方榮記沙嗲牛肉專家

營業中

休息中

最近跟朋友到方榮記打邊爐, 首次做訪, 期望甚高. 我們4個人點了個雙併湯底, 當然有吵爹味啦.入店之前要先"登記入會"才可用餐, 因該處只"招待會員", 其後便由不太客氣的伙計到2/F 的風口位... 因風大的想調位又給不太好客的店員給說話.食物方面, 無甚驚喜... 第一, 現在已用gas爐, 並不是昔日聞名的炭爐. 另外, 吵爹湯底果然夠香及好味, 但水乾後只加清水而不是吵爹湯底, 結果愈吃愈淡, 令人失望. 至於配料, 只是牛肉較出色, 因鋪子的牛肉選擇多, 由一百元起到千多元的牛肉可供選擇, 本人只點了百多元的貨色, 不太特別. 相信別的館子普通一碟肥牛差不多. 其他配料只是一般大路的蔬菜及肉類, 沒有時興的花臣... 本人至愛的炸魚皮竟然不是一片片的魚皮, 而是一嚿連魚骨的" 魚皮" , 難以處理... 唯一值得一讚是鮮魚片確實新鮮,肥美. 只覺得店子名大於實, 見識一次就夠.

一直把KC吃的牛肉湯放o係我腦內的database中, 一次事出突然, 一場來到也不要煩吃什麼, 來個手切牛肉湯罷! 加埋家母的牛什湯以及清灼芥蘭, 都算是豐富的午餐了。手切牛肉是一貫方榮記出品, 只是代為輕灼之, 件件都是d有血水滲出的七成熟, 妙極! 有肥脂的肉當然軟熟有牛香, 瘦肉雖鞋而有肉味, 不錯。須知此品難度極低, 只需好肉及掌握好時間, 可是也不是個個做得好, 方榮記的, 是好吃。家母的牛什湯分量夠, 只可說叫牛什是她老人家的反射動作, 食味是太平凡, 不值一叫。見到人家的碟頭飯及炒粉麵, 廿蚊大大碟, 而賣相也不錯, 都是造福學生及受海嘯影響的大眾的德行。不過同時也見不少的人十二時走來又鱔片又肥牛咁大杯酒, 大塊肉喎! 始終"食"係唔會食窮人的! 記返起KC名句"無論咩事發生, 都要食架!"係咪先~

天氣一冷，就想食暖野，要暖笠笠都係打邊爐最實際，今次我地兩個去左九龍城方榮記﹗星期日訂左八點三枱，準時o黎到等左十分鐘就入得喇﹗門口寫住有咩食，最出名就係呢0的啦﹗當然最引人注意就係中間既極品牛肉皇，$1200一碟﹗唔通食左會飛天？千二蚊一碟有冇咁勁呀？當然食唔起啦﹗終於入座喇，個位0係二樓既角位，迫得不得了﹗我呢0的歐陸身型真係轉身都有困難﹗放左我地坐低之後十五分鐘都無人理﹗冷氣唔多夠，開頭全場爆滿仲有0的焗添﹗唔係我發火都唔會有人攞張紙俾你點野食﹗食物除左牛是貴一點之外其實都ok喎﹗價錢不算好貴﹗呢個係呢度最出名的沙爹湯底，只係$25吧，真係超值﹗味道超級濃郁，既有微辣又充滿厚實既花生香，怪不得好多香港人同遊客都特登來呢度買佢地個沙爹醬﹗無人會問你，總之一叫湯底就隊個菜俾你，不過都係$15吧﹗呢度既炸魚皮一試難忘從未見過炸魚皮是連埋骨炸的，厚身左變得更脆口更有口感，吸左0的沙爹湯底食落卜卜脆又香又正﹗呢個麻辣咩丸是垃圾，可以不叫﹗我地今次點左星級肥牛，$168一碟﹗八分肉兩分肥，既厚切又充滿牛味，與沙爹湯是天仙配。入口先係湯底沙爹既花生香，牛肉味0係口中慢慢一陣一陣咁散發出o黎，油

天氣凍, 一行三人專誠到方榮記試試沙嗲湯底.眼闊肚窄, 唔知自己得三條友, 點左以下一堆野..沙爹湯底 - 聞名已久, 一上台就試下個味, 有d似食串燒果d沙嗲. 幾濃, 但溝溝下就淡左唔少, 而且同海鮮唔係太夾. 加個一丁就一定好正.可惜戰至最後力不從心大手切鮮牛肉 - 98蚊, 呢個真係勁勁抵. 牛肉冇經任何處理, 好似o係肉檔即買即食咁. 牛肉塊完整唔會太碎都唔會太大件. 平時食得太多肥膏牛肉, 今次終於食返d有咬口有牛味o既牛肉,細個打邊爐o既感覺返哂泥. 三條友每人十幾塊, 食到口都"支力". 正!!!爆醬貢丸 - 一般, 呢度d丸剛從冰箱拎出泥, 有冰o係面. 四寶 - 有魚皮餃魚旦同埋唔知咩丸, 又係一般貨仔.黑柏葉 - 都係去麵檔食有埋姜蔥豉油好d, 呢度d得個un字桂花蚌 - 68蚊份量都夠, 有d鮮味但同沙爹湯唔夾, 不叫也罷鱔片 - 新鮮肥美, ok枝竹 - 吸汁必食.羊肉 - 呢個最唔得, 夾起已經碎濕濕, 滾完兩滾得個吉,唔知自己食左乜水餃 - 都有成十隻, 一般.蠔 - 5隻,唔係筒蠔都冇力奇果d咁大隻, 滾兩滾會縮水,...一般.25蚊冇咩期望滑雞片 -

平日來過方榮記好多次, 未試過訂位亦未曾試過無位, 點知國慶日6:20pm 一行6人來到, 三間鋪, 兩間已經爆滿, 只係得一間方榮記會所有少量位但係只招待會員, 門口亞叔叫我地填資料即刻入會, 填完後俾張會員卡我後便安排坐位每檯一定已放好一籃'合時蔬菜'俾客人, 但係唔係送, 係要$30, 今日係唐生菜併通菜, 好彩d菜都幾靚幾新鮮照舊叫沙嗲湯底($20), 沙嗲味道香濃, 食落去有微辣, 唔食辣的人都一定接受到, 用佢打邊爐的食物根本唔駛點其他野都夠味 所以最後伴烏冬, 麵食都一流......但係唔知點解成晚加幾多次水都仲係咁濃, 亦唔會'痴'底 真係犀利又好味我覺等得呢度的的大手切本地肥牛($98)最好味, 即叫即切, 食起來有肉味,有咬口, 有o趙頭, 一碟都好足料, 而黑栢葉($25)亦好好味, 雖然爽口但絕無人工加工, 值得一試另外叫左併四寶丸, 雲吞, 蝦, 小的機切肥牛, 生魚片, 牛丸, 脆鯇片, 花枝片, 兩個烏冬, 水準都係一般, 另一枝大藍妹啤酒, 一枝zero可樂同兩枝雪碧埋單$555, 隨時平過d任飲任食, 好食兼抵食, 淨係試手切牛肉同沙嗲湯底都抵啦

一班朋友到方榮記打邊爐~~叫了最響朵既沙嗲湯底~~嘩! 個沙嗲湯底真係好香滑喎~~又唔會太辣~ 正!叫左好多野食~~價錢不算太貴~~D野幾新鮮~~P.S. 果度個藍妹啤酒妹真係超索~~仲俾面敬左我地一杯啤酒TIM! 最後8個人竟然飲左11枝大啤! 哈哈!

琴晚的DINNER去左方榮記……總體來講,都OK可以接受啦….我覺得最好味的是星級牛肉,真系有新鮮的感覺…..而且地粉腸都不錯啊….唔會好似橡筋….但沙爹我就覺得一般…..反而我覺得隔離台的番茄湯底好味地….下次我一定會試下…..不過,我見到唔應該見到的一幕…….令我完全沒曬食欲…..尼一幕就是……..我見到一個伙記打左好多個噴氣(因為果兩個字唔識打啊….)落一碟野度啊……好在果碟野唔系我地架….所以…….希望他們有所改善啦….

連續兩晚都係喺九龍城開飯,兩晚都無令我失望,果然九龍城係食既天堂三個人打邊爐,嗌既唔多,一碟手切牛肉,一碟什會,再加埋一籃菜同兩枝大啤已經好足夠,湯底係獨孤一味沙嗲味,好得!爐一滾,大家都你一吓我一吓夾d材料落去淥,手切牛肉好好食,半生熟再點辣椒豉油,點解會咁好食架...不禁一問...其實係沙嗲夠味,牛肉淥完之後件肉充滿沙嗲味,不得不讚方榮記做個沙嗲真係做得好好味!什會有蝦,柏葉,鯇魚片,魚旦等等,材料新鮮,隻蝦好鮮甜,點辣椒豉油好好食!唔係好夠飽,於是再叫一碟米粉倒落去杰撻撻既沙嗲湯度煲,oh my god,好食到...

待應很好, 見我不方便, 我們四個人比了張六人檯, 有兩個爐, 要了兩個湯底。沙嗲湯底 – 好香濃, 待應一直加水, 但用到最後都好濃郁, 烚牛內最正。芫茜皮蛋湯底 – 好多皮蛋, 亦好香濃, 烚菜/粟米等等都不錯。手切滑牛(大) – 很滑的牛肉, 一點都不韌, 與沙嗲湯底很夾。機切肥牛(大) – 稍韌及較鞋口, 個人不太喜歡。豬頸肉 – 切得很細條, 熟後硬硬的, 不太好吃。牛展片 – 牛展太硬了, 有點像柴皮。豬肝 – 不能烚太久, 因為這裡的切得很細, 所以時間耐了會太硬, 不好吃。炸魚皮 – 一定要浸湯食, 否則太硬, 比出面的魚皮軟厚, 不是薄薄的一片片。粟米 – 不是甜粟, 很一般。菜 – 不用叫都會有一盤, 開初以為是送的, 當然不是啦。四寶丸 / 貢丸 / 面根 – OK 啦要了3渣酸梅湯, 可能因為太口渴又可能是好飲啦, 夠甜又夠酸。

01/05/2008 同朋友慶祝生日, 去了九龍城的方榮記吃沙嗲牛肉火鍋, 之前已經訂了位, 不過以當日所見都只是 8 成滿座, 相信就算 walk in 都不用等好耐, 甚至不用等位!入座後第一個感覺是冷氣開得幾大, 有點冷, 不過要吃火鍋就是這樣了. 第二個感覺就不是太好了, 因為看見地上有一隻 "小強" 走過. 雖然這種情況在不少食店都會出現, 但都係唔想見到, 因為眼不見為乾淨嘛! 我們選擇了兩個湯底, 但後來發現大家都比較喜歡在沙嗲湯底煮食物, 因為味道較濃郁! 不過煮蔬菜就在皮蛋莞茜湯底較好! 我們 4 人吃了:沙嗲 & 皮蛋莞茜湯底 (沙嗲湯底好濃, 好香沙嗲味, 正!) 手切肥牛 (肉味不錯, 但較"鞋")機切肥牛 (較嫩滑, 我們覺得較合口味!)鯇魚片 (味道一般!)鱔片 (很鮮甜, 值得吃!)珊瑚蚌 (很爽, 也不錯!)花姿片 (又是沒鮮味, 我們以為在吃"河粉"!)墨魚丸 (都係一般墨魚丸的味道!)生蠔 (都幾新鮮, ok!)炸魚皮 (炸得都幾香脆, 不過硬了點!)魚皮餃 (不錯! 但與吃開的, 這兒的皮較薄!)魚咀 ( 我沒有吃, 沒意見!)烏冬金菇我們

昨晚同朋友叫咗.........1) 沙嗲/清湯鴛鴦湯底---> 好咸2) 手切肥牛---> 又"鞋"又冇用味3) 生蠔---> 極唔新鮮4) 貴花蚌---> 一般5) 駝鳥肉---> 極唔掂6) 魚蛋---> 一般好彩唔係叫得多嘢,如果唔係都唔知點食,因為實在太難食...全晚最欣賞就係一支大青島+兩支可口可樂~ ~

當然，晨早流流也可以來這裡吃沙爹火窩，而事實上是日也有不少的火窩客，我就還是喜歡手切牛肉湯。要跟朋友傾點事，他提議來這裡，也好，這裡的環境也適合「講數」。除了火窩以外，這裡的午市也有不少的特價炒粉麵及小菜選擇，水準也不差的。我的牛肉湯，湯底清澈，喝起來味道鮮美，應該沒下多少味精，交足功課。手切牛肉也是主角，最喜歡的當然是帶肥脂的部份，吃起來甘香，連帶附近的廋肉也鬆脆爽口。用上的是本地牛肉，非來路的雪藏牛，好處是牛肉味濃郁，而壞處當然是會比較韌一點，全廋的部份也幾考驗牙力的。這裡的炸魚皮也如水記般的是連骨炸的，非常鬆脆，吃起來也較為有質感，當然浸起牛肉湯來吃，就更可口，也是來這裡不能錯過的一味。朋友的沙爹牛肉炒河也不差，夠味又夠份量，可惜我對於舖滿杰杰芡汁的菜色，始終抗拒。服務水平出名低，當然也不是新奇事。連啤酒汽水各一支，埋單一百蚊，計及食物質數，其實不貴。

之前都係因為bf先至認識方榮記,bf話佢食左呢間好多年一直都幾好食,所以專誠帶我嚟試,我第一次食都覺得唔錯,沙爹好濃好好味,所以之後同朋友食飯都有再嚟多次;事隔多年,bf話好耐冇食好想食,咁耐冇嚟,前幾日就上嚟睇吓呢幾年D食家點講,好多都話冇以前咁好,睇過之後都有諗過去第二度架,但見bf好似好想食咁,所以就喺4年先有一次既29/2照原定計劃返左嚟呢度…未夠7:30嚟到,仲有好多檯係未有人坐既,心想可能係因退步所致,唔好理咁多喇,拿拿淋食完走人啦,事關仲要趕赴下場ma;睇吓點菜紙先,牛肉都有幾個價錢架喎…$168,$138 & $98,叫左手切牛肉($98),黑柏葉($25),雞肉($25),墨魚丸同豬肉丸(各$25),加埋冇落order都俾你既一個菜藍($15),共6款,應該都差不多喇…沙爹湯底一上,未食就知道真係比以前差,稀左,以前係好杰架,吓吓都好似畢梗糊仔咁既,點解而家嗰D咁水既?隨左個樣唔係幾得外,個味都比以前遜色,冇左以前嗰種濃烈既花生香味;唔知幾時,菜藍已經出現左喺我地面前,黑柏葉首先上檯,底下墊左好多菜絲,主角就只有5,6件,少了點吧!跟着來的就是墨丸(10粒),豬丸(1

嚟方榮記打邊爐,係因為想食沙爹!佢地個沙爹湯底係苜屈一指好味既,特別係食到最後個湯杰撻撻既時候將d米粉倒落去淥,好食到震!我地今次叫左一碟手切牛肉,一碟什錦,兩碟米粉,手切牛肉牛味十足,好食!什錦有蝦,柏葉,魚片等等,可是不太新鮮,但又未至於話唔食得!菜係唔使order,成籃比係食,可愛!最精彩既時刻到喇,淥好哂d米粉,我食左三碗,食完第二朝把聲沙哂,正!

有次係到睇食評, 以為幾好, 結果用三個字形容: "賴"晒........湯底勁差,冇味, 牛肉切到好厚, 又唔好食,四寶丸唔係自己打, 係街市凍肉舖最CHEAP果種, 其他.....唉.......;衛生極差, 亞姐抹檯, 抹, 都係果塊布, 最慘係用布墊住湯底時, 塊布邊浸左落湯到........唉....如果未試過咁差火鍋店, 這是一家極佳的選擇.