影片
更多
2008-03-13
80 瀏覽
係OpenRice，曾係榜首，又曾被翠苑農夫飽搶去冠軍，近30日又回復榜首位置的“時新快餐店”。呢間傳說中的時新快餐店，係今日(12/3/08)，好友Johnson引路下，終於試到佢無敵的“雙層芝士蛋港式漢堡飽”！點解寫“引路”呢？間鋪都幾難搵下，“紅磡黃埔街1A地下”，但唔係“黃埔”個喎！好采，Johnson 之前搵過，去過！今次我地一齊去，近期間鋪前面撘晒棚架！未去過，真係幾難搵。入到間鋪，你會發覺，完完全全舊式港式快餐店。好似回到學生時代。雙層芝士蛋港式漢堡飽，$14，首先你要知：港式漢堡係手搓的，入口即散，你唔可以比“Triple O”$60乜乜Juicy；唔可以比“Shake n Bun”$78 乜乜肉扒；但，一定好食過麥當勞& MOS Burger！更贏到銅鑼灣丹麥餅店的漢堡飽。1) 港式漢堡即叫即煎，夠新鮮。2) 麵包烘過3) 蛋(餐蛋飯的煎蛋)4) 芝士係普通卡夫或雜嘜芝士個飽一上台，塊芝士重未熔，當入口前一刻，芝士已係麵包與漢堡扒溶為一體。一口咬，由上層的飽> 蛋> 芝士> 肉> 芝士&#
呢間傳說中的時新快餐店，係今日(12/3/08)，好友Johnson引路下，終於試到佢無敵的“雙層芝士蛋港式漢堡飽”！
點解寫“引路”呢？間鋪都幾難搵下，“紅磡黃埔街1A地下”，但唔係“黃埔”個喎！好采，Johnson 之前搵過，去過！
今次我地一齊去，近期間鋪前面撘晒棚架！未去過，真係幾難搵。
入到間鋪，你會發覺，完完全全舊式港式快餐店。好似回到學生時代。
雙層芝士蛋港式漢堡飽，$14，
首先你要知：港式漢堡係手搓的，入口即散，
你唔可以比“Triple O”$60乜乜Juicy；
唔可以比“Shake n Bun”$78 乜乜肉扒；
但，一定好食過麥當勞& MOS Burger！更贏到銅鑼灣丹麥餅店的漢堡飽。
1) 港式漢堡即叫即煎，夠新鮮。
2) 麵包烘過
3) 蛋(餐蛋飯的煎蛋)
4) 芝士係普通卡夫或雜嘜芝士
個飽一上台，塊芝士重未熔，當入口前一刻，芝士已係麵包與漢堡扒溶為一體。
一口咬，由上層的飽> 蛋> 芝士> 肉> 芝士> 肉> 飽，一次過接觸> 咀嚼> 品嚐> 回味> 再接觸。
診熱食一流！
肉係入口即散個隻，你唔可以好似其他美式漢堡咁‘o答’下d肉質先。
你叫我形容，我會覺得自己回到中學時代，食住一碟漢堡蛋飯用沙律汁，只係飯變做飽。
你可以一口品嚐多層的食物，多滿足！;-)
(漢堡飽：可以選沙律汁，茄汁或黑椒汁)
我成日都講：冇期望，冇失望；但今次我同Johnson講：我對時新好有期待架。
我話左搵Johnson 一齊去食好耐(時新重係初代冠軍時)，今次有期望，冇失望。
不枉我地千里迢迢(中環) 來到紅磡，只為食一個漢堡飽！
最後，試埋其他已點的食品，可能最好o既野都食左，其他真的一般至低下：
;-)雙層芝士蛋港式漢堡飽：以“港式”漢堡飽來計無敵！
:-(薯條：凍，舊式一大包一大包快餐店薯條。Triple O先係最強。
:-|熱狗：你食過中環永樂園的“雙腸熱狗”，其他的你都覺唔入流。
你覺得我的文字不能表達出有幾好食，咁就真係要試一次。
講明呀，只係漢堡飽好食架炸！;-)
Written by JK
2008-03-13
Reference: http://space.uwants.com/html/55/1659955_itemid_277542.html
張貼