時新快餐店 (已結業)

見時新連續上榜咁耐, 大家都有讚無彈, 所以幾唔順路都專登去試一試....希望越大失望越大, 其實無想像中咁好味. 1. 環境(Environment)：十分擠逼,全店只有對門咁大既出入口,無論堂食或是等外賣都逼在門口,要逼好耐先入到去....2. 味道(Taste)：雙層芝士漢堡, 肉汁夠,芝士剛溶化,口感不錯. 比麥記個孖芝好味,但欠缺特色3. 服務(Service)：門口附近有個收銀台,但沒有人收錢, 落單,收錢,整食物..全部都係在水吧...超慢4. 抵食(Price)：合理,$8-125. 乾淨(Cleanliness)：以茶餐\\\廳來說都不錯了如果有機會路過,或者會再試

成日都見佢係openrice 有咁高人氣都知佢來頭不小喇今次去食....叫左可樂+ 雙層芝士漢堡+ 餐肉漢堡扒面個面真係普通.....叫佢其實都係因為想飽d....個漢堡飽就真係頂瓜瓜~~雖然佢塊芝士未溶...未夠好味但係佢的神韻在於佢果兩塊肉即叫即煎的漢堡扒....有d 似碎肉餅的質感...味道但係又唔會太硬實實一塊....仲要好好味tim~~~真係正呀~~~環境係唔係咁好...不過味道搭夠!!!!

我覺得搵果D幾十蚊一個餐0既快餐店同時新比真係唔係太公道...前排去時新食野果陣十一點零,時間尚早,好彩有位坐叫左芝士漢堡,雙層芝士漢堡,漢堡加蛋各一, 炸髀兩隻,兩罐可樂暱埋0向廚房果兩位仁兄禮貌唔錯對住個細廚房同熱扒爐都冇乜怨言仲記得邊個客order 乜野食,抵讚!漢堡扒即叫即煎,夾落包果度,食落去熱辣辣,個雙層芝士漢堡D汁多到漏出黎,食到好"污wear"炸髀,都係即炸,塊雞皮食落口係脆ge,肉夠熟夠味,唯一不足係油較多廿零蚊一個人,食得開心又滿足比起麥記0既呃錢薯條,hea 上0既凍漢堡,冇汽0既汽水時新好得多啦~時新印左一D單張講佢自己0既歷史同埋熟客分享感受一邊食一邊睇,唔知點解覺得張單張太hardsell睇果陣有D肉麻0既感覺...p.s. 時新而家好似有工程做緊,睇唔到招牌又想去食0既朋友要搵一搵喇~

今日同亞積再到時新食lunch食左雙層芝士漢堡-- 好好味豬扒包-- 唔知係咪沙津汁好味呀炸雞脾-- 好多汁好脆好味呀但今日環境好惡劣出邊裝修緊

由於腳程不遠, 就試下呢間勁多人推介既快餐店之前黎食過一次burger, 味道不錯今次黎叫外賣, 又有新驚喜~~(其實都唔算新, 係我慒)上次係食普通芝士漢堡今次就叫雙層芝士漢堡一心以為芝士多d會好味d點知原來...個burger原來仍然只係得一片芝士...頭頂出現問號之後, 出現左感嘆號原來雙層芝士漢堡係雙層漢堡扒~加一片芝士一咬落去, d肉汁真係識標出黎~~~一個字~正!不過我份人較忌油, 略嫌油份較多~如果間中食一次就幾好

一路都無機會食之前睇容祖兒個concert個時,終於有機會去食一次..結果...唔難食囉...但就一定唔係好食...個牛一咬即散,芝士,包,樣樣都係普通貨色..坐又唔好坐...當然,就一定唔係難食,但一定唔值得排甘高位置..我覺得住近既,食下都無所謂,特登出黎食既就咪搞~

幫襯過：兩次去食：$10漢堡飽餐/$12雙層芝士漢堡服務態度：大讚！即使大排長龍，伙記都會好有耐性話你知有咩飲同價錢，唔會有俾難聽的說話。環境：鋪位非常細，所以個十多個位都好窄。所以12:00-13:00 如果諗著係度食要預留30分鐘等位。衛生環境都叫合格。上菜速度：要等10-20mins，因為佢得一個烘爐(for 飽)同一個煎爐(for煎肉等)。份量：一個飽只可以當下午茶或一份三文治的份量(細過mc donalds 的魚柳飽)。建議叫多個麵，尤其男生！食物質素：好！漢堡扒有如triple o's 咁有肉汁！沙律醬同漢堡扒據說係自製，漢堡扒係撈埋洋蔥粒--> 正！溶溶地的芝士塊增加胃口。

一直好想試"時新"既漢堡包", 但地點係黃埔街, 對我嚟講地點絕對唔好....但咁岩同事比左2張只有黃埔UA可以用既電影coupon比我, 咁好順理成章就一定要去"時新"食野喇....我同男朋友差唔多8點半先到果到, 係一間好快餐既快餐店, 叫左: - 芝士漢堡(沙律汁) - 絕對係新鮮整既, 攞上手熱辣辣, 塊"漢堡"係自家製, 同出面食既完全唔同, 別有一番風味- 雙層芝士漢堡(沙律汁) - 男朋友既, 應該仲好味- 熱華田x2 - ok埋單$40, 抵食^^

細細個住時新樓上~通常係食茄汁漢堡扒飯~之後搬遠左少少就冇食好耐lu~時新o個面又起新樓又攪好多野~有一排佢地都有d沒落,好少人食~佢依家"紅"番都好感觸!!個個都讚好時新既漢堡包同雞脾!當然我都覺得好good喇!之不過佢地個茄汁飯都好好味ga!keep到當年(十幾年前)既味道~佢地d茄汁同外面唔同ga!(不過我唔識講有咩唔同)你地有時間去試下就知ga la!

第一次到時新, 試了馳名漢堡, 果然好味道! 洋蔥和肉配撘得剛剛好.芝士容入在牛肉中.再叫了一隻炸肶, 老板說是新鮮生炸, 一試之下, 果然特別多肉汁. 比一般快餐貨色好得多.才22蚊, 真係好抵食!

自己係附近番學,學校canteen好鬼貴,所以肚餓都會出去honghum搵野食,食過呢間野幾次,次次都係雙層芝士漢堡.不過就發現,最好係d peak hour的時候去會最好,唔知係唔係我有次6:00去,可能佢地就收定點la,那天的真的不好吃,成個包唔熱,亦無左包的外脆內軟.所以建議大家,早d去,同埋就d學生tea time去,就算排下隊,食好d都係值得的

第一次黎食~~試左孖芝~~同埋魚扒包~~所以包都新鮮即製~~熱辣辣~~個孖芝唔錯~~牛肉o既口感都幾好~~魚扒包好怪~~魚扒冇味~~下次可以唔駛再食~~我最想講o既係~~好多人都話失望~~係因為你地將時新同triple o's 同埋burger king o個d比較o者~~o個d要$60-70幾一個餐~~呢度一個包都係$12~~你如果要咁樣比o既話只係表現出你o既無知~~呢種人根本唔係真正識搵食o既人..........不過可惜地點唔就腳~~佢又未致於令我會山長水遠去試~~最後講講d職員~~態度都ok~~當然如果你要佢地同日本公司比較~~又係死得人啦........人比人~~比死人呀各位！

果然名不虛傳呀~好好味呀!!雙層芝士漢堡加蛋~冇得頂呀~即叩即整,等左5分鐘左右就有得食啦~個包好鬆化,洋葱牛肉漢堡扒好有肉汁,煎蛋個邊係脆架~好想再去食多次呀~~~

自從上次係Library 同同學上左黎openrice.com 度睇食評, 佢地見到whampoa 原來有好多好野食, 我就搞左個whampoa 美食團... 可惜, 有2名團友唔識貨... 結果只有青小姐....第一站係時新... 佢呢個南區人黎到九龍區當然係咩都唔知... 但佢見到咁多人都知係好野~ 因為我們還有下一部,所以我地只係2個人share 左一個芝士漢堡(咖喱汁)好味wor~ 我第一次食配ketchup 覺得平平無奇, 估唔到咖喱汁係咁惹味。我睇到食評有人話普普通通.. 我覺得呢度o既漢堡係食本地風情再加上熱辣辣, 每一個都有人情味.. 當然你同美式Triple O or 日式Mos Burger 比用料緊係無得比...人地賣成40-60 幾蚊一個餐...我覺得住得近or 黎開可以黎, 但若山長水遠特登食個飽就你諗諗worth or not~ 當然正如我所講, 呢度有好多好野食.. haha.. 可以參考我的whampoa 半日食。

必食孖寶：「雙層芝士漢堡」：肉汁滿溢，配合平凡的芝士產生不平凡的味道，麵包夠熱夠鬆化！緊記不要加蛋，因為會影響牛肉的滑溜口感！炸雞脾：即叫即炸。皮香脆、肉多汁！不油不膩不過鹹！一定要食！