新肥泉海鮮大排檔

營業中

休息中

晚上去咗佐敦寶靈街17號官涌市政大廈2樓熟食中心嘅新肥泉海鮮大排檔食晚飯。大排檔鄰近西九高鐵站，由西九高鐵站旁的柯士甸站F出口步行過去新肥泉大排檔只需幾分鐘，相當方便。欖菜肉鬆四季豆呢款菜式絕對係一個經典！四季豆炒到剛剛好脆身夠鑊氣，配上鹹香的欖菜同香噴噴嘅肉鬆，味道絕對是絕佳嘅組合，令人回味無窮。豉油王新鮮鵝腸佢嘅鵝腸新鮮彈牙，炒得恰到好處，滋味鮮美，配上豉油王醬汁同爽脆的芽菜，令口感及味道更加豐富。砂鍋新鮮魚頭煲如果你鍾意砂鍋，一定要試試佢嘅砂鍋新鮮魚頭煲。熱辣辣上枱的魚頭煲，香氣四溢，魚頭肉鮮嫩多汁，味道鮮美，再加埋薑蔥蒜，令魚頭更惹味，真係食到舔舔脷。#新肥泉海鮮大排檔

新肥泉海鮮大排檔近月推出3款任飲任食，$288、$388和$488，限時90分鐘，夠鐘服務員會來看枱上食物，每碟不可吃剩一半以上，否則要比該碟食物的正價。我們選左： $488 /位 ，金銀蒜蒸蟶子：有蒜蓉伴粉絲的蟶子味道鮮甜很爽口彈牙。💕💕金銀蒜蒸大扇貝：很新鮮味美，可惜粉絲不太入味。😍😍椒鹽鮑魚：鮑魚味鮮甜，脆口味香。白灼海蝦，新鮮又甜，點些辣椒豉油更正。豉椒炒大蜆：細隻蜆肉都甜，勝在沒有沙，味道不錯。炸BB乳鴿：皮脆肉嫩，細隻肉少，伴碟蝦片好吃肥泉小炒王 ：材料豐富，炒得好香，夠鑊氣。值得推介。👍👍鮮魷炒通菜：大大隻新鮮鮮魷很鮮甜可口，通菜很嫩。任飲：有可樂、雪碧、忌廉、橙汁、大紅袍茶、青檸梳打水。

新肥泉海鮮大排檔(佐敦)今日收工，老公話同個朋友一齊去飯堂食飯，叫我一齊去🥳，原來就係嚟咗呢間新肥全海鮮大排檔。成日聽老公講話平靚正，今日終於可以嚟試吓😆😆一入去個環境都唔差，地下係好乾爽，唔會濕立立，讚👍👍而個廚房好似開放式咁，係可以見到廚師點樣炒碟餸👍👍所以食得好安心🫶🫶蝦醬炒通菜 $98份量好多！加埋蝦醬味道啱啱好👍海鹽香煎雪花和牛粒（小） $118雪花和牛煮得好出色，火候控制得好好，食落每一粒都好鬆軟，唔會硬骨骨👍👍🤤諗起都想食！下次可以叫大份，食得滿足啲🫣🫣豉汁蒸白鱔 $168又係好大一碟蒸白鱔，加埋豆豉，好啱送飯，而且每一塊都靚位，唔係鱔尾！超開心🥳啲肉質仲好彈牙！鳳梨雞球 $108酸酸甜甜好開胃，雞球炸得外脆內軟，加埋洋蔥🧅，青椒同菠蘿，睇落好靚👍👍整體嚟講味道好正，又抵食！怪唔之得老公當佢係飯堂啦👍👍

今日趁住落左N日雨，天氣凍番啲，同臭屁熊食番啲港式地道風味大排檔。通常呢類餐廳係熟食市場多，我同臭屁熊就去開北角個邊，今次就去佐敦個邊既新肥泉海鮮大排檔試吓。近排呢間餐廳都有啲傳媒宣傳，話大排檔出放題任食套餐。本身好中意食大排檔野，有咁既放題當然去試下啦！睇餐牌先知佢有幾個唔同既放題餐，分別有小炒煲仔、火鍋、海鮮小炒三種。最平既係只有小炒既放題($288)，其次係連火鍋($388)，最後係連埋海鮮小炒($488)。睇Openrice comment 發現餐廳係嚴格執行「食剩食物收費」條款，我怕臭屁熊食幾啖就飽，最後都係決定單點小炒_➤胡椒豬肚雞湯(一隻) $228碗湯份量十足，超多雞，超大盆！黃油雞精華係哂碗湯到，完全飲得出雞湯既清甜味，仲突出過胡椒味。豬肚乾淨，爽口彈牙。雞湯加埋啲白飯，自制湯飯，好好食！➤黑椒薯仔牛柳粒 $138牛柳粒大粒，肉質厚實，唔會太韌。薯仔同牛柳粒都有蜜糖味，經典港式小炒！➤汽水 $12/罐_🍽味道指數:★★★☆☆📷環境指數:★★☆☆☆🛎服務指數:★★★☆☆💰抵食指數:★★★☆☆😋推薦指數:★★★☆☆📍新肥泉海鮮大排檔

唔知幾時開始，呢度已經變咗我嘅飯堂🤣🤣🤣 一個月一定會有一次嚟呢度食，最主要係貪呢度夠獲氣有交通方便！豉汁蒸白鱔白鱔肉質鮮嫩，入口即化。豉汁蒸得剛剛好，唔會太鹹，令白鱔嘅鮮甜味道更加突出。豉汁都好入味，帶嚟一份濃郁嘅豉汁香氣，令人食得好過癮。🤣🤣🤣薑蔥魚卜煲魚卜鮮嫩多汁。而個煲底嘅湯汁都好鮮甜，調味適中，唔會太鹹🤩🤩🤩涼瓜炒牛肉。咁啱有少少熱氣，食返啲涼瓜就啱啱好，涼瓜炒得剛剛好，保持住啲脆度，口感爽脆。牛肉炒得嫩滑，帶嚟一份鮮香嘅牛肉味道，同埋啲薑蔥炒香嘅香氣，係一份好平衡嘅炒菜。🍳🍳🍳

《惹味鑊氣小炒🔥》———————————————-#新肥泉海鮮大排檔 ☄️-早排有朋友喺內地嗰邊落嚟探我哋，我哋專登喺高鐵站附近搵咗間港式大排檔俾佢試吓😘 行過嚟唔使10分鐘，非常方便🚝-🐔 鮑魚雞煲上菜時咋咋聲夠哂熱辣辣，雞件都幾軟嫩，醬汁煮到入哂味，味道濃厚☺️ 呢個價錢仲有得食埋鮑魚，口感爽口彈牙😙-🦀 避風塘軟殼蟹份量十足！脆漿夠薄身，炸得超鬆脆，保持到軟殼蟹肉質感，而且夠哂啖啖肉😍 避風塘略帶微辣，仲有好多炸蒜，超正😋-🦐 蝦醬通菜食咁多肉一定要叫返個菜平衡下，呢個炒通菜夠哂大碟，而且炒得好有鑊氣，上面沾滿蝦醬，零舍惹味🤤-⭐️價錢參考：鮑魚雞煲：$188避風塘軟殼蟹：$168蝦醬通菜：$88🍌抵deal 指數：7/10💰人均消費：$250

海鮮大排檔有鑊氣今晚來到官涌街市2樓的新肥泉海鮮大排檔吃晚飯，大排檔雖然坐落在冇冷氣的官涌街市，但檔口設置很多部冷風機，配上有大量吊扇，所以也覺得很涼快。我們點了豉汁蒸大鱔，黑椒牛仔骨，兩隻BB乳鴿。豉汁蒸大鱔$168份量十分多，厚厚片的，大大件，所用的大鱔亦是優質的，好可口。黑椒牛仔骨$128，黑椒配上洋蔥，青紅椒，很有鑊氣，牛仔骨份量亦很多，大滿足。BB鴿$52一隻，BB鴿體型不算太少，鴿內有肉汁，很可口。這份晚飯質素不錯，吃後都很滿足。

振興夜經濟，佐敦除了廟街，亦可來官涌街市大排檔，今晚附近收工，來食明火夠鑊氣小炒。與從前沒變，人氣好像更好，明火，鑊氣足的食肆已賣少見少。這裡竟有任飲任食（啤酒除外）$288/位，限時90分鐘（加一服務費）到底散點化算還是任食？ 問了侍應姐姐，餸菜是正常例牌，不會因只是二人而細碟了，所以試了任點。每次每人限點兩款，第一輪 ：「小炒王」保持水準，幾夠鑊氣。「七味粉椒鹽豆腐」火喉控制恰到好處，炸得外脆內嫩，點喼汁，一啖一粒，正！不過小心燙口。「海鹽香煎雪花和牛粒」切到一粒粒正方形，亦可一啖粒，有牛味及油香，微鹹，肉質鬆軟，煎香啲更好。「菠蘿拔絲咕嚕肉」雖然唔係太拔絲，但甜酸味調得唔錯，用豬扒切件做，幾有咬口，又惹味，配菜-燈籠椒和菠蘿一件不留。「青檸梳打」以為用真青檸加梳打水，原來是玉泉樽裝。「梳打水」是支裝，第一次飲，好夠氣，大啖飲更過癮。第二輪追加-「上湯浸菜膽雞」生菜底加玻璃芡，足半隻雞，雞皮彈牙，肉質也鮮嫩。最後來多個 「啫啫芥蘭」煲仔上，仲渣渣聲，有微煙，芥蘭爽脆無渣，如果可以略為淡味少少更好。整體不錯，份量足夠對得住價錢。下次約多幾個朋友再來，可選擇海鮮或打邊爐放題，不過最重要

其實呢啲熟食中心一般都唔會太差，要搵一間難食既排檔真係唔容易，新肥泉可以話係我食過最差！份量唔足，味道淡而無味，又無鑊氣…通菜炒牛肉；牛肉無味，通菜煮到一Pat野，失敗！大牛肉粒：細過出面例牌唔洗講，白烚上枱都算，但完全食唔到肉味，真係失敗！手渣豬仔骨有啲味，但豬肉係薄切，預想係好似雞槌咁一枝骨加一舊肉，點知上枱只係一把扇，自己期望太高，失望！炸子雞：皮脆，但雞肉梅梅地，無肉味係佢哋招牌….再加一個豉油皇鵝腸6罐汽水，承惠$900. 呼喻全港街坊都唔洗去食了！

新肥全海鮮大排檔位於佐敦官涌市政大廈熟食中心，餐廳提供手機應用程式點餐服務，自助點餐方便快捷。餐廳內設置了多個大型風扇，即使在夏天也能享受到涼爽的用餐環境。 推薦試試他們的鮑魚雞煲$188新鮮的鮑魚炆得入味又多汁，雞肉使用的是走地雞，口感鮮嫩有彈性，配上薑蔥的香氣更加美味。而且，鮑魚雞煲上桌時非常熱騰騰，地道的煲仔風味讓人垂涎欲滴。 椒鹽軟殼蟹$148也非常出色，軟殼蟹炸得酥脆，搭配椒鹽的調味非常開胃，而且軟殼蟹沒有腥味，絕對值得讚賞。 最後，我點了肥泉小妙皇$118這道菜份量十足。主要的成分是韭黃和大蝦乾，還添加了魷魚、小魚乾和腰果，口感豐富多樣。特別是魷魚，非常彈牙爽口。 總的來說，如果你喜歡風味濃郁的大排檔小炒，新肥全海鮮大排檔絕對是一個不錯的選擇。

絕對係比麻甩同事燒到😂😂大排檔放題，成件事超吸引！所以一於帶埋閨蜜嚟暴飲暴食😎佢哋嘅小炒、豬牛雞菜式，選擇都幾多不過就要留意都有啲規則要遵守每人每次只可要嗌兩款有時間嘅話，坐低之前就好睇定個餐牌啦😈😈環境算係幾乾淨嘅都幾多枱，晚飯時間嚟到好熱鬧吓👍🏼大排檔美食，配汽水，爽！手拍小黃瓜🥒清新，清爽啫啫唐生菜煲香噴噴，雖然只係蔬菜，但係都好惹味！好用心製作當紅炸子雞可以選擇半隻或者一隻，其實雞嘅選擇都幾多，有砂礓雞、蔥油霸王雞、辣子雞、菜膽上湯雞等等。叫咗隻炸子雞，就好似去咗飲宴咁，超奢侈😂😂蝦片脆卜卜，同啲雞皮一樣！隻雞唔會太肥，冇乜肥膏，啖啖肉，又唔會太鹹，唔錯！黃金涼瓜份量比想像中大堆頭😌😌鍾意食苦瓜嘅朋友表示非常滿意黃金外皮睇落唔厚，但食落好香脆！整體冇乜油膩感覺涼瓜嘅苦味後勁強勁，超正！海鹽香煎和牛粒(小)依一款小菜可以選擇大或者少嘅份量牛肉粒都幾高質，軟熟，冇太多花巧嘅調味，反而仲好☺️腰果黑醋骨非常高質嘅一碟小菜！黑醋汁濃稠，酸酸甜甜，超開胃。雖然叫做黑醋骨，但係骨頭唔多，反而比較似肉排👍🏼👍🏼腰果份量都好多，香脆！整體用餐感覺都唔錯，風扇非常強大，成日都想吹走我個餐牌，雖然係

//12 09 23 晴天🌞19:30 佐敦 官涌市政大廈 新肥泉海鮮大牌檔/ 搞搞新意思 ——— 中式小炒放題 /大牌檔比人有種無拘無束、自由自在嘅感覺，周不時約埋三五知己：飲啤酒🍻、食小炒，盡訴一日所遇嘅喜怒哀樂💬。正因為呢種獨特嘅飲食文化，深深吸引咗大批嘅外藉遊客慕名到訪。雖然，「大牌檔」早喺五、六十年代已經出現，但「佢哋」都一直與時俱進，除咗不斷研發新菜式之外，近期更有「大牌檔」搞搞新意思😍，推出90分鐘任食放題。「新肥泉海鮮大牌檔」90分鐘小菜放題，當中有過百款港式小炒、砂窩煲任勻選擇🇭🇰。而且全部食物都即叫即整，保證有一定嘅質素👍🏻。/全靠「肥泉」，香港終於有第一間屬於自己嘅港式小炒放題啦🎉！-90分鐘小炒放題 HKD$288———————————————————————辣子雞 x 半隻：雞肉夠新鮮、份量多 醃製得非常好，絕無雪藏味 雞皮炸到脆脆哋 食起嚟非常香口而且唔會有好厚嘅炸粉有驚喜，炒得夠乾食，送啤酒一流椒鹽鴨舌：鴨舌完全唔腥 就好似食緊椒鹽鮮魷一樣味道焦香，十分惹味粉漿炸得夠酥脆 滿滿椒鹽香味入口唔會覺得油膩 點埋佢哋嘅喼汁 超級開胃 完全食到停唔到口麻辣嗦螺：

今晚約咗舊同事聚會，佢帶咗我嚟佐敦熟食中心食晚餐估唔到咁地道的大排檔，環境乾淨企理天花板都掛著不同顏色的燈泡好有氣氛周圍都有大型風扇，冇想像中咁熱最估唔到大排檔竟然都有放題最後我哋揀咗A 90分鐘小炒+煲仔放題問咗店員除咗包指定飲品，仲包喜力及森堡啤酒任飲😁落單後好快就上菜～豉油王新鮮鵝腸鵝腸爽口軟滑配埋底下的清爽芽菜，真係啱哂送啤酒菠蘿拔絲咕嚕肉賣相相當吸引～橙色酥脆外皮而內裡軟嫩綿密，食落酸酸甜甜且口感飽滿，配埋爽口青椒及清新菠蘿，真係色味俱佳 芥末牛柳粒鮮美軟嫩的牛柳粒加上後勁辛辣芥末醬，食落滋味無窮又夠過癮，底下仲有些水果粒平衡返嗆辣味豬膶啫啫鮮雞煲上菜時仲咋咋聲夠哂熱辣辣～豬潤片夠大片且厚實，食落味道濃厚又新鮮雞件鮮美軟嫩又入味，加埋洋蔥鮮菇真係夠哂惹味呢個價錢任食仲有啤酒任飲，真係認真抵食而且環境整潔，味道又不錯，性價比高～值得再來～

今次試左間任食1.5小時既小菜放題，有小菜又有海鮮✨——————🐽 炸子雞香脆可口，雞肉嫩滑而且充滿雞香，食落真係好滿足🐽 蒜蓉蒸扇貝扇貝嘅肉質鮮嫩，配上蒜蓉嘅香味，d汁同粉絲撈埋曬，送飯勁惹味🐽 黃金炸九肚魚香脆可口，魚肉鮮嫩，炸得恰到好處，外面包住一層黃金咸蛋勁邪惡，口感和味道都十分出色🐽 蒜蓉豆豉蒸鱔鱔魚嘅肉質緊實，配上蒜蓉和豆豉嘅香味，味道十分濃郁，食落真係好滋味。🐽 蝦仁炒蛋蝦仁鮮嫩彈牙，配上炒蛋嘅滑嫩，真係一個完美嘅組合🐽 鮮茄蕃茄什菜煲清香滿溢，什菜鮮嫩，配上鮮茄嘅酸甜，絕對係清新健康之選🐽 鮑魚啫啫雞煲雞肉燉得十分嫩滑，鮑魚則是口感鮮嫩，啫啫汁嘅味道又香又濃郁，整體味道十分滿意。

薑蔥生蠔煲 $168新鮮，非常好味咬落去好多汁 , 而且肥美 , 用來送飯一流必吃👍👍👍👍👍鼓汁蒸白鱔 $168白鱔新鮮彈牙 , 大大條 , 鼓汁蒸得入味好好味避風塘炒軟殼蟹 $168軟殼蟹外脆內軟，蟹肉非常新鮮, 又香口，好惹味！！！！好好味必食👍👍👍👍👍 新肥泉海鮮大排檔 地址佐敦寶靈街17號官涌市政大廈熟食中心2樓港鐵柯士甸站 F 出口, 步行約4分鐘