時新快餐店 (已結業)

mar 17, 08,3人來1st round dinner,叫咗 :1) 蛋漢堡x 3-保証即刻做,因咁多人,做到踢晒腳,無可能有stock,所以好新鮮-入口當然喺熱,有肉,有蛋,有白汁,味道好豐富。塊肉混咗洋蔥粒,而且d洋蔥應該先+嘢炒過,再混落塊漢堡到,有種好討人嘅小甜香味,直覺有d酒-坐喺咁懷舊嘅快餐店(友人話呢間嘢已經好耐)食快餐,好有細個back to school feel,好有港式風味,煎蛋配漢堡,好fusion-當然塊漢堡唔可以同shake 'em xxxx/ triple x媲美,但要知道2者同呢間嘅收費有天淵之別,而且佢哋只喺比到美式風情你,呢個真喺搵番屬於土產香港人嘅情懷2) 炸雞肶-"meet"咗友人少少邊皮位試吓,肉都幾嫩喎-友人話裡面都夠味,所以應該醃過嚟咁話3) 炸薯條-ok4) 汽水x 3罐

食左個雙層漢堡..舊牛肉一咬就散開..搞到勁論盡..舊牛肉都無乜牛味,成個包得黑椒味..同普通快餐無乜分別..排第一就真係唔係好說服到我其實計計下佢都唔算平..包$12著條$10奶茶$12____________total $ 32比$32食d甘既野,我寧願食mos burgerd人成日話平話平...唔好同其他貴既比...不過我就話,我寧願比多一倍$,比$32x2=$64食個triple O 好過,我食TRIPLE O既開心度一定多過食時新既2倍

昨日遠渡由沙田而來, 只為炸肶+漢堡.從紅磡火車站天橋下來, 已可以看出是哪一間, 因為看到特色懷舊的紅白間條banner和十數個人排隊等候. 好不容易找到坐位, order了2炸肶+1雙層cheese漢堡和女友share, 只花了$32, 非常便宜, 尤其在這個四處瘋狂的時候, 仍舊維持原價, 難得難得.1. 炸肶: 外層脆口, 肉汁豐富入味; (從在場所有都order, 而且每個都吃得幾乾淨可見一班)2. 雙層cheese漢堡: 漢堡扒牛味濃郁且有洋蔥粒, 而且漢堡包面都有煎香, 是M記無可比的.整體表現可人, 但略嫌連作混亂要等頗耐, 站在近廚房位置有不佳的垃圾味, 有少少影響食慾, 期望注意和加以改善咁就perfect.

"雙層芝士漢堡包"的確係物起所值, 即叫即做而且漢堡都好多料再加上個包又熱又趣, 港式漢堡之中最好一定係佢

一日之內要翻chik, 食完晏要翻去, 點幾鐘去到, 成間舊式快餐店, 好多人, 14個餐有漢堡飽同野飲, 剩漢堡8蚊, 芝士漢堡就十蚊, 雞脾十蚊, 炸薯條十蚊, 先講杯凍奶茶, 好普通既凍奶茶, 無特別, 炸薯條好似唔係新鮮炸起咁既, 麻麻地, 但係個飽呢, 就正喇, 點正, 見到覺得好懷舊既飽樣, 咬落去, 嘩, 個飽邊好脆呀, 舊漢堡既肉味, 同汁, 熱辣辣, 好正呀但係我朋友個芝士漢堡, 有d劃蛇添足, 塊芝士凍既, 影響左個飽, 但係佢話都仲係好味既, 跟住走左去睇黃埔UA睇我的最愛, 然後都係發覺唔係好夠喉, 睇完即刻又沖去食多次個漢堡飽, 同頭先食晏時既一樣, 好好味, 又正又抵食

自從成為名店之後，好久未來。今次重來，只為一嘗炸肶...雖然如此，例牌動作兩款港式漢堡實冇走雞--- 太座嘅芝士漢堡，再加小弟嘅雙層芝士蛋漢堡。水準依舊，漢堡扒配上半溶嘅芝士片，太座依然吃得極滋味...港式漢堡根本無論响材料及內容跟美式嘅完全不同。點可以以此來跟Triple's 及Shake em' Buns等比較? 絕對荒謬...正所謂各花入各眼，咁平嘅價錢，仲想點?炸肶就有一點失望。的確係生炸，皮亦炸得脆トト，但肉就乾及嚡了一點...講到炸肶，點都係九龍灣日月星嘅最出色...

一直都住響果頭附近,聞名不如見面,尋日終於都去左時新搵野食啦。未入到去,都已經有好多人排隊。我同我個fd都叫左個雙層芝士漢堡,真係好味!!我覺得好味過M記呀果D,堆漢堡好新鮮,入口果下好正,個麵包因為烘一烘過,脆脆地,同裡面塊D料夾埋,正~~可惜就環境差左D,比較逼。

係OpenRice，曾係榜首，又曾被翠苑農夫飽搶去冠軍，近30日又回復榜首位置的“時新快餐店”。呢間傳說中的時新快餐店，係今日(12/3/08)，好友Johnson引路下，終於試到佢無敵的“雙層芝士蛋港式漢堡飽”！點解寫“引路”呢？間鋪都幾難搵下，“紅磡黃埔街1A地下”，但唔係“黃埔”個喎！好采，Johnson 之前搵過，去過！今次我地一齊去，近期間鋪前面撘晒棚架！未去過，真係幾難搵。入到間鋪，你會發覺，完完全全舊式港式快餐店。好似回到學生時代。雙層芝士蛋港式漢堡飽，$14，首先你要知：港式漢堡係手搓的，入口即散，你唔可以比“Triple O”$60乜乜Juicy；唔可以比“Shake n Bun”$78 乜乜肉扒；但，一定好食過麥當勞& MOS Burger！更贏到銅鑼灣丹麥餅店的漢堡飽。1) 港式漢堡即叫即煎，夠新鮮。2) 麵包烘過3) 蛋(餐蛋飯的煎蛋)4) 芝士係普通卡夫或雜嘜芝士個飽一上台，塊芝士重未熔，當入口前一刻，芝士已係麵包與漢堡扒溶為一體。一口咬，由上層的飽> 蛋> 芝士> 肉> 芝士&#

上星期六同老公、朋友一行4人去食, 一心想試佢漢堡包+炸雞脾, 我們因冇位泊車, 雖選擇左外賣。買了:我叫左雙層芝士漢堡+蛋包- 唔錯, 漢堡+左洋蔥, 口感係散d但都ok。可自選汁, 老闆推介"沙律汁", 都唔錯丫。老公和朋友J叫左雙層芝士漢堡同我的差不多。朋友C叫左魚柳包, 佢話好有魚味, 唔熱氣, 都唔錯。但炸雞脾就真係一般, 同普遍的茶餐廳冇咩分別, 食過最好味的炸雞脾同朋友J都認為係美心快餐的最好味。&叫左一客炸薯條都係一般。

上來穩食有一段時間，見到紅磡有間咁HOT概茶餐廳，自己住系附近都有一年了~居然未食過，實在可惜，於是近日滴起心肝，試一次！說來有段插曲，黃埔街日日翻學必經，但系一直一直無發現過有時新，今日仔細咁穩多次，依然無，不來打算買M醫肚再作打算，但系心裡實在不甘，於是繞機理士南街穩多轉，終於比我穩到你啦。。。系黃埔街轉彎位。。。而且工程棚架遮曬招牌。。。講翻嘢食，我要概系雙層芝士漢堡+雙層蛋漢堡+炸比~漢堡確實一絕，汁多肉厚，雖然賣相唔夠吸引，但系吃起身就放無低，一定要挑缺點的話，就系稍微鹹佐D，不過本人食得鹹，覺得夠野味哈炸比第一口相當厚，外脆內嫩，繼續吃就覺得稍微干佐少少，不過比起其他餐廳，尚算上乘之作，勝在口味適中，而且唔會太油膩~要講少少意見的話，就系衛生感覺差少少，而且老闆做包果陣無帶手套兼同時落ORDER+收錢，確實有點令人不安~總體來講，確實值得一試

行過口痕痕咁　咁就買個魚扒飽食下啦點知唔試由自可　一試真係愛上左好鬼野味ｏ既沙津汁加埋即煎魚扒真係好味過ｍ記好多有時間行過一定要再食！！！！！！！

我比條街名+巴士佬呃左....黃埔街竟然不在黃埔...由黃埔行到紅磡重要比個fd串「大埔道係唔係大埔丫！北京道係唔係北京丫！」=_=星期六下午3:30差唔多full晒芝士漢堡+雞比+紅豆冰我唔好彩個芝士漢堡係凍的只係塊肉有少少暖T_T不過都好食雞比好食！紅豆冰就差少少因為唔夠凍=_=ordered a "big mac" take awaytat was real hot..ai...it must be very gd when it is hot/ __ \although it went cool and the bread damp (coz of the water vapour..) when it was finally eaten...

芝士漢堡- 芝士同漢堡扒交融, 正!!薯條, 雞髀- 太油太乾夜晚7點几去, 坐滿哂, 佢得2個人煮野, 等左15MINS先有得食, 餐具唔乾淨, 地下好多垃圾, 好易o係枱面"hi"到茄汁同油...因為冇人抹...

其實想去時新好耐架喇,但係一直都冇機會,所以昨天特別搭車去食。下午5點幾,店內都有唔少人,眼見好多人買外賣,等左10-15分鐘有得食啦,芝士旦漢堡+汽水其實見到個包既時候真係好疑惑,係因為個包好多汁,搞到個包好淋ba ba,都唔知點拎起佢好,煎蛋的確係幾脆口,芝士溶左就更perfect。但係塊牛肉好似咸左dd,而且真係洋蔥味大於肉味,個質感麻麻地。唔夠15分鐘就K.O左個包+汽水,可以走人,事實上店面都幾迫,不宜留太久。今餐真係有d失望,如果個包唔係咁濕既話會好好多。

星期六晚2個人去食, 叫左: 漢堡飽, 雙層芝士漢堡, 薯條, 炸雞脾, 可樂漢堡飽: 要左黑椒汁, 黑椒汁唔辣, 好野味, 漢堡扒中間有d洋蔥, 我本身又鐘意食洋蔥, 所以覺得好好味雙層芝士漢堡: 呢個唔係我食, 但係我見到d黑椒汁流落d芝士度, 2塊厚厚的漢堡扒, 好吸引呢, 可惜我怕肥, 如果唔係我都想試呢個.薯條: 炸得好香, 好有薯仔味, 又唔會太油, 夠晒熱.炸雞脾: 呢個真係比較遜色啦, 唔覺得特別好食, 又多油, 印左幾張吸油紙都仲好多油, 我咬左2啖, 味道上大家樂好過佢.價錢好平, 第時想食漢堡飽薯條, 唔駛再去m記, 黎呢度又平又好食.唯一有樣唔好就係食緊野果時有個阿嬸係度拖地, 好大陣漂白水味, 都幾難聞. 但係個阿嬸對客人好好禮貌~