星海薈 (利舞臺廣場)

營業中

休息中

Weekend 家庭樂，想同父母係銅鑼灣逛逛之餘，仲想陪佢哋飲下茶，又想搵間坐得舒服景觀又好嘅酒樓，最後選了 譽宴。．一入門口已經覺得裝修好華麗，父母都覺得坐都唔舒服。．去到咁靚嘅酒樓，一定要叫番啲點心，去品嚐一下。．其實一坐低已經叫咗好多碟點心，有燒乳鴿，招牌小籠包，腐皮蝦卷，椒鹽豆腐，以及韭菜餃等等。除了賣相精緻，食落口感不俗，亦都盡顯中菜嘅手藝。尤其是點心皮簿餡靚，溫度適中，符合高級中菜特質，父母亦都非常滿意。．最後我哋亦都點了甜品作為完美嘅點綴，燕窩360牛乳燉奶，除了賣相不俗，食落去滑嘟嘟，口感十足，感覺好似好養顏。．總括而言，今次試過銅鑼灣譽宴，覺得點心精緻質素不錯，期待下次同父母試吓佢哋嘅晚飯菜式

金磚豆腐 💲58沙薑豬手粒 💲52叉燒酥 💲32蝦餃💲41棉花雞/南翔小籠包/十菜鮮蝦春卷 💲36茶芥 💲15/位✅ 一嚟就有成盆熱水俾你清洗碗碟 成件事幾震撼🤣✅ 豆腐同豬手粒作為餐前小食好開胃🤰🏻 前者外皮鬆脆內裡軟滑 後者沙薑味濃 各有特色✅ 棉花雞名副其實係將棉花同雞分開🤩 配埋淮山啖啖滿足👅Taste：3.75/5💰CP值：3.5/5🙋🏻‍♀️Service：3.75/5👁‍🗨Stylishness：4/5

已經有一段時間沒有到過譽宴，今天突然心血來潮，即跟同事到此午膳。位處利舞台，方便就腳，加上有專用客，免卻大排隊。曾在親友婚宴中留倩影的花海樓梯，依舊迷人，令人好不懷念！疫情期間，酒樓提供熱水一窩連同鐵夾，以洗滌餐具之用，方便貼心。隨意點了些點心，脆皮金磚豆腐，是小妹喜愛的炸點，外脆內軟，炸皮微脆，中間的豆腐嫩滑燙口，喜歡它大大塊的，可以更好品嚐豆腐的味道。鮑汁鳳爪，鮑汁夠濃且味鮮，花生及鳳爪夠稔身，好味道！多出來的鮑汁，跟灼菜或炸豆腐一起食，味道即時提升，同時又不會浪費！🤭🤭十菜鮮蝦春卷，春卷皮脆，蒜味十足，我喜歡！沙律醬代替一般的喼汁，西式得很！養生山藥棉花雞，賣相整齊，山藥健康，魚肚美味。香麻叉燒酥，賣相精美，酥皮鬆化，芝麻夠香，叉燒饀料味道適中，屬高質素的叉燒酥👍💖💖偷得浮生在忙碌工作來個優質午飯，叉電回氣的好選擇！

阿媽想飲茶😌放假黎咗「譽宴」試下！而家疫情甘🉐️人驚！見到甘真係食得安❤️又放❤️點心選擇多多！價錢大眾化！👍🏻食乳鴿米以為大牌檔先好食！呢度皮脆肉嫩！唔洗點准🧂同醬汁已經好鬼🉐️食蝦餃燒賣飲茶例牌要order !🤩嗌咗個洞庭湖海鮮泡飯（跟脆米）！泡飯（筆）出黎有7-8碗！配埋脆米食落有口感！海鮮唔只魷魚菇菇點簡單！呢個泡飯真係大件夾抵食！🤩🤩近d睇下。海鮮有蚌同帶子。相當有驚喜！😍

記得小時候常跟家人去飲茶，長大後好想小了很多。以前覺得飲茶是很傳統的東西，酒樓也很四正。但今天到了這間新派點的酒樓，感覺很不同，好像在星海下飲茶！每次飲茶必點的是燒賣，今次也不例外。裡面的肉肥瘦剛好，不會有很多肥肉。第二最愛當然是灌湯餃。小時候覺得這道菜有點奢侈，但長大後覺得有時工作得辛苦，偶然要吃得奢侈點獎勵自己。而這裡的灌湯餃絕不會令你失望，外皮軟硬剛好，而且湯底夾雜著胡椒香味和濃濃的雞湯，餃內也很足料，真的要試！飲茶當然不少得蝦餃，而這裡是黑松露蝦餃，皮薄黑松露味香非常難得！蝦也很新鮮。最好吃的當然是這個，咕嚕蝦球煎脆麵，脆麵非常脆，每一口點一下甜酸剛好的咕嚕醬，會吃個不停。蝦球也炸得很脆，而且蝦也新鮮，很令人回味如果叫我吃一整碟都ok！

2020年4月17日 星期五疫情底下好多人都需要留在家中，餐廳就需要實施限聚令，禁止四人以上聚集，每張枱之間都要1.5米距離，所以今日好難得同屋企人出去飲餐茶，估唔到呢件事係現今嘅香港之下都變得咁難能可貴今日去到銅鑼灣嘅譽宴飲茶，見到每張枱之間都有足夠嘅距離，而且每張枱最多只限坐四個人，所以人唔算太多，而我哋更加分配去比較人少嘅位置雖然人客少咗，不過食物嘅種類無少到，仍然有咁多選擇，仲見到有早晨孖寶套餐添，價錢都冇特別點樣加價首先黎嘅點心係香麻叉燒酥，賣相好精緻，咬落去好鬆化，裏面嘅叉燒好入味之後有海蜇燻蹄，食落去好爽口，加埋酸醋一齊食，會更加開胃之後有薑蔥撈粗麵，份量好大，三個人都未必食得晒，而且麵質好彈牙之後有虎皮尖椒，一咬落去已經感受到虎椒嘅辣勁，嗜辣既朋友必食然後仲有黑松露鮮蝦餃，冇諗過蝦餃都可以配黑松露，食落去又出奇地配合，咬落去已經充滿黑松露嘅味道，但係蝦既鮮味仍然保留最後仲有鮑魚汁雞腳，炆得好入味，雞腳咬落去係好軟身，鮑魚汁同花生嘅味道同雞腳都好夾，食到停唔到口冇諗過飲茶係呢一刻嘅香港來講都變成咁奢侈嘅一件事，真係要好好珍惜同屋企人相處嘅時間

今日同屋企人嚟銅鑼灣飲茶，搜羅到呢個環境同食飯都好值得推介嘅酒樓。商場有酒樓嘅專用電梯，一開𨋢門...嘩..., 長長嘅樓梯，好華麗。第一個感覺係...喺呢度擺酒，同酒店級數有得揮👍🏻叫咗唔同款式點心「金牌流沙包」熱辣辣金黃流心湧出來。「碧玉鮮蝦腸粉」大大隻新鮮爽口彈牙鮮蝦。「南翔小籠包」睇相片就見到造型擺設幾精緻，超多肉汁。「香蒜水晶粉蒸鮮魷」底層有彈牙嘅粉皮, 辣辣地好惹味，鮮魷好爽滑👍🏻「十菜鮮蝦春卷」長長像蛋卷一樣，配沙律醬，脆卜卜「叉燒」份量都幾多，濃郁蜜汁，肥瘦好適中，Yummy😋今餐食得滿足又滿意，以後喺香港島想飲茶，一定會再嚟呢度👍🏻👍🏻👍🏻

近排無飲茶好耐🥺所以就同 friend 兩個人去左譽宴．星海薈 度嘆翻個早茶☕️紅燒王子乳鴿🔥乳鴿 size 比較細，不過外皮燒得好脆，而且入面嘅肉質仲好嫩滑😋另外仲有附上黑醋同椒鹽調味🧂安格斯和牛腸粉🐂牛肉充滿黑椒汁，牛味濃郁🤤腸粉米香香濃，口感滑溜👍🏻薑蔥蒸牛栢葉，牛栢葉夠爽彈😝而且份量唔算少☺️鮮蝦水晶韮菜餃🥟外皮晶透煙韌，鮮蝦彈牙大隻🦐鮑魚汁炆鳯爪，鳯爪已經入晒鮑魚汁味，醬汁濃厚🥰招牌酥皮焗大蛋撻，酥皮幾鬆化😌而且唔會太厚

每次到譽宴飲茶吃飯都好開心，今次來到銅鑼灣利舞台5/F的譽宴·星海薈，同之前始創中心分店(現已close)一樣，都係獨立電梯到達，有升呢之感覺。而呢間有個旋轉梯級，好適合結婚擺酒影相，而樓底勁高，真係好好feel。環境好之餘，吃嘅好亦好緊要，最開心呢度啲點心都幾創新，唔係周圍都吃得到。蝦餃，魷魚都係我哋平時必叫之物，今次呢間有D新意思，就係加咗黑松露嘅蝦餃，首先蝦新鮮又足料，而海鮮和黑松露本身係絕配，所以這個『黑松露蝦餃』矜貴得來又好食，而魷魚真係唔係好多間有得吃，平時有得吃時都係蒜蓉粉絲蒸鮮魷，而今次就用爽滑水晶粉代替粉絲，另有一番滋味，正。亦叫咗味小菜，就係『五香牛雜』，有牛肚， 牛腸，牛潤，牛肺，五香味好濃香，啲牛雜好乾淨，完全冇『腥』味，吃到幾咁滿足。蘿蔔絲脆網腸粉及粗糧糕亦係上上之選。

My lunch partner and I came for dim sum on a weekday afternoon. We were so surprised that it was quite full even during this period of pandemic with so many restrictions on eat-in services. It was almost half full and there was really a reason which you would soon know after reading on.They gave us a big pot to sterilise our eating utensils by hot water on our own.  茶位 was $15+10% per head. My lunch partner ordered 龍井 which I didn't try but it smelt so good. The cup set, bowl and plate looked qu

見復活假期，陪下Daddy飲茶。睇佢裝修係專for婚宴既場地。.紅燒王子乳鴿 ($55)分數: (8/10)平時最怕乳鴿燒到乾爭爭好硬，呢個相反夠juicy，肉夠嫩，唔落調味都好味。.鮑魚汁炆鳳爪 ($58)分數: (8.2/10)鳳爪新鮮出爐，個煲好辣手，難得見到鳳爪係咁肥嘟嘟，炆得好冧，好入味。.黑松露鮮蝦餃 ($36)分數: (7.8/10)有淡淡黑松露香，不濃烈，蝦彈牙，但皮唔夠薄。.南翔小籠包 ($31)分數: (7.7/10)設計特別，令小籠包不容易破皮，肉汁豐富。.招牌酥皮焗大蛋撻 ($26)分數: (7.8/10)酥皮很鬆脆，個底唔會黐埋一舊，如果蛋再滑啲會更好。.布拉米皇腸粉 ($26)分數: (6/10)腸粉雖然滑，但皮較厚，太大條，有提供甜醬麻醬，但腸粉痴唔到個醬，稍遜。.最後，酒樓送了每人一碗蕃薯糖水作飯後甜品。

因為疫情關係，好耐都無同家中女皇去一盎兩件下啦！！！呢日平日中午唔洗開工，就趁人少少帶左女皇黎嘆茶食點心：）呢度主打做宴會，所以場地夠大之餘，裝修格調華麗，女皇都好滿意xpp坐低無耐，店員就捧左一大盤熱水俾我地消毒餐具，感覺乾淨衛生！之後開埋茶（午市茶芥HKd$15）就可以慢慢揀食乜，準備開餐啦~~先黎蒸類點心：“蟹籽燒賣皇”HKd$18+10%同“鮮蝦水晶韭菜餃”HKd$36+10%兩款都好足料，唔會混入大量肥肉，真材實料特别係個燒賣，18蚊有四大粒好抵食之後再有“碧玉鮮蝦腸粉”HKd$41+10%一份有六大件，每件都用滑溜腸粉包住原隻爽彈大蝦仁然後既“咖喱薯角蒸土魷”HKd$36+10%同“五香牛雜”HKd$68+10%就係濃味之選！！份量亦唔少，唔係怕會太飽食唔曬既話，真係想嗌返碗白飯黎送下女皇仲要左碟惹味有鑊氣既“xo醬肉鬆四季豆”HKd$45+10%，又係送飯一流xpp最後嗌埋單時仲送左兩碗暖笠笠既蕃薯糖水俾我地甜一甜，好貼心喔！！呢度既食物水準不錯，環境場地夠企理舒適，店員亦都好有禮貌，整體都幾好！有機會帶埋大帝黎吃下點心先得♥♥♥

今日平日來到銅鑼灣買點糧食，順道陪爸爸媽媽吃個午餐。坐下後店員會拿來一大盤沸水，消毒碗筷！蟹籽燒賣皇 $18$18四大件蟹籽燒賣真的不貴，而且品質高，非常非常值得叫！香麻叉燒酥 $32叉燒酥熱騰騰，酥皮鬆脆，蜜汁叉燒味道一流，出色！脆皮金磚豆腐 $58金磚豆腐外脆內軟，調味出色，很久沒吃過了！話梅鐵棍淮山 $52份量、賣相不俗的淮山，入口比較粉身，相對其他菜色比較淡味。薑蔥龍躉頭腩炒河 配 鹹菜豬肚 $148大大碟的炒河，足夠四五人每人一大碗。龍躉頭腩大大塊，多肉又惹味。鹹菜豬肚胡椒味香濃，豬肚夠爽口入味，配上腐竹、芹菜、木耳等等再喝湯，真的很不錯！這次來感覺比上次還更出色，價錢非常划算，飽得晚餐只吃了水果呢！

近排成日食打邊爐🍲西餐🍽韓 🧆日 🍣越菜🥗，今次去銅鑼灣附近見到酒樓裝修比較華麗，坐喺度食點心特別舒適⭐️✨.♡ ♡ ♡黑松露鮮蝦餃大大粒蝦餃，餃子皮晶瑩通透見到黑松露餡料入面，一啖咬落去陣陣黑松露味道散發出嚟味道啱啱好唔會過重黑松露.♡ ♡ ♡胡椒濃雞湯灌湯餃胡椒香味好撲鼻，雞湯用咗心機時間咬制而成嘅雞湯味道一入口腔滿滿膠質非常濃郁，灌湯餃分量特別多啖啖肉好鮮嫩，之後食落口雞肉好滑好腍，食咗一碗填飽左4成胃，推介一試.♡ ♡ ♡ 養生山藥棉花雞雞汁滲透鮮淮山 、杞子同魚肚好入味雞肉好嫩滑，滋補養顏又好味.♡ ♡ ♡ 砂鍋鮑魚雞粒燴飯用鮑魚汁炒雞粒飯特別香，鮑魚粒增加口感炒飯粒粒分明，用咗砂鍋炒個飯飯餸到枱上依然保持熱辣辣，自己再加咗XO醬味道濃郁，好味

相信大家食晏有時都會想飲下茶，今次就試咗利舞台呢一間酒樓。裝修富麗堂皇，而且亦都有遵守人流管制所以食得放心。黑松露鮮蝦餃黑松露嘅味估唔到同蝦都幾夾，而且蝦肉爽口彈牙，令人回味無窮。金牌流沙包流沙包比我嘅感覺就係中式嘅心太軟，呢款流沙包完全做到流心嘅感覺，一撕開留心汁爆曬出嚟，味道方面唔會太甜，唔鍾意食甜嘅人都可以試一試。咖喱薯角蒸土魷呢類型嘅點心最怕就係咖喱汁同食材本身嘅味道分開，食落口會食到咖喱汁嘅味但係食材本身冇味，但係呢度嘅薯角同魷魚都十分入味，而且魷魚一啲都唔韌，一款出色嘅點心。酥皮焗大蛋撻必點之選，酥皮厚實，蛋撻香滑，大滿足。XO醬蘿蔔糕蘿蔔糕口感好重要，煮得太糊就會好似食泥，呢個蘿蔔糕完全做到我喜歡食嘅厚實口感，再加埋少少辣嘅XO醬調味，非常開胃。總括嚟講呢間酒樓嘅點心都好有質素值得一試。