星海薈 (利舞臺廣場)

營業中

休息中

聽聞譽宴 星海新推出了蟹／龍蝦套餐，價格相宜。以他們的裝潢來說，實在不能不試環境：真的很ＧＲＡＮＤ，很有置身於五星級酒店的感覺，現場也是坐滿了人！服務：配合環境，服務水平也很高食物：上湯龍蝦伊麵非常大份，重獻的澳洲龍蝦＋伊麵，口感爽彈，伊麵稔身，令人回想起以往酒席盛行，常常出席宴會吃龍蝦的日子菠羅脆皮咕嚕肉超水準的咕嚕肉，外層香脆得很，每啖都咯咯聲，菠羅切得很漂亮，水份充足，完美解膩！金銀蛋莧菜非常大份的三色蛋＋莧菜，既能補充纖維又清新花膠螺頭老雞湯湯底味道濃郁又清可見底，花膠質素也不錯！

平時食得多西餐放假都想陪屋企人飲下茶😂原來都好耐無食過點心喇🙊小籠包 $36賣相好特別😍個人覺得小籠包最重要就係夾起上黎唔會走哂入面既汁🙌一口一個咬入去既豬肉仲保持到肉汁豐富😋姖松茸野菌翡翠粉果 $36水晶粉果皮搓到厚薄適中😍餡料切到碎碎地入口有好香既姖松茸野菌味道🤩胡椒濃雞湯灌湯餃 $58第一次食灌湯餃係用胡椒雞湯🤤醋都唔使落🙌好足料既雞濃湯頭帶有微微胡椒香味及杞子🥰灌湯餃入面有幾隻鮮蝦🍤好好味👍和風長春卷 $36長卷鮮炸好香脆😍入面既沙律醬有少少🤏wasabi味架😉砂窩鱆魚雞粒炆飯 $168上枱時仲有枝枝聲出哂煙🙊鍾意佢好似煲仔飯咁有少少飯焦底😋鱆魚味香又唔Un☺️連食左兩碗🤣總結呢度啲食物水準及服務都唔錯🙌下次叫多啲朋友一齊食可以叫多幾款食物先☺️

爸爸愛吃蟹。今晚帶佢去譽宴.星海薈吃招牌白胡椒蟹，提早慶祝父親節。招牌白胡椒蟹晚市抗疫震撼價平到你唔信。好食夾大隻衹售$298。隻蟹鐵板上，侍應幫你在蟹上淋汁，香氣四溢，我們未食已流哂口水。隻蟹啖啖肉，啲肉結實鮮甜，加埋白胡椒汁更惹味，又驅寒。兩個人分享一隻蟹已飽了一半，好滿足!我們還叫了鮮菠蘿脆皮咕嚕肉。這菜也出色，百吃不厭。鮮菠蘿酸甜，擺碟靚方便吃，咕嚕肉香脆，開胃，忍不住吃完一件接一件。清炒菜心苗大大碟，清甜少油少鹽少糖有營。絲苗白飯有飯味。侍應有禮服務佳。爸爸和我今晚吃得開心。下次叫齊人再來吃白胡椒蟹套餐。

中午一班人最開心一定係飲茶🍵之前試過係譽宴食晚餐都幾唔錯今次黎嗌點心 我覺得都非常出色👍🏻-我地total嗌咗八款點心連埋茶位都係$400有找 非常划算😎-🥧招牌酥皮焗大蛋撻 (M)新鮮出爐嘅蛋撻熱辣辣🔥酥皮超鬆軟 蛋極嫩滑 超級無敵好味👅仲要兩大個都只係中點 必點!!-話說同行友人都係愛蝦者🦐所以我地嗌咗三款有蝦嘅點心🤣春風得意腸(SP)係腸粉包著啲脆脆野同蝦肉上面再有啲蟹籽 又有口感又好味👍🏻星海薈蝦餃(SP)非常足料🥟入面好似有成三隻蝦🤩而和風長春卷(L)就十分香脆但蝦味可能俾個芥末沙律醬蓋咗😮-🥠原隻鮑魚燒賣 ($38/隻)成隻鮑魚係上面燒賣好重冬菇味 我鍾意😚-🥟南翔小籠包 (L)非常之可愛嘅小籠包 每隻都有個籃仔😗皮夠薄 唔錯👍🏻-亦都嗌咗鳳爪(M)同粉果(L)味道都唔錯 粉量都大😼絕對會再encore依間茶樓😎

餐廳樓底好高空間感好足。成個環境個感覺都好舒服。一坐低侍應就開茶同送上一大盆熱水&夾俾客人洗野。呢個舉動好貼心。😌 胡椒蟹同龍蝦做緊promotion。掙扎左好耐最後揀左🦞。上湯龍蝦伊麵$388。用上西澳龍蝦肉質爽彈好厚肉。有好多舊好多肉。😋 叫龍蝦仲送伊麵底。上湯/芝士之間唔想太膩揀左上湯。伊麵量多唔會太淋。真係抵食夾大件。鮮菠蘿脆皮咕嚕肉$148。咕嚕肉個炸皮好薄身脆口。酸甜味平衡。新鮮菠蘿微酸多汁同啲咕嚕肉分開左放。可以一邊食咕嚕肉一邊清膩。賣相同味道配搭都幾有心思。👍金銀蛋浸莧菜$128。配料一啲都唔馬虎。除左咸蛋同雪花皮蛋。仲有肉碎同原粒炸蒜。上湯浸到啲菜入哂味。整體食物份量都偏多。兩個人食到捧住個肚走。😆

自從這間譽宴裝修後，今次是第二次過來試下午餐点心如何。先前曾接受電視台訪問，一時間鈎起我對這間譽宴的回憶呢！今次感覺不一樣👉大堂光線光猛很多，不像之前總是感覺怪怪，似偷雞摸狗噢！不過，一望上上層，也是極隱蔽的：用沉色木條圍著，不是味兒；相比起以往透明度十足兼且可看到內裡有兩張大檯，比較開揚的呢！還有大堂四個角位光線也頗暗黑，太神秘了，我私下覺得不太適宜用在中式食肆呢。望上天花，有兩盞大型「魚仔群」吊燈，頗為搶眼。我們一入座後，有位女待應呈來一大煱東西，驟眼看以為是火煱呢，非也👉原來是大煱滾水是用來清洗碗筷呢。真搞笑！談談它們的招牌「杞子花雕雞」一客當小吃，只是$58元，大大碟又有雞脾肉，很有味道；怪不得當值部長高調推介這味小吃呢！兩款点心：芋頭蒸排骨及鳳瓜也大大碟，味道不錯呢！不過，咖喱魷魚味道好但魷魚太爽不夠軟身。至於福建炒飯及魚腩燜河粉落足料呢！我們幸運地碰上熟識男待應，又有免費大碗紅豆沙甜点。不錯。有機會也再試下晚餐呢。

於聖保祿打完疫苗，已計劃來此，因看電視講限聚令多時影到該集團酒樓，所以今次選此處，以為好似普羅大眾酒樓門口有蜜蜂堆人群等位，不是我所料，約等10分就有位，利舞台的酒樓的命運如此，少人等位。 點茶後，侍應放低咗一個大過手面盤，洗碗盤的不銹鋼煲，放咗好滖水俾你淥杯筷碗碟，熱烘烘，蒸氣濔漫，呯呤嘭唥後，食具好乾淨，熱熱的，好開心。 點心小菜都放棄，點xo醬龍門米，叫少辣，紅燒脆皮乳鴿$168,上枱幾好樣，即星洲米的咖哩轉xo醬，少辣後，一的都不辣，食不到瑤柱，叉燒硬，蝦爽，洋葱絲，芽菜，紅蘿蔔絲，芝麻，味道接受，乳鴿就好似翻炸，味可，肉不要求，骨無騷香，味覺記憶以利苑最好，陶源次之。 未打疫苗前，恐會倦，會頭痛，唔開胃，萬一還會入院，點知還可以行完街買嘢，食嘢飲茶，阿門，阿彌陀佛！

10點4分到場，人頗多。門口負責接待帶位的女員工開口第一句唔係「早晨」或「你好」，而係「今日係公眾假期，個半鐘交枱，有冇問題？」。未入場就諗住趕客。向該女員工表示想坐入面，不想坐門口，他隨手將一疊點餐紙揼係枱面，無視客人嘅要求，亦不打算作任何解釋，瀟灑地轉身離去（稍後等位人龍出現，她向人龍解釋店舖分A、B區，各有固定嘅入座條件）。另有一金棕髮色綁馬尾女員工態度親切，有禮貌（唔該前多謝後）手腳俐落又勤快，挽回不少印象分。坐底點餐，選擇比預期少。門口負責接待帶位的女員工（因坐門口直視收銀處同員工咖啡機）一有空便走去沖咖啡整咖啡豆，除口罩食早餐，需要同客人講嘢先戴返口罩，毫無衞生除疫意識。該女員工其後同等位人士有爭執，向客人發脾氣，聲稱「你再迫我我大不了除衫唔做嘅啫」，非常熟食中心員工FEEL（綁馬尾親切女員工其後出手安撫不滿嘅客人）。奇葩事項很多，不能盡錄。總結：食物可以，環境可以，人手不足，送食物嬸嬸有禮貌，綁馬尾女員工態度親切手腳俐落勤快，門口接待女員工需要再培訓。利申：全自費。不是免費招待或試食。

之前聽同事講話呢點心高質，趁今日得閑啲就去銅鑼灣試吓佢！雪山豚肉焗餐包入邊係叉燒餡，出面就係經典微脆雪山皮，比起平時嘅叉燒包更加有層次感～ 重點係整得夠熱，好好食星海薈蝦餃皇做得酒樓嘅招牌菜，蝦肉分量多，外皮煙韌，食落去啖啖肉姬松茸野菌翡翠粉果見佢幾得意所以叫來試吓，入邊啲餡料多到爆出嚟，食落去菌類味道好香，皮就比較腍南翔小籠包賣相好靚，一咬落去爆晒湯汁調味好夠，點埋紅醋好夾呀原隻鮑魚燒賣皇講吓招牌菜又點少得呢個燒賣，賣相精緻，雖然唔係好大粒，不過味道好香，鮑魚都好有咬口，好食又好睇招牌胡椒濃雞湯灌湯餃仲有呢個灌湯餃又係必點，本來啲湯就已經蓋過灌湯餃，啲湯非常濃郁，雞同胡椒味都好足灌湯餃就好大隻，啖啖肉配埋個湯真係好正

今日出嚟銅鑼灣飲茶，環境佳得非常舒適．酒店級嘅舒適環境。午市時段必定要食點心：必點「星海薈蝦餃」大大隻鮮蝦好新鮮，外皮唔會太厚👍🏻「水晶潮式粉果」勁足料，入面滿滿嘅餡料夠哂多「黑蔗糖馬拉糕」好香黑糖味，口感勁鬆軟，即叫即蒸...熱到出哂煙。「蒜蓉蝦春卷」外皮好香脆，包著蒜蓉蝦...yummy🤤「香茜叉燒腸粉」半透明嘅腸粉外皮，包著叉燒，愛芫茜嘅香味，一定不能錯過...「小籠包」賣相好精緻，裡面浸出熱辣辣嘅湯汁，必食之選。「雪水豚肉焗餐包」外層鬆脆，似菠蘿包嘅感覺，裡面充滿著叉燒，味道同口感，比一般嘅叉燒餐包更好食。下次晚市時段要再嚟試下小菜😋

Lunchtime偶然都幾鍾意去飲茶，因為點心永遠都唔會食厭～前排又同同事去呢間質素幾好嘅茶樓飲茶🫖由於只有2個人去食，可以食得精緻d！$38粒的鮑魚燒賣大大粒鮑魚在燒賣上，望到都覺得好吸引，食落去鮑魚幾有鮮味，而燒賣肉質亦不錯😋小籠包賣相好精緻，皮薄多湯汁，肉的份量適中，感覺不會很膩。另外胡椒濃雞湯灌湯餃亦幾特別，湯底的白胡椒味好香濃，湯餃非常大，入面包了蝦肉同肉，喝一口湯，吃一啖湯餃，非常滋味。碧玉鮮蝦腸粉的腸粉皮好滑，裡面的蝦肉亦好厚，點埋豉油味道好好。另外都好欣賞姖松茸野菌翡翠粉果，粉果皮薄且多菇多料，晶瑩透亮，滿口都是菇的香味😋下次再來吃精緻點心～

做個孝順的乖女， 提早同媽咪慶祝母親節， book位輕鬆啲 又唔使同人哋逼。慶祝母親節中菜當然是不二之選， 選擇我最喜歡的酒樓，time square附近地點好方便， 商場有特大專𨋢直達， 唔使同其他食肆的食客 逼等𨋢， 媽媽超滿意。澳洲龍蝦非常當造抵食， 肉質彈牙爽口， 啖啖肉 大大件， 新鮮龍蝦甜美的味道， 回味無窮。 龍蝦夠曬大隻 ，分件後仍有七八件， 伊麵吸收了上湯精華， 煮得啱啱好， 麵質煙煙靭靭。另外選擇了 紅燒煲仔翅， 魚翅份量 比想像中多， 上湯味道夠濃郁， 魚翅吸收了上湯的精華， 夠曬彈牙爽滑夠滋味， 配上秘製胡椒粉， 更顯 美味。士多啤梨大蝦， 大蝦脆漿鬆脆， 掛滿了酸酸甜甜的士多啤梨醬汁， 蝦肉彈牙爽口， size大大隻， 啖啖肉很滿足。真的很想試鹽燒南非八頭鮑魚， 看見隔離枱每位也來一客， 好像很美味， 但實在眼闊肚窄， 引得我心癢癢要下次再來。

利舞臺廣場譽宴·星海薈，有專用電梯直達，裝修完後華麗高尚，有氣派，點心水準又高，今日約朋友嚟呢度飲茶😉酒家有一大煲滾水俾食客洗餐具，夠貼心🥰,我哋點咗幾款點心,等咗十分鐘左右，點心就陸續送上😄雪山豚肉焗餐包餐包厚薄剛剛好，醬汁唔太多，唔黐牙，豚肉有咬口😋姬松茸野菌翡翠粉果粉果皮薄饀靚，脹卜卜，松茸味好香，層次豐富，必點🤩星海薈蝦餃晶瑩剔透，蝦肉爽脆彈牙😋碧玉鮮蝦腸粉鮮蝦大大隻，腸粉皮又薄又滑😋胡椒濃雞湯灌湯餃灌湯餃飽滿，雞湯濃郁足料，添加咗胡椒味，越飲越好飲🤩侍應姐姐招待週到，點心好食，的確係飲茶嘅好地方🥰

譽宴。星海薈📍銅鑼灣波斯富街99號利舞臺廣場5樓成日都想搵間好食嘅中餐今日嚟到呢間餐廳 見到做緊幾個promotion招牌白胡椒蟹🦀估唔到呢度都有得食到星加坡嘅名物雖然好耐都冇得去星加坡 但呢度嘅味道都十分相似隻蟹本身已經超大隻同埋實肉上枱嘅時候仲係用鐵板 熱辣辣令到胡椒味更加香肉蟹更加啖啖肉 吸埋啲胡椒味超級好食紅燒煲仔翅🐟講到明用足三兩嘅翅仲會喺我哋面前煮返熱啲翅好入味 食極都仲有連個獻汁都唔錯啫啫馬友蝦乾芥蘭🥬粗菜細做聽落好平凡嘅餸係用鐵板上上面加入馬友 大量嘅蝦乾芥蘭好爽甜

餐廳裝修十分美輪美奐，樓底高， 空間感十足， 座位舒適寬敞， 最喜歡天花板的一群魚形吊燈， 好似 魚群在客人頭頂上游來游去， 十分精緻吸引。紅燒煲仔翅(每位)(優惠價)$188店員即場用gas爐原煲魚翅在客人面前煮滾， 上枱時 ，熱燙燙 ，香氣十足， 打開蓋時看見足足三兩魚翅， 一疏梳的魚翅在煲內， 賣相吸引，令人垂涎， 湯底十分鮮味帶黏黏的口感， 配上爽口芽菜，感覺 變得清爽， 每口都色、香、味俱全， 鮮味衝擊味蕾 ，十分享受。上湯焗西澳洲龍蝦伊麵底$388西澳龍蝦用傳統上湯烹調 ， 保持原汁原味， 大隻西澳龍蝦， 啖啖肉， 賣相吸睛， 肉質超級彈牙和鮮味， 精華盡在伊麵， 完全吸塑了龍蝦汁的鮮味， 滋味大大提升， 伊麵煮得剛剛好不會過諗， 口感一流 ， 仲足足四人份量，令人食指大動。原隻鮑魚(四隻)滑雞煲$228肥美的原隻鮑魚， 柔光亮麗 ，是我的至愛 ， 十分彈牙 入味， 鮮味在口中爆發， 膠質口感， 滿滿膠原蛋白， 滋補養顏， 女士恩物， 跟配的雞肉十分軟嫩滑溜。