星海薈 (利舞臺廣場)

營業中

休息中

今日同屋企人黎到幫襯中午茶市，本身星海薈係一間主打婚宴既高級中菜廳，但而家受疫情所限，都做多咗好多點心小菜類，務求維持生意，所以都係第一次有機會黎試下呢度既廚房功架。 .一去到門口已經被耀眼的紫光配合水晶吸引，跟住沿婚宴廳常見旋轉樓梯登上用餐位置，坐椅都比普通酒樓華麗，頭上既燈光亦都會不時轉換。不過場內都算幾光猛，轉換既燈光起到一個點綴氣氛既作用。 由於本身係婚宴場地，定價都比較貴，所以入座率大概係6成，呢個價位黎講都算唔錯，起碼質素唔差先有咁既入座率。 午市除咗點心之外，仲有唔少特色小食，例如開胃前菜、燒味、煎炸物同埋滷水小食。 腐乳唐生菜 $46 7.5/10每次出街食飯點都會叫返碟菜，一來簡單野先考功夫，二來可以營養均衡少少。今次呢碟都唔錯，腐乳額外上，份量唔孤寒，夠哂撈菜食，口感細膩，鹹味幾突出胡椒濃雞湯灌湯餃 $58 7/10由餃子皮到肉湯都好有講究，薄薄既雞油係湯上面飄搖，先嘗一口湯，順喉滋潤感十足，全無腥味。餃皮有少少似雲吞，皮有點厚，食落有少少勁道，餡料正常，肉都彈牙小籠包 $35 6.5/10擺法已經幾有特色，係有一個小提環，可以拎起落碗。但上到黎有點亂，有一隻仲穿左

講起飲茶🫖，🐽🐽鍾意去銅鑼灣<星海薈>！其實🐽🐽最欣賞佢地嘅衞生！一坐低遞上一大鍋出煙滾水俾你洗餐具👏抵讚！點心價錢唔係貴！坐得舒服😌！原隻鮑魚燒賣皇～哈哈🥰豪一豪佢！一人一隻鮑魚燒賣！鮑魚彈牙！粒燒賣入面好多🦐！成粒燒賣放入口好滿足😍！姬松茸野菌翡翠粉果～平時🐽🐽最怕食粉果！最怕塊皮厚過塊面wor🤣！呢籠粉果皮薄餡靚！一咬菇菌香味散發出黎！出奇地🐽🐽食咗兩件粉果🤭！必點😋！砂鍋鱆魚雞粒炆飯～一開蓋香味四散！惹味到震！飯粒粒分明！份量好好好多！每人有三碗😛！

近年少左好多家庭聚會間接少左機會到中菜館食飯今晚行完時代廣場 諗左諗食咩就決定過利舞臺個邊食今晚既晚飯實在太耐冇食龍蝦伊麵所以諗左陣就決定叫返個樓面姐姐話係西澳洲既龍蝦印象中係第一次兩個人食一碟龍蝦伊麵可以不停啖啖肉食龍蝦 係一件非常滿足既事真係啖啖肉 同時肉質非常新鮮嫩口二人份量 夠有突另外我地每人叫左個紅燒煲仔翅d 魚翅真係大大梳的樓面姐姐會係你面前即刻煲滾佢非常有風味 有丁點奢侈記得要落少少個度自己整既胡椒粉 更多野味最後仲叫左個鮮菠蘿脆皮咕嚕肉個人覺得咕嚕肉既重點係外脆內軟 仲要熱辣辣而佢絕對做得到 酸酸甜甜 絕對係撈飯既恩物而菠蘿都係用新鮮菠蘿 幾鮮甜架埋單每人Around 500 但係真係有呢個質素大家係銅鑼灣行完街 可以過一過去食丫！

之前黎過兩次，次次都係午市，今日難得早收，就黎銅鑼灣呢間譽宴．星海薈試試晚市手勢如何。餐廳位於利舞臺廣場，有專用升降機到酒樓樓層，盡顯氣派。呢度專門做婚宴，所以裝修一流，達酒店級數，影相打卡超正。晚市餐牌有海鮮，燒味，小菜，小食，湯羹，甜品等等。茶芥每人$15，餐前小食$20。今晚叫左幾款招牌菜同同行友人分享。招牌白胡椒蟹 $468 另加一見到呢個招牌菜招牌白胡椒蟹，咁啱呢排d蟹又當造，即刻叫黎試下先。好快就食得啦，餐牌寫明每隻蟹約斤半，成隻巨蟹用鐵板上，蟹未到聲先到，上枱後，經理將d汁㨆上面，香氣四溢，烽煙四起！隻蟹好多肉，肉質鮮甜多汁，蟹殼都超脆，食得出係新鮮，蟹膏都有。白胡椒汁香而唔過辣，唔會完全蓋過蟹味，味道啱啱好。d洋蔥片吸左d汁都好味。服務員提供左每人一對膠手套同濕紙巾，夠哂貼心。紅燒煲仔翅 $188一煲 另加一好耐冇食翅，見到紅燒煲仔翅價錢唔算貴，今晚就豪一豪，一人一煲。服務員原來係你面前將兩煲煲仔翅加熱到滾哂先上枱，好震撼! 排翅果然好多，足有四大排，下面墊左好多爽口芽菜。個湯好清，醋同胡椒粉另上，等你自行調味。鮮菠蘿脆皮咕嚕肉 $148 另加一呢個小菜又係另一招牌，首

這是我第一次來到這家粵式酒樓宴會廳，當我踏出升降機，一眼就望見偌大的落地玻璃旁的長樓梯，樓梯兩旁佈滿花海的裝飾，襯托著閃爍的水晶吊燈，整體感覺華麗又優雅。寛倘的場地除了適合婚宴外，亦很適合與家人或朋友相聚共膳的好地方。招牌白胡椒蟹（(HK$468)👍👍👍👍👍原價每隻$568，現在以推廣價$468 就可以吃到一隻約斤半重的白胡椒蟹。這隻體形龐大的蟹放在鑄鐵鍋內，未上到枱已聽到吱吱的聲響，放到枱後，倒入白胡椒汁，瞬間胡椒的香氣四溢。我先拿起蟹拑，真係有一隻雞髀咁大，蟹身多肉鮮甜，蟹蓋內還有惹味的蟹膏。紅燒煲仔翅（HK$188)👍👍👍👍👍原價$388，震撼價$188一煲足三両紅燒煲仔翅。煲仔翅原煲放在客人面前加熱，煲內的魚翅十分足料，足足有三両重，一梳梳的魚翅可以用筷子夾起品嚐，食得十分滿足。鮮菠蘿脆皮咕嚕肉（HK$148)👍👍👍👍最後叫一個酸酸甜甜的開胃小炒 - 鮮菠蘿脆皮咕嚕肉，菠蘿是新鮮的，勝在健康；咕嚕肉啖啖肉，外層香脆，甜酸味道恰到好處。茶芥@ $15/ 小食 $20Menu

今日想同媽咪食好d 加上媽咪鐘意飲茶就決定黎呢間試下😋一入到去看得環境好唔錯～D野食好吸引 同傳統酒樓好唔同😳第一次見到有原隻鮑魚燒賣 忍唔住同媽咪一人一粒，好好食 鮑魚好新鮮！估唔到同燒賣又幾夾🤣🤣跟住嗌左姖松茸野菌翡翠粉果，又係見佢同傳統既粉果好唔同， 就決定試下！松茸好香，食落唔會膩😝仲有我最愛既小籠包，皮唔厚，好多汁！唔錯😋同埋見到有人推介既胡椒濃雞湯灌湯餃，呢個好足料，好香，唔怪得咁多人推介！最後仲叫左個砂鍋章魚雞粒炆飯，賣相好靚，雞粒炒得好香，我媽咪好鐘意呢個話想encore 🤣!同埋估唔到呢到都有咖啡飲，好香濃🥰Overall 呢到既食物質素好高，服務態度都好有禮貌～下次會試下其他餸

服務：部長服務有待改善，其與舊客暢談甚歡，導致下單出錯，浪費不少時間，但其他職員大多服務不錯。環境：佈置良好，枱與枱之間隔距寛敞。食物：燒賣、小籠包、蝦餃味道正常，唯蝦餃皮略厚，但韌度還好，安格斯牛肉腸頗有創意、新穎，味道佳。

今日同屋企人去咗銅鑼灣譽宴.星海薈 到食午餐餐廳位於利舞臺 入面有專用電梯超級方便 一入到去發現樓底超高 裝修金碧輝煌枱櫈都好闊落 會有專人用滾水洗餐具 乾淨衛生星海薈蝦餃 皮薄餡靚 蝦肉彈牙黑蒜雞湯 原盅燉湯非常花時間 蒜頭味唔重 而且蒜頭煲得軟淋入口即化 滋補嘅感覺鮮菠蘿脆皮咕嚕肉 鮮菠蘿好細心咁起咗肉 食落好方便 咕嚕肉外層酸酸甜甜嘅醬汁脆卜卜包住 入面係嫩滑多汁嘅豬肉 肥瘦適中好食招牌白胡椒蟹 胡椒蟹有成斤半重 非常巨型 隻蟹鉗都有我個手板咁大 好誇張 胡椒味香濃惹味 不過一啲都唔嗆喉 調味啱啱好 肉質彈牙非常新鮮 鮮味十足 而且食完之後成個身成個暖笠笠蒜蓉炒豆苗 豆苗新鮮 唔多油

第一次到这里吃东西，酒楼应该是专门做婚宴等筵席，大堂高大豪华，还设有一个小型舞台作议式活动。现在主要都是做早、午茶市和饭市，两点后更有下午茶，个别点心都有特价。周末的下午茶时段生意不错，也要稍等一下才有桌子。点菜用点心纸，点心和小菜都包涵在内，东西不少，也要想了好一会儿才想好吃什么。小笼包的卖相很特别，用一个带提手的器皿，包子不会因为用筷子而爆烈。肉的鲜味还保持鲜甜，再加上里面的汤汁，味道很棒。至于其他的点滴心如虾饺、陈村粉和炸物都很有水准。虽然不是很实惠，但味道极佳，下次可以再去。

今晚約咗一個朋友去銅鑼灣利舞臺譽宴星海薈吃晚飯， 鍾意嗰度地方夠寬敞闊落，樓底夠高。今期酒樓重點推介胡椒蟹， 一隻斤半有多嘅海蟹肉蟹先至四百幾蚊，價錢一啲都唔貴 。 呢度嘅胡椒蟹係用鐵板上，端過來嘅時候，熱辣辣，胡椒嘅香味撲鼻而來，蟹上面有一啲炸咗嘅九層塔葉，色香味俱全，令人垂涎三尺。蟹肉結實又鮮甜，有海洋嘅味道 ，胡椒夠惹味，但係又唔會搶咗蟹肉嘅鮮甜味道，推介大家去試下 。利舞台譽宴星海薈的菠蘿生炒骨用鮮菠蘿伴碟， 菠蘿酸酸甜甜成熟度剛剛好， 排骨用脆漿炸，外脆內軟，酸甜度適中， 不愧為酒樓嘅首本名菜，好多顧客都有點呢一碟菜。我哋又點咗一個黑蒜 螺頭燉雞湯，健康又有益，如果你鍾意 黑蒜，一定會好欣賞。

在銅鑼灣想揾間好坐，環境好的酒樓真係唔易，今日特登黎位於利舞台5樓嘅星海薈，一入門口就俾條華麗樓梯吸引左當日係飲下午茶，價錢都好實惠精緻餐具，非常得體仲俾左成盤滾水俾我們洗碗，真係好體貼，未食都安心啦！蜜汁叉燒米粉～半肥瘦叉燒好好味豉汁鳳爪不過不失黑椒安格斯腸粉～黑椒味好出，腸粉好薄好滑芒果糯米卷～芒果好酸，cream雪得太硬，糯米皮冇咬口鮑魚燒賣～ 鮑魚唔算太細好好味，燒賣由蝦肉和豬肉而成，冇得輸😙😙

限聚,出街食飯,變得好困難,今晚約左人去譽宴．星海薈試下小菜同招牌紅燒煲仔翅,襯住禁堂食之前食餐好最近網友推介,星海薈有足三兩既紅燒煲仔翅 原煲上菜 只要$188,超值抵食真正可以拿來魚翅撈飯,估唔到咁困難既經濟環境下反而食到咁抵食既菜式另外仲有蠔皇原隻花膠扒,想補補既女生,絕對值得一試我們今天是為煲仔翅而來花膠扒就留返下一次先再食晚市有唔少小炒,小菜,另外加左個鮮菠蘿脆皮古老肉$148 另外一客啫啫馬友蝦乾芥蘭一客翅,一飯一菜一肉食,兩個人剛剛好最先上菜係翅, 原煲起菜,真正一梳翅而不是碎翅,底墊了芽菜濃鮮既上湯,餵入翅身之中,食起來,翅都會有味道,成個豪氣感覺出曬黎呢個價位食到咁足料既湯翅,滿分收貨,粗獷食法,先食翅,剩低既湯拿來撈飯食一流食完湯翅,再上主菜 蝦乾,肉碎,馬友,用鐵鍋爆香,上菜時仍然爆出滋滋既熱力聲待煙霧散去,夾一口芥蘭配肉碎,咸香滋味,只係單吃會過咸,一定要配返碗白飯就岩岩好鮮菠蘿脆皮古老肉$148 肉身爽而香濃,沒有油膩感,菠蘿鮮甜可口 天然的甜味和酸味，整道菜再現傳統的風味色澤鮮亮，香氣四溢  酸甜適中 每一件肉都同等大細,,個皮夠脆夠薄酸甜醬汁唔會太多 恰到

難得有人請食飯當然要食餐好，食餐勁啦！揀嚟揀去都未揀到，既然口寡寡，不如去酒樓飲茶，咁去飲茶又唔一定淨係食點心，食下其他菜式都唔錯，最後決定「星海薈」！人唔多，上到就直接入座。坐低無耐就有個大鐵碗俾我哋洗餐具（我覺得呢點做得幾好。）之後當然係叫嘢食啦！叫咗「砂窩鱆魚粒燴飯」、「小籠包」、「星海薈蝦餃」、「姖松茸野菌翠粉果」、「湯灼靚菜遠」等等。5樣嘢好似好少，但實情係差啲食唔哂，變大嘥鬼，因為個燴飯個份量大約夠4個人食！總結，無論係氣氛、食物質素及服務都高質，有budget 嘅你，呢間酒樓係唔錯嘅選擇！「砂窩鱆魚粒燴飯」份量十足，鱆魚粒與飯嘅比例啱啱好，醬汁濃厚、每粒飯都被醬汁包住，整體嚟講出色。「小籠包」一食就知係用料上乘，多汁鮮甜，唯一需要改善地方係外皮。「星海薈蝦餃」高水準嘅點心真係一分錢一分貨，使用新鮮蝦製造而成，而且夾起唔會爛，出色！「姖松茸野菌翠粉果」外皮晶瑩剔透，由外皮透視到入邊材料十足，而且夾起唔會穿，咬落煙韌，有層次。「湯灼靚菜遠」普通菜心。

🔎譽宴‧星海薈*📍 銅鑼灣波斯富街99號利舞臺廣場5樓.黑蒜螺頭燉雞湯($42)有湯水飲真係大滿足.而且黑蒜螺頭可以增強免疫力,又可以補腎,係唔錯嘅選擇.黃金磚($58)豆腐非常酥脆.一上菜時比較熱,要小心辣口.超滑嫩,味道唔錯.而且都幾大件.招牌白胡椒蟹($468)呢個真係最不得了.完全令我諗返起新加坡味道.胡椒蟹超級鮮甜,而且size好大,個調味十分唔錯.唔會好嗆辣.配埋飯真係超級好下飯啊.食落就係香中帶辛辣口感,但辣度又不是太勁,其實幾啱食唔到辣又想食辣嘅人.非常非常惹味.而且白胡椒嘅香都點綴全個菜式.沙薑豬手粒($52)豬手粒夠哂爽.而沙薑味就非常香,食到停唔到口.作為冷盤都最好不過.五香牛雜($68)牛雜雖然由細食到大,但係估唔到譽宴嘅牛雜都幾出色.非常新鮮,而且食落都非常爽口彈牙.值得推介比牛雜迷.

屋企人鍾意食翅，所以同佢地去咗呢間茶樓到食。茶樓係集團式經營，做開婚宴所以裝修都好靚坐得好舒服。 食物水準都有番咁上下，所以我哋都經常呢之前都經常嚟食。茶樓非常貼心，一坐低就畀一盤好熱嘅說我哋洗碗筷， 碗筷洗完都仲出緊煙。介紹主角先- 紅燒煲仔翅🌟紅燒煲仔翅：呢度啲翅係一片片，可以夾起，碗中係生芽菜，熱嘅湯底會將芽菜整熟，令芽菜嘅鮮甜味直接滲入湯底，令湯底更鮮甜，飲起上來暖暖的，啱曬而家天氣！呢度嘅點心有水準，特別係餃類~🌟星海薈蝦餃：蝦餃好似乒乓波咁大粒，蝦肉新鮮之餘好彈牙。🌟小籠包：一向係我favourite，驚大家整穿，就諗到用依個設計，賣相亦好精緻！🌟姬松茸野菌翠粉果：賣相非常之靚， 皮好似一層水晶咁簿， 食落非常煙韌，好香菇味。🌟砂鍋鱆魚雞粒繪飯：飯好入味，加上砂鍋嘅焦香味，食到停唔到口 😋😋下次要再來嘆茶😋