、甜品）先嚟一個廚師打招呼👋🏻🧑🏻‍🍳問我哋有冇咩食物係唔食㗎？其實我都唔知有咩菜式唔知邊樣唔食喎⋯師傅就話：咁食住先到時再算啦～🤣好啦🤣一場精湛廚藝嘅Live Show！正式開始🧑🏻‍🍳🍣🎉前菜第一道：安康魚肝魚肝唔腥，豐有鹹香味刺身第二道：蝶魚昆布卷用蝶魚包住昆布一個簡潔而清爽一道菜先清清味蕾，一層層繼續上😌刺身第三道：燒海螺配紫蘇花蕾海螺質感爽脆再加埋小朵嘅紫蘇花蕾飄揚著清新嘅感覺舌頭👅都開始舞動起來🥰刺生第四道：原隻紫海膽喂呀！哩個真係冇得輸囉🤩成個捧住食，好似食雪糕咁😍海膽creamy又鮮甜，再配上魚子，加啲咸香嘅味道，錦上添花🥳食完哩個會食唔返轉頭㗎🥲刺生第五道：沙甸魚卷併燒秋刀魚師傅一介紹

話說係尖沙咀食街果邊搵嘢食都行到厭厭地今日咁岩行過隔離街金巴利道8號 發現有間新開日本餐廳，餐廳裝修及特別 大玻璃可以睇到店裡面師傅整Omakase。跟住就同同事入左去朝聖下。叫左個嚴選刺身7種定食、炎燒魚生丼、壽司10件+手卷前菜有沙律同蟹肉蒸蛋，個蛋清甜嫩滑。刺身部分 大件新鮮！入口夠冰涼；壽司10件 會有店員介紹知道每種魚名稱；最值得推薦係炎燒魚生丼 一次過滿足6種享受魚生的飯 大大粒帆立貝，可能係炎燒關係 d魚油滲透曬落過飯度真係好邪惡 淡淡飯都充滿魚香味道。能夠幾百蚊可以食到2-300蚊既質素 都真係好少可。去開尖沙咀可以值得一試

月頭出糧，當然要對自己好一點，我去左位於尖沙咀韓國街的晴空日本料理食Lunch Omakase Course 。餐廳店舖細細，日式風格，坐位不算多，但坐得夠舒服，而且店員服務態度非常好。Lunch Omakase Course（$488）沙律菜-沙律菜新鮮又清新，非常開胃的沙律菜茶碗蒸-以個茶碗蒸真係好好食，蒸得剛剛好，好滑好滑，入面有蟹肉絲、冬菇，小元貝，鮮味突出，而且蛋味都好濃郁。第一道刺身鰈魚薄切鰈魚包著紫菜，連蔥一起吃，味道清淡鮮甜，蘸酸汁吃，鮮味更鮮明。第二道刺身櫻花木青魚賣相吸引，配上金色的碟，顯得閃閃發光，櫻花木青魚外層微微炙燒過，再配上日本洋蔥和炸蔥一起吃，鮮魚味突出，口感層次豐富。第三道刺身新鮮拖羅新鮮拖羅佈滿精緻的油花，油光四射，配上鹽、wasabi 漬和紫蘇葉，用紫菜包著一齊吃，先感受到的是紫菜的脆口和紫蘇的香氣，接著魚脂慢慢融化，令人回味無窮壽司6貫由左邊起壽司有活北奇貝、右口魚群邊、深海池魚、大拖攞，手握壽司刺身非常新鮮，壽司飯和醋比例剛剛好右口魚裙邊壽司甘甜魚油緩緩滲出，層次豐富，濃郁甘香，而且仲有入口即溶感覺深海池魚壽司魚油甘香細膩，入口質感爽脆大拖攞壽司

晴空日本料理位於尖沙咀金巴利街8號地下1號舖，餐廳係好出名的韓國街附近，非常易找。餐牌有Lunch Omakase Course ，Lunch Set ，價錢親民。Lunch Set 均附有沙律、茶碗蒸和甜品茶碗蒸入面有蟹肉絲、冬菇、帶子，蛋味濃郁，滑溜溜，充滿鮮味。豪華海之寶石丼魚生非常豐富，有三文魚、吞拿魚、油甘魚、牡丹蝦、三文魚籽、金目鯛、海膽等等食材，切成一粒粒厚切的魚生，魚生鋪滿在米飯上，魚生非常新鮮，微微炙燒，魚生完全唔腥，質素好高，完全不手軟的飽滿份量令我每啖都食到鮮甜美味的魚生，令人回味無窮。甜品焦糖蛋卷

週五晚，老婆突然話想食魚生， 走咗去尖沙咀厚福街，但太多人排隊， 諗住走去金巴利街食韓國嘢， 點知畀我哋發現一間日本小店。舖頭面積不大，裏面只有兩枱客， 抱住一試無妨的心態， 走入去探下險😂。裏面裝修簡潔，員工招呼殷勤， 先點小黃魚一碟， 壽司拼盤，海之寶石卷及海膽各一客，幾款味道都不錯，亦都新鮮。 於是再散叫六款壽司， 亦都有驚喜。用餐時候，店員不停替我們添加熱茶及向我們講解每款壽司的材料，服務十分貼心。 傾談之間發現他們也有做廚師發板，一於下次嚟試下😋😋

《晴空》/ ⋆゜*̣̩ 吸晴的富士山標誌𓍯 尖沙咀親民價の晝食 へ————————————𓊤 沙律用醋汁調配而成的酸酸甜甜開胃菜————————————𓊤 茶碗蒸加入香菇片同瑤柱仔一起蒸，再淋左芡汁係上面————————————𓊤 嚴選刺身7種定食$220赤身、帆立貝、油甘魚、三文魚、甜蝦、拖羅、深海池魚刺身算新鮮，而且全都很厚切呢～ .帆立貝口感滑嫩，肥厚的三文魚色澤光明，甜蝦則鮮甜爽彈。平時會好怕食到淡而無味既赤身，但今次呢塊幾好，鮮甜！.拖羅就黎左油脂最豐滿既一份 平時鐘情於中拖羅，呢塊既油脂有點過重，就未必太岩心水 (哭 •̥ ̫ •̥)～咬落有小小筋，不過可接受。.如果備有壽司醋飯會是更好的配搭。————————————𓊸 黃豆粉蕨餅 デザート這裡的蕨餅是自家製的，又幾煙韌，整得幾有水準喔～....*—₊—*—₊—*—₊—*—₊—*

平日很少認真寫食評，但因為這趟生日飯忘難亦滿足，決定要記錄一下。好友第一次光顧時嘗了時令Omakase，食過返尋味，決定再次品嘗一番，特意別訂製生日🦞龍蝦主題omakase。看到店舖的logo是座富士山，配上「晴空」這名字，不期然就聯想到東京晴空塔及日本美食，冇得去旅行，去間有日本Feel的餐廳補返數開心晒。「晴空」的內部裝潢清簡俐落，座位不算很多，但整齊乾淨，予人一種舒適的感覺。一入門口被安排坐在Bar枱，乖乖等待廚師發辦。侍應們勤快有禮貌態度友善，最攪笑是進食途中，有另一位職員回來，熱情的走到我身邊說了聲「生日快樂」，在疫情下人與人之間已變得有隔膜及介心，突然有陌生人送上祝福，頓然暖在心頭。喜歡坐Bar枱的安排，因為可以近距離欣賞師傅的工序，觀看主廚處理食材和烹飪也是賞心悅目的表演。日本料理中較有特色的代表包括握壽司，看到師傅在你面前即握即食，特別有風味。師傅每上一道菜也有互動交流，細心介紹食材和菜式，溫馨提示進食的方法次序。刺身質素夠新鮮，最印象深刻的數道菜有蔥櫻花蝦拖羅蓉手卷，入口即溶的拖羅蓉配脆紫菜﹔另外是南澳龍蝦刺身及清湯，龍蝦的肉質和蝦殼本身就帶有鹽分和海鮮味，再以龍蝦膏

星期一放假出左尖沙咀食日本菜朋友介紹我試下呢間位於韓國街既晴空日本料理餐廳環境好光猛坐落好午市套餐 - 炙燒魚生丼 ($160)午市套餐包括沙律、茶碗蒸、味噌湯同甜品沙律加左柚子醋調味酸酸甜甜好開胃茶碗蒸加左蟹肉同小元貝好鮮甜蒸得剛剛好唔會過火炙燒魚生丼呢款丼飯包括幾種魚: 三文魚 / 胸腹 / 左口魚邊 / 帆立貝 / 鰻魚 / 銀雪魚每款魚燒到表面僅熟入面仲保留到魚生既鮮甜左口魚邊入口即溶帆立貝好厚身好新鮮值得一讚既係魚生丼入面加左蟹柳同醃過既雜菌唔洗加豉油都好好食😋飯既份量剛剛好唔會太少👍🏻味噌湯好夠味唔會好鹹是日甜品係焦糖味/抹茶味迷你卷蛋我揀左抹茶味食落好似雪糕蛋糕咁星期一唔洗返工食到咁高質既魚生飯好滿足🥰🥰🥰

平時喺附近返工，午飯時間，都喜歡去韓國街揾嘢食。早排發現了有間新開的日本餐廳有廚師發板及丼飯食，總是心思思想試。好吧，今日就試下你😍一入到去，待應都好有禮貌帶我去Bar枱位置坐。睇左陣，就點左炙燒魚生丼。原來午市套餐都幾抵食個丼飯$160有沙律，茶碗蒸，麵鼓湯及甜品。茶碗蒸啲蛋蒸得好滑，有蛋香。丼飯賣相好靚，有鮮花點綴同加咗葱同芝麻，真係好靚，當然就相機食先啦😊丼飯入面有好多魚，包括三文魚，鮪腹，左口魚邊，帆立貝，鰻魚同銀鱈魚。😍我覺得炙燒咗既魚生特別香，突顯咗魚既鮮味。👍🏻特別係三文魚，左口魚同銀雪魚，食落肉質好嫩滑，沒腥味。感覺是好一點的材料。丼飯入面原來内有乾坤，有蛋絲，紫菜，蟹柳，日本醬菜，其實食起黎，一啲都唔單調，而且仲好飽。最後，食埋蕨餅做甜品。真係食飽飽再返公司做嘢了😂

汁煮豚軟骨定食$120本身非常喜歡吃豬軟骨，喜歡吃那膠質的口感，買入味的肉身。這個豬軟骨定食的豬軟骨燘得好淋好入味，入口咬開即刻溶化，連骨都燘到溶晒，真係好好食。其實上枱的時候，我都有留意他的擺設，擺設對一個人的食慾來說非常重要，這個貝殼形的點心很別緻，放着食物看着心情也很好。伴菜事業牛蒡和姜，吃着就是開胃！茶蒸蛋非常吸引，非常滑好，我自己一定蒸不出這個水準。原味乳酸梳打$18因為豬軟骨比較濃味，叫一杯乳酸梳打飲，非常清涼！

今日女朋友帶左我去食尖沙咀一間新開既Omakase店，$800就可以係尖沙咀食到個omakase, 好扺。😳最正係個環境舒服，野食就係超好食，水準不止$800價位。Omakase course 晴Hare ($800)前菜好開胃。最正係佢有個蒜頭，我本身都唔太鍾意食蒜頭，但佢個醬汁好好食，唔會令個蒜頭味太出，對我呢d麻麻地蒜頭既人黎講好有驚喜。😆 刺身3点今日既刺身係鰈魚，D紋好靚，師傅刀功都好好。師傅話配既酸汁，配起上黎好開胃，刺身都好爽口。👍和食今日既和食係煙燻鯖魚。魚好滑，而且調味調得好好，又好香口。掂呀！另外仲有個熟食係油甘魚配白蔥，魚真係好滑，而且魚味好夠。😋壽司六件六件壽司分别係北寄貝，海膽，拖羅，白蝦，真鯛，鰈魚。件件都係好高質，油脂比例好適中，而且好滑好爽口。真心超級超級好食！😋我最鍾意就係海膽同拖羅。手卷手卷係櫻花蝦手卷，入面有少少芝麻，質感好好，櫻花蝦都好夠蝦味，真心掂。😆Soup清酒煮蜆，呢個湯底都夠濃，有小小酒味，幾香。蜆就無沙石，又大粒，有Juicy既感覺，係靚蜆！😆甜品甜品係蜜瓜，蕨餅。蜜瓜好甜。蕨餅我就第一次食，估唔到咁彈牙咁有口感，仲有甜甜地。😋----

舖頭細緻簡約的佈置，雖然坐位不多，但也十分舒服。中午有定食選擇，價錢平均都要$100以上，今日揀了汁煮時令魚定食及魚生飯。定食必然有前菜：例如沙律菜、牛膀、生薑片、湯，以及蒸蛋，蒸蛋內有些瑤柱絲，很鮮甜，雞蛋也蒸得很滑。魚生飯看到已經感覺好滿足、很豐富，多種魚生鋪滿大碗飯面，有魚子、鮮帶子、海膽、鮮蝦、三文魚及其他魚生，非常新鮮，雖然魚生切成一小塊，但因為份量也不少，吃起來每一口也能品嘗到美味的魚生肉，有軟、有靱、有爽、有淋，口感和層次令人回味無窮！時令魚定食是用了一些醬汁把魚煮熟，大大嚿的魚塊，雖然不知是什麼魚，但質感較為挺身，食落鮮甜，伴飯一流。飯後還有甜品，應該是麻薯吧，真好。