明記海鮮潮州菜館 (祐建樓) (已結業)

在荃灣的潮式打冷菜館之中，明記算是數一數二的大哥大。之前和家人光顧過覺得味道唔錯， 見到明記在附近又開了一間新店，心思思又帶家人來食晚飯。入坐不久已經全場爆滿， 好彩醒目有提早預約留位。餐廳都有好多優惠～更優惠的是滿300元就送鹵水拼盤一份，超抵。點了豉汁蒸白鱔， 鱔片肉質滑溜鮮美， 廚師蒸的時間剛剛好，而且非常入味，用黎送飯一流。潮州名菜滷水鵝片， 鵝肉緊緻有咬口， 鹵水味香而不會死鹹，果然名不虛傳。菠蘿咕嚕肉， 甜甜酸酸的開胃菜，每次必點。粟米魚肚羹， 魚肚出奇地多，軟軟滑滑的一大煲，一口氣飲了2 碗。沙茶牛肉炒河， 牛肉軟淋一咬就開， 鮮嫩十足，河粉配合牛肉醬汁一起更令人食唔停口，可惜芥蘭非常硬身，煮淋d 會更好。蠔餅非常香脆， 熱辣辣最好味，基本上每一口都食到蠔仔 ，是先生最喜歡的一款。爸媽就說怕熱氣唔敢食，哈哈.... 豐富的一餐明記小菜味道唔錯，價錢實惠，是家人開飯首選。 可是店員忙過不停，講說話難免也比較大聲，建議多請人手及 稍為改善服務態度，生意一定會更好

秘製凍司庵呢個係我們家人摯愛，平時就算冇係到食都會偶然係到外賣返屋企食，佢味道鮮甜帶少少辣味，微微既辣適合大眾口味，而且佢用蒜同醬油僻左司庵既腥味，提供埋夾容易開滷水雜拼本身都諗住叫呢個，點知原來係到消費夠$300就送一個雜拼，好著數既優惠而且佢送既都好足料，滷水都好入味，欣賞尤其係魷魚爽口滷水鵝叫半隻都大份量，仲俾左鵝脾位!辣酒煮螺坊間多數以東風螺代替花螺價錢比較平但係冇咁好食，估唔到呢到真係俾東風螺, 食落爽口比較鮮甜沙拉蝦球佢炸粉不厚，一碟蝦球數量很多翡翠炒海班球又係大大碟，每舊海班球都俾好大舊

昨晚去吃潮州菜，一家人出街吃，天氣很熱大家想吃涼一點東西。在荃灣鱟地坊68號明記潮州菜館見到啤酒特惠，同滿$300送鹵水拼盤非常吸引地方酒家一樣，有電視，衛生美觀。姐姐服務很友善，枱上有小食泡菜(韓國?) 炸小魚仔……不像潮州菜 但味道不錯，哈哈!我們選了細蠔仔肉碎粥 $58 材料很多，蠔仔肥美，有大頭菜，有肉碎，有芫荽，香味一流! 份量約5-6小碗。 鹵水鵝片 $118 鵝片入味軟綿綿，不錯。底有2大件豆腐，切共8件!白飯魚煎蛋$88 有驚喜，白飯魚好香又大條，啖啖肉，蛋香而邊脆……韮菜豬紅 $68 超大碗，同蠔仔粥大細一樣呢……呆了! 最後外帶，因為吃不完滿300，送鹵水拼盤有芽菜放底，紅腸，鵝腸，墨魚，豬耳，豬頭肉，豬腸，豬腩片……適合貪心的人，重點是免費的值得再吃潮州店，經濟實惠! 份量充足! 幾個男人喝啤酒談天完全一流!

今日呢間餐廳是食潮州菜的，沒有富麗堂皇的裝潢，但呢到整體食物都係足料有份量而且好味的，店員服務快手同友善，相信我地好快再黎食過。飯前小食$20，脆魚仔，醃蘿蔔，送粥一流，因為單食有點咸。呢到其實除左潮州菜之外，仲有好多不同的小炒，呢到食物除左多元化，款式同樣非常多。潮州菜必點之一有滷水鵝$128，滷水鵝潮州出名名物之一，這裡的滷水鵝值得一讚，鵝肉特別嫩滑，滷水充滿香氣但一點也不覺得咸，所以不會蓋過鵝本身的原汁原味。潮式蠔仔餅$88，蠔仔餅好大個，每一啖蠔餅都食到蠔仔，蠔仔肥美鮮甜，蠔餅絕對要襯熱食，外層酥脆，炸得好好，唔覺得好油膩，好好味。客家黃酒雞煲 半隻$138這個黃酒雞邊食邊煲住可以保持熱辣辣，黃酒雞係一個客家傳統菜式，黃酒香的甜醇味入晒落D雞到，湯入面加左杞子，薑，圓肉，紅棗除左個湯好甜之外，呢個湯仲可以袪風驅寒，份量唔少，建議3-4人一齊食。

今年父親節，打冷慶祝，所以揀咗去明記。上次同朋友食完，不過上次成班人都好少打冷，唔識叫嘢食，今次試咗好多上次無食到嘅嘢。提早book咗枱，所以一到就有位，今次仲有房坐 （有小朋友，有房好好多）。坐底無耐就叫咗好多嘢，呢樣又想試，果樣又想試。最後 6大3細叫咗十幾個菜 不過可能自己食開唔係咁咸，同上次一樣都覺得好幾樣嘢都咸咗少少，好似蠔仔粥，豬大腸等。雖然今次試咗好多上次無試過嘅嘢，但仲有好幾樣未試，下次會再過去試

好耐冇去打冷！今晚就趁著假期去明記打令！一坐低就立刻落單！因為假期，所以都要耐心等待美食！潮式獅蚶，都算大粒，而且洗得好乾淨，用手就能輕易打開，肉質鮮嫩，且深紅色，食落去，成口都能嘗到海水味！蘸埋酸辣醬，更加惹味！美國砵酒蠔，用石鍋上枱，打開錫紙時，肉汁不停彈出去，真是熱辣辣上枱，蠔是十分肥美，咬落去，蠔味已經撲鼻！鐘意食蠔的，真是要試試！而滷水方面，就較喜歡鵝件，因為肥瘦夾住，不似鵝片只是瘦肉，食落去真是鵝味十足！鵝腸十分爽，咬落去是十分爽脆！腐乳通菜，勁多腐乳，一點都不吝嗇！十分惹味！最後，避風塘茶樹菇真是一絕，椒鹽味十足，如果挾埋乾辣椒🌶️和其他香菜一起食，更加是多重享受！

同一個月有慶祝母親節又慶祝媽媽生日！ 今次呢一餐母親節飯我哋就嚟到荃灣嘅明記，一向都鍾意重口味，所以食打冷就最岩！ 講小小背景先呢一間位於荃灣嘅打冷，係位於樓上鋪嘅，所以應該唔係好多人搵到！ 但係好野傳千里，我見來開嘅都係捧場客！ 由於食客人數越來越多，所以佢分開咗兩間，兩間都係位於樓上鋪！ 嚟到我哋諗都無諗就嗌左佢嘅椒鹽魷魚，魷魚份量多，炸粉好薄，魷魚好新鮮，而且係啱啱炸起上嚟，10個正！ 跟住我哋叫了蒜蓉蝦，我覺得麻麻哋因為平時爸爸整嘅更加新鮮更加好味！ 呢度嘅王牌菜式係小炒王，韭菜花10分翠綠，識落冇渣嘅，而且他嘅蝦乾炒起上嚟好香口！ 係我哋一家其中一個好鍾意嘅菜式！ 嗰日好幸運，食滿好似貳佰圓就會送一個滷水拼盤，味道就一般啦，但係勝在係免費，而且份量都不少！

明記的主場在荃灣鱟地坊，開業已經接近十載， 之前旺角店新開張 ,我也即刻去試試，今晚一於到主場試試。雖然是平日的晚上八點多，但也接近座無虛席， 幸好安排到僅餘兩個位給我們。 點菜方面當然要食打冷菜啦"鹵水雜拼什錦打冷有紅腸，墨魚 ,芽菜全部都很爽好和入味另外想補補身半隻黃酒雞喜愛濃郁藥材味的你一定要試試這個， 藥材味超級濃， 紅棗圓肉杞子 還有很多雞件， 所以我特別配一個米粉， 來一客家黃酒雞湯底米粉呢！豉汁蒸白鱔滿滿的 豉汁 佈滿了在每一件白鱔上大細切得非常好，好容易入口，最重重要當然魚肉新鮮。

日日都落雨完全無心機出街，今晚近近地到屋企附近食晚餐吧！行到鱟地方附近見到間潮州打冷，一於入去試試。飯店位置非常大，坐位闊落而且非常多人。店員先送上潮州小食，配粥食一流鹵水鵝片鹵水味道香濃，鵝片肉質鮮美有咬口。西檸煎軟雞老公最愛的小菜，檸檬味酸酸甜甜，特別開胃，而雞肉鮮嫩多汁，外皮酥脆。白飯魚煎蛋白飯魚非常大條又鮮甜，蛋邊煎到香脆可口，蛋味濃郁。潮州炒麵缐配料有魚片，鮮魷，雞蛋等等，麵線軟淋爽口，味道充滿鮮味，炒得非常有鑊氣。鹵水雜拼而家店家做緊食滿$300送鹵水雜拼，食物款式多，有紅腸，墨魚，大腸，鵝腸等等，款款都夠入味又好吃，而且份量仲好多呢。

生日月份，繼續生日飯，今次就試下荃灣嘅明記，試下有段時間無食嘅小菜/打冷。一坐底，睇住個 menu，好多嘢都想叫（鬼咩，餓鬼咁 ）兩三下手腳就必定好叫咩。落單後一陣就上菜，快手 叫咗好多嘢，有小炒皇，蠔餅，豬紅等，仲有好多嘢想試，但基於「咪做大蹝鬼」嘅原則，留返下次再試。整體感覺，鑊氣足，夠味道。不過小炒皇有 d 鹹，另外碟炒花甲就唔係咁新鮮，好多都無開口。地方乾淨，坐落都舒服。講下呢樣，講下果樣，開開心心又一餐

去完附近醫院想食有鑊氣嘅炒飯，大排檔式應該會好鑊氣啲。大熱天氣可以座冷氣底歎碗炒飯，放工一大樂事。打開餐牌菜式接近或超過$100，以慳家論真係好難揀。由於好想食炒飯唔洗諗已經點咗一樣，仲有石窩菜，其他嘢等另一半嚟到再決定。炒飯超大碟份量兩個人食有點挑戰， 好彩未齊人留一線機會叫少啲嘢，實行惜食。粗略計算呢碟飯裝到10碗8成滿碗仔，食曬都飽。石窩盛菜好小見，睇到起泡泡都幾治癒，一座山仔咁多，食落脆口不自覺食多幾條，食到尾都仲暖暖地，唔會凍咗結成一舊舊醬。炒飯填滿肚子，肉類大家都耍手擰頭，食飯兩樣餸又差啲差啲咁，決定叫炸鮮奶。10粒都咁大嘅炸鮮奶，另一半食咗2粒就投降，結果我一口氣豪吃8粒。炸皮值得稱讚，口感鬆脆不油膩，內餡鮮奶份量多，所以吃8粒都無問題。

之前同朋友後過一次，相隔大半年再來幫襯。兩個女仔叫咗4個餸+1碗飯，個滷水拼盤係送嘅（好似係過$300就送）。前菜有兩碟，花生同泡菜，碟泡菜好開胃好好食😂其實黎明記最主要目的係食獅奄，真係回味無窮，佢嘅酒香同埋夠新鮮，完全唔需要點其他調味。其次係椒鹽九肚魚，肥美多肉大碟，正炒通菜就普通，好似有啲牛油味咁。佢嘅蠔餅係比其他店鋪炸香好多，蠔嘅份量亦都足夠，但略嫌太過炸了，好似無乜落蛋咁。滷水拼盤正常地好味🤣除咗環境要改善外，食物質素及服務都ok。會為了獅奄同埋九肚魚再來😏

因為前一日同朋友打冷無叫鹵水鵝同炸蠔餅，所以之後一整日心思思想再去食，荃灣都有好多間潮州菜館，大部分我都未試過，但有炸蠔餅食嘅就只得一兩間(真正潮式蠔餅係煎不是炸)，所以取其方便就係明記。明記小炒皇 $108🥢🥢🥢食小炒皇最緊要有鑊氣同材料豐富，大蝦乾、銀魚乾、腰果、菜甫、蝦米缺一不可，仲有主角韮菜花要新鮮，呢度個小炒皇只是一般，鑊氣差dd、蝦乾淡味同硬咗dd，所以惹味度就差咗dd鹵水鵝 $128🥢🥢🥢🥢必點item，鵝非常入味，肉有油香帶有光澤，啖啖肉唔鞋，靈魂鹵水汁味道非常濃郁但唔會咸，令墊底豆腐吸盡精華，超正🤤潮式蠔仔餅 $88🥢就係因為佢令總評失去笑臉，呢個蠔仔餅非常另類，蠔細隻不特止，數量少到唔多食到，最敗筆係炸到特級天婦羅咁，一味死脆😣，啖啖都係炸漿，內餡鴨蛋同薯粉煙韌口感都不見了潮州粥 $14本人無食所以無評語後記：1）餐前小吃可不要，但要order前揚聲2）8點前結帳離座有8折，但小心check單，電腦不會自動打折二人共消費：$305

今晚好肚餓去打個冷先！🙆‍♀️🙆‍♂️ 聽人講呢間明記有兩間舖 咁食物應該有番咁上下既！ 我地比較夜黎 所以食物好快就到lu💁‍♀️我發板叫咗個細蠔仔粥 韭菜朱紅💁‍♀️ 男朋友就想食滷水鵝💁‍♂️細蠔仔粥 $58細都好大碗 有好多蠔仔 幾抵食💁‍♀️💁‍♀️韭菜朱紅 $68有勁多朱紅 起碼三十粒 味道帶少少辣💁‍♀️ 幾惹味既 朱紅都幾有血味 又唔會太實💁‍♀️💁‍♀️滷水鵝 $128下面係滷水豆腐同少少花生🥜 面頭既滷水鵝都幾滑既 不過骨多左啲💁‍♂️💁‍♂️整體正常既價錢 但餸就好大碟 其實我地三個人食都好夠 幾抵食下💁‍♂️💁‍♂️

好耐無黎食就同朋友黎食下呢間啦，感覺質素向下，而且唔知係咪貴左咁。。。加多3個飯就$540。雜拼覺得份量少左好多，每個份量都少左，豬耳豬腸都得番幾舊咁。。。而且底下都好多芽菜，所以覺得完全唔值了。四季豆，味道都夠濃，份量還算多。黃金鮮魷，金金黃黃的，賣相可以食落去都熱既，份量都還可以。紅燒豆腐，味道還算濃不過比較少冬菇但都有白菜係底既。白飯就唔太夠熱，而且口感好像唔夠軟棉棉，又未至於生既感覺。地方還算乾淨，係迫少少。不過呢餐要$540就完全唔抵，好像貴好多。總結味道還可以不過價錢唔抵