方叔叔重慶老火鍋 (太子集團中心)

營業中

休息中

呢個暑假成日要公公照顧謙謙， 藉住今日謙謙和婆婆都唔得閒，我就帶公公去食‘’方叔叔‘’慰勞下佢。呢到方叔叔緊係要點鴛鴦麻辣鍋啦！ 點左麻辣小辣，麻香得來唔會濁親喉嚨咁就啱公公食。最鍾意呢到火鍋配料每樣半份可以叫多幾款，唔洗迫自己食哂全份。火鍋材料有藕片(半份) 、 鴨血(半份) 、 鰻魚(白鱔)(半份) 、 皇帝菜(半份) 、 鮮腐竹(半份) 、鮮竹笙(半份) 、 千絲柏葉(半份) 、 美國牛板腱 (半份) 、 嫩牛肉(半份) 、 珊瑚蚌(半份) 。材料新鮮最愛牛板腱肉味濃郁， 嫩牛肉份外嫩滑。始終食麻辣會口渴的，特別點了兩杯特飲， 洛神花鮮橙特飲(凍)和衝上雲霄百香果雞尾酒(含酒精)，我飲前者甜甜酸酸king size 夠哂解渴，後者帶點點酒意公公啱哂。呢到必點係紅糖爆漿糍粑， 我鍾情佢煙韌口感又夠軟糯一咬中間紅糖漿爆出來好滋味。

食多咗方叔叔，再食其他麻辣火鍋，始終覺得唔夠味。等掛颱風，食餐好嘢慶祝下。鴛鴦鍋底，番茄湯同麻辣湯係我嘅最愛，番茄湯可以涮海鮮，麻辣湯底涮肉。可樂同唯怡豆奶，食火鍋點可以唔叫嘢飲，解辣一流。鵪鶉蛋，一早倒落湯底，煮耐少少，鵪鶉蛋索曬湯底味道，食落勁好味。美國桶蠔，蠔超級大，差唔多成隻巴掌大，煮滾後5分鐘可以食。蠔好肥美，落咗辣湯，食落更加鮮甜。重慶耗兒魚，哩個都要煮耐少少，魚肉入口即化，同埋冇骨。鰻魚（白鱔），鱔魚好大一件，微卷已經可以食，食落彈牙爽口，唔錯。小郡肝，已經預先醃制過，處理得幾乾淨，食落好脆口。大刀豬腰片，豬腰片得好薄身，唔好燙太耐，老咗就唔好食啦。豬腰一D都唔腥，處理得好好，加埋辣椒粉更加惹味。紐西蘭精品羊肉卷，羊肉肥瘦相間，唔會有羊膻，好味。美國牛板腱，牛肉睇落好高質，微涮已經有得食，牛肉入口好軟嫩，牛味都好重，唔錯。長城小白豬午餐肉，來方叔叔必叫，食落好重肉味，同埋有少少筋膜，豐富咗口感。幹貢菜，貢菜食落勁脆口，放落辣湯，嗦曬湯底辣味，勁惹味。食幾多次方叔叔都好，都係辣得好過癮，食得好滿足TIM。

今日又黎打邊爐，今次食鴛鴦麻辣鍋每位加$20有養生花膠雞鍋，好抵食！花膠桶唔細無血絲，雞件算多，令所有吸汁勁嘅餸料都好正。好似包漿豆腐、皇帝菜之類，好滋味嘅雞湯味。第一次食水母，口感似海蜇，好得意爽口，浸麻辣湯正！珊瑚蚌、龍躉片、滑溜鮮牛肉、淮山條等等，每次都order次次都靚。其他例如美國牛板腱都ok質素。苕粉淥一陣好煙韌Q彈，萵荀條同萵荀片兩種唔同爽脆清清地嘅口感超like。手打蝦滑都係抵食之選，有丸類彈牙口感不失蝦味。另外，服務例如加湯收碟禮貌都好到位。所以我都係常客。

講到食麻辣火鍋，方叔叔個湯底真係完勝⭐️哩期仲有個赤熱promotion🔥挑戰免費湯底九宮格麻辣大紅鍋🔥特製既九宮格鍋，按不同既加熱溫度及牛油濃度，將火鍋分為3個層次😍 首選重慶辣湯，香辣刺激有層次，食過番唔到轉頭! 紅卜卜，睇見都流口水🤤中意哩度火鍋料可以半份半份咁叫，彈性d可以食多d野🫣海鮮類今期期間限定既海鮮鮮活海蟶，漲卜卜夾落去已feel到彈性，多汁鮮甜，必點☑️鮮龍躉片連埋少少皮位先好食，肉有彈性。愛美國桶蠔肥大既口感，夾住都覺得重😂又肥又厚入口超滿足🤤美國牛板腱板腱肉味同口感較為平均，正常質素。現炸豆皮(半份)必點!! 即炸薄脆鬆化，豆味突出，比起響鈴我更中意依個❤️鮮竹笙索左湯好刺激，最後仲叫左准山條同埋稻庭烏冬，烏冬落湯唔洗一陣已經變左深紅😂好似包左層辣湯係面咁，入哂味好辣好香堅好味😋生津止海楊梅汁全靠佢酸酸甜甜幫我解辣，仲好大杯添👍🏻賣單仲有荔枝送❤️係冰凍多汁又甜既，好欣賞💯

方叔叔 的 麻辣火鍋 夠辣又惹味，火鍋料可叫半份最岩我哋2個仲要今次有$68 日本生啤 任飲啤酒 當然即時過來食，來到8點都已滿座麻辣鍋配蕃茄湯，十分適合食小辣的朋友，普通辣都已經夠，因為會越煮越辣，蕃茄味都濃同香，再加湯味道都有淡到抵讚豬心第一次食，沒想到原來咁軟滑，薄切後輕輕煮食得幾好食嫩牛肉，肉質有口感，肉味都可以。鵝腸夠新鮮又夠爽口功夫萵筍片，超薄切，煮一煮就食仲食到爽口好味道。牛板腱牛味都濃口感薄身同嫩牛肉少厚軟熟口感不同豬大腸有少少卥水感，再加湯底再味道濃點，而且入面不多肥膏，好味不錯白鱔大片夠新鮮，現炸豆皮來到幾靚好薄身，煮幾十秒食仲有到豆皮獨有口感不會好淋身魚麵堅有魚味但不會太濃，口感幾滑不錯小白豬午餐肉，打邊爐點會唔叫，入面有不少肉粒啖啖肉唔會粉見啤酒有無限暢飲仲要日本札幌生啤都係$68點會唔叫，飲落去順又幾滑，麥味幾香又不會太濃，最後都飲咗3杯，喜歡啤酒朋友必叫。而我就飲汽水加冰，偷了少少朋友啤酒混來飲差不多食完再加個一個冰粉甜品，黑糖味剛好不會太甜又夠凍，冰粉好滑，配料勁多新鮮。最後連加一不用$400/人，價錢都合理而這裡坐得舒服和服務態度都好好

無論咩天氣都愛打邊爐😜一直都好想來方叔叔重慶老火鍋，有好多分店，我地選了尖沙咀店。見食評有介紹午市二人火鍋套餐幾抵，所以我地選了下午時段來。環境好開揚，我地被安排近窗位置，可以望到維港景色嘆住打邊爐😍確實唔錯坐低已經送上2碗紅棗雪耳糖水😍好滋潤啊午市二人火鍋套餐湯底揀了雙拼鴛鴦鍋朋友唔食太辣所以麻辣選了普通辣🌶另一款養生花膠雞鍋先講個花膠雞鍋好多花膠🐔雞肉好嫩，個湯好鮮甜，我飲咗2碗先開始打邊爐😋麻辣雖然揀普通辣🤣🌶但我朋友已經覺得好辣🤭怕辣都可以整個油碟點解辣的😜加蒜泥🧄加葱花，加香油撈拌的套餐食材有美國牛板腱，鮮鴨血、手打蝦滑、午餐肉、稻田毛肚、 珊瑚蚌、田園菜藍、萵筍條、武隆苕粉、紅糖爆醬糍粑二人套餐咁多野食都係$398👍真心抵如果套餐唔夠食仲可以額外加錢選散點 半份/一份📍我地另外散點選了鮮活海蟶（一份）放落雞湯滾熟後更加鮮美十足，隻隻好飽滿🤤口感煙韌套餐得一碟牛當然唔夠我地食啦🦬📍散點叫多碟美國prime牛小排（半份）以上2款牛都值得食😋肉質好嫩📍再另外點個現炸豆皮（半份）新鮮炸起熱辣辣趣卜卜🔥又可以好似響鈴咁浸1,2秒落湯底食⏰️飲品點咗生津止渴楊梅汁唔算太甜，好解渴衝上雲霄

方叔叔火鍋好滋味今日嚟到尖沙咀太子廣場的方法叔叔火鍋吃晚飯，方叔叔位於大廈的19樓，外望開陽海景，店舖裝修古典雅致。我們點了鴛鴦湯底，點了小水母，魚膘，鱔片，潮汕手打牛筋丸，嫩牛肉，香菜牛肉滑，手打蝦滑。這裏的嫰牛肉，真是不可不點的，牛肉十分嫩滑，有肉味，入溶化溶化，好吃。這兒的鱔片真是絕不欺場，又大碟又大件，又是厚切的，我短短的唱分零鐘，已是入口彈牙，充滿魚香味。這兒的魚膘，又是一絕，滿滿的一大碟，由服務生為我們把魚膘，略為剪開，方便烹煮。魚錶入口淡雅，外層滑滑的，又滑又爽。這兒的服務員，彬彬有禮，為我們介紹各式食材，使我有賓至如歸的感覺。

一直都想試【方叔叔重慶老火鍋】，今次終於品嚐了他們的九宮格麻辣大紅鍋，光是打卡已夠吸引，我們選的麻辣挑戰2人套餐亦超級抵食，一次過體驗了多款招牌推介食材。👍用餐前，店員先送上冰糖雪耳糖水滋潤腸胃，非常體貼。🥰 跟手混個傳統醬蘸食材，放入香油、醋、醬油、生蒜、香蔥……夠哂風味。😋接著九宮格麻辣大紅鍋，火紅紅的鍋底麻辣味道非常濃郁，香氣四溢。🔥 配上武隆苕粉、皇帝菜、功夫萵筍片、包漿豆腐、鮮竹笙等等，帶來豐富的麻辣層次感。😋除了基本的食材之外，方叔叔還提供了一些特色的食材，其中我最喜歡的手打魚籽蝦滑，有著彈牙的口感和鮮美的海鮮味道。😋在肉類方面，嫩牛肉和紐西蘭精品羊肉卷是我個人的推薦。嫩牛肉質地鮮嫩多汁，口感極佳；而纽西蘭精品羊肉卷則有著濃厚的羊肉香氣，是喜愛羊肉的人絕對不能錯過的選擇。😋此外，重慶耗兒魚肉質鮮嫩，帶有一絲絲的甜味，而千絲柏葉則口感脆爽。😋最後，還加點了桂花蚌和稻田毛肚。桂花蚌鮮美而稻田毛肚則口感煙韌。😋餐後的冰荔枝非常清甜，仲可以幫忙解辣。🥰 喜愛重慶麻辣火鍋，必要來試試啊！😊

今日專登黎食出名嘅麻辣九宮格，打邊爐睇風景，個維港景仲好靚～中間個格最熱，淥d最快焯嘅野最岩！珊瑚蚌、蒿荀片、白鱔、鮮龍躉片都好快熟，講真真係好新鮮，就算湯底咁濃味都仲食到鮮嫩爽～既然有麻辣湯底，我地梗係要order 鴨血啦，滑呀～真係好襯個湯底～其他野食例如手打魚籽蝦滑、嫩牛肉、皇帝菜、藕片、淮山條、蒿荀片等等，都好好味，特別係個蝦滑彈牙又咬到蟹子粒。最後我發現原來鮮滑魚麵都同麻辣好夾～呢度解辣我絕對推介3樣法寶：第一係芝麻油、第二係洛神花鮮橙特飲、第三係豆奶，有呢幾樣法寶麻辣無有怕～d服務員好細心，又會留意會唔會太猛火、食物架下層嘅野幫你放返上去，仲不時睇吓需唔需要加湯，experience好好～

你敢挑戰！我敢免費🥰記得朋友話想食九宮格重慶麻辣鍋，知道呢間而家做緊九宮格免費，就走去試試佢，我地簡左重慶辣我哋今次叫咗超多嘢食，叫咗咁多嘢食價錢都唔係好貴所以都OK，而且佢可以要半份或者一份，想每樣左食少少嘅就啱晒佢仲免費贈送唯怡豆奶 ，嚟到嘅時候我仲諗緊我哋冇叫，原來係送俾我哋😜另外仲送開胃糖水 雪耳糖水鮮活海蟶我哋叫咗半份，必食，新鮮好爽😄羊肉建議先食，嚟到見到佢好新鮮放耐左佢會變扁咗睇落即刻唔新鮮佢唔會好蘇，幾香幾好食😋
手打四寶丸(半份) 香菜牛丸，香菜豬肉丸，蝦滑，墨魚滑，有特色現炸豆皮(半份) 其實佢就係炸腐竹，但係佢即叫即炸就好香脆鮮鴨血 (半份) 本身麻麻哋鴨血嘅我覺得呢間真係好食😋口感唔錯桂花蚌(半份) 必食，鍾意海鮮必食小郡肝串串 (一份) 鍾意串燒嘅必食，雖然佢細細串，但味道真係好香好濃味小水母 (半份) 開頭覺得好得意，食落先知原來係海蜇，海蜇打邊爐咁食就真係第一次，出奇地好食😋衝上雲霄百香果雞尾酒(含酒精) 超級大杯，超級抵飲

尖沙咀呢間火鍋店人氣鼎盛🤩今次除咗點咗肉類之外，🦐我哋仲點咗好多海鮮。.串鮮蝦都好唔錯，平時食打邊爐嘅蝦，都係一隻隻放落去鑊度，😋佢悉心咁樣幫你用牙籤串成一條，所以煮起身更加方便。晶瑩剔透，新鮮度高。.而且淥熟之後唔使驚會彎起嚟，竹籤1條過，容易剝殼又容易食，🙌🏻拎上手就可以咬到蝦肉，非常方便。食落去蝦肉都好新鮮彈牙，👍🏻香甜爽口。.鮮活海蟶🤤都可以連埋殼一齊，放落火鍋中滾滾熟之後，會微微張開，個樣已經好吸引。有海鮮嘅鮮味，而且煙韌有咬口，✨值得一試。

方叔叔重慶老火鍋，位於尖沙咀北京道12A號太子集團中心19樓。 餐廳主打重慶老火鍋， 有多款湯底，可以選擇麻辣或清湯， 今次我哋揀了鴛鴦鍋。 火鍋配料亦有很多， 我哋都點了不少， 而我比較喜歡的就是大刀牛肝、毛肚、鵝腸、桂花蚌、鮮黃喉、海蟶、水母和苕粉，如果喜歡吃牛蛙就不能錯過了😋，肉質非常鮮嫩，啖啖肉又肥美。 另外很欣賞餐牌上每一款配料都提供火鍋烹調時間👍🏻， 令到食物的味道和肉質都控制得很好。最後必食紅糖糍粑和冰粉， 絕對是重慶火鍋的好拍檔。 喜歡火鍋配料款式多， 絕對值得一試😉。 🏷️溫馨提示～ 整個用餐體驗均屬個人分享意見， 只作參考😊。

方叔叔重慶老火鍋今日突然好想食辣，經過見到方叔叔有呢個九宮格麻辣大紅鍋挑戰，只要你夠膽揀呢個湯底，佢地呢個湯底就會免費，入面超多辣椒同埋紅油，愈滾愈辣，包你試完一定過到癮。食物配菜超多選擇，講到麻辣火鍋就一定要叫毛肚同埋鴨血，呢兩種配菜同麻辣可以話係絕配，毛肚大大塊，爽口唔會韌，鴨血都大大舊好結實，咬入口唔會痴牙。另外我地仲叫左手打墨魚滑，牛仔滑同埋魚籽蝦滑，樣樣都好彈牙，連埋麻辣湯底一齊滾完都仲食到海鮮既鮮味，真係抵讚。而肉類方面我都揀左嫩牛肉，十秒牛舌同埋鮮黃喉，嫩牛肉真係好嫩滑，而且好有牛味，值得encore，牛舌淥左十秒反而仲好彈口，幾過癮，未食過黃喉既一定要試下，果種爽脆口感好特別，而且唔會有腥味。食左咁多肉，我地都叫左同麻辣火鍋好岩配搭既萵筍條同鮮竹笙，萵筍爽口鮮甜，而竹笙就吸左麻辣湯既精華，好惹味。而今次既挑戰，店主都送左2支唯怡豆奶，同平時飲開既豆奶味唔同，佢堅果味重d，都幾特別，岩曬用黎解辣

這店的重慶火鍋真的很有名，跟朋友們只說想吃麻辣火鍋而已，就全都推介這間，真的不得了～九宮格重慶麻辣鍋～即場追蹤他們的社交平台及答對問題就能免費送，這也太大方了😂九宮格每格更分類了煮那些食物，那就更能確保食物美味；眼看鍋裡辣椒滿佈，但吃起來卻能吃的，香辣味濃，但也不用狂喝水那種～鮮豬心～也是很好吃，質感爽脆～手打魚籽蝦滑～蝦滑很Q彈,跟麻辣鍋也很夾～鮮活海蟶～個人私心推介，鮮甜肥美～紅糖糍粑～是流心的，紅糖都放到內裡包裹著，外層則可沾些黃豆粉同吃，外脆內軟，紅糖甜甜的，甜品一流～火鍋中途，侍應還送了每人一支堅果植物奶，很香杏仁味，味道清爽那種，不太甜～

九宮格麻辣大紅鍋望到d🌶️，就知呢煲唔惹小。有普通辣、重慶辣、特辣，我簡左普通辣，辣度都好夠。即場玩遊戲，仲可以免湯底錢，個遊戲好簡單渣，睇影片答問題。鮮活海蟶(半份）$45好鮮甜，吐沙做得好好。手打魚籽蝦滑（半份）$58幾爽彈，好食😋香滷牛腩（半份）$48本身已滷得好淋，搭埋麻辣湯，好食。功夫萵筍片(半份）$28擺盤好靚，絕對係心機菜，30秒岩岩好，入到味又保留到爽口。十秒牛舌(半份）$58牛舌Size岩岩好，顧名思義，淥10秒就夠，幾有彈性。洛神花鮮橙特飲（凍）$48好大杯，酸梅湯做底，可解辣。店鋪好細心，有d火鍋料好似海鮮、肉等唔可以淥太耐，上菜時會俾埋最佳時間。