時新快餐店 (已結業)

我叫左芝士漢堡同炸雞脾芝士漢堡ok,塊芝士大大塊,仲有少少溶既效果,塊扒肉汁一般,個包就普通,可能同freshness burger啱啱比較完既緣故...炸雞脾唔算話好大隻,炸得都ok,唔會話d皮炸到燶哂咁,仲有係唔會炸到成隻雞脾乾哂,所以呢點係good point!不過味道又唔算話好突出,所以又唔係話十分好食嗰隻!不過不失啦!

I am living in Royal Peninsula and just opposite to thsi restaurant. My mom just came back from Toronto and I took her there and tried the double chees buger! She was so amazed that to have such a delicious burger from this "not very present looking" cafe. And it only costs HK$12. The patty is very juicy and the sauce is very yummy too! Well Done!One more thing, the staffs and the boss are very polite there!

同老公去完尖東,特地走上火車站尋找傳說中的平靚正漢堡包叫左個芝士漢堡包,魚柳包芝士漢堡包--漢堡多汁夠味唔會"un"魚柳包--唔係老麥果d四方黃色魚柳,係兩塊白煎魚扒,好嫩唔"鞋"服務態度好好,我多野問又麻煩,老闆都好耐心咁答,仲同d客有講有笑環境唔可以要求咁多,有得你坐又無小強已經好好總括而言係平靚正ge一定會再黎

今日同朋友試左層漢堡加蛋(黑椒汁)、魚柳包&炸雞翼層漢堡加蛋:超有口感，我唔鐘意食洋都覺好好味，同m記超唔同，正，下次加芝士試下~魚柳包:唔用炸粉魚柳幾幾幾特別，但有d腥，僅合格炸雞翼:生炸效果類似日月星，唔錯，我愛雞翼，所以更覺好味

為了幫助﹝在「唔似有問題」電腦程式下的﹞時新繼續個個月雄霸首位，等我今日食完又來個「笑面」先。通常是周日的下午來，通常不會很多人，但是日來到，是人頭湧湧，好在人人都湧在櫃位前，我就悄悄地走去餐廳的後半部，總算可以坐住食野。跑了三十公里的長課，吃多幾餐也不覺飽，亦不用怕胖，所以這餐雖然是下午茶，也要了芝士蛋漢堡加炸脾。很多人堂吃，更多人叫外賣，所以罕見地是炸脾仲快上檯過漢堡包，好在唔係好多人識食炸脾，如果唔係有排等矣。雞脾仍然是熱辣辣的，炸得外皮脆口，內裡有肉汁，還是那般有水準。看見另外一些有關炸脾的食評，說是「油膩」，咁怕油膩就食蒸脾、燉脾或烚脾，落得油炸又點會唔油膩？而快餐店的便宜炸脾咁就梗係唔會幫你瀝乾油份才奉客，你估食天婦羅咩？更多的炸脾評語更是「無咩特別」，咁炸脾就炸脾，要幾特別？更奇的就是又唔見佢地分享一下那裡有「特別的炸脾」，更唔明。再說一次，我覺得這裡的炸脾，比漢堡更出色。有比這裡的炸脾更出色的地方就請單聲，我都好想去食一食。漢堡包加兩片芝士加煎蛋，非常的豐富。咁快餐廳的芝士當然是卡夫芝士，唔通比金文拔咩？一口吃下，漢堡有肉汁，兩片溶掉的芝士又美味，加上煎蛋，很滿足。喂！

今日再次光臨時新，都幾個月冇食過了，於是相約友人去時新，再次品嚐港式漢堡到步後，包餐加漢堡蛋走不了，但落單後冇耐見隔離位隻炸雞脾好香，搞到我流晒口水，反正一場黎到不如比多１０蚊試埋去啦，等左一陣炸雞脾黎到，個皮落望好脆咁，咬落果然好脆，雞油同肉汁都一齊流出黎，ｄ雞油真係好香好好食，雖然係雪藏雞脾，但雞肉都幾滑下，我不嬲唔多喜歡食炸野，但我都要讚下佢個炸雞脾，證明比多１０蚊呢個決定係無錯的，咁好食既野，下次一定要再光臨睇過之前果ｄ食評，有ｄ網友話時新塊漢堡扒太林同埋冇咩肉，我就覺得佢既軟硬度都唔差，加上喜歡吃蔬菜的我好喜歡佢塊混埋洋蔥既肉，味道都唔差的，如果你係要一塊啖啖肉既扒，我覺得你食錯野囉，你係要啖啖肉既，你唔應該食漢堡包，點解唔去鋸扒？

食過2次,都係食芝士雙層漢堡,但今次食埋雞脾,,,都唔錯呀,,塊漢堡有d咬口,幾好~不過雞脾都ok~肉唔係好鞋,,係油左少少囉~值得去下既

第一次食覺得佢十分好食, 又平. 但第二次食...覺得好油...食完o個晚我仲嘔左...可能我腸胃唔好, 受唔住d咁油包....另外, d 薯條比一般茶餐廳差...

之前特登去食佢個包希望食曬佢出明d野芝士漢堡、蛋漢堡都好味，不過好油而且蒜味太勁，食完成陣味雞脾算皮脆肉嫩，油都無所謂，係太細隻傻左叫左杯奶茶，普通，完全唔值咁貴

今日特登去試下食這間出名的快餐廳, 因本人唔食牛, 無緣食最最出名的芝士漢寶包, 於是就叫了魚柳包+芝士$12, 仲以為係好似M記咁係方形炸魚塊, 點知原來係煎魚塊, 還有點沙律醬, 食落唔係好油, 即叫即造, 時間就要多等一會啦!可惜魚柳包無得跟餐, 唔係就仲低, 如果個包大件d, 就非常低啦!

經常看到這店高据榜首, 想試但未有衝動去找. 昨天撞撞下去到. 試佐芝士蛋漢堡(沙律汁)及蛋漢堡(茄汁). 個包烘到夠熱及有點脆, 好味. 件漢堡鬆身得黎有口感, 芝士同蛋都正路, 主要係漢堡同個汁令個包好味. 沙律汁正d亦令個包較似細個時食既味道.雖然係好食過M記好多, 不過亦多好多油. 我見個師傅一勺勺咁將d油灑落d漢堡及蛋上, 我個包係番黎時係會滴油既. 怕油既我試了呢一次會有排先想再去.

終於有機會一試，更不用排隊！以前經過多次卻沒有留意這間舊式快餐店，今次經過也不知道，因為招牌裝修，加上棚架．今晚要去殯儀館，只是過一條馬路近橋下，早些去食burger,５時半，只有十個八個客，不用排隊，即叫即做，不消五分鐘有得食熱騰騰飽，正！漢堡＋蛋＋芝士凍奶茶牛肉多汁鬆軟，最愛洋蔥粒很香，加上軟心蛋及溶化了的芝士，好好味！忘記加汁，下次再試．奶茶一般水平，比較淡茶味可以接受．份量小，唔多夠喉．

叫左雙層芝士漢堡,炸雞脾同埋凍奶茶!雙層芝士漢堡味道ok,芝士係卡夫,個包都算熱,味道唔係差!炸雞脾唔算太大隻,不過唔會太肥,有d肉地,味道一般啦!凍奶茶茶味可以,不過下次飲我要走甜,街坊生意格局,不過唔知點解我去既時候咁多人?服務員友善!價錢中等!

見到這間快餐店有咁多good comment，所以突登今日同4個同事，襯lunch time，搭的士由尖沙咀到hung hom一試！因為門口棚架遮住的關係，如果不是看見門口的大poster，我想我們一定會搵好耐！我們試了芝士漢堡(3個)，芝士蛋漢堡(1個)，薯條(1碟)，炸雞脾(3隻)，漢堡豬扒飯(1碟).......熱奶茶, 凍lemon tea & 熱華田......全部野都係即叫即做，所以要等上一會兒....$12的芝士漢堡，真的很不錯！漢堡仍很juicy，而這個價錢這個水準，真的很抵！不過我們最鍾意都係炸雞脾，真係好好味，炸得一d都唔乾，而且冇雪味....正呀！必食！不過薯條和漢堡豬扒飯的豬扒就麻麻喇.....下次未必會再試！雖然地點有d不就腳，但我會再來的....應該會夏天前再來！我想我唔會夏天來，因為環境很不舒適，很迫，而且會很熱很焗.....

之前以經好想一試這間快餐店！可惜無乜機會到紅磡...克勤的演唱會剛好給我一個機會一試...跟女友叫了兩個雙層芝士漢堡包, 炸脾, 凍& 熱奶茶...雙層芝士漢堡] 真的名不虛傳...漢堡排非常鬆化...味道不錯...奶茶味道一般...不過不失...炸脾是一大敗筆...非常難吃...炸得太耐，令雞皮太硬而且太燶...另外...炸脾真的非常鹹...鹹得難以接受...吃了幾口便放下不吃了...除了炸脾外...無論價錢或味道...這家快餐店都值本人一個笑臉呢!!!