明記海鮮潮州菜館 (祐建樓) (已結業)

見到呢間潮州嘢好多好評，諗住試下囉哦打去話滷味雙拼200蚊 我就拼鵝片同墨魚片，一打開盒，我以為盒嘢穿窿，哦200蚊得六塊鵝片？係啊得六塊，唔好以為一塊好大塊，係好細塊既。自己睇圖。一翻底，一大盒芽菜墊高啲鵝片，扮到好多鵝片咁，我笑左。姐係呢200蚊買芽菜送鵝片啦，原來而家啲芽菜鑲金呀。碟西檸雞仲搞笑，冇雞肉，比錢食生粉，我第一次見西檸雞係一條條，而唔係一塊塊，入面真係冇雞肉，幾條雞柳絲就有，都真係好搞笑，疫情生意差就可以比呢啲嘢人食？

以前宵夜經常來明記，最例牌是韮菜豬紅、雜拼、掌翼、炒菜、椒麻九肚。今次是同幾個同事來聚餐，所以叫了凍蟹、凍烏頭，講真，感覺好一般，個人來講，大排檔還是吃鍋氣小炒比較正。還有，店裡雜務的女工好煩，我們都已經點好餸在吃東西了，還一直過來插話，吃著吃著她又走過來，嘮嘮叨叨讓我加餸，又說你們這台還差兩只賴尿蝦，我同事都也客氣婉拒了，後面還是過來嘮叨，我們都覺得被騷擾，我差點要發火了，就是費事壞大家的好心情。

講左好耐，小妹話想食羊腩煲，終於試到。男友話呢間中菜好正，一去到，係有少少麻甩feel嘅，但係d小菜好正！佢個羊腩煲（$298？），唔錯嘅，羊腩好多舊下，都好香！有冬菇，馬蹄，支竹嘅配菜，好似邊爐咁，都好正下！有小妹嘅地方都有菜，都好大碟！佢滿三百蚊送鹵水併盤，差唔多枱枱都有，唔算好outstanding, 但勝在有gimmick !!總結，小妹見到其他枱菜都好正，是酒樓的價錢，但應該有鑊氣過佢嘅！

前幾日同屋企人去食飯、見到呢間潮州餐廳都幾多人等位， 所以就一是究竟！佢有兩間、一間喺地下，另一間要上樓， 可能真係人太多的關係吧， 我們被安排上樓的位置，菜式不用等太久便來了，新鮮熱辣、等我介紹下有啲咩食！滷水鵝醃制醬料非常出色，鵝肉先甜， 滷水汁好惹未，成盤滷水鵝我都食晒！芝士焗龍蝦🦞（伊面底）一睇就知超多汁！芝士味極重，龍蝦夠新鮮， 可以拍得住大茶樓　滷水拼盤有齊豬肉紅腸鮮尤豬大腸等等，一般般， 不算特別出色韭菜豬紅正正常常， 再辣一點更好呢期嘉士伯啤酒🍻，獅威啤酒，青島啤酒做緊優惠，買二送一，梗係要幫襯啦！

#明記一家大細去食潮州嘢, 周圍都係，都唔知揀邊間好，想食評網見到呢間評分都幾高， 於是膽粗粗試吓，估唔到令人意外，荃灣竟然有一間咁好味的潮州餐廳， 下次要返嚟再食！簡單介紹一下叫咗啲咩先！潮州炒麵缐夠鑊氣， 麵線夠爽口彈牙，如果未到再重啲就好啦！鍋貼小棠菜出面比較少食到呢個，估唔到整得唔錯, 非常脆口潮式蠔仔餅香脆可口，蠔仔略嫌唔夠大粒，如果大粒啲應該仲好味！外脆內暖，炸完即上桌菠蘿咕嚕肉味道酸酸甜甜，咕嚕肉炸得非常香脆，豬肉新鮮！唔會太大舊，亦都唔多骨。

明記打冷真係好出名，聞名不如見面，有幸一試，一試難忘，好值得向朋友推薦。4個人叫左7個小菜，每個小菜各有特色，但同樣獲氣十足。其中不得不提既係個水煮魚，係一般人既印象中水煮魚一定會好辣，嗆喉。但呢到既水煮魚唔會嗆候之餘，辣香飄逸，還可隨個人喜錚調整辣度，所以不嚐辣既朋友下次不妨品嚐。另外值得讚揚既係明記個蠔餅，佢個蠔餅唔會用萬年油，所以炸起來冇污糟既黑色。炸既技巧好好，蠔餅食落唔會好油膩，十分乾身。

今日同朋友book 左1900，5位，我地一行人準時1855到，去到時話未有位要等一等，明白既，咁咪等囉，但一直等到1945都話無位，但眼見佢樓上有一張大枱一直都唔比我地，咁我地就問點解有枱都唔比我地，佢話有人book左18:30所以要留枱，大佬呀，人地遲到左成個鐘有多，又唔打電話問人，仲一直留張枱比人，唔比其他客，都唔知話你好服務定有口齒好，嘈左一輪，終於都話比張枱我地，但上到去，佢地又有同事話張枱有人book 左，唔係比我地.....呢d係乜野安排？

現在食火鍋不分季節， 已經成為 年青人的 首選， 很想試下其他選擇， 適逢 有家人生日， 便選擇了 荃灣 天保大廈的"明記" 潮館 食肆。 食店的地方 是 樓上一樓 全層， 地方寬闊 ，坐位舒適。我們安排入座後， 看看餐牌 ，餐牌上的菜式 選擇很多， 家人 先選擇了椒鹽九肚魚$98， 九肚魚 外面炸得 金黃香脆 ，裏面肉質軟滑， 感覺新鮮。石鍋啫啫芥蘭$88， 芥蘭 新鮮 翠綠， 烹調味道 入味， 菜身爽口， 在石鍋器皿內可以保持溫度。芝士海蝦伊麵$168， 如果有三兩知己 order這個 伊麵，份量相當 足夠 。海蝦也充滿芝士味 ， 混在伊麵 内進食認真充滿濃郁的芝士味道。每位客人如果消費滿300元， 餐廳還會送上 鹵水拼盤一碟， 有鵝腸 ，紅腸 ，墨魚，大豆芽菜 等，很有潮州特色。 菜式美味， 有佳餚當前，自然 不可缺少美酒啦， 再 order 加多支 啤酒， 增添這餐的豐富，大家 都很暢快。

明記潮州打冷上星期有日收工之後，同同事去食飯。今次黎到荃灣食打冷，哩間係一間老店黎，都幾多人食。蠔仔粥(大)$98粥既份量都非常之多，我地6個人，每人都食到2碗以上。蠔仔又多，肉碎都比得好大方，好鮮甜👍🏻👍🏻 韮菜豬紅$68估吾到咁大碟，熱辣辣。入面韭菜都好吸味，豬紅亦好滑，有小小微辣，一舊接一舊，食吾停😋。滷水豆腐$68哩個麻麻地，吾夠入味，豆腐好硬🤔。明記荔枝骨$108酸酸甜甜，似係甜酸排骨既菠蘿煮法變左荔枝，都幾特別好味😆。荔枝好甜，好夾👍🏻。明記小炒皇$118菜反而係最貴既，好嫩綠好好食。滿$300送一碟滷水拼盤。

好耐沒有吃打冷，又唔想入元朗屯門甘遠去食，就近系荃灣就最好，朋友帶我們去荃灣明記打冷聚舊。記得明記在荃灣是老子號打冷店，很久以前已吃過。服務員見地鋪顧客太多，叫了我們去對面街分店吃，這間分店在樓上鋪的，樓梯有很多明星照片，果然是打冷專家。裝潢得好光猛，坐得好舒服，地方乾淨企理。我們點了蠔仔肉碎粥，好多新鮮蠔仔，粥底香味濃郁。蠔仔餅，大大隻蠔仔，香香脆脆的。鹵水鵝片，啖啖鵝肉，嫩滑有咬口。韮菜花炒鹹肉，好有鑊氣，香味十足的韮菜花，夏天吃是最爽口的。老闆真很大方，每枱消費滿$300，就送一碟鹵水雜拼，真的很有驚喜。並且最誇張系碟碟都大大份的，真的值回票價。

早兩日夜晚喺荃灣附近，荃新天地嗰邊行完街，留意到附近有間好大嘅樓上鋪中菜館，於是上去一試由於兩個人所以唔叫得太多，只係叫咗三個餸，但係佢哋每一個餸原來個份量都好大，呢個石鍋啫啫芥蘭好多，而且個石鍋好熱，就嚟食完飯嘅時候啲芥蘭都仲係好熱辣辣，抵讚同樣椒鹽白飯魚都好多，而且非常香脆，白飯魚都比想像中嘅大條外面脆裏面滑另外要左半隻薑蔥霸王雞，由於佢哋份量太多，結果兩個人都食唔晒三個餸，呢隻隻雞都做得好好，雞胸位置同樣嫩滑總括嚟講呢間餐廳喺荃灣來講都幾大件夾抵食

荃灣區 的潮州打冷 食肆不多 我朋友行經 荃灣的鱟地坊 發現"明記海鮮潮州菜館"便和朋友嚐一嚐這店的潮州菜。店內是在樓上閣樓， 地方 很清潔， 環境 寬敞、 舒適。我們坐下後朋友便 order咗 蠔仔肉碎粥(小)$58 蠔仔粥的份量也足夠二人食用 ，蠔肉也很新鮮， 粥底 美味， 沒有臭腥味， 朋友也很喜愛吃。還叫了一碟潮式炒麵， 配合蠔仔碎肉粥， 在天氣炎熱的夏天， 沒有胃口吃飯之下， 選了這兩個 菜式 夠曬飽肚。嚟多一鍋 食和炒芥蘭， 翠綠新鮮 的芥蘭， 在石鍋 內慢慢食可以保持 燙熱， 芥蘭的烹調 味道 鮮味 。朋友還order咗一支 冰凍的 啤酒， 我們一邊享受潮式 餸菜 ，一邊 嘆番杯，認真 寫意。

去開荃灣買電話卡，突然間想食中菜，要大大份嘅，之前食過一間明記，今日決定食多一次餐牌有唔同嘅特色孖寶，但今日決定食一啲家常小菜脆皮炸鮮奶分量十足，一碟有十件，夠晒份量，外皮脆口，內裏嘅鮮奶滑溜又香濃砵酒焗桶蠔用石鍋盛載著錫紙，夠晒熱辣辣，打開之後，見到好肥美嘅桶蠔，每隻都非常飽滿，咬入口鮮味十足。海味粉絲什菜煲食晚餐最緊要均衡飲食，蔬菜絕對唔少得，呢個雜菜煲，有各式各樣嘅蔬菜，用上鮮魷魚同大量蝦米一齊主城，味道香濃蠔仔粥 細呢度嘅蠔仔粥，夠晒足料，分量多之餘，蠔肉亦非常鮮甜及肥美小食入咗先會放低一碟小食，有銀魚仔同香菜心，未有餸菜來之前，可以先行充飢總括來講，呢間明記每碟餸菜都分量十足，水準穩定

一行三人去明記，衣家都小菜多，冇乜潮州野食Lu....鵝肉片，鬆軟，食滿三百元送嘅雜，ok ~火煵豆腐鍋，正常！鍋通菜，呢個勁油，冇鍋氣，全鍋油秀秀，我地冇乜食，怕C！Btw, 全層得一個亞伯serve 所有野，又落order, 上菜收枱，而樓下成群人做3-4 枱客，點呀！咁對長者唔係幾好！

當晚一行四人來到戴倫趾診所附近，想找一家小菜店享用晚宴，於是來到了明記此店是區內有名的打冷舖，裝飾擺設都很中式首先來的是粟米魚肚羹，份量足味道美，前後食了三碗之後是太太最愛的菠蘿咕嚕肉，酸酸甜甜很醒胃然後是D餐的滷水鵝片及豉汁蒸白鱔，滷水汁入味而鵝片香滑但底層都是豆腐豉汁有點咸但配飯一流沙茶牛肉炒河醬汁滿溢牛肉嫩滑可惜芥蘭不是時令有點過老潮式蠔仔餅炸的香脆而蠔肉份量亦不少但建議粉可以少放點然後買滿300港元送的滷水雜拼，不過不失，勝在免費離開時看到廣告宵夜十點後啤酒買二送一，下次光顧必點