明記海鮮潮州菜館 (祐建樓) (已結業)

食物水準其實非常一般，店員的服務態度非常差，我們坐下便即下單，等了半小時都未有餸菜咪請問一下店員，店員竟然話我們仍沒有下單......那我請佢幫幫手跟進一下我之前㸃了的餸菜.....店員竟然回應：「我同你問，但我要先處理其他枱的客人先。樓面話沒有下單就係沒有下單，我不用跟進啦！」（粗聲粗氣完全沒有禮貌😡)黃金魷魚「唔夠熱又好硬」滷水鵝片「味道好淡」價錢一點乜不平，最重要是遇到沒有禮貌的店員，真係沒有下次。

之前和同事巳經來過這間潮洲菜館，今次是第二次光顧！這間菜館算是明星餐廳吧，牆壁上貼有很多老闆、員工和明星們的合照！我們這次一行點了很多菜：凍馬頭： 魚沒有骨，對於害怕吃魚會吃到骨的朋友來說是天大的喜訊！點著醬汁來吃，一流～家鄉鹹菜新鮮豬肚湯（$118）：很喜歡胡椒湯的味道～這個湯足夠我們每人喝2碗～滷水雜拼（$138）：當你選不到吃什麼好，叫雜拼就準沒錯！什麼也有一些，每一款都可以試一試。京都炸大腸（$98）：炸大腸炸得很脆，有菠蘿放底吸吸油，感覺良好！石鍋啫通菜（$88）：這個菜足足有平常餐廳兩碟菜的份量。很有鑊氣～滷水鵝（$128）：很久沒有吃滷水鵝！今次真的大滿足。這碟鵝有半隻鵝的份量，有滷水豆腐作底。精華都被豆腐吸了，吃起來份外鮮味！潮式蠔仔餅（$88）：蠔仔餅是吃潮洲菜必點的！這個菜要趁熱吃！冷掉就不好吃了！蠔仔肉碎粥（大）（$98）：蠔仔份量很足，潮洲粥出名的就是粥底像泡飯一樣！如果可以白胡椒給我任添加就好了～待應很好，還免了我們切蛋糕的錢！

今晚去吃生日飯，叫了8个菜，樓面不夠人，經常沒人招呼落單，蒸開邊蝦，蝦肉梅梅地，不新鮮，叫了兩隻蟹，得个鉗有肉，蟹身很瘦，潮洲煎蠔餅，成碟加埋麵不知道有沒有30隻蠔仔，粉太厚，整體上很差，價錢偏貴

呢間荃灣打冷很久以前已吃過 但鋪位是在寶石大廈的，以前讀書生活經常和朋友一起去下打冷。自出來工作後，大家各有各忙，都冇咩再一起打冷。 今天是和家人去吃飯，去酒樓吃得多，都想去打冷一下，我們一行4人叫了一隻時令象拔bon，夏天感覺都係吃下刺身。這些沒有價錢的，但可以自己去選擇，我們最終選擇了一條較大的，他們標價$750，最終還價$700成交。我們亦按我們原意做刺身，只是一些部位，會放在蠔仔粥內一起煲。刺身上菜我地都覺得價錢冇俾貴，因為真係好新鮮，刺身亦切得厚度適中，另外，潮州菜大熱之選蠔仔粥經加了一些象拔bob後更加鮮味十足，非常好吃。我們外加了一碟小炒王，已經吃得我們很滿足了。

好耐無聯絡嘅舊老細搵我，問我可唔可以過檔再幫佢，仲約我去荃灣打冷，詳細傾。荃灣D 路唔多熟，好彩有Ｇoogle Map，讀個地址俾佢，佢就識帶我去，科技發達，幫到我。舊老細一早到咗，見我行到身水辛汗，就隊杯啤酒俾我，真感激。跟住俾個菜牌我點嘢食。擰住頭睇到D 滷水鵝好似好正，嚟打冷無理由唔食，一於叫番一個例牌鵝片食住先，至同舊老細傾條件。鵝片肉厚，又腍又夠味，連墊底嘅豆腐都入晒滷水味，呢碟嘢90分。再嚟就係食炒蜆、大眼雞、煎蠔餅。炒蜆隻隻都好大隻，都大碟，蜆肉大粒，味道就爭D，應該可以整辣D。煎蠔餅就夠乾身，唔油膩，好脆口。大眼雞我好耐都無食，因為平時食唔起。去街市買唔到咁大條，出街食又貴。好彩今餐係食舊老細。歎埋個潮州粥就係完美。傾完，舊老細叫我諗諗佢。查實我都係敷衍下佢，依家個老細對我咁好，我點捨得走呀!

同朋友去完渡假屋玩再直落唱K之後搵下有咩地方可以食飯朋友們都好想去食下打冷同食下小菜，所以今次就帶黎到明記試試佢地嘅小菜啦小妹就有時都會黎食下，但係呢班朋友仔大部分都係第一次黎到呢個食，佢地個個既評價都好好！話平靚正完全係抵食！今次我地一行8人，大概7點半左右無BOOK枱，但唔緊要，去到大門口同職員講聲幾多人，佢地會話你知去新定去舊果邊而我地就去咗新果邊，係門口轉左行見到有條樓梯，上一層就可以到架啦！我地8個人叫咗7道菜，送菜方面極快！而且真係熱辣辣咁上菜，絕對係快﹑靚﹑正！所有菜既賣相同味道都好好，又唔會好咸又唔覺重味精！份量方面都好足！而家可以介紹下今次叫每道菜嘅評價啦！1. 蠔餅其實小妹今次對呢個蠔餅有小小失望嘅平時又大份，食會好脆又夠料，但今次淋咗啲！食到好多粉。不過都係足料，希望下次再食嘅時候可以食返又脆又多蠔嘅蠔餅啦！2. 滷味拼盤呢個滷水拼盤入面有好多料！基本上你想食到嘅滷水食物都會係晒入面～ 重點係平時其他地方可能好夠滷水味但會食到好咸要係咁飲水，但呢到會岩岩好，唔會好咸而且好有滷水味，有好打冷既感覺！唔錯唔錯！3. 沙拉骨沙拉骨朋友仔都好快食晒，因為真係好好味！小妹就

今晚屋企人提議去食獅奄就嚟咗呢間，分別叫咗半隻黃酒雞、蠔餅、獅奄，先評食物蠔餅炸得脆硬，蠔唔多粉漿厚，黃酒雞味道夠都算唔錯，獅奄細隻得嚟仲有幾隻唔新鮮，滷水拼盤啲滷水汁唔香，食完後埋單先最火，明明餐牌寫黃酒雞半隻$108，1隻$208，埋單時收我$138，仲話一直收開呢個價，條8婆收銀仲堅持要收電腦價，我理論時因為屋企人趕時間叫我算數，我相信會報警處理及消委會投訴，呢間食店根本就係呃人，餐牌及埋單時根本唔同，呢間所謂的菜館我以後都唔會再幫襯，而收多果$30蚊及加一服務費我豪比你，乞兒~

其實明記出名好多野都好好食 今次兩個人叫咗啫啫煲通菜 蠔餅同滷水鵝滷水鵝今次覺得有d肉老咗少少 不過好入味 一定要配d酸汁 一入口會食到酸汁味 然後令到滷水味更加特出 成件事真係好好味 而蠔餅蠔都算多 而且好香口 好脆 我覺得唔加汁都已經好好味 而且蠔餅裹面既蠔無咩腥味 反而蠔幾彈牙 啫啫煲通菜 蝦醬好夠 唔會過鹹 因為用啫啫煲熱住關係 蝦醬食到愈後面愈濃味 而且菜好爽口一百鬆d真心抵食雖然今次無叫 但我自己好鍾意佢既蠔仔粥 粥雖然飯唔係煲到爛哂 但佢個湯真係好飲 你係會飲到香濃蠔味之外 飯既軟硬度適中 似蠔仔湯飯 d蠔仔都唔小架 而且粒粒都唔細

豬紅----少有地好入味呀。蠔仔粥---蠔仔份量比少。味道好。荔枝排骨--有啲比較肥。但個汁好好味。炸九肚魚---感覺有啲唔夠熱。啫啫雞煲---雞多，豬潤好食上菜快到食緊呢碟。第二碟已經到。4人食左$479晚飯算平啦。接受到。會再返來食。

紅日遠赴荃灣，好耐冇食潮州菜，又入黎試下。叫咗一個套餐$218，有2樣餸: ＆ 。浸蜆的味道咸咗d，蜆有沙，粉絲吸咗湯汁幾好味。拼盤有好多款食材：鵝肉、腎、豬耳、紅腸、墨魚、鵝腸等等，樣樣都好好味，而且夠淋，老人家都咬到。潮州菜點少得，$78，都算大塊，即炸好鬆脆，蠔仔肉大大粒，送酒一流，好快就清晒。最後叫咗，$70，依樣餸就不過不失，叫做營養d有菜食。

今晚同家人去咗荃灣明記食晚飯，四個人叫咗五個餸～份量都多～蠔餅既炸粉同蠔既比例適中，好鬆脆，蠔好大隻，無腥味豬紅我就麻麻地鍾意，嫌唔夠辣，同埋偏韌本身我唔太鍾意食魚，不過既然叫咗，就試試啦～佢表面好多粗鹽，肉既質地比較結實，將塊皮拎開，仲見到條魚既黃油～唔腥，亦無泥味，配埋佢個豆瓣醬真係唔錯～不過有時唔小心，會連埋佢啲粗鹽一齊食咗，咁就好咸⋯仲有呢個拼盤，豬耳，腸都好爽脆，味道唔算太濃～啲腸無臭味～好少會同家人打冷～呢間野都算唔錯～佢地仲話下次要再黎～

夜晚晚10點幾係荃灣見有d肚餓，黎左朋友推介既打冷店食宵夜。環境就一般大排擋feel, 冇乜服務～叫左個蠔仔粥 & 鵝片。蠔仔粥好大碗，又多料，最重要係多芫茜😝😝😝 不錯不錯鵝片普通，鹵水汁唔夠濃～不過份量都ok既。

平時唔會寫評，但為免其他人好似我睇評分而中伏，所以用試時間寫。鵝片真心少而無味，蠔餅唔香，豬紅唔彈牙。全部真心話，不信可去試。只收現金。服務員無禮貌。絕對是名過於實，大家唔好中招。

荃灣好多好嘢食，夜晚黎到人少少想食下小菜，都聽過住荃灣嘅朋友講明記都幾好食，所以今晚就黎試吓啦。兩個人叫咗三個餸，每啲份量都唔少，尤其係個炸菇，菜單上邊正確個名就唔記得咗係咩喇😂，呢碟炸菇一上枱我哋都好有驚喜，因為估唔到真係咁大碟，基本上兩個人都預咗食唔晒架啦，真係好晒野😓。講返個味道先，雖然係炸，不過食落都唔算太油，我哋即刻叫咗支啤酒飲添，炸菇送啤酒真係岩晒👍🏼。至於炒菜同埋西檸雞，就無乜特別喇。

一大班人行完山，想去滾一滾，可是荃灣有名氣的火鍋都全院滿座，有朋友提議食打冷，就去咗明記。滷水雜拼，鵝腸爽口，絕對要TRY，其他的，中規中矩，分量就是少。滷水掌翼，夠入味，可錯分量還是有點少。荔枝醬燒排骨仔，酸酸甜甜好開胃，分量也不少，店舖推介美食之一，可以一試。椒鹽鮮魷，全晚最正的一道菜，炸粉不厚，外皮脆，上台時仲熱辣辣的。不過朋友形容個味有啲似合味道的咖哩味。啫啫雞煲，味道可以，可是雞肉很少，反而蔥頭、洋蔥和內臟較多，妹仔大過主人，唔LIKE。蠔仔粥，味道較淡，蠔味唔突出，而且大地魚和冬菜分量好少，爆失望。