明記海鮮潮州菜館 (祐建樓) (已結業)

打冷絕對是香港的美食招排之一，說到打冷不得不說「明記」吧。二人同行下，點了三餸。本來想點一份$48豬紅，但一碗的份量實在太多，雖然真的很抵價，但眼見身旁二人剩下了大半碗，只好放棄豬紅；因為我們對鵝腸和紅腸的興趣不大，所以最後點了這個雙拼，加上辣椒油和酸汁，絕配。我是東風螺的發燒友，也不太差，很濃的酒味，辣味加強幾倍應該更可口吧。本來想點一份馬拉盞炒通菜，可惜只有蝦醫通菜，最後店員介紹了這個啫啫通菜，沒想到是以煲。一開始很吸引的，因為還是沸騰著，感覺超新鮮。可能還未天冷的關係，溫度一直很熱（太熱），根本無法大口大口品嚐，而最後成個菜煲變得超油，沒法子吃光成個菜呢。

星期六父親生日出街食，想食明記好耐了，就去食啦去到原來要等位，等左半個鐘終於入坐叫左咸菜豬肚湯，蠔餅，獅hop, 黃金蝦個豬肚湯份量好大好足料，蠔餅係淋淋地果隻，不過都好好味。獅hop同黃金蝦都好味，不過黃金蝦要趁熱食，如果唔係好油

聽說荃灣的明記水準很高，於是來嚐一嚐。這次點了炒四季豆﹑蠔餅以及獅蚶。四季豆不錯，炒得幾好，但相比起蠔餅與獅蚶難得略顯遜色。獅蚶的菜式全名我忘了，只記得是冷食的，其汁料的味道酸酸甜甜﹑非常好吃，也很入味，水準上佳。至於蠔餅，正好本人在當天的昨晚才剛嘗過蠔餅，正好吃出雙方的差別來，此蠔餅煎得非常脆，蠔餅的底整得好「靚」，真係每咬一口都脆到聽到聲，而且蠔的用料也毫不吝嗇，水準非常高。整體而言，味道方面上佳，環境一般，服務不錯，有位「呀叔」的態度非常親切，令人感覺良好。每一碟菜的準確價錢我忘了，3個人吃埋單合共三百多元。

厄人黑店，千祈唔好去。用左openrice咁耐都一直係CD rom，但今次真係嬲到要開account話同大家講呢間店有幾黑。本身同女朋友去荃灣睇戲，諗住響附近食飯，見到呢間唔使等位又有冷氣就入左去。一坐低見到有一兩隻蚊滋仔飛來飛去都覺得還可以接受，正常餐廳少不免。落單果時叫左一技啤酒，一個蠔仔粥，椒鹽猴頭菇，重有一個滷味三拼，要鵝片，鵝腸同墨魚。重點來了，個三拼明明餐牌寫98，落單果時個待應重話鵝片貴d，所以份量會小d。碟三拼嚟到果然係鵝片得三四塊，之後墨魚同鵝腸都唔多，就算下面做底果d芽菜都勁小，咁都唔緊要。埋單果時我諗住二百頭應該得，之後個收銀話要314！我問點解咁貴明明食左三樣野，佢話個三拼要168，因為拼左鵝肉，所以要加70。我即刻話你落單果時都無講要加錢，你餐牌又寫98，又無寫拼鵝肉要加錢。個收銀話可能個同事落單唔記得左提，不過部機係落左呢個價，你都係要俾錢！聽完已經火都嚟埋！咁即係厄人屈錢姐，同海味店厄人一斤一兩有咩唔同！之後我問佢就咁點一碟鵝肉幾錢，佢話90。三拼得三四塊鵝片，當你三拼每樣三十幾蚊計，即係個鵝片係要三十幾加七十蚊，即係百幾蚊！唔只貴過你一碟鵝片，而份量重小

夜晚收工夜一夜最開心同同事去食打冷，荃灣區一想就想到的打冷就是這間了，不太肚餓，2,3個人叫了3個餸。椒鹽豆腐: 大大份絕對是送酒之選。不過食落味道和平時的椒鹽有所不同，偏橙色的椒鹽，咸味少但辣味重，豆腐炸得未夠脆身，有少少失望。方魚肉碎粥: 有大碗和細碗，如果2,3個人，細碗已經好足夠。潮州粥的特色，米煮過還是粒粒分明，方魚、肉碎、冬菜、莞茜加少少胡椒粉，非常好味！滷水鵝片: 食潮州菜打冷必食！雖然$98有點貴，但食過都值得。鵝片滷得入味，啖啖肉，底下有豆腐花生，花生好粉好好味，一啖啤酒一啖肉，太正了。希望下次更多人食，食更多特色食物，會再光顧的。

之前一直都食開，質素係唔錯既，價錢都化算但最近加左價之餘，食物質素都差左無論係通菜，炒蜆，西檸豬排，全部望落去都乾爭爭，一啲都唔吸引西檸豬排食落都係乾既，菜好咸，係魚香茄子正常d係失望，價錢貴左都唔係問題，但食物質素唔但止keep 唔到，仲下降左，無下次喇

今日放左工同同事去左打冷先知明記已經搬左去鱟地坊之後我地叫左螄蚶 佢啲肉汁都好鮮甜，好新鮮因為螄蚶要新鮮先好味，所以唔錯之後就叫左蠔仔粥成碗有好多蠔仔而且份量都多 夠晒6個人食再添跟住叫左豬紅豬紅帶少少辣 而且好入味值得一試！

從未食過香港打冷菜，媽咪同姑姐都好喜歡吃的司庵，近日被媽咪發現新大陸，適逢端午節，由太平山頂high tea完，專程轉過沙田來到荃灣呢間，凍司庵估唔到咁鮮甜，好似唔試過食榴櫣，唔道佢的誘惑，令我一試難忘。以前怕呢啲海鮮有沙唔乾淨會食到嘔，祗有呢間可以放心地去食了。另外，本人推介的茜湖牛肉羹又係好正好抵食，湯攤奈了都唔會變水，佳因用馬蹄粉，不是生粉水，豆腐布包，鲜牛肉，非用打爛的淬牛。下次再會來幫襯。😋👏🏼👍

星期一晚上7點到達..唔洗等位~~大概7點半就開始多人了!!3個人叫左5個餸~*1 炸大腸..好邪惡啊...好香好脆~~不過我覺得干左少少*2鹵水鵝片...普通野...不過都好入味...份量都多*3咕嚕肉...肉好香脆..個汁酸甜剛剛好!!正 仲有椒鹽豆腐...熱辣辣...不過我覺得硬左d石窩啫啫芥蘭...好夠穫氣...食左1半都仲好熱

夜晚晚去荃灣，識食一定係打冷。特登去左有啲偏僻既鱟地坊，一試明記打冷。石鍋通菜上鍋既時候仲滋滋聲，好似食緊鐵板燒咁，好爽。啲通菜鹹鹹地好好食，都幾入味，不過就太多油啦。椒鹽九肚魚必試，炸蒜整到好香口，而九肚魚亦都整得好滑，保留左魚既嫩口，加上脆脆地既椒鹽，食到添飯係常識啦。沙拉豬扒豬扒幾厚肉，芥末沙律醬都幾香，不過呢道菜就平平無奇，無太大特別。多啲人可以試下啫啫雞煲，都幾出名，而且好香咁。下次可以試下。

一直對潮州菜不是太有興趣，不過朋友話廿幾年冇食，所以喺佢STAY香港一晚就搵間離機場唔太遠而又好口啤嘅食下。當日7點先打電話BOOK8點位，點知都有枱，可能星期一啩。去到地面內舖FULL左，叫我地上對面樓上舖都8成滿，仲要大部分係後生仔。因為我地得半枱人到左另外半枱遲左差唔多成粒鐘，侍應們都冇催我地落單，只係行過黎望左3次，幾好。我地叫左6碟野，每碟都配番1-2個汁點：1. 司UM (唔太記得個餸名)第一次食，唔識開，不過朋友姑姐開埋俾我，好得意，唔同平時D貝殼類食品。2. 椒鹽豆腐平時食飯都會叫，好食，不過太多粒食唔哂3. 煎蠔餅 本來唔太鐘意食蠔，呢個菜唔抗拒，幾好食4.炸大腸 洗得都乾淨，都好食5."老"水拼盤放到好亂，一堆咁，不過好食6.凍花蟹 第一次食，時價，當日280細320大，叫左隻大分成6件+1個蓋，好多膏，口感好似食緊日本雪場蟹，好食上菜好快，侍應都幾有禮貌(當然不能跟5星級大酒店比較)

另一半成日都想去依間試下~講左咁耐..依日終於一試我地安排上角樓坐~地方都幾乾淨+光猛~食客都好斯文我地點個"韭菜豬紅"~汁底夠味夠濃郁..可以再辣一點韭菜豬紅料都好足"菠蘿生炒骨"排骨炸得脆~但酸甜醬底唔夠突出..無醒胃感~味道好平凡"石鍋芥蘭菜"本身D菜上檯已經係腍身~下層再受熱..又食唔切D菜好快又老又黃~味道都好鹹..不討好"蠔仔粥"湯多飯少..湯底清淡少料~蠔肉有鮮味整體食物無驚喜..好普通~服務亦一般

中學同學聚會, 朋友選址''明記''。當天到達食店門口, 發現人頭湧湧,幸好友人已事前訂座, 但仍需要等15分鐘才能入座。一行六人, 被安排坐在角樓的桌子。一個叫天不應、叫地不聞,一個像被侍應隔絕的地方。只聽到異常嘈雜的人聲~既然談話不便, 我們就自動地一人先點了一款食物。當然找侍應點食都需要下一點苦功~幸而食物很快就上桌 ^^滷水併盤賣相一般, 食材看似擺放很久、很乾身;滷水汁的味道還好, 不會偏甜或咸~可惜食材本身不夠入味, 而且份量少。韮菜豬紅青蛙每次吃潮州菜必點之物。而''明記''的韮菜豬紅烹調得不錯,豬紅夠入味、醬汁帶微辣, 夠惹味。獅蛤青蛙第一次吃獅蛤,味道沒有想像中的腥,反而是入口好像有一泡血水,感覺很奇怪...椒鹽九肚魚即炸熱辣辣, 蒜粒夠多又香口~唯細骨較多又較長, 咀嚼時不時要挑魚骨, 挺不方便。蝦醬炒通菜蝦醬味挺濃, 菜亦炒得剛好火喉, 不老身。炸蝦餅又一新鮮炸起的香口菜色,外表炸得金黃色, 內裡的蝦膠亦彈牙, 不過吃一件即止, 因為挺膩。由於友人略嫌蔬菜不夠,於是加了一個帶子炒西蘭花。帶子炒西蘭花帶子鮮甜好吃;但青蛙覺得西蘭花太大舊及硬,不過整體味道不俗及有獲鈑

本來琴日想去沙田大排檔,但因為太遠所以去左試下荃灣既大排檔-明記.入到去見到個個人都叫左蠔餅同豬紅.咁我就叫左黎試下啦.之後仲叫左一碟好似幾出名既螄蚶. 蠔餅黎到既時候一試,果然值得每人叫一碟, 蠔既份量十足得黎,蛋槳又岩岩好份量. 而且蠔亦都夠新鮮,價錢又唔係貴.十分值得一試. 到左韮菜豬紅, 又係一道物超所值既菜色. 豬紅做到入口即溶,份量又多,而且韮菜吸晒豬紅同個湯既味, 可以講係冇得輸.但到左個螄蚶,可能係得食唔慣既關係,我覺得佢唔係幾易入口,但係其實都唔錯.相信如果中意食海產既都會中意食. 總括就係明記價錢合理 可以值得大家去試下.

是日到荃灣見客，傾到八點至完，饑餓嘅同事話想食小炒。對於唔常出沒荃灣嘅我，見依到咁熱鬧就有信心搵位坐低試試。兩個人雖然餓但好理智地無叫太多，叫咗3個小菜＋1支啤酒(主菜) 椒鹽九肚魚，值得一讚的是不會有一面倒的椒鹽味，魚味依然。咬落魚肉軟而不散。埋單唔洗兩舊水，必食：椒鹽九肚魚＆沙嗲豬紅！！！