明記海鮮潮州菜館 (祐建樓) (已結業)

夜晚收工夜一夜最開心同同事去食打冷，荃灣區一想就想到的打冷就是這間了，不太肚餓，2,3個人叫了3個餸。椒鹽豆腐: 大大份絕對是送酒之選。不過食落味道和平時的椒鹽有所不同，偏橙色的椒鹽，咸味少但辣味重，豆腐炸得未夠脆身，有少少失望。方魚肉碎粥: 有大碗和細碗，如果2,3個人，細碗已經好足夠。潮州粥的特色，米煮過還是粒粒分明，方魚、肉碎、冬菜、莞茜加少少胡椒粉，非常好味！滷水鵝片: 食潮州菜打冷必食！雖然$98有點貴，但食過都值得。鵝片滷得入味，啖啖肉，底下有豆腐花生，花生好粉好好味，一啖啤酒一啖肉，太正了。希望下次更多人食，食更多特色食物，會再光顧的。