日和号壽司料理 (已結業)

自從轉左黎呢頭返工，係Megabox揾食已是常事，星期五晚約左friend睇戲，睇之前就填飽肚先。本來諗住食foodcourt，但見日和号堆出左新野，一個二人餐有得打邊爐又有得燒烤，重要係蕃茄濃湯同芝士，好似好正咁，轉場黎食佢先。枱上有茶壺，唔使成日叫斟水。先叫左個三文魚青蘋果沙律，食多啲菜自我感覺良好。沙律用的係日式沙律醋，甜甜酸酸，三文魚肥美，蔬菜爽脆清新，青蘋果好酸啊，更開胃了，哈哈。一客意外地大盤，兩個人食到好幾碗。火鍋ready了，蕃茄濃湯，正！芝士醬同芝士碎，正！開頭奇怪點解二人餐得一碗飯，食到尾就知有幾邪惡，肥死都抵。有牛肉，牛仔骨，雞肉，蝦，青口，帆立貝，蔬菜，粟米，薯角等，都幾多喎～開波～燒燒燒，芝士汁薯角同粟米呀，好香好正！先燒個牛同雞，肉嫩味美，個鐵板都好傳熱好快熟喎。再黎海鮮，個調味重手左啲蓋過鮮味，但尚算新鮮，燒起個size都唔係好縮水。邪惡黎啦，我地掉哂蔬菜落去打邊爐，吸哂啲湯汁就知個湯真係勁濃蕃茄味，跟住落芝士碎，融到咁上下再加入白飯，攪下攪下，噠噠，食得。芝士同飯黏埋一齊，又香又綿，加上酸酸甜甜嘅蕃茄湯，好好味呀，一碗白飯煲起上黎原來有成盤，兩個人係無可

平日放工，想靜靜地行下街，九龍灣某個大型商場係個唔錯嘅地方，唔駛同人迫，搵食仲唔駛等位添～～7點半左右，又係搵食時間，經過餐廳門面見到個車頭好特別，俾佢吸引咗，今晚就喺呢間食啦～望入餐廳，人流未係太多，侍應好快就安排到座位入座，坐低之後瞬間覺得好似上咗餐車車廂，卡位好闊落，兩側有扶手，裝修好有特式！ 餐牌食物款式都幾多！簡直花多眼亂！ 3個人食唔到太多，只係叫咗幾款～肉鬆蟹籽沙律 $55第一次食有肉鬆嘅沙律，未食之前覺得會好乾，但食落味道又幾夾喎，而且感覺幾飽肚～唔錯！ 壽司盛合2人前 $128 有5款壽司，三文魚都幾新鮮，鰻魚好食，北寄貝同蟹籽就一般啦，但係估唔個火炙芝士加州卷幾唔錯喎，芝士同加州卷好配，如果芝士再溶少少，應該會更加滋味！ 雙重芝士海鮮火鍋燒$268 上菜後，侍應馬上講解食法，講得好詳細！ 鐵板連湯鍋，鍋內有蕃茄濃湯～ 配料好多，豬牛雞同海鮮，仲有芝士醬同碎芝士！鍾意燒完點芝士醬食又得，放落蕃茄濃湯滾下又得，隨自己喜歡！不過真係想講個湯係幾濃味，重點係食到尾用餘下嘅濃湯加埋碗白飯同碎芝士煮一下，真係幾唔錯呀！！

第一次食芝士火鍋，意想不到原來食法咁特別，首先係要開慢火煮食，等到慢火後，要將碗白飯倒入蕃茄湯，最後加芝士，味道特別，而且鮮甜另外，薯角係內熱外脆口感好好味，加埋芝士汁味道不錯，一試難忘，沙律醬不會過多但如果多蟹柳味道會更佳。至於刺身只是一般，驟眼望三文魚有點不新鮮，口感肉質磪實是差劣，吞拿魚尚可接受但不會推介，至於甜蝦有沙，總言之，刺身這一碟不會推薦朋友order 這一碟刺身的確有失所望，整體侍應服務態度一般，但欣勤地為我們添加水，有親切笑容服務態度良好

辛辛苦苦黎到MEGABOX搵野食見到依間日和號壽司料理餐廳 環境開揚 裝修幾有特色 咁於是走入去試下咦 見份MENU 有蕃茄海鮮芝士火鍋@@試一試另外叫左刺身拼盤同沙津先講刺身拼盤 新鮮度其實都只係一般 魚身無咩油份唯獨是忛立貝係比較新鮮 北奇貝略帶爽口八爪魚味道一般蟹籽沙津 頂部份量級既蟹籽 中間青瓜絲 底部生菜加上沙津醬 同蟹捧 拌一拌青瓜絲同生菜都好fresh蟹籽都無腥味撈埋一齊食係正之後火鍋材料分3碟餸上枱鍋用gas爐上 4格鐵板塊 中間放細鐵煲裝住蕃茄湯另外有芝士汁,芝士碎同一細碗白飯供應薯角+粟米粒豆腐+茄子+菜+鳴門卷+熟帶子+蝦冬菇+雞肉+牛肉我地都係仿照menu張圖既做法薯角同粟米粒放係兩角 同用芝士汁淋上面等芝士融化 蔬菜,菇,海鮮就放係蕃茄湯入面慢慢煮而肉類就放另外兩角慢慢煎芝士汁連同薯角/粟米一齊食 很惹味但有少少失落之處在於薯角個心唔夠熱,皮仍都比較淋 建議師父可以炸耐少少上枱火鍋煮起既蔬菜同海鮮 味道仍都好好熟帶子同雞肉明顯地見到係過 但我覺得味道過咸蔬菜同海鮮食曬之後 蕃茄湯保留住菜同海鮮既鮮味將白飯連同芝士碎倒落去一齊煮變成一個蕃茄泡飯味道當然唔駛講 食

又去megabox行街，貪人少又好行，睇戲又得，正是晚餐時份，今次試下呢間，日和號！其實都開左咁耐都未試過，睇佢裝修都得意，係車車嚟，而且地方算大同整潔，店員都好有禮貌，我地見新推出芝士火鍋有優惠又未試過就試下，當然都有嗌到其他野食，我就嗌左刺身同沙律！先講個青蘋果三文魚沙律，好食！！外表已經好靚，好似花咁，青蘋果切到薄薄，配上三文魚食好清新！三文魚又好厚切，加上沙律醬同其他菜，好fresh好脆！好大碟好食！刺身我嗌左三文魚，朋友就嗌左蚌？我嘅三文魚又係好正，肥瘦適中，好新鮮，好食！到重頭戲，芝士火鍋！真係好厲害！係好多野食，店員會好nice咁介紹點食，分別有粟米，薯條，呢兩隻可以用芝士醬配嚟燒，好快食得！仲有戴子，雞肉，豬肉，牛肉，冬，茄子，豆腐等等！最後仲驚你吾夠飽，俾埋碗飯你，仲建議飯加上芝士條，加入湯入面食！我就食吾晒冇食到飯，因為已經好飽啦！哈哈，好抵食丫！！正！第一次咁食，都算得意，又有少少好似韓燒咁，不過爐仔細細又有湯又有芝士幾正！仲有丫！芝士用完可以嗌人俾嫁！！喜歡芝士嘅朋友岩晒！！飽死！其實呢間都吾錯！冇食評講得咁差，而且服務都好好，有機會會再嚟！

第一次食D芝士鍋好喊，D刺身吾新鮮，刺身得幾塊，扇貝見到好多腸，甜蝦裡面又有沙，輪到薯角又係超級喊！重點係水都飲到冇曬，問下待應有冇野飲呢？原來沒有的。最最最期待的原來竟然是沙律

難得去megabox 去溜冰…真係要搵下有咩有咩好食首先，叫左個蟹子沙律， 抵食大大碗， 青瓜都Fresh既 …但的蟹子就真係少左的。 之後叫左個雙重芝士火煱 第一碟係 薯角加粟米 淋左芝士 反而有的咸 就咁食返 反而仲有食。 又有芝士碎又有芝士汁自己任加 好正 第二碟有的豆腐海鮮… 虾呀帶子… 海鮮就唔多新鮮 同埋真係有的咸 可以我地放到好後食。 第三碟係牛肉 雞肉 牛肋骨 的牛真係唔錯 好入味 如果可以多兩塊就好 牛肋骨好 Juicy 好嫰好滑 雞肉就普通喇 咸左的最後一個芝士蕃茹濃湯既飯 個湯低好濃 好香 拎黎shabu shabu 都得overall 其實都唔錯 但食物有我咸 要不停飲水 !!

登上日和號去開mega box買傢私，順便係果度搵食。行過mega box竟然見到有嫁列車，立即登上 ....... 原來餐廳係以列車做主題，幾有心思，起碼好少會見到，夠特別。 食物係以日式為主，餐牌都有幾個: 晚餐，壽司，其他推介食物等等。 見佢仲有個新餐推介好似幾吸引。 雜錦海鮮沙律，非常大碟，係平時出面見到既double份量，而且唔係全部菜得幾粒刺身，佢刺身都好多下，有三文魚，吞拿魚，八爪魚。 相樸卷，雖然賣相係日式卷物，但係食落感覺又似韓國壽司，非常有咬口，而且中間炸物都幾香口。 雙重芝士海鮮火鍋燒，見到做緊promotion，一於試下。一個價錢可以食到火鍋同日式燒，非常吸引。店員拎左一個鍋嚟，中間部分係蕃茄濃湯，周圍就係燒鍋。 食物配料亦都係好吸引，燒肉海鮮都有，同時又有栗米，薯角同埋飯。呢三樣野嚟到我都覺得好似好奇怪咁，同呢個鍋好唔夾，其實唔係。因為佢提供左芝士碎同埋芝士醬，所以如果你係火鍋度煮就會煮到蕃茄栗米芝士飯，你係燒鍋度就會煮到芝士粟米炒飯。另外薯角就係可以整芝士薯角。 蕃茄粟米芝士飯既蕃茄味好濃，加左芝士去煮令到飯質更黏，原本既蕃茄湯更杰。至於芝士粟米炒飯，

九龍灣仍有很多餐廳未試，仍需努力一下。今天想吃日本菜，同事就建議了日和號。本身沒有expect些甚麼，但餐廳的裝修其實不錯。原來餐廳是以日式列車為主題的，餐桌佈置等都如置身於列車中。以午餐來說，都算多選擇。由於天氣冷，所以選了櫻花溫泉玉子蟹肉烏冬。一上枱，櫻花蝦香味噗鼻而來，溫泉蛋很香滑，烏冬彈牙，可是賣相則一般。

每次黎到megabox 想食日本野 都會想再幫襯呢間 因為呢間的三文魚刺身真係抵食講返今晚食左d咩先啦玉子壽司@12蚊 個玉子麻麻地 好乾身 冇口感劍魚腩壽司@28蚊貴就貴左少少 但真係幾好食 好新鮮 有魚味架辣味三文魚軍艦壽司@18蚊本人覺得幾好味 d醬汁同粒粒三文魚幾夾螺肉壽司@18蚊好普通 味道ok半磅三文魚刺身@78蚊真係好好食 又抵 又新鮮 件件都好肥美大約有12件豬軟骨拉面@58蚊呢碗就麻麻地啦 d拉面太冧啦 好似煮左好耐啦 但係d豬軟骨又唔夠冧 唔好食 湯底同份量都還可以

公司嘅生日午餐黎左日和號度搞，十幾人book定位，啱啱好坐哂成架列車，哈哈。一人叫一個lunch set，我揀左黑咖哩石窩飯，配熱奶茶同花之戀壽司。上枱時又熱又香，咖哩上面有一層芝士，半滆狀態幾正。可惜黑咖哩純粹gimmick，豪無咖哩味，淨係覺得自己食緊一pat黑色野唯一好處係好大碗飯一定夠飽。熱奶茶則有驚喜，有茶餐廳嘅水準，茶香奶滑，正。計埋生日人頭都係夾八十幾蚊，咁又唔貴喎。

星期日同一班朋友去咗Mega box行ikea順便醫肚，但ikea無論餐廳定貨品都一樣迫爆人，快快脆脆行完ikea就決定去其他層數覓食~去到10樓本來想食十勝，同樣勁多人等位，由於太餓既關係，順便攞埋隔離日和號既飛～邊間快入座就食邊間~最後當然入咗日和號~每人叫咗個main course, 大部份都係中伏收場三文魚刺身都ok, 但油甘魚唔新鮮而且仲有陣雪藏味~個茶碗蒸啲蛋蒸到老哂，完全唔滑~沙律菜就連沙律汁都無，只係得生菜，粟米同洋蔥~好難食就咁睇以為好濃味，但咖哩汁淡而無味仲杰撻撻~豬扒又唔夠熱，好似炸起好耐，有人order就放返落去咁~唯一個蛋叫做食得下~中伏餐廳唯一最好味但又係最細份既只得呢個~鰻魚汁味道濃，夠惹味~鰻魚燒到剛好，唔會太乾~個邊仲燒到脆卜卜~個湯底咸咗少少~肥牛同烏冬都ok啦～不過不失，無特別之處~最特別就係溫泉蛋好似得個黃，啲蛋白唔知去咗邊呢盤冷烏冬係咁多樣裡面最大份，起碼有1.5個烏冬，撈芝麻醬好好味，齋撈醬又點會出事丫朋友話配菜啲菇味道甜甜地，但又干爭爭，好奇怪既味道~唔識形容。蟹柳食落似係超巿買果啲～如果唔介意味道只想飽肚，呢個係不錯選擇~但我唔會再黎囉

到晚餐時間,同男友去這間日式店食。叫了壽司和拉麵。說真,沒有太特別。我去食板長或元氣,也好食過佢,佢勝在間中轉主題。普普通通。1.叉燒拉麵份量夠,味道同出面拉麵店差不多。豬骨湯底。2.豬軟骨拉麵份量夠。味道同叉燒拉麵一樣湯底。都好味。3.海老&凡立貝三味4.芥辣墨魚軍艦其實壽司係哩到都幾貴,又唔係好新鮮。唔係好抵,過下口癮都可以。都好食。哈哈

好日都唔來megabox,今日來睇戲後去醫肚。9點半後都冇咩選擇，見日和號有宵夜時段半價，一於試試!星期六都冇人排隊就入得 呢度坐位設計到車卡咁我地叫左好多刺身 有墨魚 (半價後17蚊)同三文魚刺身(約25蚊)甘蝦(25蚊)，比想像中細隻 除左刺身外, 我地都有叫其他壽司. 值得一提是帶子, 大大塊 (SIZE與元氣相若,但比元氣平一半!)吉列蠔仲叫左CHEESE CAKE作甜品,價錢若12蚊 今餐好滿足! 兩個人食左好多好野先係$280

今日約左fd係九龍灣, 個fd就帶左我黎呢間日本野試下我叫左個軟殼蟹炒飯, 同花之戀, 我個fd叫左海鮮炒飯,同三文魚手卷兩碟炒飯都勁咸...  三文魚就正常食完之後行左陣ikea就開始身體不適, 好彩ikea有廁所屙左兩次,好耐未試過屙到腳軟,個fd係咁同我Say sorry,以後都唔會再黎呢間野食！！