新肥泉海鮮大排檔

營業中

休息中

新肥泉海鮮大排檔，位於佐敦嘅官涌熟食中心，地點都算方便，喺地鐵站行過嚟唔算遠💪🏻今次嚟食小菜放題，價錢唔算貴，望住廚師炒到着晒火🤩見到都流口水，小菜放題仲要任飲啤酒🍻居然係青島，消消暑就開餐😌海鹽香煎雪花和牛粒(大)，上菜超快，有牛油香，一口size，一咬爆牛汁😋幾嫩滑，海鹽煎都幾惹味👍🏻鹹魚雞粒豆腐煲，超大份，雞肉好正，煎咗好有鹹魚香，好味😎豆腐都幾滑，高質嘅調味，整體幾唔錯老乾媽炒四季豆，老乾媽好惹味，加埋菜甫成個餸辣辣地送酒一流😍味道好好，當紅炸子雞半隻，蝦片冚住啲雞一揭開個皮都幾脆😳雞唔油幾滑幾濃味👍🏻放題食晒四個仲可以再嗌，但個份量真係多到食唔落，最後只係追加咗一個XO醬爆牛柏葉，好大煲，XO醬好香炒到連西芹都掛晒汁😘牛柏葉爽身連XO醬好夾好惹味💟咁有鑊氣嘅小菜，又夠晒大碟，呢個價錢任食有呢個質素都真係相當抵🥳鍾意小炒嘅你要嚟試吓啦🙌🏻🙌🏻

放工去佐敦辦事，順便同老細搵食。朋友極力推薦呢間「新肥泉」，話佢哋嘅小炒夠晒鑊氣，一於去會一會佢！ 🍤 蒜片頭抽煎海蝦 一上枱就聞到陣陣香氣，每隻海蝦都有手掌心咁大，蝦殼煎得金黃脆身。蝦肉結實彈牙，頭抽嘅鹹香恰到好處，唔會蓋過蝦嘅鮮味。最正係連蝦頭都有膏，吮埋啲蝦汁真係好滿足！ 🦪 碧綠炒象拔蚌花枝片 象拔蚌片切得厚薄適中（當然唔係新鮮象拔蚌啦～🤭😅），花枝片雪白爽脆，兩樣海鮮都炒得剛剛好熟。配菜用咗西蘭花，沾滿咗海鮮嘅精華，仲保持到翠綠爽口。最欣賞佢哋嘅火候控制，完全冇過火變韌。 🐸 避風塘炒田雞 田雞雖然唔係件件都係髀位，但夠晒大隻，啖啖肉之餘仲好嫩滑。避風塘炒法夠晒香口，洋葱片、蒜粒同辣椒乾爆得脆卜卜，微辣惹味但唔會太刺激，送啤酒一流！ 🐮 豉椒炒牛柏葉（老細至愛） 平時食開豉椒鮮魷、鵝腸就多，第一次見用牛柏葉咁特別！牛柏葉切得夠薄，炒得爽口得嚟完全唔韌，豉椒汁掛得均勻又唔會太鹹。老細大讚有驚喜，話下次嚟一定要encore呢味！ 呢度價錢相當親民，難怪我哋食到一半已經全場爆滿。如果想搵間有鑊氣又抵食嘅大排檔，新肥泉絕對係佐敦區嘅隱世好選擇！ **溫馨提示**：

難得約咗朋友出去食大排檔，咁啱見到喺佐敦有一間大排檔任食，$288一位再加一，都幾吸引，所以就試吓佢食物嘅款式都好多，有小菜，煲仔，仲有小食湯羹同埋炒粉麵，嘢飲都有啤酒汽水同埋茶每個人可以叫兩個餸，咁我哋前後叫咗四個餸再加兩個嘢飲， 120分鐘都好夠食等咗一陣就上菜，小炒王入邊都好足料有蝦米腰果，仲有魷魚，好夠鑊氣金沙雞翼，一上枱已經好香，雞翼好入味，而且外面佈滿蛋黃，煎炸嘅時間啱啱好，個皮好脆口，大家都食唔停魚香茄子煲，真係啱啱煮起，好多茄子同埋肉碎，味道啱啱好唔會太鹹，就算冇飯都可以，而且有少少辣椒吊味芥末牛柳，佢有少少辣，但係好開胃，而且佢啲牛肉好腍，唔會太硬咬唔開呢間小菜嘅質素都幾高質，其實就算散叫都唔會太貴，下次都會再返轉頭再試其他餸

香港最有特式既美食點少得大排檔 . 今日黎左係佐敦區官涌熟食中心既新肥泉海鮮大排檔 ! 位置近柯士甸站 , 出站行出去已經見到市政大廈 , 而二樓就係熟食中心 , 入面有好多唔同鋪頭 , 揀左人氣最旺既新肥泉 . 同朋友唔太肚餓 , 兩個人叫左三樣小菜岩岩好芝士大带子伊麵芝士濃郁 juicy , 帶子鮮甜份量多 , 配上伊麵食其實都好夠飽肚 , 芝士拉絲又邪惡又惹味豉汁蒸白鱔黎到當然要食海鮮 , 揀左本身都好中意食既白鱔 , 鱔肉香甜鮮嫩 , 口感夠哂爽口 , 完全冇腥味 . 食得出食材用料好新鮮 , 另外肉汁同豉汁融合得好好 !家鄉生煎蓮藕餅份量多之餘又炸得好香口 , 炸粉唔會太多 , 又脆口蓮藕餅味又香濃 , 愈食愈食到停唔到口

唔知大家有冇同感，閒時約埋朋友去大排檔食餐好，真係好治癒！之前食過新肥泉大排檔，一食鍾情，今次又約埋朋友再去回味！從高鐵站行過去都係幾分鐘路程，超級方便～😊今次必點嘅海味雜菜煲，真係誠意滿滿！各種新鮮蔬菜堆到滿瀉，兩個人食都綽綽有餘，清甜嘅蔬菜吸滿海味鮮汁，口感層次超豐富，必須比個 like！👍蒸白鱔一端上嚟，海鮮香味撲鼻而來！白鱔蒸得火候啱啱好，肉質軟嫩得嚟又唔會散，醬汁調配得剛好，微微嘅鹹香滲入每一絲肉質，新鮮食材加上師傅手藝，食落肚成個人都暖笠笠～最令人驚艷嘅要數乾炒牛河！超級够獲氣，每啖都有油香❤️鍾意大排檔美食嘅朋友，記得去試試啦～

今日朋友帶我去官涌市政大廈2樓，原來有間大排檔，成層都係得佢做生意。雖是大排檔格局，但冷氣風扇齊全，夜晚黎食都幾舒適。6:30到唔洗排隊，但到7點全場已經爆滿。 兩個人嗌左三個餸，第一個係招牌豉椒炒花甲，都幾佩服佢將每粒花甲只留帶肉半邊殼！成碟都係純肉無空殼冇空氣，豉椒炒夠晒鑊氣。 第二個係避風塘軟殼蟹，個蟹炸到超薄，蟹肉飽滿仲食到少少膏，惹味但又唔會死鹹，全部都可以咬到全吞～ 第三個係龍滾燙海味什菜煲，湯底好鮮甜，菜心、白菜、粉絲吸盡蝦乾冬菇精髓，而魷魚整到好林。 下次有朋友黎香港都會帶佢黎食～

🍽️ 椒鹽鴨舌：呢個一上枱就俾佢嘅香氣吸引住！鴨舌炸到脆卜卜，椒鹽味十足，食落好有嚼勁，真係送酒一流！👍 一隻接一隻，好快就清晒碟！🍽️ 手拍小黃瓜： 小黃瓜拍到粒粒分明，口感爽脆，配埋酸辣嘅醬汁，食落好開胃，辣到噴火嘅時候食一啖，即刻降溫！🔥🍽️ 豬潤啫啫鮮雞煲：個煲一上枱就熱辣辣，雞肉嫩滑入味，豬潤又夠晒鮮甜，仲有好多其他配料，個汁又香又濃，撈飯一流！🍚 🍽️ 可愛BB鴿一隻：乳鴿炸到皮脆肉嫩，一撕開就見到啲肉汁流出嚟，味道好香濃，啖啖肉食得好滿足！🐦呢間大排檔真係好有香港特色，枱枱凳凳都係咁有風味，好似返咗以前咁！雖然環境比較熱鬧，但反而更有氣氛，一班人食飯真係好開心！🥳 飲埋佢哋支大紅袍茶，完美KO餐飯！😎

貴的 唔好食 5個餸n drink 加白飯小食（花生）差唔多成千蚊伏了🙏🏻冇嘢好食 咸香冇香芝士（西蘭花d水）西蘭花 白烚完好juice（啲水🥶薯仔牛柳粒咸到傻貴的 唔好食 5個餸n drink 加白飯小食（花生）差唔多成千蚊伏了🙏🏻冇嘢好食 咸香冇香芝士（西蘭花d水）西蘭花白烚完好juice（啲水🥶薯仔牛柳粒咸到傻貴的 唔好食 5個餸n drink 加白飯小食（花生）差唔多成千蚊伏了🙏🏻冇嘢好食 咸香冇香芝士（西蘭花d水）西蘭花白烚完好juice（啲水🥶薯仔牛柳粒咸到傻

叫左4樣餸，5分鐘內起鑊，大排檔師傅真係好勁，小炒起菜快，值得一讚。黑椒薯仔牛柳粒我最中意既一道菜，薯仔好脆，有蜜糖味，牛柳粒夠入味，好正宗！而且份量夠大，好味蝦醬炒通菜蝦醬味道濃，菜份量多，有鑊氣，唔會太多油椒鹽九肚魚炸得非常之酥脆，而裏面肉質細嫩，連骨都可以一齊食埋，調味唔會太鹹，真係食完一舊仲想再食咸魚雞粒炒飯一上菜已經聞到咸香味，師傅炒得好有鑊氣，飯粒分明，雞肉依然保持鮮嫩，咸魚味恰到好處，令人食唔停口

新肥泉，位於佐敦嘅一間大排檔，今次叫左四個餸😆都幾出色，唔錯唔錯😙海鹽香煎雪花和牛粒，外層微焦，入口即化，油脂分佈均勻✨ 簡單調味已經好好食🫶🏻完全唔需要多餘醬汁😙欖菜肉鬆四季豆🐽 鹹香中帶微甜，欖菜點綴得啱啱好，唔會搶走四季豆清甜。炒得都幾爽口，唔油膩😌😍正！✨鹹魚雞粒豆腐煲😗食第一啖係超級惹味，豆腐吸晒醬汁精華，滑溜入味🤓😳 雞粒嫩滑，鹹魚鹹香突出，配埋豆腐一齊食，真係想即刻叫返碗「靚仔」黎食下😋當紅炸子雞半隻，皮色金黃👻 雞皮炸得超脆，咬落去有卡滋聲，雞肉依然保持嫩滑多汁，完全唔鞋口🫶🏻，鹹香味道啱啱好🐽😌

帶外國朋友黎體驗香港大排檔文化，感受當中風味，位於佐敦官涌熟食中心「新肥泉海鮮大排檔」絕對是不容錯過的選擇。做緊最新$288 任飲任食放題小菜，比想同朋友相聚但又怕OUT BUDGET的朋友仔。基本上叫超過三碟都回曬本。$288 任飲任食小菜同煲仔，限時120 分鐘，每轉最多叫四碟，要食曬先可以叫下一轉，不可浪費。老乾媽炒四季豆：是一道非常下飯的家常菜，結合了四季豆的清脆和老乾媽豆豉醬的香辣，味道層次豐富。香辣濃郁，老乾媽的豆豉、辣椒和香料帶來咸鮮微辣的風味，滲透到四季豆中，開胃十足。加埋豆豉醬香，豆豉的發酵香氣讓整道菜更有深度，比普通清炒更醇厚。夠曬鑊氣，外皮微皺、內里脆嫩，裹著醬汁很入味。 黑椒薯仔牛柳粒：現磨黑胡椒的辛辣味滲透牛肉和土豆，帶來微衝的香氣，後味略帶溫暖感。牛肉的嫩滑多汁，牛柳粒通常用蛋白或澱粉醃制，口感軟嫩，吸附黑椒醬汁後肉香濃郁。 薯仔香煎或炸至外皮微脆，內里粉糯，表面裹滿黑椒汁，咸香中帶澱粉的甘甜。 豬潤啫啫雞煲：豬肝的嫩滑、雞肉的鮮香和濃郁的醬汁，煲仔快速焗煮，讓雞肉和豬肝表面微焦，散髮出濃郁的焦香味，豬肝處理得宜、外焦里嫩，略帶粉糯口感，無腥味。蠔油、

有時一班朋友想吹吹水，啤一啤，就會揀香港地道大排檔，除咗份量多又抵食之外，仲唔會趕人走可以坐耐d 都唔怕！呢間大排檔位於佐敦熟食中心，地鐵站行過去都好近，雖然街市入面環境一般，但地方闊落，一圍枱都坐得自在。😋 味菜炒牛柏葉 ~ 酸酸鹹鹹既惹味又開胃，加上牛柏葉夠晒爽彈，極力推介！另外仲叫咗沙爹肥牛煲、千島汁蝦球、炸子雞、咸魚雞粒炒飯、銀牙豉油王炒麵等等，碟碟都夠晒鑊氣，香港本土大排檔風味就是如此！唯一有少少挑剔就係個粟米魚肚雞粒羹鹹咗少少 🙈🙈

佐敦站D出口出. 經過好有香港特色的小販檔乾貨街市，就到「官涌市政大廈熟食中心」 裡面有幾間大排擋今次試 「海鮮大排檔」!我都嚇一嚇，因為己經晚上１０點，仲有咁多人。。。香港夜繽紛～～　個廚房仲要係開放式， 見到火光熊熊 ～～ 鑊氣十足的小炒和海鮮！！！ 藤椒魚皮 ($68) 藤椒的辣好過癮 ~ 辣度剛好，魚皮完全沒有腥的怪味~ 送酒一流!!豉汁蒸白鱔 ($168)選用新鮮白鱔，肉質厚實肥美。豉汁調味恰到好處，鹹香入味，配白飯， 好味~ 金銀蒜蒸聖子王 (6隻$198)聖子王size頗大，搭配大量蒜蓉和粉絲蒸製。蒜香濃郁，聖子鮮甜，一啖入口相當滿足。餐廳位於熟食中心內，環境雖簡樸但都叫整潔。 菜式鑊氣十足，海鮮新鮮度有保證。 除小炒外，還提供火鍋和烤魚等選擇。

👈🏻新肥泉海鮮大排檔#japjapjap_佐敦#japjapjap_港式椒鹽九肚魚拼鮮魷 $168識嗌一定嗌雙拼咁就可以滿足晒兩個嘅願望🤩份量十足九肚魚嘅嫩滑同魷魚嘅彈牙形成強烈嘅對比好有口感 海鹽香煎雪花和牛粒 $108Order咗細份嘅和牛粒一上枱都比我預期嘅多用海鹽輕輕咁調味就更加帶出牛嘅鮮味👅每粒和牛粒都好有油脂香酥炸墨魚餅 $128必叫嘅一道菜墨魚餅炸到金黃色❤️外面脆卜卜 入面就好彈牙啖啖嘅墨魚肉 好有口感點埋泰式辣醬冇得彈可愛BB鴿 $52BB鴿燒到個皮好脆入面嘅肉質都好嫩滑又多汁配埋啲蝦片 好邪惡💕Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟📌服務：🌟🌟🌟🌟🌟餐廳名:新肥泉海鮮大排檔地點:佐敦寶靈街17號官涌市政大廈2樓熟食中心⏰:Mon-Sun 1200-23:45

噚晚同老友喺高鐵嗰邊過嚟新肥泉海鮮大排檔食小炒，入面熟食中心所以好有ｆｅｅｌ～🐟 黃金魷魚（$148）呢味黃金魷魚，炸到外皮金黃酥脆，啖啖魷魚肉滑溜彈口唔腥，鹹蛋黃香味濃郁～配啤酒一流！🦐 沙爹粉絲蝦煲（$168）一打開煲蓋就聞到超香沙爹味，粉絲吸晒啲蝦同沙爹汁，啱晒鐘意重口味嘅朋友。蝦都夠大隻，肉質爽口彈牙。🐄 黑椒牛仔骨（$128）牛仔骨煎到啱啱好，外焦內嫩，黑椒醬香濃惹味，唔會太鹹，食到最後都唔覺膩。啱晒配碟白飯，真係想再encore多一碟！／／／／／／／／／／／／／／／／／／  [📌] 佐敦寶靈街17號官涌市政大廈2樓熟食中心—————————-—————————-Overall 💗💗💗💗 #新肥泉大排檔