星海薈 (利舞臺廣場)

營業中

休息中

今晚同屋企去食飯, 揀左呢間譽宴．星海薈~之前黎過飲宴覺得環境幾靚, 又方便, 坐得好舒服!晚飯都唔少人, 但係個場都唔會好嘈, 老人家都食得開心~叫左D小菜, 覺得以下3款都相當唔錯!老人家想食下海鮮, 叫左龍蝦同埋蒸魚~2樣野都蒸得唔錯, 龍蝦味道相當好!!蒸魚好大條~同埋蒸得岩岩好, 唔會過老~好味!重點係鮮波羅咕嚕肉, 真係未食過咁脆皮既咕嚕肉!1咬落去係超驚喜! 又脆又鬆化!!好正!!食飽仲有糖水送, 屋企人都食得好滿足!

好久沒到銅鑼灣的時代廣場逛逛了，經過利舞台廣場被譽宴.星海的裝飾吸引了，用花裝飾的樓梯，魚群燈飾使得整個酒樓富麗堂皇。特別稱讚酒樓的侍應用心的服務，介紹非常到位。有道特色菜鮮菠蘿脆皮咕嚕肉值得一試，裝盤就很新穎，新鮮菠蘿沒有跟著下去炒，咕嚕肉皮脆肉嫩，酸甜適中，很開胃，吃了不會膩。侍應介紹今天的清蒸龍躉很新鮮，確實沒錯，肉嫩清甜，夾出的魚肉都不會碎。黑蒜雞湯味道很鮮甜，所用的醬汁據說是秘制的，黑蒜燉得很酥綿，不會有蒜味。酒樓最後還送了甜品紅豆沙，口感綿密滑潤。不管是菜品還是服務都是一次愉快的體驗，值得一試。

位於銅鑼灣嘅譽宴星海薈係熱門婚禮場地，裝潢設計低調得黎又不失奢華貴氣。今晚男友話想叫餸食飯，之前同屋企人黎食過一次，覺得呢度嘅小菜幾有水準。脆皮燒腩仔拼叉燒($168) 燒腩仔嘅皮好脆，肉質嫩而飽滿，帶微微咸香，點埋黃芥末醬食好正👍🏻☺️！叉燒肥瘦適中，用蜜汁燒過後咸中帶點甜，又開胃又好送飯。得獎金磚脆豆腐 ($68) 不愧為得獎作品，豆腐香口得黎食落唔會成口油，豆腐外皮香脆脆，內裡又香又嫩滑。燒汁珍菌霜降牛肉 ($168) 牛肉質感香軟咬落完全冇筋，同燒汁味道絕配！啫啫馬友蝦乾芥蘭 ($128) 用鐵板上嘅芥蘭特別香口，但味道偏咸同埋食落都幾油。如果中意清淡健康D嘅叫上湯浸嘅菜會更好。黑蒜雞湯係呢度嘅招牌，好多人黎都會叫一碗黎飲，好味得黎又可以補下身。燕窩3.6 奶凍 ($48) 奶味非常香濃，奶凍口感好滑，惟味道偏甜，如果落少啲糖就完美喇！😆

經人介紹先發現原來利舞臺上面有一間咁靚嘅酒樓，樓底非常高，裝潢好華麗，以紫色為主。見到裝潢咁華麗，以為食物價錢會好貴啦，但係又唔係喎，價錢好合理，午市點心仲有好多選擇。食咗一碟網腸腸粉，口感好得意，係脆卜卜架，腸粉入面包住煙煙韌韌嘅野，同時又有炸到脆卜卜嘅脆片，加埋一齊食口感好豐富，但由於佢本身無咩味，所以要點豉油食。另外仲有最愛食嘅蝦餃，入面原來有黑松露！未食已經聞到好香啦，咬開發現入面啲蝦仲好大粒，餡料好豐富，成粒蝦餃係好實淨架。

lunch time同幾位同事去飲茶，呢到酒樓見到裝潢華麗又精緻，果然係熱門既婚宴場地。疫情期間仲有提供一盤非常滾既水，比我地洗餐具，真係令人食得更安心。我地點左好幾款既點心，酒樓既經理好熱心咁推介左我地幾款出名好食既點心。香麻叉燒酥，酥皮好鬆脆，叉燒汁味道又濃郁，夠哂多汁食落唔乾。小籠包，皮薄多汁，皮薄得黎唔易夾爛，肉質鮮甜。馬拉糕，甜度適中，口感鬆化，軟熟有蛋香味。山竹牛肉球，多喼汁食酸味令人好開胃。xo醬蘿蔔糕，惹味既蘿蔔糕，xo 醬份量好足，粒粒蘿蔔糕都好入味，軟身得黎有咬口。碧玉鮮蝦腸粉，腸粉非常滑，鮮蝦大隻又彈牙，晶瑩剔透。真係好豐富既lunch，每樣點心都好出色，價格合理又高質。

剛好在6pm餐廳禁令前2日食埋最後一餐，呢間酒樓成日都搞婚宴，所以佈置好靚，食物都好有水準。.黑蒜雞湯 $68大大粒黑蒜熬製，飲得出好足料同煲左好到，超濃味，比平時黑蒜湯拉麵的湯好飲好多.脆皮燒雞 半隻 $158個皮真係好脆，肉質嫩滑多汁.清蒸沙巴龍躉 $170龍躉質素都唔會差，果然真係好嫩滑又多肉，冇乜骨，酒樓既蒸魚真係好好食🤤.涼瓜炆鵝掌翼 $168涼瓜帶甘，果然是長大後才懂欣賞的食物，鵝掌翼滷得好入味

今日同老公去左銅鑼灣利舞臺食中菜。譽宴。星海薈 裝修堂皇華麗，極具空間感，好有婚宴嘅氣派。中式粵菜做得很有水準！黑蒜雞湯黑蒜健康有益，通血管降血壓、養顏抗衰老、增強抵抗力。加入 螺片、鮮雞、瘦肉燉製，入口清甜滋潤！燒腩仔拼叉燒燒腩仔脆卜卜，肥瘦適中，油脂豐富盈甘香。肥叉燒採用梅頭部位，入口腍身鬆化，好食到停唔到口!蒜蓉開邊蒸本地龍蝦龍蝦肉質鮮甜爽口彈牙 蒜蓉開邊蒸 突出鮮味。港式粵菜做法，口味充滿親切感！鹽燒鮑魚鮑魚原隻鹽燒，香氣撲鼻，外層香脆惹味，內裏肉質煙韌軟熟，跟椒鹽完美融合！籠仔梅菜蒸菜遠甜梅菜用荷葉包裹蒸菜心，散發荷葉淡淡清香，梅菜原汁原味滲透菜心，清甜爽口!晚餐後奉送綠豆沙 糖水

今之呢篇比較多個人感受今年好年，好多人plan左結婚，亦因為疫情等原因唔知結唔結到, 小妹有幸嫁得出，本來今年年底正式成為人妻，做一個真真正正既奶奶仔，但而家咁，唔好話影唔影相，我大妹由上年知佢有B已諗住4月回去影相加9月快閃，結果見證唔到佢大肚同生B,自己年底都未必搞得成我知我懶，但就算我有心都冇用，我家人都返唔到黎，點搞? 酒樓話唯一option係延期半年，就算係都只係改一次! 要改要再傾喎，但傾咩啫(有報道話下年7月先放寬，澳洲有幾嚴大家都知)，佢俾我只擺半場唔得，用黎當credit食左佢唔得，乜都唔得! 咁叫傾咩？個時社運疫情乜都冇，男人想俾個回憶我，但又知我冇咩特別要求，見佢岩岩裝修好就成年幾前落訂，最後就得到個咁既對待!呢間野飲茶唔差，裝修後比以前精緻左，食物質素唔差，但講到一係改期(半年內一次)，一係法庭見，其實真係好唔開心同失望你問我點，我真係唔知....

今天放假，趁機帶老媽去銅鑼湾利舞台廣場譽宴.星海滙飲茶吃點心。這酒樓氣派豪華，裝飾有派頭，尤其是吊燈很靚且具特色。酒樓環境好，坐得很舒式，服務也很週到。一坐低侍應便給我們一大盆熱水淥餐具，令人很安心。枱與枱之間保留合理空間。我們兩個人叫了6個點心/小食，都可口有水準。黑豚肉义燒肥瘦適中，肉調味佳有肉香，有嚼口不太硬。鲍魚汁炆鳳爪用的是新鲜雞腳，飽滿多肉，骨膠原豐富。雞腳和花生炆得恰到好處，很出色，比美著名酒店的出品。义燒酥新鲜出爐，皮鬆脆不油腻，义燒饀香甜夾味，吃完一件忍不住再來一件。鲜蝦水晶韮菜餃皮薄晶瑩，韮菜新鲜蝦鮮甜，好味。布拉米皇腸粉很滑有米香，上面灑上芝蔴很美味。點埋甜醬麻醬更可口。這腸粉是食素人士和老人家的恩物。棉花雞真材實料，內有魚肚，雞件及鮮淮山。鮮淮山尤其好吃。兩個人吃得滿足只是三百元左右，在銅鑼湾飲茶算是超值。下次有空和爸媽來吃晚飯，試下招牌白胡椒蟹套餐。

平時約朋友食飯多數都係食西餐或東南亞菜，今次一於打破以往慣例約友人食一餐豐富嘅中菜！☺️譽宴星海係熱門婚禮宴會場地，中午有做茶市點心，夜晚有多款晚市小菜同埋海鮮。有別於一般傳統酒樓，呢度瑰麗嘅裝潢同氣派令人感覺尤如置身於五星級酒店，多咗一份奢華及高貴。而且酒樓嘅樓底非常高，地方又夠大，非常適合作為宴會場地。前菜係芥末麻油黑白木耳，黑木耳就食得多，白色嘅木耳真係好少見！經理話呢個黑蒜螺頭燉雞湯($68) 係酒樓招牌之一，一定要試！湯嘅黑蒜味好香濃，聽講仲有增強抵抗力同埋抗炎嘅功效，又養生又強身！👍🏻由於我地好肚餓嘅關係，今晚一次過點左四個小菜，最後當然係食唔哂打包返屋企🤣！首先有粟米龍躉斑塊($168)值得一讚嘅係龍躉同埋粟米汁係分開上嘅，食嗰時啲汁就唔會浸到個皮軟哂，每一啖食落口都外脆內嫩滑！😍龍躉分量十足每件都大大嚿，而且非常新鮮。士多啤梨大蝦球($148)大蝦肉質爽口彈牙，同樣係非常新鮮。甜甜地嘅士多啤梨醬汁同新鮮爽彈嘅蝦球味道好夾，食落幾開胃。黑蒜安格斯牛柳粒($168)牛柳粒經蒜片爆香後香味四溢，牛柳爆炒後外皮帶輕微焦脆，肉質幾嫩而且牛味香濃，一粒接一粒食到我地停唔到口。金銀蛋浸

好難得平日放假就同屋企人去飲下茶，第一次黎銅鑼灣譽宴，裝飾華麗典雅，場地好廣闊，樓底又高，重點係天花水晶燈好靚，好似黎左婚宴一樣－－－－－－1. 黑蒜螺頭燉雞湯個湯好足料呀，睇落黑麻麻好似中藥咁，但其實內有乾坤，飲到響螺既清甜，黑蒜質地變得軟綿，仲有雞件🤤好豐富又健康既一碗湯2. 滷水豬腳仔有白滷水同原味滷水，豬腳仔皮脆爽中帶滑，有豐富膠質，同埋非常入味👍🏻3. 鮮蝦水晶韮菜餃餃皮蒸出來晶瑩剔透，透着光可以見到滿滿韮菜餡，薄皮多餡😋鮮蝦咬下去有彈脆的口感4. 南翔小籠包賣相好得意🥰每一個小籠包都有個籃仔去盤載住，外皮軟身，雖然薄身但不易穿，肉餡鮮甜有口感，同埋湯汁唔會好油膩

其實除了和家人做節和飲宴, 基本上我已很少到酒樓食中菜, 今晚友人提議到譽宴食晚飯, 佢話呢度嘅 咕嚕肉好好食, 好食嘅咕嚕肉好難搵到, 我當然要去試吓啦!這間譽宴地方非常寬敞, 裝修瑰麗堂皇, 座位非常舒適， 店員招呼亦非常殷勤，其實去年的中秋節和家人做節也揀了這裏, 當時已覺得頗有水準。今晚我和友人揀了3餸一湯, 有魚有肉也有菜, 好開心。餐前小食$20~ 貓耳朵木耳酸酸的, 又清爽又開胃。黑蒜雞湯$136(2人)~ 材料有排骨, 雞肉、螺頭和黑蒜, 黑蒜味好濃郁, 好清甜,好香。 黑蒜已燉到好腍, 入口即溶 , 好好味。啫啫馬友蝦乾芥蘭$128~鐵板上， 一上桌除了聽到啫啫聲， 還聞到很香的咸香和酒香味， 芥蘭本身很爽甜，新鮮無渣， 配料有大大隻的蝦乾，馬友、 肉碎、紅椒、洋蔥和蔥， 配合起來非常惹味。鮮菠蘿脆皮咕嚕肉$128~外層非常非常脆口，咬落去卜卜脆，有拔絲的效果 , 而肉質亦非常軟腍滑嫩， 酸甜度剛剛好， 以新鮮菠蘿伴碟，非常美味，果然十分出色，很驚喜!清蒸沙巴龍躉$198~大約一斤份量2人食啱啱好, 皮層膠質豐富, 肉質嫩滑鮮甜, 個腩位正到呢!最後仲送埋個蓮子百合紅

環境：👍👍👍👍服務：⭐️⭐️⭐️⭐️⭐️味道：😍😍😍😍影相：📸📸📸📸Encore:90%📝進入前要度體溫📝晚餐茶芥，每人$15📝餐前小食 $20📝設加一➖➖➖➖➖➖➖➖➖➖➖➖➖➖➖限聚令開始放寬「為食兵團」忍吾住去酒樓啖下茶，食下中餐🙈.🔸鮮菠蘿脆片咕嚕肉 $128呢個咕嚕肉真係好有驚喜👍以鮮菠蘿代替罐頭菠香甜自然，同罐頭菠蘿係冇得比🥳咕嚕肉味道酸酸甜甜酸與甜配合得恰到好處吾會過酸，甜而不膩入口酥脆獨特，糖衣好似玻璃咁薄脆豬肉去哂骨，咬落鮮嫩係我食過最好味嘅咕嚕肉💕.🔸得獎金磚脆豆腐 $68將平凡化為金磚，可見呢個豆腐來頭不少👍豆腐切成長方形狀呈金黃色，驟眼睇真係好似塊金磚呀🤣炸衣吾係好薄果種但勝在夠酥脆，夾起吾易散🙆‍♀️裡面嘅豆腐仍然Keep住水嫩簡單灑上胡椒粉，沾上香醋汁已經好正🥰.🔸啫啫馬友蝦乾芥蘭 $128以鐵Pan 承載，一上枱就聽到「沙沙」聲芥蘭加入左大蝦乾，蒜片，肉碎去炒口感脆嫩，清甜爽脆🥳.🔸黑蒜螺頭燉雞湯 $96吾好睇佢係黑媽媽咁湯清而不多油，湯頭勁濃郁螺頭嘅鮮味好突出加上黑蒜嘅清淡蒜香同煮到軟腍嘅雞肉一開始飲就停吾到口呀😂

六月係我嘅生日月🙈，會比較多外出用膳，呢晚放工朋友約咗我去銅鑼灣食飯，佢哋竟然帶咗我去食中菜😂，無諗過囉...，哈哈。不過原來係去譽宴，食物有信心保證同環境好坐。我哋一行三人叫餸食飯，並問部長有乜推介，除咗苦瓜無叫外，其他都跟佢點菜😆。餐前小食($20)係涼拌木耳，有少少辣，都幾開胃！既然小食一定要食，我寧願佢俾木耳我，好過花生、蕎頭多多聲，咁樣俾錢都俾得順氣啲🙈。黑蒜燉雞湯($68/位)，一人整返一碗靚湯先，🐔雞湯味道好濃郁，雖然係用咗好多黑蒜煲，但其實飲完唔會成口蒜味，而且每粒蒜粒均燉到好淋身，可以食埋。聽講黑蒜好有益的，酒樓仲話係抗疾之選，哈哈。另外，湯料亦有不少雞件同螺肉。鮮菠蘿脆皮咕嚕肉($128)，本身部長話呢到嘅咕嚕肉出名，我心諗推介埋啲咁大路㗎🙄。不過其中一位朋友好鍾意食，就一於試下吧。未講賣相同味道之前，呢碟菜嘅份量已經抵讚，而且最重要係熱辣辣炒起，有穫氣！我敢講呢碟咕嚕肉係我食過最出色嘅😋，必食！首先，餐廳係用上新鮮菠蘿作材料，並以個果殼盛住啲咕嚕肉，🍍新鮮菠蘿同罐頭菠蘿嘅味道明顯有分別，新鮮嘅會較酸同無咁多渣。第二，脆皮咕嚕肉嘅脆皮真係正到不得了，脆到好似食緊拔絲

譽宴．星海薈 (銅鑼灣)銅鑼灣波斯富街99號利舞臺廣場5樓🌸🌼🌸🌼🌸🌼🌸🌼🌸🌼🌸🌼🌸🌼🌸🌼今晚同👦🏻去左銅鑼灣行街😄突出想食中菜/小炒所以去左譽宴.星海薈⭐️🧄黑蒜雞湯第一次飲黑色嘅湯⚫️是一款滋補養生的湯水黑蒜雞湯飲落非常甘甜😃香濃🍍新鮮菠蘿咕嚕肉醬汁酸甜好開胃😋咕嚕肉不會一大舊炸粉非常鬆化👍🏻用新鮮菠蘿不是用罐頭菠蘿😆加分🐟清蒸沙巴龍躉魚肉很嫩滑非常鮮美😋🐟配白飯一流