星海薈 (利舞臺廣場)

營業中

休息中

銅鑼灣利舞臺附近一向多好嘢食，今次專程去咗譽宴·星海薈食點心，叫咗黑松露鮮蝦餃、南翔小籠包、乾鍋醬金錢肚、香蒜水晶粉蒸鮮魷、蓮蓉大蟠桃、碧玉鮮蝦腸粉、炸鮮蝦雲吞、招牌酥皮焗大蛋撻、燕窩3.6奶凍。 黑松露夠矜貴，點埋新鮮嘅鮮蝦餃食味道絕對有水準，小籠包蒸得恰到好處，入面肉質鮮美，點埋醋及薑絲食絕對食到停唔到口。個金錢肚就好香口同埋比較少見到呢個做法，絕對值得一試，水晶粉索曬鮮魷嘅鮮味及蒜香味好好味，蓮蓉蟠桃入面嘅蓮蓉超多超香，鍾意食嘅我下次嚟一定要再試，鮮蝦腸粉入面隻蝦都好大隻，炸雲吞金黃色炸得恰到好處，酥皮焗大蛋撻絕對係推介之選，因為酥皮好有層次好 鬆化， 燕窩3.6奶凍就好滋潤而且賣相一流，絕對係打卡之選。

上星期街撞返一個當年非常要好既舊友！！個時佢全家移民所以斷左聯絡，原來前兩年因工作關係回流返港，咁岩撞返又認得，個刻真係好開心~~之後我地交換返聯絡方法，跟住就約左呢日出黎食飯聚下=）呢度整個環境都好舒適，店員既服務都唔錯！當日先要左三款點心同兩盎灌湯餃三款點心既味道都幾好，質素中上舊友偏愛外層酥脆鬆化既蜜汁叉燒酥我自己就特别質賞佢地既黑松露蝦餃係有瑩透外層，含爽彈蝦仁既大顆蝦餃内以松露醬提味，既是芳香亦是滋味而個灌湯餃更係驚喜之作除左有一大顆飽滿足料既湯飲，仲有數塊嫩雞件在内添！！以胡椒雞湯做湯底，每一口都香濃順喉架：）最後再要左個好夠鑊氣既章魚砂窩炒飯做主食！埋單每人大概200蚊左右，係呢個地段有如此質素，亦為化算喔！！

譽宴集團旗下嘅星海薈係幾靚既，上次去過觀塘嗰間，今日黎銅鑼灣，一睇就知想行婚宴路線，build in stage幾大backdrop又靚，整體裝修格調相對西式，呢間仲有專lift上黎，出lift有哂花橋樓梯比新娘落嚟....不過我呢啲已婚人士，都係睇番有咩食先🤣🤣🤣🤣中午飲茶叫咗幾個點心同一個炒飯。南翔小籠包一籠三粒，保持到肉汁，而且幾大粒，不錯。叉燒酥都幾好食，個皮有芝麻，夠香又幾鬆脆，個餡都好味。黑松露蝦餃有四粒，幾香黑松露味，蝦就大而爽，幾好！胡椒濃雞湯灌湯餃，呢個好嘢，一大碗湯胡椒味剛好，有點似飲緊胡椒豬肚湯既味，飲完暖笠笠。隻灌湯餃超大隻，餡料豐富，係個皮可能浸得耐淋咗少少，但整體都好味！仲有碟紅米炒飯係健康素食之選，主要配料係三色雜豆、蛋白加提子，所以食落甜甜地，就算無肉就唔會寡，又唔油膩，感覺健康！

終於可以和家人一起外出晚飯， 疫情漸漸減退， 大家外出的意欲按耐不住了。 媽媽就最喜歡吃中菜， 而且要湊住個孫， 最適合嘅地方當然係酒樓。 既可以坐得舒舒服服， 食物種類又多。酒樓晚飯時段，有好多唔同嘅配搭， 我哋諗住一陣都未有定案， 好彩有熱情經理推介晚飯孖寶， 抵食又好味。晚飯孖寶😀 鮑魚雞煲+金銀蛋莧菜鮑魚雞煲熱力十足， 雞肉軟嫩滑香口， 鮑魚仔入味淋滑， 比想像中的size大隻😀😀金銀蛋莧菜, 莧菜使用比較嫩嘅部分, 吸收到上湯嘅精華, 皮蛋煙煙靭靭, 加埋鹹蛋更加嘢味😋😋😋鮮菠蘿咕嚕肉咕嚕肉脆皮鬆化， 肉質爽口唔肥膩， 酸甜汁完美地掛在咕嚕肉外層， 仲有新鮮甜美的菠蘿， 姪仔食到舐舐脷😋😋😋黑蒜雞湯有益健康嘅湯水， 黑色嘅湯你會諗起啲乜嘢嘢？ 出乎意料地非常清甜， 順喉滋潤 ，加上黑蒜健康有益， 媽媽非常喜愛。最後送上香甜芝麻糊， 香濃幼滑， 如果甜度再減低少少就會更加好。😋😋😋

小妹出年結婚啦👰🤵，早排睇緊啲婚宴場地，星海薈就係其中一個，今日同未來老公仔嚟睇下個場，順便試埋菜。星海薈其實條譽宴集團近年創立嘅一個全新主打婚宴嘅品牌。開頭睇中佢嘅一個重大原因係佢門口嘅一條長長旋轉雲石樓梯，新娘子March in夠晒睇頭💖。 呢度以全新Club Wedding概念，設有Clubhouse常見嘅娛樂設施，例如：美式桌球🎱同卡啦OK音響設施🎤，令賓客享受奢華嘅消閒體驗。全場以浪費玫瑰金色為主調，配以華細緻水晶燈同埋華麗舞台，營造摩登時尚風格。一入座，店員即時拎咗一大鍋滾水比我哋清洗消毒餐具，安全意識做得好好👍。食物方面，店員推介咗我哋試下佢哋嘅鮮菠蘿脆皮咕嚕肉，同埋得獎金磚脆豆腐，另外我哋自己點咗一個者者馬友蝦乾芥蘭同埋黑蒜雞湯。首先飯前飲個湯先，近年好似都好興食黑蒜，黑蒜嘅好處真係多不勝數，總之呢個湯超養生，無得輸！個湯望落雖然黑忟忟，但飲落去好甜，又有啲似肉骨茶嘅味。鮮菠蘿🍍脆皮咕嚕肉：講真，真係未食過咁好食嘅咕嚕肉，無諗過原來咕嚕肉可以好食得咁緊要。首先伴碟有1/4 知真菠蘿🍍，賣相可嘉，配料都係用真菠蘿，唔係罐頭菠蘿。個皮嘅粉唔會太厚，咬落去好鬆化，肉質外脆肉軟

自從疫情之後，好耐都唔夠膽去茶樓飲茶啦，一大班人飲茶，除低個口罩咁耐，始終係有少少風險嘅，近排疫情好咗咁多，終於可以一家人去飲下茶啦銅鑼灣利舞台嘅譽宴。星海不嬲都做開婚宴，場地佈置真係一流，點知原來價錢都好親民，四個人去飲茶除開每人都係$100<黑糖蜂巢榚>見到有個黑糖蜂巢糕咁得意叫左個試下，口感好似椰汁糕咁，但係黑糖味嘅椰汁糕<叉燒酥>叉燒酥好足料，酥皮好重牛油味，叉燒亦都好甜好軟腍<蝦餃>蝦餃用新鮮蝦打出黎，隻隻蝦都好彈牙無雪味<虎皮尖椒>大食妹唔食青椒所以就無試到，不過媽咪話超好食<黃金磚>黃金磚超大份，外層炸到金黃色好香脆，內面包住好嫩的豆腐<沙薑豬手粒>呢個系重點必食之選，豬手粒雪凍左好似啫喱咁，沙薑味勁入味，爽口又解暑<菠蘿雞粒炒飯>炒飯真心夠五六個人食，飯粒夠爽身，雞粒爆香過先炒，最後食唔曬要打包

唔知大家有冇童年陰影呢🤣我既童年最唔鍾意既可算係飲茶🤯因為飲嚟飲去都係自己區個兩間茶樓😌食多咗唔同餐廳唔同既菜系菜式之後無咁頻繁飲茶 開始對飲茶有返啲懷念💭呢日大個終於可以決定起省城飲茶🤩試吓唔同既茶樓 唔洗個個禮拜都係食同一間茶樓既點心咁悶嘛😌呢次嚟到時代對面利舞臺一間high class小小既茶樓嘆茶☕️裝修設計方面同以往對茶樓既刻板印象唔同 望落燈線唔會太光太弱 環境用色主要係暖金同望落優雅啲個種冷藍色唔係一般酒樓既大紅大紫色都幾對應到佢叫星海薈同譽宴呢個名 呢度幾靚既裝修再加上佢個似係專注於擺婚宴酒席既店名之下佢茶市既出品竟然出奇地出色過好多連鎖酒家 真係出乎意料之外呢度唔止環境唔錯服務同衛生方面都做得好足夠👍🏻飲茶最怕遇到污糟既餐具 呢度既碗筷都好乾淨 但佢地會為嚟到既客人送上一大盆熱水俾客人親自再消毒一次 作為食客都覺得呢餐茶好得特別安心同乾淨啲😌講講呢度既主角 野食方面我哋叫咗三款點心同一份午市孖寶 有棉花雞 蝦餃胡椒濃雞湯灌湯餃 而午市孖寶就要咗個南乳粗齋煲同砂窩鮑魚雞粒燴飯 樣樣味道都好突出😛先嚟到既係南乳粗齋煲 飲茶想食下蔬菜既好選擇 個煲一上到枱就勁香🤯

今日同朋友黎到萃 #星海薈 ，之前黎既時段都係午市，點心小菜都無令人失望，所以今次就係晚市同朋友黎試下。依家中式酒家既菜式都已經多左好多選擇，又生果又川菜，所以我哋見到都覺得可以試下啲新野。第一個令人驚喜既係隊 #士多啤梨大蝦球 ，平時係出面食開啲蝦班都係「一口蝦」，但今次呢隻都真係幾大下。醬汁酸酸甜甜幾特別，真係有淡淡既士多啤梨香味，同平時食開既咕嚕系列相比呢個係會帶甜的。另外，川菜都係我同朋友的最愛。但係平時食開都唔會用龍躉，所以今次都係滿有期望的，估唔到黎到係咁大盤，真係一盤咁黎。我同朋友第一個想念就係，食唔食得曬，真係真材實料，啖啖肉既厚切魚片都份量唔少的。最後叫左幾碗白飯使湯飯，如果淨食應該會覺得咸左啲。乳鴿都係廣東酒家既特色菜，因為太耐無食，都係無令人失望，外脆內軟仲好juicy 的，記得趁熱食!最後晚市送上既馬蹄露都十分回味。

服務好 食物高質 環境靚 夫復何求～～～早前朋友與這裡結婚👰🏻婚宴安排得非常好 酒菜亦非常美味 為我和大舊留下了非常深刻美好的印象 所以現在就算不是來參加婚宴 我和大舊也很喜歡時不時就來吃個晚餐 每次來這間餐廳總是很喜歡他們的專屬電梯 感覺特別有氣派 上去後看見那個旋轉夢幻花花樓梯 更係令人很有想結婚的衝動～～～坐下之後 他們便提供一大兜熱水俾你消毒碗筷 非常細心 這次我們叫了兩碗燉湯 清蒸沙巴龍躉 招牌鮮菠蘿🍍脆皮咕嚕肉 和 隔夜涼瓜炆鴨掌～～～先講佢哋嘅沙巴龍躉 火候控制得恰到好處 啱啱好熟透 滑到不得了 啖啖食落去都覺得好新鮮 魚肉好紮實 食得出係非常新鮮嘅魚 加上嗰個又鮮又甜嘅魚豉油 用佢黎撈飯 真係此美食只應天上有🐟～～今次飲嘅燉湯係黑蒜雞湯 飲落黑蒜味非常重 抗菌又強身健體嘅黑蒜湯 非常適合而家呢個時候飲 就算我本身唔食蒜頭 都覺得呢個湯好飲到不得了 而且裏面仲有一隻軟腍到好似中咗化骨綿掌嘅雞腳 無可挑剔🥄～～～佢地嘅鮮菠蘿🍍脆皮咕嚕肉亦係令人一試難忘 脆度驚人嘅表皮 內裡包裹住嫩彈嘅豬肉 菠蘿🍍竟然唔係用罐頭菠蘿 而係用新鮮菠蘿 真係非常用心 好surprise 係目前為

今日係銅鑼灣既譽宴食午市，呢一排暫時都唔太要等位，一家大細飲茶黎講都幾方便👍👍先講服務，帶位同上茶都好快，餐具都乾淨。一埋位就有一大盆熱水可以洗餐具，服務比一般酒樓好，要叫餸或有需要既時候都好快就搵到侍應幫手食物方面叫左炒河，蝦餃，鮮竹卷，流沙包。炒河粉條條分明，唔會痴埋一餅，好食得黎唔會太油膩😍😍鮮竹卷好juicy，牛肉都仲彈牙蝦餃用料食得出係新鮮好味，唔會有陣冰鎮味，如果個皮再薄d就更加好食食完仲有個甜品，食物總括黎講有中上水準，價錢亦都唔貴，好岩一家人一齊黎食

位於銅鑼灣的譽宴．星海薈，是一間主打婚宴、宴會的中菜餐廳。不過除了招待飲宴，想吃點心、小菜也是可以的哦。今天便跟媽媽來吃晚飯，一齊品嚐高質中菜吧。黑蒜雞湯 $68最推出的黑蒜雞湯，是限量發售湯品。黑蒜有增強掋抗力和抗炎功效，非常適合現在這個疫情嚴重的日子喝呀。清蒸虎杉斑仔 & 豉椒炒蟶子皇 $368超多客人點選的海鮮孖寶，價格相宜，深受歡迎呢。虎杉斑仔約有一斤重，兩人享用，份量非常足夠。魚肉很嫩滑，鮮美無比。蟶子皇彈牙大隻，被豉椒醬汁包裹，配白飯一流。原籠馬拉糕 $28 向來喜歡吃馬拉糕，這裡的馬拉糕很鬆軟，兩人吃光也不會太膩。

見近日疫情放緩約老友嘆茶，我們首選譽宴，午飯時間見坐滿食客，點左至愛胡椒濃雞湯灌湯餃$58，胡椒味香濃、雞湯美味😋，灌湯餃脹卜卜大大隻，配有一件雞肉，真好吃👍黑松露鮮蝦餃$36，蝦餃皮薄晶瑩剔透，黑松露味香濃超蝦肉十分新鮮又爽口彈牙，極不錯。砂鍋章魚雞粒煨飯$148，飯炒得粒粒分明很香口，用砂鍋盛炒飯保持熱熱，真好味😋碧玉鮮蝦腸粉$36，蝦肉爽口，腸粉很滑。這餐我們很滿意。約定下次再吃。銅鑼灣波斯富街99號利舞臺廣場5樓

較早前吃過其他分店覺得不錯，所以這次來吃幾個小菜吧💕。這家分店位於利舞臺5樓，上到去就看到一條充滿花海的長樓梯很美😍，而餐廳環境是以星海為主，店舖環挻大。💥午市孖寶 HKD$168，上湯焗海中蝦伊麵配雜菜粉絲鍋，主食+小2菜的組合份量挻大份。面頭鋪滿蝦很吸引呢，掛湯的伊麵很小吃，味不過不失。雜菜粉絲鍋裡面材料很多，有茄子/菜心/豆卜/腐竹等等。💥金磚豆腐 HKD$58，一份有8大件，金黃色的賣相很吸引😍。薄薄的外皮包著滑滑的口感覺做到酥脆的口感。簡單的食物做到挻好吃，配上醬汁味道更佳🤤。💥叉燒酥 HKD$32，傳統中式點心雖然買少少，所以看到有就點來吃吃吧。外皮絕對是這道菜的靈魂所在🤤，外皮酥脆而不油膩，裡面的叉燒很腍身。💥沙薑豬手粒 HKD$52，餐前小食點這個既開胃又惹味，而且切到一粒粒去骨版本，所以吃起上來方便😄。沙薑味道突出挻香，而且有很多骨膠原😍😍。💥養生山藥棉花雞 HKD$36 ，與傳統吃開的棉花雞有別，加了山藥入饌為菜，有消除疲勞和去痰止咳之功效。吸入醬汁令到山藥變得腍身，為這道菜生色不少。

人死後，七情六慾從此消失於凡塵當中，生前最後既一點既樂與怒一瞬即逝。好多時見到某個明星殞落既消息，硬係覺得生命好渺小，一剎那既光輝可以話無就無。或者後世人會將你既成就永垂青史，風光大葬，希望可以將佢既星芒延續落去。就好似一間餐廳、一個品牌 無論佢係大紅大紫定係風光不再都好，只要係專業、精益求精，自然你會永遠記得佢。今日趁限聚令放寬後，再次黎到銅鑼灣呢間「譽宴．星海薈」，呢間平凡中顯得不太凡既酒樓，將高級食材融入豪華裝潢，氣派十足。👇📌午 市 推 介 -▪ 黑蒜燉美國響螺湯 - $68/位 (推廣價)▫ 先黎兩碗燉湯開下胃先，就咁睇湯頭就知落足料，食到原粒黑蒜、仲有螺頭、雞件。湯色濃黑鮮明，飲落有果種響螺既鮮甜，加上黑蒜既香，所以濃而不膩，隱約中仲滲透一陣陣既蒜香，唔錯。▪ 砂窩鱆魚雞粒炆飯 - $168 (煲)▪  X.O醬煎腸粉 - ▫ 午市當然要迎合返，我呢D麻甩佬最愛既煲仔飯啦，成個燜飯佈滿大量雞粒、口感十足。而飯粒燜得唔會太熟爛，每粒飯粒都均勻吸收哂醬汁，食落飯香濃郁，而飯粒亦夠飽滿，兩條友每人兩碗就清哂；而呢個Set仲有XO醬腸粉附送，食落XO醬好突出，唔會太鹹岩岩好，仲帶少

利舞臺呢間譽宴 • 星海薈真係可以媲美某啲高級酒店嘅中菜廳😋先唔講食物住...一入門口就見到華麗嘅佈置同埋條迴旋樓梯加埋天花上面嘅魚形大水晶燈，真係瑰麗堂皇🤩🥣黑蒜雞湯：抗菌消炎、降血脂、抗氧化、抗衰老...黑蒜好處多到數唔晒！望落清澈，飲落好濃郁，有益又好飲😋🦞蒜蓉蒸開邊本地龍蝦：大優惠做緊$88隻，仲少見咁大隻😯簡簡單單開邊蒸就已經好好食😋海鮮最緊要係新鮮👍🏽🐥招牌燒雞：4個字形容「皮脆肉嫩」，我就好鍾意酒樓食燒雞，西式點燒都唔似炸子雞🤭🦐蝦頭油二蝦粉絲煲：兩種蝦分別係蝦干同鮮蝦😋再用蝦頭油砂窩煲炒粉絲，粉絲吸晒味🤤🤤真係好好食👍🏽最後值得一提，呢度全日午市晚市都有糖水送㗎！今晚係我最愛紫米露😋