星海薈 (利舞臺廣場)

營業中

休息中

平時飲茶都會落去屋企樓下嗰啲茶樓飲，今次同朋友約咗喺銅鑼灣所以嚟咗呢一間高級餐廳飲茶，價錢都唔係貴好多但係環境、食物質素都好好多，列入為以後飲茶嘅地點🔶砂鍋鮑魚雞粒炆飯 + 白灼芥蘭苗 $168個炆飯份量好大，有2-3人份，好抵食！啲飯粒粒分明，而且有鮑魚味，食落好香！雞肉都好嫩滑，而且都大粒唔係細細粒咁！另外仲有個芥蘭苗，好健康！🔶蟹籽燒賣皇 $36（午市有優惠只需$18）飲茶必點，入面都係鮮肉、冬菇、蝦，好彈牙🔶胡椒濃雞湯灌湯餃 $58/位推介👍🏻個湯好好味，入面有杞子去煲，好養生平時普通茶樓好少食到咁大隻灌湯餃，可以試吓🔶金牌流沙包 $31（午市有優惠只需$28）個包好軟熟，入面啲奶黃好流心，好味👍🏻總結：午市都唔算太貴，質素都比較高，所以之後飲茶我都會優先考慮呢間！

譽宴今日同屋企人去左間係銅鑼灣利舞臺唔錯既酒樓食野，入到黎，就見到深海既主題裝潢佈置，眼前一亮，黎到飲茶點會少得茶既品種，依到既茶葉有着多種選擇，我地就簡左龍井，味道香氣清新，叫左幾籠點心，依幾樣我就覺得係最好食黑松露鮮蝦餃，皮薄晶瑩通透，大大粒海蝦仁係入面，帶着黑松露的香味，整個口感都提升，蟹籽燒賣皇，足料夠哂大粒，到好好食招牌胡椒濃雞湯灌湯餃，上桌時熱騰騰，睇落足料好飽滿，先喝湯，感覺到胡椒那種熱辣感從口腔蔓延到全身，而且無胡椒顆粒等湯渣影響口感，吃完全身都即刻暖和驚唔夠飽另外叫左個砂鍋鮑魚雞粒燴飯，鮑魚大大粒嫩滑有口感，味道夠哂香，用左原個砂鍋上桌既燴飯，食到最後一啖到保持到熱辣辣，d飯又唔會太乾，依個套餐會配埋一碟白灼芥蘭苗，就夠哂健康。譽宴．星海薈銅鑼灣波斯富街99號利舞臺廣場5樓

有水準的酒樓唔駛四圍找！最近疫情持續都好少去人多嘅地方食飯不過有次朋友叫到我就同佢撐枱腳。 呢度好貼心入去之前每個人都會量度體溫，仲會提供一盆大熱水方便大家洗用具。因為呢度都係第一次來食， 所以點心/小食都有叫來食。前菜冷盤沙薑麻油豬手，好創新嘅煮法，無諗過過冷盤都甘入味，份量都唔少。 糯米雞麻雀雖小五臟俱全好足料，男仔都唔會餓親。 燒賣王的蝦好大隻而且無雪味，每人兩粒都覺得唔夠喉，好食！ xo醬腸粉有少少辣，十分開胃，煎完嘅腸粉仲好滑，溫度/味道都控製得啱啱好。牛雜鍋既牛雜食落都吾錯，加埋炆出來既汁飲啖仲可以驅寒，送飯一流。 最後甜品就係燕窩北海道牛乳奶凍。奶凍本身甜度適中再配埋燕窩感覺好清涼，為呢張畫上完美嘅句號。呢餐食得好滿意，絕對有水準！如果大家追求食物嘅質素，極推薦來呢度飲茶！

譽宴可說是以華麗，什至贏埋酒店，酒店都冇咁靚 " 樓底寬闊， 水晶燈增添豪華感！ 店員有禮服務很好！叫咗碗黑蒜燉雞湯， 可以增強抵抗力，抗炎之選！ 一打開碗蓋，濃濃嘅黑蒜雞湯味滲出嚟！ 湯頭非常足料入味， 將雞嘅精華融入通當中！好正。招牌白胡椒蟹， 胡椒味香濃肉蟹非常新鮮，蟹係由菲律賓肉蟹， 非常有鑊氣， 肉蟹非常有質素，惹味非常！而且好很大隻都係388蚊""食完很難忘呢，good ar!! 鮮菠蘿脆皮咕嚕肉， 咕嚕肉係非常考廚師嘅一種餸， 呢度完全發揮得好好， 店員提及用上新鮮菠蘿， 令成個餸層次提升 ! 芡汁剛好包住咕嚕肉嘅外皮，而外皮亦能保持香脆！ 亦能保持嫩滑嘅感覺！唔會過淋。 芡汁甜 酸味剛好，送飯一流！整體店員真係好有 heart, 推介指意100%

譽宴嘅茶點質素毋庸置疑，晚飯小菜亦係我杯茶，一直深得我心，今晚約咗媽咪撐枱腳，二話不說就揀咗呢度。一入座見到蒜蓉蒸龍蝦做緊優惠$88，的確係開心價，媽咪買開餸都話抵，當然要一客。每次必點嘅香片茶味甘醇，茶香同花香恰到好處，口感溫潤。前菜用上好特別嘅白木耳，非常有新鮮感，口感同黑木耳相近，酸爽開胃。最先上枱嘅係燉湯，本來揸唔定主意，侍應介紹呢款黑蒜螺頭燉雞湯，可以增強抵抗力，二話不說點頭！湯味鮮甜，黑蒜味道濃郁，少咗生蒜嘅刺激感，多一分甜味，仲帶有隱隱約約嘅微酸味，非常刺激食慾。另一款同樣係侍應推介嘅係得獎菜式——金磚脆豆腐，外形雖然普通，但一試之下非常有驚喜！外表睇落雖然同普通炸豆腐冇分別，但表皮炸得夠香脆，而且一啲都唔油膩，調味帶有避風塘風味，非常惹味！一咬落去係細滑無比嘅嫩豆腐，同香脆嘅外皮形成極大對比，非常滋味，連媽咪咁嘴刁都讚不絕口。蒜蒸龍蝦用嘅係本地龍蝦，夠哂新鮮，加入大量蒜蓉，香氣撲鼻，完全係餸飯首選。本地龍蝦尺寸都唔細，肉質結實彈牙，配上蒜蓉令鮮味更突出。白飯殺手當然唔少得咕嚕肉，份量頗多，而且造型突出。菠蘿用上鮮果而非罐頭生果，多一分清新，少一分死甜。無骨咕嚕肉外皮超脆

今晚同屋企人黎到呢間酒樓食晚飯, 一入門口就俾佢條鋪滿花既樓梯吸引左, 好靚好啱打CARD.入到入面坐低, 環境非常優雅清靜, 好啱一家人閒聊飯聚.一邊食住飯前小食, 一邊睇下有咩好食.果度做緊一D晚巿優惠菜式, 有烤鴨,龍躉, 大元貝, 乳鴿皇, 龍蝦等等, 都幾多選擇.最後我地叫左2個家常D既小菜, 分別係黑醋蜜燒一字骨, D排骨好香好淋, 個醬汁都甜甜酸酸, 好開胃.燒汁淮山茄子, 淮山爽口, 茄子好淋, 一餸兩口感, 好有特式.最後送埋糖水, 十分滿意既一餐.

武漢肺炎越嚟越嚴重，好耐冇同過親戚飲茶😕呢個星期日想飲個茶，就人少少兩個人去到呢間位於利舞臺廣場嘅《譽宴•星海薈》☕️整體都唔錯，但食完先知係藍，如果唔係應該會再嚟😗入酒樓之前要通過體溫測試，而且佢哋有提供酒精搓手液🧼👏最欣賞嘅就係佢哋提供嘅熱水洗碗碟！好多人飲茶嘅時候都會用佢哋嘅熱水洗碗，但呢到提供闊底嘅煲同夾，碗碟可以浸晒落去，仲唔使辣親手👐裝修好靚，柱唔多，理想嘅酒席場地👰🏻座位唔算密，枱同枱之間嘅空間都頗大。唯一一個唔好處就係冷氣開得有啲大，好多客人都要求轉枱，而且嘢食都好快凍🥶黑松露鮮蝦餃 ($43)比起普通蝦餃特別，多咗份黑松露香味😙招牌酥皮焗大蛋撻 ($34)蛋撻好大個，仲要係傳統嘅酥皮，不過好似唔算好酥化同多層，同埋自己鍾意食曲奇皮多啲😹鮑汁炆鳳爪 + 薑蔥撈粗麵 ($118)「孖寶餐」好抵 －－ 本身薑蔥撈粗麵都已經$88～兩個都好食；粗麵略嫌腍咗啲。三蔥爆海蝦 ($68)三蔥係洋蔥、青蔥、紫洋蔥，乾爆咗之後勁香🤤，不過未夠熟，有啲辣。海蝦裹上炸粉後炸得香脆，三款蔥帶出蝦嘅鮮味，蝦肉口感爽口彈牙🍤-Menu:

利舞台樓上有好多餐廳去到lift口望望食咩好，隱約見到有間餐廳自己把成個lift，大發現！原來5樓有間酒樓！.環境十分優美，有如其名，好似星海般，而且有一個豪華花海旋轉樓梯，我估這裏是婚宴場所.我們兩點左右去到剛好就是下午茶時間，點心有得平！.⭐️XO醬蘿蔔糕XO醬炒得味道十足，蘿蔔糕入面有一粒粒蘿蔔十分足料。蘿蔔糕切到好似骰仔咁，更加有口感。.⭐️三葱爆海蝦十分推介！海蝦爽滑新鮮，炒得好香又不會太油膩。食到第二個才發覺每個海蝦都切成人型，後美部份切開一半就好似個人字一樣.⭐️豉汁蒸腩排骨飲茶當然少不了叫排骨這裏的排骨啖啖肉，沒有骨的部份反而更加嫩身易咬值得一題份量也是比其他餐廳多.⭐️咖哩薯角蒸土魠土魷厚身，很有咬感，加上咖喱汁更加好食！這一籠東西基本上可以當一餐飯吧，好飽肚。.⭐️胡椒濃雞湯灌湯餃這個湯餃超醒神的，雞湯有足夠的胡椒及雞香味，飲落不只解渴還很醒胃。湯餃入面餡料，很多基本上食完一碗都有幾成飽。除了湯餃還有一塊雞肉呢。.⭐️布拉米皇腸粉賣相精緻，夠滑！除了豉油，還有甜醬及花生醬。.這裏地方大，人與人之間隔得很開。而且他還會拿來一大盆熱水給你洗杯碗，更加委身安心。

假期同屋企人去銅鑼灣酒樓飲茶 雖然係第一次試呢間但已經好有好感🙆🏽‍♀️因為唔止裝修靚 服務人員又周到 而且食物仲好有新鮮感同水凖😚一入到去成個場好grand 裝飾放咗一群魚係頭頂上 令人好似置身於海底入邊呢度嘅茶雖然用咗茶包但係味道同一般放茶葉冇分別 都係好香 我哋就叫咗香片 入口順暢 而且用茶包可以唔使飲埋啲茶葉👍🏾我哋先係嗌左一個泡椒浸掌翼🤡本來一開始以為唔係好辣 但食到最後超有驚喜 原來要浸落啲汁到先感受到果種慢慢滲出嚟嘅辣味 仲有掌翼嘅味道食得出係好入味 每一啖都好有咬口🎃跟住叫咗個蘿蔔絲脆網腸粉😚平時喺其他茶樓都已經好鍾意食 不過呢度更上一層樓嘅係佢皮薄 入邊材料豐富 個脆網仲保留着脆脆嘅口感 外軟外脆🥳超推仲有個蟹籽燒賣王 入面材料有冬菇肉等等 蟹籽比嘅份量幾多 蒸嘅時間啱啱好 而且上枱時仲保持住熱騰騰的感覺🤤最後仲有三蔥爆海蝦 師傅用咗開邊嘅手法證明每一隻蝦都超巨型 而且啖啖肉 蝦殼連埋一齊炸但脆到可以食埋落肚 隻蝦都超多膏 避風塘味濃郁🥰讚

「星海薈」聽個名都Feel到佢嘅高貴品味，到左餐廳同樣不負眾望，裝橫擺設高級又舒服。由於敏感時期，所以餐廳都將客人分到散哂咁坐，一坐低會有盆熱水可以清洗下啲碗碟，感覺都乾淨。🔷黑蒜螺頭燉雞湯 (1位用) 💰68 💙80/100燉雞湯飲得出係老火足料，呈現偏深色嘅湯底。帶有黑蒜獨特而清淡嘅味道，配入邊有現純黑嘅肉，煲到個肉「上左色」，而且油脂不會很多，應該經過隔油嘅過程。強化此湯嘅益心排毒功效呢🔷川式酸菜龍躉魚 💰238 💙80/100酸菜魚用的不是常見嘅鱸魚或鯇魚，而是高質龍躉，食到好少骨量，即使有都會屬大骨，魚肉又爽又有微彈口感，既新鮮又膠原蛋白豐富。另外酸菜底有四川風吹嘅泡菜及泡椒，煮得麻香滋味又不會覺得太辣。🔷得獎金磚脆豆腐 💰68 💙80/100豆腐面灑上左7味粉或椒鹽等調味粉，炸得外脆內滑，金磚外脆炸得薄而酥脆，不會覺得有油膩嘅感覺。🔷啫啫馬友蝦乾芥蘭 💰128 💙80/100芥蘭以鐵板盛載，仲係熱騰騰、香飄飄的。蝦乾煮得竟然如此淋，另下仲有辣椒絲，食到帶有微微的辣，芥蘭爽口且綠青青新鮮，非常滋味。

為食妹👧🏻最鍾意四圍食好西。訓晏咗口淡淡。同🐽仔去飮個下午茶先。😃Wow..😱呢個時勢要等位。😎一定有質素。酒樓有🉐️夾🍬食。So Amazing黑松露鮮蝦餃～細細粒一啖一口👍🏻。外皮晶瑩通透。蝦餃又香又爽口。💯。👅👅👅安格斯和牛腸粉～哈哈。。🐽仔話似食緊黑椒牛肉😛麒麟龍躉球煎米粉～份量大大。好彩同🐽仔食。唔係想食曬都幾難一件🐟一件米粉。米粉煎到脆卜卜。幾出色❤️形米粉牙🥰有d唔捨得放入口。😎

今晚同同事去咗銅鑼灣食飯，因為啱啱收完工，同埋見好耐都未食過海鮮，咁就揀咗呢間星海薈，一入到去，啲裝修我覺得都幾靚幾華麗，因為其實呢一間嘢我覺得主打係婚宴，咁我見佢呢家胡椒蟹係做緊promotion咁我就同同事一齊去試下。招牌白胡椒蟹： 一講就一定要講呢個主角先，因為佢今期推介其中之一款，一上碟係用鐵板上嘅， 咁我覺得熱辣辣咁，令人食指大動，而且佢嘅香味及味道都幾濃厚，同埋呢一隻蟹我覺得都幾大隻， 應該係肉蟹，咁就可以啖啖肉，蟹蓋亦都幾多糕可以去食，佢個汁嘅都充滿咗好多白胡椒，雖然係辣辣地 ，但係我覺得幾惹味，可以媲美避風塘炒蟹，佢咁樣煮我都係第一次食。 呢個蟹我個人推薦， 如果食得海鮮嘅朋友呢個係一定要試吓。菠蘿咕嚕肉: 呢個菠蘿咕嚕肉係我最鍾意嘅餸菜之一，所以第一次嚟譽宴就試嘅手勢同埋試下廚師嘅功力，好彩叫咗呢一個餸，绝對冇後悔呀，我覺得呢個餸因為佢煮得真係好好味，因為佢整到個咕嚕肉外脆內軟同埋佢用咗新鮮嘅菠蘿，令到成個餸生色不少。 呢個餸個人極力推薦。黑蒜燉雞湯: 最後呢一個湯其實都幾好飲，因為係佢地主打之一， 黑蒜可以令到免疫系統增強及抗氧化和抗衰老，所以係呢個時勢我都建議大家

媽咪最鍾意食蟹，今日就帶埋佢專誠黎到譽宴食白胡椒蟹。餐廳環境有格調，店員全程服務周到，密密幫手斟茶，食物質素都相當唔錯。黑蒜雞湯聽講黑蒜營養價值高，又殺菌消炎增加抵抗力，於是就決定每人黎一碗黑蒜雞湯👅碗湯上枱時熱辣辣，雖然係雞湯但無油膩之感，味道好似老火湯咁，飲完覺得個胃暖笠笠。今次係我人生第一次食黑蒜，本身好擔心個味道會好重，但食落並沒有難聞既味道，只有淡淡既蒜香🧄士多啤梨大蝦球一向都好愛士多啤梨系列既菜式，以新鮮士多啤梨製成既醬汁，酸酸甜甜好開胃。而蝦球更加係100分，香口惹味，口感帶點微脆。粒粒蝦球都份量十足，食到我lam lam脷，味道相當有水準。招牌白胡椒蟹黑胡椒蟹就食得多，白胡椒蟹就真係未食過。上枱以鐵板盛載住原隻白胡椒蟹，聞落去香噴噴，好吸引。白胡椒蟹香口得黎，又唔會好似黑胡椒咁辣同重口味，食落唔會覺得膩。廚師幾細心，胡椒蟹已經分拆好唔同部位，蟹殼都經已處理好，我地好方便就食到啖啖蟹肉。蟹肉有香濃白胡椒味，肉質香滑，而且份量好多，好適合多人分享。

今晚去完時代廣場就搵地方食飯, 隨便揀左間酒樓食小菜估唔到一入去裝修咁靚, 果然係專門攪婚宴既專門店. 長長既旋轉樓梯, 係一個吸晴既打卡位整個場有2-3枱客人, 難得可以靜靜地食餐飯, 享受一下咁靚既環境叫左一份菜一份肉, 黑醋蜜燒一字骨同豉蒜涼瓜炒鳯片黑醋骨酸酸地, 肉質好juice, 唔會炸到好乾豉蒜涼瓜炒鳯片, 涼瓜脆口夠哂獲氣, 唔錯.食完又有糖水送. 可以慢慢食住糖水傾下計, 係一個聚會既好地方.

今朝約咗爸爸去銅鑼灣利舞臺嘅譽宴。星海薈飲早茶，酒樓平時係做婚宴場地，所以樓底高，布置得好豪華，好有氣派。桂花蛋散好好食，蛋散超鬆脆，配上桂花蜜甜甜地，食落口感有啲似馬仔。豉汁蒸虎皮椒香口，豉汁有少少辣，味道不錯。蟹籽燒賣皇大大粒，入面有一隻蝦仁，足料。金銀蒜蒸娃娃菜啱曬我，我鍾意食菜，蒸得又淋甜又又入味，每一片菜都充滿絕蒜香。好耐冇食過混醬腸粉，所以就叫咗一碟，味道ok。呢度飲茶唔算貴，埋單都係百幾蚊，以呢度嘅環境服務來講都幾抵。