星海薈 (利舞臺廣場)

營業中

休息中

今晚嚟到CWB食中菜^^ 揀左口啤幾好的譽宴~ 媽咪一定會滿意啦! 譽宴菜式多, 價錢中上, 同屋企人嚟就最好啦~ 🐷先叫左一份叉燒, 可見肥瘦適中, 上層仲有DD焦糖化左的, 食落口又香又脆~ 肉質都好juicy! 加上甜甜的汁, 撈飯一流^^ 😋之後就點左個蒜蓉蒸扇貝~ 好耐冇食啦! 蒜香味十足, 下面的粉絲吸哂D鮮甜味! 扇貝都幾大只, 肉質彈牙!! 😚最後當然要叫番個炒菜啦~ 鑊氣夠又唔會老! 上面仲有唔少的肉碎, 食落豐富多了! 🥰

裝修真係好靚，食既野都係d大眾平民野食，值得一讚係侍應們都好有禮貌，而且好helpful。當晚我地叫左三樣野，咕嚕肉上菜既時候熱辣辣，個醬汁酸酸甜甜，超開胃，配飯食好正。櫻花蝦蝦仁煎蛋超大份，蝦仁唔算多，但個蛋煎得好香，都係送飯良物。最後仲叫左個上湯娃娃菜，比起其他炒菜無咁油膩，娃娃菜煮得好甜。整體餸菜都好大碟，一定食得夠飽，適合一家大細黎食。睇其他食評午餐點心真係幾靚幾精緻，希望下次有機會試下。

外國親戚黎香港玩梗係要帶佢地食中菜啦😝今次專登research咗一間充滿華麗氣派嘅餐廳俾佢地可以舒舒服服咁嘆中菜🤤-🦐秋葵蝦乾炒帶子 $148不嬲都鍾意食秋葵 覺得佢好食又健康😝依度嘅秋葵出面爽口 入面有小小滑潺潺嘅感覺同蝦醬味好夾好惹味☺️帶子有成十幾粒 粒粒都好厚肉勁足料🤩係我依餐最鍾意嘅餸🥰-🍖黑醋蜜燒一字骨 $108一字骨係晚餐嗌餸必點🤣🤣肉質嫩滑易咬 啖啖肉極滿足🤤好鍾意佢黑醋做燒汁 酸醋甜甜啱哂餸飯🍚-🐟清蒸沙巴龍躉 $128$128有一斤龍躉真係好抵食!!!🤑佢地掌握個時間同火候啱啱好 唔會蒸得過老 keep到魚肉彈牙配上豉油 perfect-個人覺得係度食飯性價比好高🤩食物定價中等 但佢嘅環境比其他酒樓舒服好多仲要有條旋轉雲石大樓梯俾人打卡 不錯唷😼

向來不喜歡上茶樓的我，最怕嘈吵和食物較油膩。今晚來到這裏就有所改觀，原來茶樓都可以這麼華麗得來又富有時尚感，樓底超高，寬敞沒有壓迫感，相對亦較寧靜和舒適。服務方面也很好，我看到侍應為鄰枱的小朋友端上一套塑膠造的兒童餐具。另外還主動幫我用椅套蓋住件褸，是主動的啊！真是值得一讚。✨黑醋蜜燒一字骨✨$108小菜賣相很精緻，糖醋汁緊緊包裹着一字骨，甜酸適中很好味，肥瘦也適中，鬆軟唔韌，火候掌握得很好。✨秋葵蝦乾炒帶子✨$148帶子大大粒，還有八粒這麼多，蝦亁亦是大隻那款，毫不吝嗇，配上秋葵，這道菜可算是惹味、得體又健康的選擇。✨燒汁鮮淮山茄子✨$88淮山、茄子去皮切條點粉漿再炸，食材本身沒什麼味道，全靠燒汁加添美味，這個要趁熱食啊！放涼粉漿就會變淋。✨燕窩3.6奶凍✨@$35有滿滿一茶匙燕窩，奶味亦超濃。份量就細左少少🙈

其實平時出街除左做節就好少食中菜，但同屋企人食就近近地搵左間酒樓。譽宴通常感覺都係擺酒用多，但平日都係有好多散客既酒樓黎。首先講下翡翠燒豆腐，D豆花真係超級滑，而且個皮炸得好好食，香口得黎裡面又滑一滑，好感好好，有菇、菜同蘿蔔絲墊底，浸晒汁送飯一流。水蜜桃咕嚕蝦球，平時食慣用菠蘿伴碟，但原來水蜜桃伴係特別甜，個汁好好味又唔會甜到漏個隻，D蝦乾淨同新鮮，而且粒粒都大啖啖肉，D肉係實同埋肥美!!芥蘭，都係諗住出街都食下菜，但餐廳仲細心過阿媽，佢D莖係有削外皮，咁食落就唔會有渣，非常貼心。而且冇苦味、夠腍、但又keep住好翠綠，廚師既功力真係好夠。睇左佢地個新年團圓餐，都真係唔貴，呢個地段、服務同食物質素，我地都話好值得考慮。餐廳樓底高，冇任何壓逼既感覺，而佢D裝潢都好靚，其中鯉魚燈同埋門口花花門最grand!

返左工之後，我係星期六或日寧願係屋企訓耐啲。今日決定不再「頹廢」，同女友係中午12點去到銅鑼灣既譽宴飲茶。譽宴既裝潢相當豪華，天花裝上巨型水晶吊燈，令自己恍如置身星空下，相當夢幻。不過裝潢係其次，食物質素先係最重要。酸薑糖心皮蛋係其他酒樓未食過，每件皮蛋下面有兩三片酸薑，皮蛋充滿黏性，令皮蛋容易沾滿糖。味道層次豐富，令我一食便愛上。翡翠明蝦餃有一點點金箔。雖然餃子皮呈翠綠色但仍然晶瑩剔透，見到皮入面有兩、三隻蝦。食落同一般蝦餃無異，不過蝦特別彈牙。蟹粉小籠包應該叫大籠包，差唔多有我拳頭咁大👊🏻 由於小籠包太大，所以皮唔會太薄，不過食落皮唔會太厚以致影響口感。入面多汁之餘，蟹黃香味係咬開皮既一瞬間釋放出嚟。棉花雞入面嘅雞件超級嫩滑，不過雞油有啲油膩，加左杞子令雞件帶少少甜。豉汁蒸鳳爪係經典點心之一，皮同骨能夠輕易鬆開，而且比其他茶樓嘅鳳爪較多肉。沙薑豬手粒爽口肉質唔硬，加左芝麻更香。雖然人均消費超過$150，不過返工咁辛苦，間唔中要食好啲慰勞一下自己😎

新年新景象，藉此與友人們聚一聚檢討一下未來的新動向。聚會酒樓是最適合地點。利舞台食肆多，選擇了譽宴，地方大，容易搵位。時間尚早，果然有好位置。翡翠明蝦餃名子美麗，賣相同樣美麗，翠綠的餃皮，還有金泊，好華麗。皮薄餡靚，蝦隻爽口彈牙，好味。酸薑糖心皮蛋是中國人食物的精粹，皮蛋的甘香配搭酸薑，絕妙！法國鵝肝煎餃子，用了矜貴食材，華麗轉身，不一樣的餃子。味道高雅有口感，創新。冬菇飽造型巧可愛，末食己心動。非常軟熟，餡料是紫薯蓉，不會過甜，值得推介。

平日夜晚想同朋友搵個好坐既地方傾下計，揀左婚宴場地譽宴，環境幾靚。海鮮超值三寶 ($468)有齊哂我地想食既龍蝦、燒雞同豆腐羹，物有所值。芝士焗龍蝦伊麵好有水準，龍蝦夠新鮮，煮得岩岩好，彈牙嫩滑，連細細既關節位都好多肉，十分滿足。  同朋友都好鐘意食伊麵，索哂上湯同龍蝦精華，食到停唔到口。脆皮一品燒雞同預期一樣脆身又乾爽，雞肉醃得好入味，基本上台台都有一碟。碧綠海皇豆腐羹份量十足，差不多有八碗。 除左豆腐之外有好多海鮮，鮮甜程度其實應該改名做海鮮羹，性價比奇高。清炒芥蘭 ($78)爽甜唔苦，欣賞炒菜完全唔油膩。

小時候常常跟家人去酒樓吃點心，人大了反而越來越少時間能這樣做。聖誕節難得大家都放假，便去了銅鑼灣的譽宴·星海薈共進午餐。金磚脆皮茄子 $48以鹹蛋黃包著炸得香脆的茄子，挺有新意的呢！金菇安格斯牛肉腸（特）這個腸粉好吃！法國鵝肝煎鍋貼（大）法國鵝肝煎鍋貼賣相一流，鵝肝味不算太濃郁，但調味口感很不錯。灌湯小籠包（大）灌湯小籠包湯甜餡靚，很快就都被消滅掉了。香滑紫薯冬菇包（大）冬菇包賣相出眾，而且意外地是紫薯餡，不會過甜或過膩，挺好吃的呢！這裡環境好，坐得舒適，點心出品也不錯，服務也挺好的！

是日同HONEY去銅鑼灣SHOPPING，下午差不多肚仔餓，HONEY話好耐都無去過飲茶，去到利舞台附近見到有譽宴·星海，就決定去飲下茶╴食下點心啦門口給條華麗的樓梯吸引住，之後坐底，HONEY同我點左D點心同小食，點左翡翠明蝦餃，小龍包，棉花雞，鳳爪，炸乳鴿同埋泡椒鵝翼，翡翠明蝦餃翡翠明蝦餃外皮明綠色，加上大大隻蝦肉，真的一口一啖好好味~~小龍包小龍包上有貼心的工具，可以方便地拿起小龍包食，小龍包湯汁好多鳳爪鳳爪真的好入味，咬下時軟軟地，真的同HONEY爭食，棉花雞棉花雞有淮山同埋魚肚，雞肉好滑，泡椒鵝翼泡椒鵝翼真的好惹味，愈食愈想食炸乳鴿炸乳鴿估不到在茶市都有得食，炸乳鴿肉汁JUICY，脆口無比哩度的茶市都唔錯，加上高樓底，真的值得一試~~

從吃不厭倦滋味再遇新派酒樓風範有别於菜餚氣派「星海薈」堅持粵菜手工精細概念配上烹調技巧顯出滋味這裏裝潢有別於一般景象，寬趟大廳華麗創意開揚，內外觀舒適既空間光亮潔淨融匯婚禮氣派「熱情果龍仔大蝦球 $128」賣相每口一啖軟腍彈牙既蝦球，簡單得黎非常圓滿，雪白無瑕的色澤注入芒果味覺兩者甚夾兼且有咬口鹹鮮雙重誘惑一站式滿足「黑醋蜜燒一字骨 $108」「啫啫蝦干芥蘭煲 $98」即叫即燒蜜骨比一般肉色亮色更重，半肥瘦嫩香肥而不膩既脂肪比例分怖啱啱好，緊封鎖緊肉汁的温度而言不僅是單選或指定優惠菜式看己可口簡單三餸一飯己經很滿足

性價比超高的嫩滑沙巴龍躉～～～餐廳名稱：譽宴．星海薈 (銅鑼灣)餐廳地址：銅鑼灣波斯富街99號利舞臺廣場5樓～～～明年好友結婚 可是他還沒有找到場地 所以身邊的朋友們都在幫他得閒就物色下有沒有什麼好地方擺酒 我和大舊跟那兩位凖新娘新郎都非常熟 所以平時出街都有幫他們留意下 這晚下班剛好想不到吃什麼好 就決定把晚餐時間去找間婚宴酒樓食下飯 順便幫朋友參觀下 試下菜😊～～～我們這次就選了這家在銅鑼灣開業不算很久 非常新的婚宴專門店 他們在利舞臺有一條獨立電梯 對賓客來說 很是方便 上去之後 一踏出門口就看到超美 佈滿花🌸裝飾的長樓梯 非常有氣派 完全不輸5星酒店 婚宴場所來說 環境算非常高級 食物方面 他們有很多精選特價海鮮 好抵食 我們最後叫了 兩碗飯 一條清蒸沙巴龍躉 兩碗燉湯一碟蒜蓉炒西藍花🥦同熱情果籠子大蝦球 ☺ 這一餐有魚 有菜 有湯 有飯 有小菜 非常豐富 讓我們頓時開心得忘記了我們來這裏的目的 是幫朋友參觀婚宴場地及試菜😆～～清蒸沙巴龍躉火候控制得啱啱好 大舊很愛龍躉但其實我不算是特別喜愛龍躉的人 因為龍躉經常都容易蒸得太硬身 但這裏的龍躉非常嫩滑 好吃得不得了 好耐沒有吃過

好耐無喺銅鑼灣飲茶喇果然同個名一樣 有星海既感覺的確好適合搞婚宴呀😌裝修得幾有氣派 環境唔錯原來提前訂枱飲茶 茶錢半價呀餐具都幾靚酸薑流心皮蛋點糖食 成個配搭好夾！皮蛋好流心呀好好食 夠哂開胃鵝肝煎鍋貼漲卜卜好飽滿仲好多汁 一咬噴汁 我都嚇一嚇 無預過會爆汁架😂😂😂冬菇包裏面係滑滑紫薯蓉好睇又好食 啲紋做得好似好過癮翡翠明蝦餃好飽滿 皮透薄 加左金箔賣相更精緻小籠包每個小籠包都有個竹托托住好可愛呀2個人食岩岩好 抵食又夠飽枱與枱之間又唔貼 可以再黎！

之前同成班朋友黎食過晚飯 小菜都做得幾好 今晚就同男朋友撐枱腳先🙆‍♀️其實呢度有個好靚嘅花海decoration 結婚行落樓梯影相用💁🏼‍♂️ 不過我就覺得樑柱多咗啲但整體裝修都幾靚幾grand💁‍♀️晚市而家有啲優惠菜式 我地要左三個餸☺️蒜蓉粉絲蒸大元貝 優惠做緊$98 一於試吓先有好多蒜蓉粉絲好香 好惹味💁🏼‍♂️ 元貝都幾大粒好鮮甜 蒸得一啲都唔老 食落好嫩滑仲幾juicy💁🏼‍♂️💁🏼‍♂️💁‍♀️糖醋骨 骨邊有啲脆脆地嘅口感 唔同出邊一小粒果啲糖醋排骨 帶骨炸特別香脆🙆‍♂️ 軟骨既部分都幾爽 整體肉質唔會話過淋💁‍♀️ 有咬口 唔似用好多添加劑去鬆肉 所以要有啲牙力先食得💁‍♀️另外甜酸度剛剛好 微酸少甜 餸飯一流💁🏼‍♂️要健康啲食番個 蒜茸炒菜芯💁🏼‍♂️ 最後每位送碗蕃薯湯水 好足料💁‍♀️💁‍♀️ 薑味濃 冬天食完暖粒粒☺️

譽宴我都食過好多間，今次就試下銅鑼灣既星海薈。星海薈係利舞臺廣場，上去既時候有段小插曲。因為我係 uniqlo 入，上到二樓轉電梯，但入左電梯先發現去吾到5樓，原來星海薈係有專屬電梯。星海薈裝修好似酒店，特高樓底加上旋轉樓梯，好有氣派，啱晒擺酒。今日黎係中午食點心，睇下餐牌，屬於銅鑼灣區中等價錢。翡翠明蝦餃 ～$1優惠價，菜汁整既餃子皮再加上金箔，盡顯心思。蘿蔔絲脆網腸粉冬菇包～紫薯餡法國鵝肝煎鍋貼XO醬炒腸粉金銀蒜娃娃菜～炸蒜好香星級環境，高質數食品，中等價錢，CP值很高。