日和号壽司料理 (已結業)

好久沒來了，最近沒有特別的主題呢。是日來到食午餐，時間尚早，不算多人，早放lunch不用排隊等位真係著數啲㗎。睇睇餐牌，大致上沒有改變，都係定食，烏冬，拉麵等。決定好食咩後再睇睇，原來有幾款野特價，$45一個飯包一杯飲品，九龍灣來計算平了，即刻轉呔。叫了火灸松葉蟹柳三文魚飯，飯都幾大碗，軟綿有飯香。三文魚薄切，色澤一般，味道正常沒驚喜。看看價錢，就不期望會是松葉蟹柳了，但味道不錯，鮮甜帶少少咸味，加了沙律醬幾正喎。餐飲要了熱檸茶，檸香茶濃，不錯。12:45前離坐先有特價啦～計埋加一，50蚊個人。

老細今日返到黎見到我地成班員工咁努力,於是就去左日和號壽司料理請大家食個LUNCH~小編都係第一次返工LUNCH食日本野~ 由於小編好鍾意食赤蝦同三文魚既原故,於是今次就叫左衣個赤蝦丼啦! 大家睇下張相! 係咪賣相好吸引呢~ 本身諗住成個丼咁大個會食唔哂,但係落左少少鼓油同WASABI之後真係覺得成個丼D味道都真係好甲~個赤蝦真係好爽好大條~有機會真係想食多次~

因為第一次來，唔知道份量，所以叫咗刺身先，海膽鮮甜，有三舊飯，唔知係跟蝦定海膽的。叉燒拉麵竟然有4,5塊勁厚叉燒，不過無燒過，所以口感太肥，可能薄d仲好味，麵算合格，豚肉煱也可以。午餐定食份量勁多

今日出左九龍灣行街，食飯時間過左megabox，因為諗住少人過德福。上左十樓是旦入左間餐廳食...最後入左呢間。三個人一人點左一個午餐...我就點左個人日式咖哩豬扒飯...由先啲米係大陸米...啲薯條好淋...啲薯仔又有怪味...啲豬扒仲要散修修！同行兩人分別都點左蕃茄烏冬...牛柳得四小粒，啲湯又勁咸...不過無影相。食完都係覺得唔掂！最差係餐廳冷氣唔夠，愈坐愈熱。樓面好多waiters...但好似zombies咁行來行去...好似無左靈魂咁...坐底又唔比茶唔比紙...想點野問佢...就叫我地自己搵紙寫黎點...睇紙上面有教...完全唔想至我地。最後三個人埋單仲要二百幾數完全唔抵，性價比太低！所以無可能會再encore👎🏻

抱歉，因為完全不想停留太耐，速速吃完就走了，沒有照相。吃了以下東西:串燒雞翼、墨魚 ( LONE ，很LONE)關西燒: (無汁，很LONE，無料係入面，有蛋囉)粟米壽司唔知係咪粟米好貴，勁少粟米)蟹棒壽司: (飯係熱的，非常鬆散，夾都夾唔到)牛柳粒/一口牛: (最貴呢個，最難食都係呢個)魚生飯: (唔新鮮，難食)兩人埋單最後400。總結，「不要嘗試，提防受騙。」

老公約同同我一樣,o係9月生日o既男友人RK同MM,o係24-9-2016 (Sat)晚o黎呢o度食飯,因為呢期主題係幪面超人o既 嘍囉,o岩佢o地三個男人.而我怕人多,所以都打電話o黎訂定枱,RK同我o地o黎到攞枱,同經理講我book o左位,佢大驚小怪咁問book o左位?(我好記得我打o黎時問有冇得訂枱,佢o地答有,我就安心book.)佢攞本簿出o黎check,見到有喇,咁就叫我o地坐去四人卡位.呢次嘍囉主題顏色好悶,只係黑白色,而且佈置極 盡簡陋.我o地坐低後,唔等MM,叫啲o野食先,點知叫o左身一round o野食同同侍應confirm o左四個人後,MM至通知我老公話o黎唔到.=.="咁我o地三個食啦,有:1. $55.00o既生芥辣海鮮份量適中,溫度已放到唔太凍,幾好,wasabi味道唔嗆,o岩o岩好,海鮮粒算鮮,蔬菜都鮮甜. 味道: 5分2. $128.00o既DIY原板海膽壽司細細粒海膽顏色算靚,如menu一樣,只有三舊壽司飯,紫菜唔脆, 海膽鮮,OK.味道: 3分3. $68.00o既燒花魚一夜干係燒得夠o既,不過唔脆,味道都夠,但蘸醬汁食好食啲.味道: 3.3分4

行了半天，打算吃罷晚餐才回家，因為帶著兩個BB，要找間座位寬敞一點的。再看看餐牌食物、價錢均可，便決定一試。環境最吸引是這一列車，小朋友一定喜歡坐進去。點了飯麵各一，份量不算少。先來豬軟骨拉麵約$60-70，味道質素👌🏻魚生飯約$60-70，料算多，但魚生不太新鮮，比較淡而無味，飯底👌🏻兩者份量均不少，味道一般無甚特出，服務也一般般，整間餐廳屬於不會一肚氣但又不會回頭，不會回味的餐廳。

今日同屋企人來megabox食lunch,很隨意地選左這件餐廳，因為入座時間係1:50pm,下午茶糸1:45開始，所以就叫左下午茶餐牌下午茶餐牌有六樣選擇，我地三個人就選左3個 set： 野菜燒雞扒丼 （$38）角切魚生丼 （$45）叉燒拉麵 （38）餐飲叫左：熱柚子蜜，熱柚子玫瑰花蜜，涷柚子玫瑰花蜜野菜燒雞扒丼， 味道ok的，用的是一般正常的日式燒汁，淋上煎好的雞扒上，配些雜菜，下面放飯。雞扒煎得剛好，雞皮系脆脆的，味道不錯。只可惜分量偏少，大約是四分三碗飯加5件雞扒左右，可能因為是下午茶吧！角切魚生丼，um... 這個賣相麻麻，吃下去更覺的麻麻，因為覺得做得很馬虎，魚生的顏色和口感令人覺得很不新鮮，肉質梅梅的，建議大家不要order這個，寧願選擇熟的食物感覺上比較安全。叉燒拉麵，湯底是用豬骨濃湯開出的，日式叉燒有兩片，配上平常的芽菜粟米紫菜，味道正常可以的，只不過也是份量偏少，比較適合細食的女仔。反而餐飲叫的柚子玫瑰花蜜有驚喜！柚子蜜平時飲得多，喜歡柚子蜜的酸酸甜甜，有時候飲到底會覺得有點「確」喉，此餐飲加了玫瑰花蜜味中和了確喉的感覺，令整體變得很清甜而不漏，本人覺得熱飲比凍飲好喝

今日同朋友去九龍灣跑步，跑完之後當然要去醫下肚，經過megabox，睇左好耐水牌先決定食日本野，白木屋之前食過，所以今次就試呢間。見仲有關個字就9點，9點好似有折，所以就等左一陣。今次點左幾樣野食，有MISO soup每次食日本野都會點黎飲，好夠熱，又夠味，好飲！之後D魚生就黎了，都算新鮮啊，唯一不足既係刀工唔太好，冇跟D紋切，所以食到有兩件有D渣咁好難咬，之後決定放棄LU叫左個沙律，D青瓜絲太粗了，食落水好鞋口，口感好差，我覺得真的扣晒分，另外，QP沙律醬都唔夠，食左一半都冇就放棄了。我地有叫到燒鯖魚，個皮燒得好脆，D肉又唔鞋，加上佢配既汁，真係岩岩好，中意食魚既人可以試下了，清新又不肥至於個炸雞軟骨，本來都應該幾好食，可惜應該因為擺太耐既關係所以由幾好食變成唔好食，雞軟骨外層唔脆，而且個心都係暖暖地，所以覺得麻麻地。而軍艦呢，紫菜林晒既，好失望啊，冇諗過會係咁，照計應該唔會發生咁既情況，而且D三文魚唔新鮮，所以MIX埋D醬入面就好難食。另叫左芥辣八瓜魚軍艦，都係果個問題啦，D紫菜林晒，所以全部都扣晒分其實最好係可以做精緻D，咁D人先會遠D都入黎食架嗎。

友人係九龍灣番工，接埋佢放工就一齊食下野吹下水。呢間餐廳既環境都好得別，係日本鐵路既裝飾。小朋友一定好喜歡。蒲燒鰻魚飯，勁多既紫菜係面，仲以為鰻魚燒到變炭咁。唔講紫菜既話，個飯都真係唔錯，鰻魚大條又肥美肉質嫩滑，配上燒汁味道十分豐富。仲有雞蛋卷同埋D燒汁一齊食味道特別。而且份量都好大，食完好飽。魚生飯，雖然係切粒既刺身，但係都好新鮮，又多。

次次行過日和號都會留意下佢今期係咩主題;)今日雖然冇咩主題，但係想入去食，就拉左一堆人拎位等落單食野 (￣▽￣)叫左角切魚生飯飯面放紫菜，些鋪魚生粒，而魚生面上一層蟹籽，賣相唔差。魚生大部分都係三文魚，只有好少吞拿魚粒油甘魚（得三四粒倒），都有些許切粒玉子，雖然切位技術不足，缺少角切口感，不過味道唔錯，珍珠飯入口 OK，唔淋唔乾身。日式蒸蛋個餐包左一個日式茶杯蒸飯蒸蛋配有香菇、少許蟹柳，味濃，入口滑身，有些許偏咸，沙律分量岩岩好，少許胡麻醬、沙律茶蕃茄仔，ok。柚子蜜微淡，OK下次等佢有主題再食過，希望有進步。

星期六、日嘅megabox真係多人到呢～竟然10樓嘅food court唔難有位坐～一於搵個位食件cheese cake先～今次幫襯既係日和號既pop up store…原本想試原味，但賣完lu…唯有試焦糖&綠茶芝士...細細粒...先試綠茶味…最底有薄薄一層海綿蛋糕...同芝士嘅texture match得唔錯...因為蛋糕質感唔會好粗糙...綠茶味係有....但要好認真品嚐先食得出…蛋糕口感都幾濕潤...鬆鬆散散...好易食到一枱都係...甜咗d…芝士味夠濃郁…另一款試咗焦糖味...呢個好食dd...

個環境舒服，地方闊落當晚同朋友叫左一個刺身拼盤，帆立貝好甜，北寄貝都新鮮，三文魚佢比我地腩位，好肥美，甜蝦大隻又彈牙，略嫌份量較少紫薯薯餅上枱時熱辣辣，啱啱炸好，入面啲紫薯份量十足，好清甜魷魚筒好彈牙，配上佢個燒汁好夾好好味成餐飯幾好味，但埋單4個人1500，貴左小小

Step今晚和娘子約了一位朋友食飯，住在九龍灣友人二話不說要到九龍灣Mega Box用膳，原因友人想試這裡10樓的一間和食食店 – 日和号壽司料理 (Step由西營盤過去Mega Box很遠呢!!  )；話說前幾天友人在這裡看完電影，經過溜冰場看到這間餐廳，推出了一個﹙雙重芝士海鮮火鍋燒﹚ ，芝士控的他看完餐牌後立即雙目發光 ，所以今晚的主菜當然就是這個﹙雙重芝士海鮮火鍋燒﹚啦… ------------------------------~室內環璄~日和号壽司料理門面很大，而整個裝修都是以列車為主；由門口望入去已經有一個列車車頭停在店裡 ，而車廂就是一排排的4-6人座位；最令Step留下深刻印象的是整體裝潢，座位似火車座，還裝有鐵柱和圓型地鐵扶手，感覺就像在列車裡面用膳一樣  ；空間感十足，座位間的空間實在可以用極度充足來形容，完全是Mega Box的風格 ；開放式的壽司Bar可以看到師傅專心地切魚生做壽司  ；而壽司也是大大件的，除了魚生SIZE又大又一定厚度外，米飯的份量也是不少…------------------------------~美食佳餚~看看MENU，除了這個﹙雙重

那天，跟好朋友九龍灣行街，然後，走到 Megabox 看看有什麼想食來當晚餐！  見到 10樓 <日和号壽司料理>，供應二人份量芝士火鍋！ 二話不說，我們便衝了入去！  這裡很大，空間感充裕！  我們被安排到日本列車外型的卡位，坐得闊落舒適！ 恰巧！店方供應期間限定沖繩節美食，令我們心大心細！ 先來一碟頭盤三文魚沙律 三文魚配上沙律菜及青蘋果，混合蘋果醋及淋上橄欖油！清新開胃打開味蕾！二人份量剛好！ 刺身三文魚及赤貝刺身看起來有光澤，相信不錯吧！  讓她獨食品嚐箇中滋味！ 2人份量 雙重芝士海鮮火鍋燒 (試食價 $268) 原價 $368平了 $100 相當超值！ 雙重芝士海鮮火鍋設計分兩層，包括中央一個好似打邊爐的鍋，另有圍邊的圓形鐵板；實行一個鍋兩種食法！  一舉兩得！  既方便又滿足食客的新鮮感！ 由店員送上直至食完這個火鍋，以 gas 爐 keep 住燒！ 中央的鍋是蕃茄濃湯，如果怕熱氣的話，這種鍋就最適合不過！ 配上雙重芝士 (芝士醬及芝士碎)、一碗白飯及 3 碟火鍋材料，包括：薯角配粟米粒、肉類、海鮮，  比預期多份量！湯味酸香