方榮記沙嗲牛肉專家

營業中

休息中

已經去過方榮記好多次, 由得老店到擴展到隔離既新店, 每年冬天都會去最少2-3次, 記得第一次食係同個客一齊去(仲未有新店), 點知食1次就已經好鐘意, 所以每年都帶屋企人同朋友一齊去食, 食物好新鮮, 由其係海鮮(筒豪係必食推介, 又大隻, 又鮮味, 仲有好多隻TIM!)其次係鱔片, 好肥美同新鮮!! 仲有既係鵝腸, 肥度適中!!仲有其他海鮮都一流!!由於我唔食牛, 所以推介黑豬肉比大家試下,肉質好好, 仲好香肉味同好滑TIM!! 牛都應該唔錯, 男朋友話掂!!服務方面: 由於係街方生意, 個個侍應都好NICE, 大家好似朋友一樣, 我地每次去幫親, 侍應都會話我地知有咩好介紹!!感覺好舒服!!

凍啊!所以梗係打邊爐!方榮記..好出名,一家人去食,唔算好多人,夏天都有去食,開行哂冷氣嚟打,無而家咁過引!首先係一碟手切牛肉,爽,正,配合沙tei湯底,無得頂!一碟什錦mug都有,鵝腸很爽,不過無mug味,唔係咁好,墨丸ok,仲有柏葉,蝦,魚片,材料雖一般了點,但係個沙tei係一流!菜係成盤俾你,略不夠乾淨!係一個缺點!

朋友請食飯,相約在此,下午一點正,是高朋滿座,但是吃火鍋的只有兩三枱.多數叫碟頭飯.看似不錯.朋友先到,已叫了一枱食物,計有:手切牛肉,鵝腸,魚滑,炸魚皮,牛筋腩,脆肉鯇和強制式的一籃菜.手切牛肉:是頸脊位,稍肥,多筋,肉爽,但切工欠佳,連咬不開的筋也奉上.肉味幾好也無用,因不能下嚥.鵝腸:給化學品招呼到很爽,但全無鮮味.魚滑:粗糙不爽,無鮮味,要放棄.沾仔記好一百倍.炸魚皮:稍為有水準,別處少見,連骨炸脆,在湯一浸即食,很好.牛筋腩:不入味,份量少.脆肉鯇:不新鮮,可能是上一天的剩餘物資.湯底是清湯加沙爹湯,給狂加味精,食後口渴到爆炸.朋友埋單,不知吃了多少錢.不過在下就以後不會再來了.

唔通一代火煱店從此玩完?以前人人都話打邊爐方榮記好,現在竟遭人狠狠痛罵,發生何事?一到此店明白明白,質素真的大不如前,手砌牛肉好鞋,問題係砌得唔好!湯底得淡,和以前的沙多是兩回事!!點算?又少一個好去處了!

07年12月中, 由於一於老人家好耐無去方榮記打邊爐, 雖然當日唔夠凍都食, 此次就變成左我地最後一次幫趁。食物當然比以前貴左, 但無好食左, 而且唔新鮮, d 菜餃居然重未溶雪, 成舊石頭咁, 碌一陣已經變左一pat野。所謂手切本地肥牛, 簡直係柴皮一樣, 一d肥糕都無都要賣差唔多成舊水。地方一向都坐得唔舒服喇, 以為可以用食物搭夠, 最後可以話係死心。宜家細細地既火煱店週街都係, 想人特登搭車去,之後仲要等位先有得食,就算老客仔都走啦!

聞說方榮記的沙嗲火鍋十分有名，而且經常見到門外等候人數不少，於是前往一試.....怎知道，意料之外的差:1.湯底過濃，"太傑"，完全吃不到沙嗲的香味，只是味精重得不停叫汽水2.叫了一份手切肥牛，價錢唔貴，只賣78，不過完全食唔出牛肉味3.四寶丸唔係手打唔緊要，唔好食就最重要4.吊桶仔只有蘇沒有桶，不如叫魷魚蘇仲好啦5.坐得又迫又唔舒服就唔洗講我相信唯一的好處可能係價錢唔算貴，不過唔好食就講咩都冇用，整個九龍城仲有好多好野食，我下次一定唔會再去方榮記

金毛獅王一去,大將凋零.現時在龍城打邊爐,方榮記已不再是首選.因為九龍城之友K兄在此"慶生",所以再臨.事前也聽過很多人說中午的炒牛河,比晚市的火鍋更佳.的而且確,中午的炒河,$20還有找,平通全港九.小弟來到時,已見眾人正在磨拳擦掌,準備迎接這頓慶生火鍋局,湯底分兩個,一個為沙爹湯底,一個為清湯底.K說呢個清湯正呀,加左大地魚去煲.)小弟屬意的,仍是其沙爹湯底,闊別多事,味道依然濃厚.這夜配料少不了肥牛,雪花肥牛粒等等.昔日的肥牛同沙爹湯底為絕配,今天的肥牛,沒有昔日的好.肉味不夠濃,吃落質感更覺得有點齦.炸魚皮看外表大約是炸過的鯇魚皮,帶點點骨,放湯灼一會,淋少少吃更佳.席上大多人吃罷也大讚.叫碟珍寶蠔,用來放清湯,待清湯添上蠔的鮮味,有點提味的作用.等清湯味沒有那麼單調,雖然打邊爐又是一向亂來.但亂來之背後,其實也計過度過.來一碟魚膘,席上很多連此味是什麼也不知,小弟充專家即刻用來主宰魚兒浮沉升降果舊野囉,又簡單一點來講,是花膠的疏堂兄弟.)小弟又再說你地女仕們好食多D,有養顏之效.)聽罷,眾人不以為然.灼到收縮到如墨魚仔般便可吃,口感爽脆.鮮味無窮,坐在對面的R小姐,終於也夾一

幫襯佢地,係十幾年前開始倒掛!?當年...確實係比佢地個又香又濃的沙爹湯底深深吸引著的,但....牛肉的質素就一年不如一年...每次去到都係敗興而歸....至早前推出的X級牛.....百幾蚊碟.....由其係所謂的本地手切牛...就更加不知所謂.....頂唔順...轉左去好多地方都冇再去.....事隔一年....日前聽友人說有改進所以先再次去試.......沙爹湯底仍然係咁正.....但佢兩隻X級牛我都有叫....價錢一樣約係$168左右.....和牛同火煱館既係冇得比.....手切牛同新東記既比較簡直係一個天一個地....或者可以講冇可能將佢地放埋一齊黎比較...完全係水準以下下下下下.....點解價錢一樣咁滯......但水準可以底得咁緊要既!?仲要係咁出名既老字號......配料廿幾蚊碟一般水準就唔怪得佢咁多......但牛真係冇可能接受倒羅......

還在香港的時候, 差不多每個月總有一天會去方榮記打邊爐, 因為它的沙爹湯底確是一絕~ (在下認為是結合了其所謂的秘製沙爹醬及大地魚湯底)打完邊爐後, 叫一碟河粉, 可說是少有的味美! (千萬不要太早落河粉, 否則整個湯底會變淡)早幾個月趁著上機前去了食午飯, 當然是打邊爐~ 沙爹湯底比從前差了不少, 便相比起其他火鍋館,相信沒有任何一間做得比較好...但談到材料的話...確實是麻麻地...而它的牛肉...是出名難食的!... 去了這麼多次, 只會偶爾遇到一些合格的貨式...很記得有一次牛肉煮熟後是紫色的! 懂得食的人都知道, 打邊爐食牛肉, 有沒有雪花是其次, 最重要的是有沒有牛肉的鮮味. 但如果是紫色的話, 便證明了是極度不新鮮, 更別提味道、回感了...現在看到有分了"星級", 令我再有衝動想試一下~ 順帶一提, 它的炸魚皮不像其他般的普通, 值得一試.

原本一直是方榮記粉絲,後來因為牛肉水準日降,所以變左心.事隔2/3年,今次有朋友極力推介,於是重臨舊地.一坐低已見大大張海報標榜星級牛肉,再看火鍋配料張紙,由以前只有2款牛變5/6款,已經覺得刮目相看.一行5人,點了- - 蕃茄及沙嗲湯底- 星級肥牛(大) x3 - 果然星級,雪花平均,又鮮,好正!- 牛肉粒- 原本友人打算最後等煮到好諗先食,但我忍不住,兵中途已經偷食左好幾粒- 貴花蚌- 金菇- 枝竹- 加拿大桐蠔- 超大隻,不過有少少沙.- 竹仔魚- 好鮮,味道好特別.- 鮮蝦- 魚鰾- 九菜餃- 蔬菜籃- 雞蛋x1- 蒜粒- 啤酒x6/7枝- 酸梅湯x1 Jar可能有些少遺漏, 但絕對杯盤狼藉.經過今次, 我決定重投方榮記懷抱!

我窮，但都頂硬上，叫手切牛肉，諗住得。不過，滾滾後發現un un地，再試，一樣係咁，我就變成第一次在火鍋店食剩半碟牛肉了。好在，叫象拔蚌，未算呃秤，有咁上下，算是食得下。但那籃菜，其實賣相而不佳，一坐下即擺上台，一下子就唔太開胃了。食完今次，下次去九龍城，都係想幫襯一下其他的火鍋館了。

今日兩口子突然想落九龍城烚下烚下，經過方榮記，見咁多人等、又咁香，我地咪攞位囉！一坐底叫完個孖寶湯底之後，亞姐突然擺底籃菜，一聲不响就走左，可能佢太忙，問極佢都唔知佢講咩！跟住叫左牛肉、羊肉、墨丸、魚皮餃、炸魚皮、三文魚，總之一句『樣樣都唔好食』，最離譜係魚皮餃同墨丸，一D都唔新鮮，魚皮餃D肉散嫁、墨丸就街市貨識！仲有我因為第一次黎食，叫錯牛肉、羊肉，食落兩樣都好“鞋”！一路食一路怨，只想快D食完走人！服務又差，絕對無下一次！

今日honey要ot,所以我約咗個同事烚下烚下,7點左右就就嚟到,見到已經有人烚到如火如荼lu...哈哈...一直以來方榮記都係打邊爐嘅不二之選,但係經過今次之後,我諗我都要搵過第二間lu...不嬲都覺得佢d火鍋料麻麻地,而且又唔抵,但係醉翁之意不在酒,只在乎岩漿般的沙爹湯底呢,今次亞姐一攞埋黎,我不禁大叫咗一聲"點解稀咗咁多嘅",心情立即大打折扣,亞姐都回頭望咗我一眼,唉...事到如今,唯有堅持下去啦,不過真係越烚越無心機,d湯根本就痴唔到d料度,而且d味同以前差好遠,明顯溝咗好多水囉,d料就唔使講啦,一如以往咁普通,烚到咁上下要加水之後就更加...=.=...我諗未來嘅一年都唔會再比機會佢lu...如果無咗個岩漿般的沙爹湯底,都唔知比個咩理由再去!嚟之前仲同個同事講到呢度好鬼正,真係唔好意思啊,而且佢仲搶住比$...

幾個月前食過，上次四條友，叫得太多，上星期日再去，三條友，再叫少D。一黎到就叫個番茄湯底先～～！！然後，諗住集中食肥牛，每碟150，前後叫咗兩碟。問過阿姐姐，星級肥牛同頂級有乜分別，原來星級係澳洲牛肉，頂級係本地牛，價錢一樣150。不過好少牛肉嘛最近，可能因為咁，頂級牛沽清了～～不過星級肥牛都好正！！是厚切的。嗚～～諗起都想再食～～～個湯真係好好味，我地不約而同都話食咗好多舊番茄，不過個煲仍然仲有好多～～真材實料呀真係～～！！而且仲好好好味添！另外叫了脆肉鯇魚片（不太脆），鷄片（OK喎），同埋佢枱枱俾定你先的什菜藍。好鍾意呢度，不過有人會怕環境比較地踎呢：）

星期二7點鐘去到~ 都仲未有人~隨便揀張大台一行7人坐底~發覺普通野都要成25碟~ 唔..都要試試叫左個清湯& 沙爹湯底~不過炸魚皮就同其他唔同~ 係大件同原隻多d可能有骨但真係好好食~手切牛叫左碟80蚊... 但無乜大吸引力反而羊卷唔錯~ 成晚仲劈左24支藍妹..所以食咩都無乜味覺~埋單1400~ 都算唔錯~ 起碼好過"渡鄉"