時新快餐店 (已結業)

總是下不了決心來試，以為地點不易找。不過看看地圖，才知道是在天橋底，那也蠻方便的呀。於是就來試了。我倆都點了芝士漢堡($10@)，分別是黑椒汁和沙拉汁。另點了可樂($6)。漢堡即點即做，夠新鮮熱辣的。包很普通卻很鬆軟，肉質也是軟綿綿的，不錯。我倆都比較喜歡黑椒汁，沙拉汁好像很水的樣子。不過醬汁要是多一點就更好了。環境不算乾淨，地方也小，很快就擠滿了人。十元吃一個漢堡，水準也真的不錯。

自己住左紅磡咁耐,好多時都經火車站, 我竟然係第一次去時新!!!當天經過見有些少肚餓, 見佢又有漢堡包餐, 終於入去一試, 真係好好食!!我跟住幾日, 都上癮日日去, 分別食過--雙層芝士漢堡, 漢堡蛋麵, 牛紐絲炒烏冬, 火腿通粉多士早餐.... 老實講, 如果你當佢係"明星", 你當然會失望, 但時新事實上真係只不過係一間街坊快餐店, 以呢個價錢既快餐店來講, 佢不單抵食, 仲係好好味, 好出色!!!再要食漢堡, 我唔會再係M記食, M記既漢堡同佢無得比!!!

睇左咁多食評, 讚得咁緊要, 攪到師傅成日心思思想去食, 可惜唔係冇時間就係唔知邊! 最近師傅搭車無意間見到間食店位置, 所以早幾日終於黎左呢度, 感覺就......入到去地方好細, 一眼望晒, 好彩唔使點等就有位, 兩個人坐底即刻睇下有咩好食先, 最後決定要雙層漢堡蛋包, 雙層芝士漢堡, 炸雞, 炸薯條同埋凍檸茶!落完單等左幾分鐘到就有得食, 先講下個雙層漢堡蛋包, 個包係勁軟熟, 漢堡係自製的, 好厚身咬落好香好鬆軟, 蛋汁又夠, 加埋d沙律醬, 勁好味; 雙層芝士漢堡包又係勁軟熟, 加埋塊半溶芝士, 勁香勁好味, 好正呀; 炸雞好大隻, 炸得香脆而且唔乾身, 雞肉係非常滑身, 晒師傅口味; 炸薯條係粗身薯條, 炸得唔算好脆, 但就一d都唔唔腍, 點少少茄汁都可以啦; 凍檸茶就唔算好味, 夠凍不過唔夠茶味, 唔怪之得大部份人都飲汽水啦! 總括黎講漢堡包質素真係冇得頂, 最主要係佢塊漢堡真係出色, 整得好好味, 絕對滿分, 而地方就係細d逼d, 環境一般, 價錢超值, 今次黎時新只需要廿七蚊, 絕對值得再黎, 所以師傅下次一定會再黎, 笑臉比梗呀!

見咁多食評話到咁正, 我就好想試吓, 可能有期望,所以......叫左個漢堡,係即整,所以夠熱,但塊漢堡扒d肉有少少梅,可能加左太多粉or d肉唔新鮮, 杯凍奶茶麻麻地啦! 如果行過可以一試, 但特登去就.....我就話m記漢堡好味好多!!!

星期日，終於經過紅磡了，看過openrice的排行榜，一早已想來試，現在有機會，當然要吃一吃。一去到，3時多，即刻有位，我們兩人點了芝士蛋漢堡包、雙層芝士漢堡、炸肶、薯條、凍茶和凍檸水。漢堡包只可以說水準以上，但不是勁好味那種，不過即製就非常新鮮，漢堡排應該是自製的，也不錯，如果有多些洋蔥會更好。炸薯條和炸肶是舊式快餐店水準，沒特別的地方，但雞肶有薑味，可說是特點吧。凍茶就不好喝，完全不達標，以快餐店角度來看，他們需要改善。他們的漢堡味道確是不錯，而且可以令我回憶小時候的味道，不過，不是要專誠來吃那種，但我仍會給一個笑臉(不計凍奶茶)。

我老公係Burger King，最鍾意食Burger!!我係佢個BB，最鍾意跟住佢四圍食!!!話明我老公係Burger King，又點會唔試下一直係openrice成為burger大王gei時新呢~~個位有d難搵，真係特登去先會食到~老公唔食cheese，所以揀左蛋牛漢堡要茄汁醬，我就要左魚柳包，仲有加左薯條同cream soda。包：老公覺得正! 港式, 地道, 好味…正! (老公本身就好鐘意食地道野的…) 舊肉整得好, 雖然一D都唔高檔, 但勝在有feel有味道；我試過老公同自已果個，肉好食過魚，不過唔知係太有期待感gei關係，我只係覺得都ok la 唔錯la，但就無深刻gei感覺(不過我呢d本身唔太好burger gei人都無乜資格去評論d burgers!!!)。薯條：老公覺得”算把啦, 都係做個陪襯jie”, 所以冇咩expectation同驚喜, focus番o係個包度好D；我覺得麻麻地，食少少就覺得好味，食多2條都會厭。雖然出去其他burger專門店食個burger都要幾十蚊，不過茶餐廳黎講其實佢都唔係平啊。建議應該有個set：有個包有份薯條加有野飲。依家樣樣十幾十幾咁加

上星期終於試左在openrice人氣高企既時新港式漢堡同雞脾....老遠從香港仔乘車來試...可惜有點失望呢...>_<!!先說漢堡我試左芝士雙層漢堡配沙律汁..還可以..可是塊漢堡扒比較鬆散..相比mos或burger king..真的差了一點..而麵包也比較硬及乾..不過收$14算了吧!!而雞脾好像炸好了一段時間..不夠脆及味道不夠..上枱時暖暖的..有d不太想吃~~奶茶還可以..不過大家樂奶茶仲好飲d~~最後...心想偶然體會一下久違了的港式風情還可以吧..但是要我老遠從香港仔乘車來試..有點兒那個呢...

如題,冒名而來,但唔係真係特別好食咋喎我覺得!不過我唔使排隊食左咖哩汁o既雙層芝士漢堡+ 炸脾+ 薯條+ 凍華田咖哩汁o既雙層芝士漢堡,好咸囉!個牛肉係自家chop出來o既,不過真係好咸,唔夠洋蔥粒,D咖哩汁流到我成手+隻錶都有>_<炸脾OK啦,不是太特別,哈哈!薯條係好普通O既快餐店貨仔凍華田,好回味細個成日飲,但大個左因為身體虛弱甚少食凍野>_<"整體黎講食完都唔係好飽,哈哈!總算試過咁囉!

對上一個週末下午時段前來, 排隊的人龍可不少, 結果趕時間的情形下沒有幫趁. 今天來吃早餐, 沒有人排隊, 五分鐘可以吃了!即叫即製的漢堡飽差不多無懈可擊, 牛肉調的十分入味, 煎得香香的. 如果漢堡飽的靈魂是漢堡扒, 我覺得漢堡扒的靈魂就是入面的洋蔥粒, 與牛肉起了微妙的化學作用, 吃起來十分特別.店子的裝修相信十年如一日, 但反而更覺得有風味及地道, 尤其是固定的座椅, 保留著傳統快餐店的特式.可能大排長龍及得到二百多個笑臉, 都係因為呢D"集體回憶" 呢!

一直都在openrice 看到人氣一直高企的食評，在電影節期間，在科學館看完戲就走到紅磡一試。走進小小的餐廳，人不算太多，全都是二十出頭的年輕人。應該是對面宿舍的學生。要了芝士漢堡、薯條和熱奶茶，漢堡扒有洋蔥，很有home made feel，芝士和特別的醬味道都不錯。薯條和熱奶荼都出色，很香港的味道﹗很不錯的介紹﹗

同好友〝積奇五〞再度光顧時新快餐店@ 紅磡!招牌的芝士双層漢保蛋飽當然〝無敵〞,值得再推介!其他如豬扒飽、熱狗、炸薯條只屬一般港式快餐店水準,欠驚喜!地方細且舊,門口又裝修…其實真的不易〝揾到〞其門而入!唔計地方,那個芝士双層漢保蛋飽真係諗起又想食!

經過呢區想起有間快餐店既漢堡包好出名,便想去找找...沿路行既時候,已經聽到前面有人找緊呢間店(看來真係好出名)...去到見到間餐廳好細間咁,又坐得唔舒服,個門口又細又多人,都諗僅係唔係咁好啊?!但一場來到,一定要試啦,咁我地就試左個14元的漢堡包餐先...想不到...個漢堡扒真係好新鮮!!肉汁美味,仲好香啊!!之後我地再試加蛋加cheese...真係仲好味!!不過個包真係好細個,食完都未係好飽...我地再叫多個著條,味道OK,仲係有波紋既~

晚上到尖沙咀吃飯，中午專程到紅磡一訪這間頗具名氣的快餐店双層芝士漢堡：不是報道那般非吃不可，老實說，只是一般，包內的漢堡肉跟自己在家裏做的分別不大炸雞脾：這個反而不錯，早前在九龍灣吃過，較硬，但這裏的卻充滿肉汁，不錯凍奶茶：普通貨色價錢其實不算便宜，只是一試，相信若不經過，便不會再來

見openrice咁多好評.今日終於忍唔住黎試下去到鋪頭, 環境同普通快餐店無大分別叫了個雙層芝士漢堡, $12食落已好失望肉喊又一咬就散, 包只係普通周街都買到既料即刻諗咁既水準都可以排前列...有冇搞錯..極之失望其實, 呢間野有咩咁好食呢..?我以後唔會再去

見咁多人話好食,專程入紅磡食下,當日餐\廳門口正一正在修路鑽地,嘈到不得了,餐\廳竟然仲唔關門,2個門口都大開,心理上已經凝住d塵會唔會飛晒入黎架?坐近門口既食客終於頂唔順關左度門,如果我係食環署,我一定會釘佢\牌!都唔知佢\地係唔係想慳電,當日成27度,入面個廚房\"慶合合\",又關左門,都唔開冷氣!!!又焗又嘈,又怕D塵,令我食慾大減!撇除環境問題,齋講食物:芝士漢堡& 雙層芝士漢堡- 真係唔知有咩咁好食,只可以話擺\得落口,唔係難食,絕對同好食係扯唔上關係薯條- OK雞脾- 一D都唔好味